ଦେଖନ୍ତୁ LIVE: ପୁରୀ ଶ୍ରୀମନ୍ଦିରରୁ ସ୍ନାନ ପୂର୍ଣ୍ଣିମାର ସିଧା ପ୍ରସାରଣ; ଛେରାପହଁରା କରିବେନି ଗଜପତି
Watch Snana Purnima LIVE from Puri Srimandir; King Will Not Do Sweeping | ପୁରୀ ଶ୍ରୀମନ୍ଦିରରେ ମହାପ୍ରଭୁଙ୍କ ସ୍ନାନ ଯାତ୍ରାର ରୀତିନୀତି ଚାଲିଛି । ଶ୍ରୀକ୍ଷେତ୍ରରେ ୧୪୪ ଧାରା ଲାଗୁ ହୋଇଛି ଓ ପୁରୀ ସହରରେ ୩୫ ପ୍ଲାଟୁନ୍ ପୋଲିସ ଫୋର୍ସ ମୁତୟନ ହୋଇଛନ୍ତି ।
ସ୍ନାନ ଯାତ୍ରାର ଏକ ଦୃଶ୍ୟ
- News18 Odia
- Last Updated: June 24, 2021, 6:38 AM IST
- Share this:
ପୁରୀ: ସ୍ନାନ ଯାତ୍ରା ପାଇଁ ଶ୍ରୀକ୍ଷେତ୍ର ପୁରୀରେ କଡ଼ା ସୁରକ୍ଷା ବ୍ୟବସ୍ଥା ହୋଇଛି । ଗତ ବର୍ଷ ଭଳି ଏ ଥର ବି କରୋନା ଭାଇରସ୍ ସଂକ୍ରମଣକୁ ଦୃଷ୍ଟିରେ ରଖି ସ୍ନାନ ଯାତ୍ରାରେ ଛେରା ପହଁରା କରିବେ ନାହିଁ ଗଜପତି ମହାରାଜ ଦିବ୍ୟସିଂହ ଦେବ । ଲଗାତର ଦୁଇ ବର୍ଷ ଧରି ଏହି ପରମ୍ପରା ଭାଙ୍ଗିବ । କିନ୍ତୁ ଗଜପତିଙ୍କ ପ୍ରତିନିଧି ଭାବେ ମୁଦିରସ୍ତ କରିବେ ଛେରା ପହଁରା ।
ମହାପ୍ରଭୁଙ୍କ ରଥ ଯାତ୍ରା ଆରମ୍ଭ ହେବାର ତିନି ସପ୍ତାହ ପୂର୍ବରୁ ଓଡ଼ିଶା ହାଇ କୋର୍ଟ ବୁଧବାର ଦିନ କେନ୍ଦ୍ରାପଡ଼ା ଓ ବରଗଡ଼ ଜିଲ୍ଲାରେ ରଥ ଯାତ୍ରା ଆୟୋଜନ କରିବାକୁ ଅନୁମତି ମାଗିଥିବା ପାଞ୍ଚଟି ଆବେଦନକୁ ପ୍ରତ୍ୟାଖ୍ୟାନ କରିଛନ୍ତି । ଏହାର ଅର୍ଥ ରାଜ୍ୟ ସରକାର ଜାରି କରିଥିବା ନିର୍ଦ୍ଦେଶନାମା ଅନୁସାରେ ଏ ବର୍ଷ କେବଳ ଶ୍ରୀକ୍ଷେତ୍ର ପୁରୀରେ ହିଁ ରଥ ଯାତ୍ରା ଆୟୋଜିତ ହେବ ।
ଏହା ବି ପଢ଼ନ୍ତୁ ଓ ଦେଖନ୍ତୁ ଫଟୋ | ଜବରଦସ୍ତ୍ ବୋହୂ! ଗାଡ଼ି ନ ମିଳିବାରୁ କରୋନା ପୀଡି଼ତ ଶ୍ୱଶୁରଙ୍କୁ କାନ୍ଧରେ ବୋହି ହସପିଟାଲ୍କୁ ନେଲେ
ସ୍ନାନ ଯାତ୍ରା ପାଇଁ ଶ୍ରୀକ୍ଷେତ୍ରରେ ବୁଧବାର ରାତି ୧୦ଟାରୁ ଲାଗୁ ହୋଇଛି ୧୪୪ ଧାରା । ଏହା ୨୫ ତାରିଖ ଶୁକ୍ରବାର ଯାଏଁ ବଳବତ୍ତର ରହିବ । ପୁରୀ ସହରରେ ମୁତୟନ ହୋଇଛନ୍ତି ୩୫ ପ୍ଲାଟୁନ୍ ଫୋର୍ସ । ସୁରକ୍ଷା ଦୃଷ୍ଟିରୁ ସହରକୁ ଛଅଟି ଜୋନରେ ବିଭକ୍ତ କରାଯାଇଛି ଓ ୧୫ଟି ସି.ସି.ଟି.ଭି. କ୍ୟାମେରା ଲଗାଯାଇଛି ।
‘‘କରୋନା ସଂକ୍ରମଣକୁ ଦୃଷ୍ଟିରେ ରଖି ସ୍ନାନ ଯାତ୍ରାରେ ଭାଗ ନେବାକୁ ଥିବା ସେବାୟତ ଓ କର୍ମଚାରୀମାନଙ୍କର ଆମେ ଆର୍.ଟି.ପି.ସି.ଆର୍. ଟେଷ୍ଟ୍ କରାଇଛୁ । ମହାପ୍ରଭୁଙ୍କ କୃପାରୁ ସେ ଭିତରୁ ୯୦ ପ୍ରତିଶତ ସେବାୟତଙ୍କର ରିପୋର୍ଟ ନେଗେଟିଭ୍ ଆସିଛି । ସମସ୍ତଙ୍କର ଟିକାକରଣ ବି ସରିଛି । ସମସ୍ତଙ୍କୁ ଆମେ ଏନ୍-୯୫ ମାସ୍କ ଦେଇଛୁ,’’ କହିଛନ୍ତି ପୁରୀ ଜିଲ୍ଲାପାଳ ସମର୍ଥ ବର୍ମା ।
ରଥ ଖଳାରେ ରଥ ନିର୍ମାଣ ଜୋରସୋରରେ ଚାଲିଛି ।
ପାଳିଆ ସେବାୟତମାନଙ୍କୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ନାନ ପୂର୍ଣ୍ଣିମା ପାସ୍ ଦିଆଯାଇଛି । ରଥ ଖଳାରେ ରଥ ନିର୍ମାଣ ଜୋରସୋରରେ ଚାଲିଛି । ସ୍ନାନ ପୂର୍ଣ୍ଣିମାରେ ପୋଟଳ ଉଠା ସରି ଖପୁରୀ କାର୍ଯ୍ୟ ଆରମ୍ଭ ହେବ ବୋଲି କହିଛନ୍ତି ବିଶ୍ୱକର୍ମା ମହାରଣା ।
ଏହା ବି ପଢ଼ନ୍ତୁ ଓ ଦେଖନ୍ତୁ ଫଟୋ | ୯୮ ଦିନ ଧରି ଚାଲିବ କରୋନାର ୩ୟ ଲହର, ସାଙ୍ଘାତିକ ହେବ, ଆସିଲା ନୂଆ ତଥ୍ୟ
ବୁଧବାର ମଧ୍ୟରାତ୍ରୀରୁ ପହଣ୍ଡି ଆରମ୍ଭ ହୋଇ ଭୋର୍ ଭୋର୍ ସରିଛି । ରାତି ୧୨ଟାରେ ମଙ୍ଗଳାର୍ପଣ ପରେ ଗୋଟାଏରୁ ଆରମ୍ଭ ହୋଇଥିଲା ପହଣ୍ଡି । ଗୁରୁବାର ପୂର୍ବାହ୍ନ ୧୧ଟାରୁ ୧୨ଟା ଭିତରେ ହାତୀ ବେଶରେ ଦର୍ଶନ ଦେବେ ଚତୁର୍ଦ୍ଧା ବିଗ୍ରହ ।
