ହୋମ୍ » ଓଡ଼ିଶା ନ୍ୟୁଜ୍ » ଏଣ୍ଟରଟେନମେଣ୍ଟ»ଶୋରେ ଶକ୍ତି ମୋହନଙ୍କୁ ପ୍ରେମ ନିବେଦନ କଲେ ନୀରଜ ଚୋପ୍ରା; ରାଘବଙ୍କର ଭାଙ୍ଗିଲା ହୃଦୟ

ଶୋରେ ଶକ୍ତି ମୋହନଙ୍କୁ ପ୍ରେମ ନିବେଦନ କଲେ ନୀରଜ ଚୋପ୍ରା; ରାଘବଙ୍କର ଭାଙ୍ଗିଲା ହୃଦୟ

ନୀରଜ ଚୋପ୍ରା କ୍ୟାପଟେନ ଶକ୍ତି ମୋହନଙ୍କୁ ମଧ୍ୟ ପ୍ରେମ ପ୍ରସ୍ତାବ ଦେଇଛନ୍ତି, ଯେଉଁଥିରେ ହୋଷ୍ଟ ରାଘବ ଜୁୟାଲ ବହୁତ ହାସ୍ୟାତ୍ମକ ପ୍ରତିକ୍ରିୟା ଦେଇଛନ୍ତି।

ଶୋରେ ଶକ୍ତି ମୋହନଙ୍କୁ ପ୍ରେମ ନିବେଦନ କଲେ ନୀରଜ ଚୋପ୍ରା; ରାଘବଙ୍କର ଭାଙ୍ଗିଲା ହୃଦୟ
'ଡ୍ୟାନ୍ସ + ୬'ରେ ନୀରଜ ଚୋପ୍ରା ଅତିଥି ଭାବେ ଯୋଗ ଦେଇଛନ୍ତି (ପ୍ରତୀକାତ୍ମକ ଛବି)
  • News18 Odia
  • Last Updated: September 28, 2021, 11:53 AM IST
  • Share this:
  • Byline Facebook
  • Byline Twitter
  • Byline Linkedin
ReaNews18 Odia Digital

ନୂଆ ଦିଲ୍ଲୀ: ରିଅଲିଟି ସୋ 'ଡ୍ୟାନ୍ସ + ୬'ର ପରବର୍ତ୍ତୀ ଏପିସୋଡ଼ରେ ଅଲିମ୍ପିକ ସ୍ୱର୍ଣ୍ଣ ପଦକ ବିଜେତା ନୀରଜ ଚୋପ୍ରାଙ୍କୁ ଏକ ବିଶେଷ ଅତିଥି ଭାବରେ ଦେଖିବାକୁ ମିଳିବ। ରିଆଲିଟି ସୋ’ର ମଞ୍ଚରେ ସେ ‘ଇଶ୍କ ତେରା ତଡ଼ପାୱେ’ ଗୀତରେ ନାଚୁଥିବା ନଜର ଆସିବେ। ତେବେ କୌତୁହଳର କଥା ଏହା ଯେ ସେ କ୍ୟାପଟେନ ଶକ୍ତି ମୋହନଙ୍କୁ ମଧ୍ୟ ପ୍ରେମ ପ୍ରସ୍ତାବ ଦେଇଛନ୍ତି, ଯେଉଁଥିରେ ହୋଷ୍ଟ ରାଘବ ଜୁୟାଲ ବହୁତ ହାସ୍ୟାତ୍ମକ ପ୍ରତିକ୍ରିୟା ଦେଇଛନ୍ତି। ସେ ସେଟରେ ହୃଦୟ ଭାଙ୍ଗିବାର ନାଟକ କରୁଥିବା ନଜର ଆସଛନ୍ତି।

