Video: ବର୍ଷା-ଅନୁଭବ ଦାମ୍ପତ୍ୟ କଳହ; ଟ୍ବିଟରରେ ଭିଡିଓ ପୋଷ୍ଟ କରି ଚର୍ଚ୍ଚାରେ ଅଭିନେତା

News18 Odia Digital

ଭୁବନେଶ୍ବର: ଦୀର୍ଘ ଦିନର ବ୍ୟବଧାନ ପରେ ବିଜେଡି ସାଂସଦ ତଥା ପୂର୍ବତନ ଅଭିନେତା ଅନୁଭବ ମହାନ୍ତି ଓ ତାଙ୍କ ପତ୍ନୀ ବର୍ଷା ପ୍ରିୟଦର୍ଶିନୀଙ୍କ ବୈବାହିକ ସମ୍ପର୍କରେ ତିକ୍ତତା ଥମିବାର ନାଁ ନେଉନାହିଁ । ରବିବାର ବିଳମ୍ବିତ ରାତିରେ ଅନୁଭବ ନିଜ ଟ୍ବିଟରରେ ଏକ ଭିଡିଓ ପୋଷ୍ଟ କରିଥିଲେ । ଆଉ ଏହି ଭିଡିଓ ମାଧ୍ୟମରେ ସେ ତାଙ୍କ ପ୍ରତି ହୋଇଥିବା ଅନ୍ୟାୟ ବିରୁଦ୍ଧରେ ସ୍ୱର ଉଠାଇଛନ୍ତି। ବର୍ତ୍ତମାନ ସୋସିଆଲ ମିଡ଼ିଆରେ ତାଙ୍କ ଏହି ଭିଡିଓ ଖୁବ୍ ଭାଇରାଲ ହେବାରେ ଲାଗିଛି ।

ସାଂସଦ ଅନୁବଭ ମହାନ୍ତି ନ୍ୟାୟ ପାଇବାକୁ ଚାହୁଁଥିବା ଦୁଇଟି ସିସିଟିଭି ଫୁଟେଜ୍ ଶେୟାର କରିଛନ୍ତି ଓ ଲେଖିଛନ୍ତି, ‘‘ଗତବର୍ଷ ସମାନ ତାରିଖରେ ସମସ୍ତ ସଚ୍ଚୋଟତା ଓ ସମ୍ମାନ ସହିତ ଜଣଙ୍କୁ ଜରୁରୀକାଳୀନ ସମୟରେ ମୋ ଘରକୁ ଅତି କମରେ ୧-୨ ମିନିଟ୍ ପ୍ରବେଶ କରିବାକୁ ଅନୁମତି ଦେବାକୁ ଅନୁରୋଧ କରିଥିଲି। ଅନ୍ତିମ ବିଚାର ପର୍ଯ୍ୟନ୍ତ ତାଙ୍କୁ ଘରୁ ବାହାର କରିଦେବା ମୋର କିମ୍ବା ମୋ ପରିବାରର କୌଣସି ଉଦ୍ଦେଶ୍ୟ ନଥିଲା । ଆମେ ପୋଲିସ୍ ସହିତ ସମ୍ପୂର୍ଣ୍ଣ ସହଯୋଗ କରିଥିଲୁ ଏବଂ ସେମାନଙ୍କୁ ଆମର ସମସ୍ତ ନିର୍ଦ୍ଦୋଷତା ପ୍ରମାଣ କରୁଥିବା ସମସ୍ତ ଅଡିଓ-ଭିଜୁଆଲ୍ (cctv) ଇତ୍ୟାଦି ଯୋଗାଇ ଦେଇଥିଲୁ। କିନ୍ତୁ ଆଶ୍ଚର୍ଯ୍ୟର କଥା ମୁଁ ଏବଂ ମୋ ଅଫିସ୍ କର୍ମଚାରୀ 498A, 506, 341 & 34 ଅଧୀନରେ ବୁକ୍ ହୋଇଥିଲେ’’

A small clip of the full CCTV footage which clearly proves my honesty ! The entire footage is with the police since nearly a year now ! I’m sharing this video only after failing to get justice for more than a year now !#MenToo @ashwani_dube @DeepikaBhardwaj @MensDayOutIndia pic.twitter.com/NB8e4msyjb

— Anubhav Mohanty (@AnubhavMohanty_) December 19, 2021

ସେ ଆହୁରି ମଧ୍ୟ ଲେଖିଛନ୍ତି, “ପୂର୍ଣ୍ଣ ସିସିଟିଭି ଫୁଟେଜର ଏକ ଛୋଟ କ୍ଲିପ୍ ଯାହା ମୋର ସଚ୍ଚୋଟତାକୁ ସ୍ପଷ୍ଟ ପ୍ରମାଣିତ କରେ! ପ୍ରାୟ ଏକ ବର୍ଷ ହେବ ପୁରା ଫୁଟେଜ୍ ପୋଲିସ୍ ପାଖରେ ଅଛି । ଏକ ବର୍ଷରୁ ଅଧିକ ସମୟ ଧରି ନ୍ୟାୟ ପାଇବାରେ ବିଫଳ ହେବା ପରେ ମୁଁ ଏହି ଭିଡିଓ ପୋଷ୍ଟ କରୁଛି।”

Same date, last year, with all honesty and honour, had requested someone to allow me an access of at least 1-2 minutes to my home on emergency (if at all) with a clarity that neither me nor my family had any intention of throwing her out of home till the final judgment ! (1/3)

— Anubhav Mohanty (@AnubhavMohanty_) December 19, 2021

ଅନୁଭବ ଆହୁରି ଲେଖିଛନ୍ତି, “ସିସିଟିଭି ଦ୍ୱାରା କଏଦ ହୋଇଥିବା ସମାନ ଘଟଣାର ଫୁଟେଜରୁ ଏହା ଅନ୍ୟ ଏକ କ୍ଲିପ୍ । ମୁଁ ତାଙ୍କୁ ଘରୁ ବାହାର କରିଦେଉଛି ନା ମୁଁ ମୋ ନିଜ ଘରେ ଯିବାକୁ ପୋଲିସ ଓ ତାଙ୍କ ନିକଟରେ ନେହୁରା ହେଉଛି।”