- ହୋମ୍ »
- ଓଡ଼ିଶା ନ୍ୟୁଜ୍ »
- ଏଣ୍ଟରଟେନମେଣ୍ଟ »
- ସୋନାଲି ଫୋଗାଟଙ୍କ କରାଯିବ ଅନ୍ତିମ ସଂସ୍କାର; ଫାର୍ମ ହାଉସକୁ ନିଆଗଲା ମୃତଦେହ
ସୋନାଲି ଫୋଗାଟଙ୍କ କରାଯିବ ଅନ୍ତିମ ସଂସ୍କାର; ଫାର୍ମ ହାଉସକୁ ନିଆଗଲା ମୃତଦେହ
ସୋନାଲିଙ୍କ ପରିବାର ପ୍ରଥମ ଦିନରୁ ହିଁ ଏହି ମାମଲାର ସିବିଆଇ ତଦନ୍ତ ଦାବି କରିଆସୁଛନ୍ତି । ଗୋଆ ପୋଲିସର ତଦନ୍ତ ଉପରେ ବିଶ୍ୱାସ ନାହିଁ ବୋଲି ପରିବାର ପକ୍ଷରୁ କୁହାଯାଇଛି।
ସୋନାଲି ଫୋଗାଟଙ୍କ କରାଯିବ ଅନ୍ତିମ ସଂସ୍କାର; ଫାର୍ମ ହାଉସକୁ ନିଆଗଲା ମୃତଦେହ
News 18 Odia Digital
ହିସାର : ଆଜି ହିସାରରେ ବିଜେପି ନେତ୍ରୀ ତଥା ଟିକଟକ ତାରକା ସୋନାଲି ଫୋଗାଟଙ୍କ ଅନ୍ତିମ ସଂସ୍କାର ଅନୁଷ୍ଠିତ ହେବ । ଋଷି ନଗର ସ୍ଥିତ ଶ୍ମଶାନ ଘାଟରେ ସକାଳ ୧୧ ଟାରେ ଅନ୍ତିମ ସଂସ୍କାର କରାଯିବ । ସୋନାଲି ଫୋଗାଟଙ୍କ ମୃତଦେହ ଗୁରୁବାର ରାତି ପ୍ରାୟ ୧୧.୪୫ରେ ଦିଲ୍ଲୀ ବିମାନବନ୍ଦରରେ ଏୟାର ଆମ୍ବୁଲାନ୍ସ ମାଧ୍ୟମରେ ଅଣାଯାଇଥିବା ବେଳେ ରାତି ୨.୩୦ ରେ ହିସାରରେ ପହଞ୍ଚିଥିଲା । ବର୍ତ୍ତମାନ ସୋନାଲିଙ୍କ ମୃତଦେହ ହିସାର ସିଭିଲ ହସ୍ପିଟାଲରୁ ଫାର୍ମ ହାଉସକୁ ନିଆଯାଇଛି । ମୃତଦେହ ନେବା ପାଇଁ ସୋନାଲିଙ୍କ ପରିବାର ସିଭିଲ ହସ୍ପିଟାଲରେ ପହଞ୍ଚିଥିଲେ ।
ସୋନାଲି ଫୋଗଟଙ୍କ ମୃତ୍ୟୁ ସମସ୍ତଙ୍କୁ ଚକିତ କରିଦେଇଥିଲା । ଯେତେବେଳେ ସୋନାଲିଙ୍କ ମୃତ୍ୟୁ ଖବର ପ୍ରଥମ ଥର ପାଇଁ ୨୩ ଅଗଷ୍ଟରେ ଆସିଲା, ତାଙ୍କ ମୃତ୍ୟୁର କାହାଣୀ ୨୫ ଅଗଷ୍ଟ ପର୍ଯ୍ୟନ୍ତ ପ୍ରତିଦିନ ବଦଳୁଥିଲା । ପ୍ରଥମ ଦିନରେ ସୋନାଲି ଫୋଗାଟଙ୍କ ମୃତ୍ୟୁ ହୃଦଘାତ ଯୋଗୁ ହୋଇଥିବା କୁହାଯାଇଥିଲା ଓ ରାତି ଶେଷ ସୁଦ୍ଧା ଗୋଆ ପୋଲିସ ଅସ୍ୱାଭାବିକ ମୃତ୍ୟୁ ମାମଲା ରୁଜୁ କରିଥିଲା । ଅଗଷ୍ଟ ୨୪ ତାରିଖ ସକାଳେ ସୋନାଲିଙ୍କ ସମ୍ପର୍କୀୟ ବ୍ୟକ୍ତିଗତ ସଚିବ ସୁଧୀର ସାଙ୍ଗୱାନ୍ ଏବଂ ସୁଖୱିନ୍ଦରଙ୍କ ଉପରେ ସନ୍ଦେହ କରିବା ଆରମ୍ଭ କରିଥିଲେ ।
