ହାତରେ ମିଶାଇଲେ ହାତ; ଚର୍ଚ୍ଚାରେ ସଙ୍ଗୀତ ନିର୍ଦ୍ଦେଶକ ଗୁଡଲି ରଥ ଓ ଗାୟିକା ପମି

ଓଲିଉଡର ଆପଣଙ୍କ ପ୍ରିୟ ଏହି କଳାକାର ହାତରେ ମିଳାଇଛନ୍ତି ହାତ । ସଙ୍ଗୀତ ନିର୍ଦ୍ଦେଶକ ଗୁଡଲି ରଥ ଏବଂ କଣ୍ଠଶିଳ୍ପୀ ପମି ମିଶ୍ରଙ୍କୁ ନେଇ ଏବେ ସବୁଠି ଚର୍ଚ୍ଚା ।

ହାତରେ ମିଶାଇଲେ ହାତ; ଚର୍ଚ୍ଚାରେ ସଙ୍ଗୀତ ନିର୍ଦ୍ଦେଶକ ଗୁଡଲି ରଥ ଓ ଗାୟିକା ପମି

ହାତରେ ମିଶାଇଲେ ହାତ; ଚର୍ଚ୍ଚାରେ ସଙ୍ଗୀତ ନିର୍ଦ୍ଦେଶକ ଗୁଡଲି ରଥ ଓ ଗାୟିକା ପମି

  • News18 Odia
  • Last Updated :
  • Bhubaneswar, India
  • Share this:
News 18 Odia Digital

ଭୁବନେଶ୍ୱର; କଂଗ୍ରେସ ହାତରେ ହାତ ମିଳାଇଲେ ଓଡ଼ିଆ ସଙ୍ଗୀତ ଜଗତର ଜଣାଶୁଣା ତଥା ପ୍ରତିଷ୍ଠିତ ସଙ୍ଗୀତ ନିର୍ଦ୍ଦେଶକ ଗୁଡଲି ରଥ । ଗୁଡଲିଙ୍କ ସମେତ କଣ୍ଠଶିଳ୍ପୀ ପମି ମିଶ୍ର ମଧ୍ୟ କଂଗ୍ରେସରେ ଯୋଗ ଦେଇଛନ୍ତି । ପିସିସି ପ୍ରଭାରୀ ଏ ଚେଲ୍ଲା କୁମାର ଏବଂ ସଭାପତି ଶରତ ପଟ୍ଟନାୟକଙ୍କ ଉପସ୍ଥିତିରେ ଉଭୟେ କଂଗ୍ରେସରେ ଯୋଗ ଦେଇଥିବା ଦେଖିବାକୁ ମିଳିଛି ।

ପୂର୍ବରୁ ଗୁଡଲି ରଥଙ୍କ ବାପା କଂଗ୍ରେସ ଦଳର ବିଧାୟକ ଥିଲେ । ଗୁଡଲିଙ୍କ କହିବାନୁଯାୟୀ ସେ ରାହୁଲ ଗାନ୍ଧିଙ୍କ ଭାରତ ଯୋଡ଼ୋ ଯାତ୍ରାରୁ ଅନୁପ୍ରାଣିତ ହୋଇଛନ୍ତି । ସେହିପରି ପମି ମିଶ୍ର ମଧ୍ୟ କଂଗ୍ରେସ ଦଳ ସପକ୍ଷରେ ରହିଛନ୍ତି । ଉଭୟେ କଂଗ୍ରେସରେ ଯୋଗଦେବା ପରେ ବର୍ତ୍ତମାନ ସେମାନଙ୍କୁ କେଉଁ ଦାୟିତ୍ୱ ଦିଆଯିବ ସେନେଇ ସବୁ ମହଲରେ ଚର୍ଚ୍ଚା ଲାଗି ରହିଛି । ରାଜ୍ୟରେ କଂଗ୍ରେସର ସ୍ଥିତି ଏତେଟା ଭଲ ନଥିବା ସମୟରେ ଓଲିଉଡର ଦୁଇ ପରିଚିତ କଳାକାର କଂଗ୍ରେସରେ କାହିଁକି ଯୋଗଦେଲେ ସେନେଇ ମଧ୍ୟ ଚର୍ଚ୍ଚା ଚାଲିଛି । ଆଗକୁ ୨୦୨୪ରେ ନିର୍ବାଚନ । ନିର୍ବାଚନ ପୂର୍ବରୁ ବିଜେଡି ବିଜେପି ପରି କଂଗ୍ରେସ ମଧ୍ୟ ନିଜ ଦଳକୁ ସୁଦୃଢ କରିବାକୁ ଅଣ୍ଟା ଭିଡିଛି ।

ସୂଚନାଯୋଗ୍ୟ, ସଙ୍ଗୀତ ଜଗତରେ ଗୁଡଲି ରଥ ଅନେକ ମିଠା ମିଠା ଗୀତ ସଙ୍ଗୀତପ୍ରେମୀଙ୍କୁ ଭେଟି ଦେଇଛନ୍ତି । ଓଲିଉଡରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଗୁଡଲି । ସେହିପରି ପମି ମିଶ୍ର ମଧ୍ୟ ନିଜର ସୁମଧୁର କଣ୍ଠସ୍ୱରରେ ଶ୍ରୋତାଙ୍କର ମନରେ ସ୍ୱତନ୍ତ୍ର ସ୍ଥାନ ବନେଇଛନ୍ତି । କଂଗ୍ରେସରେ ଉଭୟଙ୍କ ଯୋଗଦାନ ପରେ କେବଳ ରାଜନୈତିକ ବ୍ୟକ୍ତି ବିଶେଷ କିମ୍ୱା ସାଧାରଣ ଲୋକ ନୁହଁନ୍ତି ବରଂ ଓଲିଉଡରେ ମଧ୍ୟ ଏମାନଙ୍କ ଉପରେ ଚର୍ଚ୍ଚା ଚାଲିଛି ।
Published by:Soubhagya Mishra
First published: