ପତ୍ନୀ ତୃପ୍ତି ଓ ପୁଅ ସହ ଜନ୍ମଦିନ ପାଳିବେ ବାବୁସାନ; କହିଲେ ନିଜେ ଯାଇ ତୃପ୍ତିକୁ ଆଣିବି

News18 Odia Digital

ଭୁବନେଶ୍ଵର: ରାତି ପାହିଲେ ବାବୁସାନଙ୍କ ଜନ୍ମ ଦିନ। ପତ୍ନୀ ତୃପ୍ତି ଓ ପୁଅ ସହ ଜନ୍ମଦିନ ପାଳିବେ ବାବୁସାନ। ଜନ୍ମଦିନକୁ ତୃପ୍ତି ନଆସିଲେ ନିଜେ ଯାଇ ତାଙ୍କୁ ଆଣିବେ ବୋଲି କହିଛନ୍ତି ବାବୁସାନ।



"ଆପଣ ମାନେ ହଇରାଣ ହୁଅନ୍ତିନି। ଆପଣ ମାନେ ନଖାଇ ନପିଇ ଠିଆ ହୋଇଛନ୍ତି। ମୋତେ ଭଲ ଲାଗୁନି। କାଲି ପୁଣି ଆସିବେ। ବିଶ୍ରାମ କରନ୍ତୁ। ସେମାନେ ନ ଆସିଲେ ମୁଁ ନିଜେ ଯାଇକି ଆଣିବି। ଆପଣ ମାନେ ଚିନ୍ତା କରନ୍ତୁନି। ଆପଣ ମାନେ ଅପେକ୍ଷା କରିଛନ୍ତି କଷ୍ଟ ଲାଗୁଛି। ରାତି ହେଲାଣି। ଦୟାକରି ରେଷ୍ଟ କରନ୍ତୁ। ମୁଁ ସବୁର ଉତ୍ତର ଦେବି। ଜେରା ପରେ ସବୁ କହିବି। ଶୁଣନ୍ତୁ ଅଡ଼ିଓ ଜାଣିପାରିବେ କଣ ସତ,"କହିଛନ୍ତି ବାବୁସାନ

#ସ୍ତ୍ରୀଙ୍କ_ସହ_ଜନ୍ମଦିନ_ପାଳିବି: ବାବୁସାନ

ଆସନ୍ତାକାଲି ବାବୁସାନଙ୍କ ଜନ୍ମଦିନ । ମୋ ସ୍ତ୍ରୀ ସହ ଜନ୍ମଦିନ ପାଳିବି । ତୃପ୍ତି ନଆସିଲେ ମୁଁ ଯାଇକି ନେଇଆସିବି ।

ବାପା-ବୋଉ, ପୁଅ, ସ୍ତ୍ରୀ ସହ ଜନ୍ମଦିନ ପାଳିବି । ଜେରା ପରେ ସବୁ କିଛି କହିବି: ବାବୁସାନ#babusanmohanty pic.twitter.com/JEXvaQvgin

— News18 Odia (@News18Odia) July 29, 2022

ପୂର୍ବ ଭଳି ପରିସ୍ଥିତି ଠିକ ଥିଲେ ସାରା ଓଡ଼ିଶାବାସୀ ଧୁମଧାମରେ ବାବୁସାନଙ୍କ ଜନ୍ମଦିନ ପାଳନ କରିଥାନ୍ତେ। ମାତ୍ର ବର୍ତ୍ତମାନର ବାଦ ବିବାଦ ଭିତରେ ବାବୁସାନ କିଭଳି ଜନ୍ମଦିନ ପାଳନ କରିବେ ତାକୁ ନେଇ ଚର୍ଚ୍ଚା ହେଉଥିଲା। କିନ୍ତୁ ଏହି ପ୍ରଶ୍ନ ଉପରେ ମୋହର ମାରିଛନ୍ତି ବାବୁସାନ। ବାପା ବୋଉ, ସ୍ତ୍ରୀ ଓ ପୁଅ ସହ ନିଜ ଜନ୍ମଦିନ ପାଳିବେ ବାବୁସାନ। ଜେରା ପରେ ସବୁ କହିବେ ବୋଲି କହିଛନ୍ତି ବାବୁସାନ।

ଶୁକ୍ରବାର ସନ୍ଧ୍ୟାରେ ବାବୁସାନଙ୍କ ଘରେ ନିର୍ଦ୍ଦେଶକ ସଞ୍ଜୟ ନାୟକ ପହଞ୍ଚିଛନ୍ତି। ଆଲୋଚନା ସାରି ଆସିଲେ ସମସ୍ତ କଥା କହିବେ ବୋଲି ପ୍ରତିଶ୍ରୁତି ରଖିଛନ୍ତି ନିର୍ଦ୍ଦେଶକ। ସେପଟେ ବରିଷ୍ଠ ଅଭିନେତା ରବି ମିଶ୍ର ତୃପ୍ତିଙ୍କୁ ଭେଟିବା ପରେ ଦିନ ଦ୍ଵି ପ୍ରହରରୁ ବାବୁସାନଙ୍କ ଘରେ ଅଛନ୍ତି।