ଜଗା କାଳିଆଙ୍କୁ ଦର୍ଶନ କଲେ ବି-ଟାଉନର ଡ୍ୟାନ୍ସ ମାଷ୍ଟର ମିଥୁନ ଦା

News18 Odia Digital

ପୁରୀ: ଶ୍ରୀଜୀଉଙ୍କୁ ଦର୍ଶନ କଲେ ସୁପରଷ୍ଟାର ମିଥୁନ ଚକ୍ରବର୍ତ୍ତୀ । ଗତ କାଲି ରାତିରେ ପୁରୀ ଆସି ମହାପ୍ରଭୁଙ୍କୁ ଦର୍ଶନ କରିଛନ୍ତି । ଶ୍ରୀମନ୍ଦିର ନିକଟରେ ପହଞ୍ଚିବା ପରେ ତାଙ୍କୁ ସେବାୟତମାନେ ସ୍ୱାଗତ କରିବା ସହ ଶ୍ରୀମନ୍ଦିର ଭିତରକୁ ପାଛୋଟି ନେଇଥିଲେ ।

ଶ୍ରୀଜିଉଙ୍କୁ ଦର୍ଶନ କରି ଫେରିବା ପରେ ମିଥୁନ କହିଛନ୍ତି, ସେ ଓଡ଼ିଶାରୁ ସବୁବେଳେ ସ୍ନେହ ମମତା ପାଇଛନ୍ତି । ଓଡ଼ିଶାରେ ଯେଭଳି ଭଲପାଇବା ମିଳିଛି ତାହା ଅନ୍ୟ କେଉଁଠି ମିଳିନାହିଁ । ତାଙ୍କ ସହ ବିଜେପି ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ର ଉପସ୍ଥିତ ଥିଲେ ।