ସୋନାଲିଙ୍କ ମୃତ୍ୟୁର ଦୁଇ ଦିନ ପରେ ଗୁରୁବାର ଦିନ ଡାକ୍ତରୀ ଟିମ୍ ପରିବାରର ସମ୍ମତି କ୍ରମେ ପୋଷ୍ଟମର୍ଟମ କରିଥିଲେ । ତାଙ୍କର ରକ୍ତ ନମୁନା ପରୀକ୍ଷା ପାଇଁ ପଠାଯାଇଛି । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପୂର୍ବରୁ ଗୋଆ ପୋଲିସ ସୋନାଲିଙ୍କ ଭାଇ ରିଙ୍କୁ ଢାକାଙ୍କ ଅଭିଯୋଗ ଆଧାରରେ ହତ୍ୟା ମାମଲା ରୁଜୁ କରି ସାରିଛି ।
ଅନ୍ୟପକ୍ଷରେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ କହିଛନ୍ତି, ଯଦି ସୋନାଲିଙ୍କ ପରିବାର ଲିଖିତ ଆକାରରେ ଦାବି କରନ୍ତି, ତା’ହେଲେ ତାଙ୍କ ମୃତ୍ୟୁ ଘଟଣାରେ ରାଜ୍ୟ ସରକାର ନିଶ୍ଚିତ ଭାବେ ସିବିଆଇ ତଦନ୍ତ କରିବେ । ତଦନ୍ତରେ ସରକାରଙ୍କର କୌଣସି ଆପତ୍ତି ନାହିଁ । ତେବେ ସୋନାଲିଙ୍କ ପରିବାର ପ୍ରଥମ ଦିନରୁ ହିଁ ଏହି ମାମଲାର ସିବିଆଇ ତଦନ୍ତ ଦାବି କରିଆସୁଛନ୍ତି । ଗୋଆ ପୋଲିସର ତଦନ୍ତ ଉପରେ ବିଶ୍ୱାସ ନାହିଁ ବୋଲି ପରିବାର ପକ୍ଷରୁ କୁହାଯାଇଛି।
ହିସାର : ଆଜି ହିସାରରେ ବିଜେପି ନେତ୍ରୀ ତଥା ଟିକଟକ ତାରକା ସୋନାଲି ଫୋଗାଟଙ୍କ ଅନ୍ତିମ ସଂସ୍କାର ଅନୁଷ୍ଠିତ ହେବ । ଋଷି ନଗର ସ୍ଥିତ ଶ୍ମଶାନ ଘାଟରେ ସକାଳ ୧୧ ଟାରେ ଅନ୍ତିମ ସଂସ୍କାର କରାଯିବ । ସୋନାଲି ଫୋଗାଟଙ୍କ ମୃତଦେହ ଗୁରୁବାର ରାତି ପ୍ରାୟ ୧୧.୪୫ରେ ଦିଲ୍ଲୀ ବିମାନବନ୍ଦରରେ ଏୟାର ଆମ୍ବୁଲାନ୍ସ ମାଧ୍ୟମରେ ଅଣାଯାଇଥିବା ବେଳେ ରାତି ୨.୩୦ ରେ ହିସାରରେ ପହଞ୍ଚିଥିଲା । ବର୍ତ୍ତମାନ ସୋନାଲିଙ୍କ ମୃତଦେହ ହିସାର ସିଭିଲ ହସ୍ପିଟାଲରୁ ଫାର୍ମ ହାଉସକୁ ନିଆଯାଇଛି । ମୃତଦେହ ନେବା ପାଇଁ ସୋନାଲିଙ୍କ ପରିବାର ସିଭିଲ ହସ୍ପିଟାଲରେ ପହଞ୍ଚିଥିଲେ ।