ସୂଚନା ମୁତାବକ ଦୀର୍ଘ ଦିନ ଧରି ଶକ୍ତି ପ୍ରତି ନିଜର ଭାବନା ପ୍ରକାଶ କରିବାକୁ ଚେଷ୍ଟା କରିଆସୁଛନ୍ତି ରାଘବ। ଏଭଳି ଡ୍ୟାନ୍ସ +ରେ ଦୀର୍ଘ ଦିନ ଧରି ଚାଲିଛି। ଭିଡ଼ିଓର ରାଘବ ଶକ୍ତିଙ୍କୁ କହୁଛନ୍ତି, “ମୁଁ ତୁମକୁ ପ୍ରେମ କରିବାକୁ ଚାହୁଁଛି।” ତା’ପରେ ଦୁହେଁ ଏକାଠି ନାଚୁଥିବା ନଜର ଆସିଛନ୍ତି। ବିଚାରପତିମାନଙ୍କ ସହିତ ଶୋ’ର ପ୍ରତିଯୋଗୀମାନେ ତାଙ୍କୁ ଉତ୍ସାହିତ କରିଛନ୍ତି।

ରାଘବଙ୍କୁ କିପରି ପ୍ରସ୍ତାବ ଦେବେ ତାହା ଦେଖାଇବାକୁ ଶକ୍ତି ନୀରଜଙ୍କୁ ମଞ୍ଚକୁ ଆସିବାକୁ ଅନୁରୋଧ କରିଛନ୍ତି। ନୀରଜ ଶକ୍ତିଙ୍କୁ କୁହନ୍ତି, “ମୋ ଜୀବନର ସବୁଠାରୁ ଗୁରୁତ୍ୱପୂର୍ଣ୍ଣ ଜିନିଷ ହେଉଛି ବର୍ଚ୍ଛା। ମୁଁ ଏତେ ଭଲ ରାନ୍ଧିବା ଜାଣି ନାହିଁ କି ସମୟ ଦେଇ ପାରିବି ନାହିଁ।”

ଭିଡ଼ିଓର ଦ୍ୱିତୀୟ ଭାଗରେ ନୀରଜ ଡ୍ୟାନ୍ସ + ୬ ଓ ରାଘବଙ୍କ ପ୍ରତିଯୋଗୀମାନଙ୍କ ସହ 'ଇଶ୍କ ତେରା ତଡ଼ପାୱେ' ଗୀତରେ ନାଚୁଥିବାର ନଜର ଆସିଛନ୍ତି। ନୀରଜଙ୍କୁ ଏକ ବିଶେଷ ପ୍ରଦର୍ଶନକୁ ଉତ୍ସର୍ଗ କରି ସୁପର-ଜଜ୍ ରେମୋ ଡି’ସୁଜା କୁହନ୍ତି, ଏକ ସୁନାରୁ ଅଳଙ୍କାର ତିଆରି ହୁଏ, କିନ୍ତୁ ଏହି ସୁନା ଭାରତର ଗୌରବ। ଭିଡ଼ିଓରେ, ନୀରଜଙ୍କୁ ପ୍ରସ୍ତାବ ଦେବାର ଶୈଳୀ ଲୋକଙ୍କୁ ଭିନ୍ନ ଲାଗିଛି। ତାଙ୍କର ଏହି ଭିଡିଓ ବେଶ୍ ଲୋକପ୍ରିୟ ହେବାରେ ଲାଗିଛି। ସ୍ୱର୍ଣ୍ଣ ପଦକ ଜିତିବା ପରେ ନୀରଜ ବିଭିନ୍ନ ପ୍ରକାରର କାର୍ଯ୍ୟକ୍ରମ ଓ ଶୋ’ରେ ନଜର ଆସୁଛନ୍ତି। ତାଙ୍କୁ ପୂର୍ବରୁ 'କୌନ ବନେଗା କରୋଡ଼ପତି'ରେ ଦେଖିବାକୁ ମିଳିଥିଲା। ସେ ବିଜ୍ଞାପନରେ ଅଭିନୟ କରିବା ଆରମ୍ଭ କରିଛନ୍ତି, ତାଙ୍କର ଅଭିନୟକୁ ମଧ୍ୟ ପ୍ରଶଂସା କରାଯାଉଛି।
Published by: Soumya Das
First published: September 28, 2021, 11:43 AM IST