Kapil Sharma Biopic Funkaar: ନିର୍ମାଣ ହେବ କପିଲ ଶର୍ମାଙ୍କ ବାୟୋପିକ; ପରଦାରେ ଲୋକ ଦେଖିବେ କପିଲଙ୍କ ଜୀବନ କାହାଣୀ

ବର୍ତ୍ତମାନ ଆପଣ କପିଲଙ୍କ ଜୀବନର ପ୍ରତ୍ୟେକ ଦିଗକୁ ଅତି ନିକଟରୁ ଦେଖିବାର ସୁଯୋଗ ପାଇବାକୁ ଯାଉଛନ୍ତି। ବାସ୍ତବରେ କପିଲ ଶର୍ମାଙ୍କ ବାୟୋପିକ ନିର୍ମାଣ ହେବା ନେଇ ଘୋଷଣା କରାଯାଇଛି।

ନିର୍ମାଣ ହେବ କପିଲ ଶର୍ମାଙ୍କ ବାୟୋପିକ (ପ୍ରତୀକାତ୍ମକ ଛବି)

ନିର୍ମାଣ ହେବ କପିଲ ଶର୍ମାଙ୍କ ବାୟୋପିକ (ପ୍ରତୀକାତ୍ମକ ଛବି)

  • Share this:
News18 Odia Digital

ନୂଆ ଦିଲ୍ଲୀ: ବଲିଉଡର ପ୍ରସିଦ୍ଧ ହାସ୍ୟ ଅଭିନେତା କପିଲ ଶର୍ମା ଟିଭିରେ ହସୁଥିବା ଏବଂ ହସାଉଥିବାର ଆପଣ ନିଶ୍ଚୟ ଦେଖିଥିବେ। ଆଜି କଠିନ ପରିଶ୍ରମ ଏବଂ କୌଶଳ ହେତୁ କପିଲ ଶର୍ମା ଇଣ୍ଡଷ୍ଟ୍ରିରେ ଯେଉଁ ଜାଗା ହାସଲ କରିଛନ୍ତି ତାହା ନିଶ୍ଚୟ ପ୍ରେରଣା ଦାୟକ। ଏହି ସଫଳତା ପାଇବାକୁ ତାଙ୍କୁ ଅନେକ ଅସୁବିଧାର ସମ୍ମୁଖୀନ କରିବାକୁ ପଡ଼ିଛି। ଯାହା ବିଷୟରେ ଖୁବ୍ କମ୍ ଲୋକ ଜାଣନ୍ତି। କିନ୍ତୁ ବର୍ତ୍ତମାନ ଆପଣ କପିଲଙ୍କ ଜୀବନର ପ୍ରତ୍ୟେକ ଦିଗକୁ ଅତି ନିକଟରୁ ଦେଖିବାର ସୁଯୋଗ ପାଇବାକୁ ଯାଉଛନ୍ତି। ବାସ୍ତବରେ କପିଲ ଶର୍ମାଙ୍କ ବାୟୋପିକ ନିର୍ମାଣ ହେବା ନେଇ ଘୋଷଣା କରାଯାଇଛି।

କପିଲଙ୍କ ବାୟୋପିକରେ, ଆପଣ ତାଙ୍କ ଜୀବନର ପ୍ରତ୍ୟେକ ଦିଗର ଅଜଣା ଜିନିଷ, ଅସୁବିଧା ଏବଂ ବିବାଦ ସହିତ ଜଡ଼ିତ ଥିବା କଥା ଦେଖିବାକୁ ପାଇବେ। କପିଲ ଶର୍ମାଙ୍କ ଉପରେ ନିର୍ମିତ ଏହି ବାୟୋପିକର ନାମ 'ଫନକାର' ହେବ।  ଏଥିରେ, କପିଲଙ୍କ ଏପର୍ଯ୍ୟନ୍ତ ଯାତ୍ରା ବାବଦରେ ସମସ୍ତ କଥା ପରଦାକୁ ଅଣାଯିବ।

ଏହି ଅଭିନେତା ବହୁ ବର୍ଷ ଧରି ବହୁ ଲୋକପ୍ରିୟ ସୋ 'ଦି କପିଲ୍ ଶର୍ମା ସୋ'ର ଆୟୋଜନ କରିଆସୁଛନ୍ତି ଏବଂ ଟିଭିରେ କମେଡି ବ୍ୟତୀତ ଚଳଚ୍ଚିତ୍ରରେ ଅଭିନେତା ଭାବରେ ତାଙ୍କ ଚେଷ୍ଟା କରିଛନ୍ତି। କପିଲ ଶର୍ମା ସେହି ଅଭିନେତାମାନଙ୍କ ମଧ୍ୟରୁ ଜଣେ ଯିଏ ଆଜି ଇଣ୍ଡଷ୍ଟ୍ରିରେ ଅଧିକ ଫି ନିଅନ୍ତିମ କପିଲଙ୍କ ବାୟୋପିକ୍ 'ଫନକାର'ରେ ପଞ୍ଜାବର ଅମୃତସରରେ ଜନ୍ମିତ କପିଲ ଶର୍ମାଙ୍କ ସଂଘର୍ଷ ତଥା ଟିଭି ଦୁନିଆର ସବୁଠୁ ଦାମୀ ତଥା ସଫଳ ଅଭିନେତା ହେବା ପାଇଁ ତାଙ୍କର ଯାତ୍ରା ଚିତ୍ରିତ ହେବ।

କପିଲଙ୍କ ବାୟୋପିକ୍ କୁ 'ଫୁକରେ' ନିର୍ଦ୍ଦେଶକ ଶ୍ରୀଗଦୀପ ଲାମ୍ବା ନିର୍ଦ୍ଦେଶନା ଦେବେ। ମହାବୀର ଜୈନ ଲାଇକା ପ୍ରଡକ୍ସନ୍ସ ସହିତ ମିଳିତ ଭାବରେ 'ଫନକାର' ନିର୍ମାଣ କରିବେ। ଏହି ଅବସରରେ ମହାବୀର ଜୈନ କହିଛନ୍ତି, "ଆମକୁ ପ୍ରତିଦିନ ପ୍ରେମ, ଜୀବନ ଓ ହସ ଦରକାର । ଆମେ ଗର୍ବିତ ଯେ କପିଲ ଶର୍ମାଙ୍କ ଅବିଭକ୍ତ କାହାଣୀକୁ ଏକ ବଡ ପରଦାରେ ଉପସ୍ଥାପନ କରିବାକୁ ଯାଉଛୁ।
Published by:Soumya Das
First published:
)}