CMC ନିର୍ବାଚନ: ଅଭିନେତା ଶ୍ରୀତମ୍ ଦାସ ବିଜେପି କଟକ ମେୟର ପ୍ରାର୍ଥୀ

News18 Odia Digital

କଟକ: ବିଜେପି ଆଜି ସିଏମସି ନିର୍ବାଚନ ଲାଗି ମେୟର୍‌ ପ୍ରାର୍ଥୀଙ୍କ ନାମ ଘୋଷଣା କରିଛି । ଅଭିନେତା ଶ୍ରୀତମ୍‌ ଦାସଙ୍କୁ ବିଜେପି କଟକର ମେୟର ପ୍ରାର୍ଥୀ କରିଛି ।

ଗତକାଲି କଟକ ମହାନଗର ନିଗମ ପାଇଁ ରାଜ୍ୟସଭା ସାଂସଦ ସୁବାସ ସିଂହଙ୍କୁ ବିଜେଡ଼ି ମଇଦାନକୁ ଓହ୍ଲାଇଥିବା ବେଳେ ପୂର୍ବରୁ କଂଗ୍ରେସ ମେୟର ପ୍ରାର୍ଥୀ ଭାବେ ଗିରିବାଳା ବେହେରାଙ୍କ ନାମ ଘୋଷଣା କରି ସାରିଛି । ଆଉ ଆଜି ଅଭିନେତର ଶ୍ରୀତମ ଦାସଙ୍କ ନାମ ଘୋଷଣା କରାଯାଇଛି । ଏଭଳି ସ୍ଥିତିରେ ଗିରିବାଳା, ସୁବାସ, ଶ୍ରୀତମଙ୍କ ମଧ୍ୟରେ ମେୟର ପଦବୀ ପାଇଁ ଜୋରଦାର ଲଢ଼େଇ ହେବ ।

ଓଲିଉଡ଼ର ଏହି ଅଭିନେତା ଶ୍ରାତମ ଦାସ ୨୦୧୪ ସାଧାରଣ ନିର୍ବାଚନ ପୂର୍ବରୁ ବିଜେପିରେ ଯୋଗ ଦେଇଥିଲେ । ଏତେ ବର୍ଷ ହେଲା ଦଳ ସହ ଜଣେ ଶୃଙ୍ଖଳିତ କର୍ମୀ ପରି ରହିଆସିଛନ୍ତି । ଏହା ସହ ସେ ଏବେ ଓଡ଼ିଆ ସିନେ ଆର୍ଟିଷ୍ଟ ଆସୋସିଏସନର ସଂପାଦକ ଅଛନ୍ତି ।