ସୋନାଲି ଫୋଗଟଙ୍କ ମୃତ୍ୟୁ ସମସ୍ତଙ୍କୁ ଚକିତ କରିଦେଇଥିଲା । ଯେତେବେଳେ ସୋନାଲିଙ୍କ ମୃତ୍ୟୁ ଖବର ପ୍ରଥମ ଥର ପାଇଁ ୨୩ ଅଗଷ୍ଟରେ ଆସିଲା, ତାଙ୍କ ମୃତ୍ୟୁର କାହାଣୀ ୨୫ ଅଗଷ୍ଟ ପର୍ଯ୍ୟନ୍ତ ପ୍ରତିଦିନ ବଦଳୁଥିଲା । ପ୍ରଥମ ଦିନରେ ସୋନାଲି ଫୋଗାଟଙ୍କ ମୃତ୍ୟୁ ହୃଦଘାତ ଯୋଗୁ ହୋଇଥିବା କୁହାଯାଇଥିଲା ଓ ରାତି ଶେଷ ସୁଦ୍ଧା ଗୋଆ ପୋଲିସ ଅସ୍ୱାଭାବିକ ମୃତ୍ୟୁ ମାମଲା ରୁଜୁ କରିଥିଲା । ଅଗଷ୍ଟ ୨୪ ତାରିଖ ସକାଳେ ସୋନାଲିଙ୍କ ସମ୍ପର୍କୀୟ ବ୍ୟକ୍ତିଗତ ସଚିବ ସୁଧୀର ସାଙ୍ଗୱାନ୍ ଏବଂ ସୁଖୱିନ୍ଦରଙ୍କ ଉପରେ ସନ୍ଦେହ କରିବା ଆରମ୍ଭ କରିଥିଲେ ।
ସୋନାଲିଙ୍କ ମୃତ୍ୟୁର ଦୁଇ ଦିନ ପରେ ଗୁରୁବାର ଦିନ ଡାକ୍ତରୀ ଟିମ୍ ପରିବାରର ସମ୍ମତି କ୍ରମେ ପୋଷ୍ଟମର୍ଟମ କରିଥିଲେ । ତାଙ୍କର ରକ୍ତ ନମୁନା ପରୀକ୍ଷା ପାଇଁ ପଠାଯାଇଛି । ତେବେ ପୋଷ୍ଟମର୍ଟମ ରିପୋର୍ଟ ଆସିବା ପୂର୍ବରୁ ଗୋଆ ପୋଲିସ ସୋନାଲିଙ୍କ ଭାଇ ରିଙ୍କୁ ଢାକାଙ୍କ ଅଭିଯୋଗ ଆଧାରରେ ହତ୍ୟା ମାମଲା ରୁଜୁ କରି ସାରିଛି ।
ଅନ୍ୟପକ୍ଷରେ ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ କହିଛନ୍ତି, ଯଦି ସୋନାଲିଙ୍କ ପରିବାର ଲିଖିତ ଆକାରରେ ଦାବି କରନ୍ତି, ତା’ହେଲେ ତାଙ୍କ ମୃତ୍ୟୁ ଘଟଣାରେ ରାଜ୍ୟ ସରକାର ନିଶ୍ଚିତ ଭାବେ ସିବିଆଇ ତଦନ୍ତ କରିବେ । ତଦନ୍ତରେ ସରକାରଙ୍କର କୌଣସି ଆପତ୍ତି ନାହିଁ । ତେବେ ସୋନାଲିଙ୍କ ପରିବାର ପ୍ରଥମ ଦିନରୁ ହିଁ ଏହି ମାମଲାର ସିବିଆଇ ତଦନ୍ତ ଦାବି କରିଆସୁଛନ୍ତି । ଗୋଆ ପୋଲିସର ତଦନ୍ତ ଉପରେ ବିଶ୍ୱାସ ନାହିଁ ବୋଲି ପରିବାର ପକ୍ଷରୁ କୁହାଯାଇଛି।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
