ଏଥର ଫ୍ୟାନ୍ସଙ୍କ ଦିୱାଲୀ ହେବ ଦମଦାର; ଆକ୍ସନ ଫିଲ୍ମ ସୂର୍ଯ୍ୟବଂଶୀ ରିଲିଜ ତାରିଖ ଘୋଷଣା

ଖୁବ୍ ଶୀଘ୍ର ଦର୍ଶକ ପରଦାରେ ଦମଦାର ଆକ୍ସନ ଫିଲ୍ମ ‘ସୂର୍ଯ୍ୟବଂଶୀ’ ଫିଲ୍ମ ଦେଖିବାକୁ ଯାଉଛନ୍ତି । ଫିଲ୍ମରେ ଶାନଦାର ଅବତାରରେ ନଜର ଆସିବେ ଅକ୍ଷୟ କୁମାର ଓ କ୍ୟାଟ୍ରିନା କୈଫ ।

ଆକ୍ସନ ଫିଲ୍ମ ନେଇ ପରଦାରେ ନଜର ଆସିବେ ଅକ୍ଷୟ ଓ କ୍ୟାଟ୍ରିନା

ଆକ୍ସନ ଫିଲ୍ମ ନେଇ ପରଦାରେ ନଜର ଆସିବେ ଅକ୍ଷୟ ଓ କ୍ୟାଟ୍ରିନା

  • Share this:
News18 Odia Digital

ମୁମ୍ବାଇ: ବଲିଉଡର ସୁନ୍ଦରୀ ଅଭିନେତ୍ରୀ କ୍ୟାଟ୍ରିନା କୈଫ ସୋସିଆଲ ମିଡ଼ିଆରେ ଫ୍ୟାନ୍ସଙ୍କୁ ଦେଇଛନ୍ତି ବଡ଼ ସରପ୍ରାଇଜ୍ । ଯାହାକୁ ନେଇ ସମସ୍ତେ ଏକ୍ସାଇଟେଡ । କାରଣ ଖୁବ୍ ଶୀଘ୍ର ରିଲିଜ ହେବାକୁ ଯାଉଛି ଦମଦାର ଆକ୍ସନ ଫିଲ୍ମ ‘ସୂର୍ଯ୍ୟବଂଶୀ’ । ଯେଉଁଥିରେ ସେ ଖିଲାଡି ଅକ୍ଷୟ କୁମାରଙ୍କ ସହ ନଜର ଆସିବେ । ଇତିମଧ୍ୟରେ ସେ ଫିଲ୍ମର ରିଲିଜ ତାରିଖ ଘୋଷଣା କରି ସମସ୍ତଙ୍କୁ ଖୁସ୍ କରିଦେଇଛନ୍ତି । ଖାଲି ଏତିକି ନୁହେଁ ରିଲିଜ ତାରିଖ ଜଣାଇବା ସହ ସେ ଫିଲ୍ମର ଏକ ଭିଡିଓ କ୍ଲିପ୍ ମଧ୍ୟ ଶେୟାର କରିଛନ୍ତି ।

ନୂଆ ମୋଶନ ପୋଷ୍ଟର ପାଖାପାଖି ୧୧ ସେକେଣ୍ଡର । ଯେଉଁଥିରେ ଅକ୍ଷୟ କୁମାର ଭୟାନକ ଷ୍ଟଣ୍ଟ କରୁଥିବାର ନଜର ଆସୁଛନ୍ତି । ଦୀପାବଳି ଅବସରରେ ଅକ୍ଷୟ କୁମାର ଓ ରଣବୀର ସିଂ ଆକ୍ସନର ବାଣ ସିନେମାଘରେ ଫୁଟାଇବେ ।

ବାଇକରୁ ନେଇ ହେଲିକାପ୍ଟରରେ ଝୁଲୁଥିବା ଅକ୍ଷୟ ‘ସୂର୍ଯ୍ୟବଂଶୀ’ର ଏହି ନୂଆ ପୋଷ୍ଟରେ ଦମଦାର ଅନ୍ଦାଜରେ ନଜର ଆସୁଛନ୍ତି । ଆକ୍ସନ ନିର୍ଦ୍ଦେଶକ ରୋହିତ ସେଟ୍ଟିଙ୍କ ଏହି ଫିଲ୍ମ ଆସନ୍ତା ୫ ତାରିଖରେ ସିନେମାହଲରେ ରିଲିଜ ହେବାକୁ ଯାଉଛି ।

କ୍ୟାଟ୍ରିନା ଇନଷ୍ଟାଗ୍ରାମରେ ପୋଷ୍ଟର ଶେୟାର କରି କ୍ୟାପସନରେ ଲେ୍ଖିଛନ୍ତି, ‘‘ବାଣରେ ଭରପୂର ଆକ୍ସନ ପ୍ୟାକ ଦିୱାଲୀ ପାଇଁ ପ୍ରସ୍ତୁତ ହୋଇଯାଆନ୍ତୁ । ନଭେମ୍ବର ୫ରେ ଫିଲ୍ମ ରିଲିଜ ହେବାକୁ ଯାଉଛି।’’

ପ୍ରକାଶ ଥାଉକି ‘ସୂର୍ଯ୍ୟବଂଶୀ’ ଫିଲ୍ମକୁ ଦେଖିବାକୁ ଦୀର୍ଘ ସମୟରୁ ଏକ୍ସାଇଟେଡ ଅଛନ୍ତି ଦର୍ଶକ । ହେଲେ କରୋନା ପାଇଁ ସିନେମାହଲ ବନ୍ଦ ଥିବାରୁ ଫିଲ୍ମ ରିଲିଜ କରିବାକୁ ବିଳମ୍ବ କରିଥିଲେ ନିର୍ମାତା ।
Published by:Lipina Das
First published: