୨ଦିନ ପରେ ମନକଥା କହିବେ ବାବୁସାନ; ଭିଡ଼ିଓ ଜାରି କରି କହିଲେ ଅପରାଜିତା ମହାନ୍ତି

News18 Odia Digital

ବାବୁସାନ ଓ ପୂରା ପରିବାର ତରଫରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି ଅପରାଜିତା ମହାନ୍ତି। ସମଗ୍ର ଓଡ଼ିଶାବାସୀଙ୍କୁ ଧନ୍ୟବାଦ ଜଣାଇ ସେ କହିଛନ୍ତି ମୁଁ ଜାଣିନି ମୋ ପୁଅ ଆସି ପାରିଥାନ୍ତାକି ନାହିଁ। ଏଥିପାଇଁ ଆପଣଙ୍କ ସାହାଯ୍ୟ ଓ ସହଯୋଗ ରହିଛି।

୨ଦିନ ପରେ ମନର କଥା କହିବ ବାବୁସାନ
ଆପଣଙ୍କ ସହଯୋଗ ବିନା ମୋ ପୁଅ ଆସିପାରିନଥାନ୍ତା: ଅପରାଜିତା ମହାନ୍ତି#babusan #Controversy #Ollywood #Odisha pic.twitter.com/A0BOCguUDL

— News18 Odia (@News18Odia) July 27, 2022

ବାବୁସାନ କ୍ଲାନ୍ତ ହୋଇ ଆସିଥିବାରୁ ଏବେ ବିଶ୍ରାମ ନେଉଛି। ସମସ୍ତେ ତା ପାଇଁ ଖରାରେ ଛିଡ଼ା ହୋଇଥିବାରୁ ବାବୁସାନଙ୍କୁ ଭଲ ଲାଗୁନି ବୋଲି କହିଛନ୍ତି ମା'ଅପରାଜିତା। ସେ ଦୁଇ ଦିନ ବିଶ୍ରାମ କରିବେ। ବାବୁସାନ ସମସ୍ତଙ୍କୁ ଅତି ଜଲଦି ମନ କଥା କହିବେ। ଗଣମାଧ୍ୟମ ପ୍ରତିନିଧି ଓ ଅନ୍ୟମାନେ ବାହାରେ ଛିଡା ହୋଇଥିବାରୁ ଦୁଃଖ ଲାଗୁଛି ବୋଲି କହିଛନ୍ତି ଅପରାଜିତା। ସେ ନିଜେ ଦୁଇ ପରେ ସମସ୍ତଙ୍କୁ ଡାକି ପ୍ରତିକ୍ରିୟା ରଖିବେ ବୋଲି ଭିଡ଼ିଓରେ ଉଲ୍ଲେଖ କରିଛନ୍ତି।

ଚେନ୍ନାଇରେ ଥାଇ ବାବୁସାନ ଏକ ଭିଡିଓ କରି ପ୍ରକୃତିଙ୍କ ସହ ଆଉ ଫିଲ୍ମ କରିବେ ନାହିଁ ବୋଲି କହିଥିଲେ । ରାଜଧାନୀ ରାଜରାସ୍ତାରେ ହାଇଡ୍ରାମା ପରେ ଅଧରାତିରେ ଏହି ଭିଡିଓ ପୋଷ୍ଟ କରିଥିଲେ ବାବୁସାନ୍ । ପୁଅର ଏଭଳି ଭିଡି଼ଓ ପରେ ସେ ପୁଣି ପରିବାର ପାଖକୁ ଫେରି ଆସିବ ବୋଲି ଆଶାବାଦୀ ଥିଲେ ଅପରାଜିତା । ଅତି ଭାବବିହ୍ୱଳ ହୋଇ ପୁଅକୁ ଫେରିଆସିବା ପାଇଁ ଅନୁରୋଧ କରିଥି୍ଲେ ।