ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ଦେଖନ୍ତୁ ପୁରୀରୁ LIVE: ଶରଧା ବାଲିରେ ପହଞ୍ଚିଲେ ତିନି ରଥ; ଦର୍ଶନ ଦେଉଛନ୍ତି ବିଶ୍ବ ନିୟନ୍ତା

ଦେଖନ୍ତୁ ପୁରୀରୁ LIVE: ଶରଧା ବାଲିରେ ପହଞ୍ଚିଲେ ତିନି ରଥ; ଦର୍ଶନ ଦେଉଛନ୍ତି ବିଶ୍ବ ନିୟନ୍ତା

Puri Rath Yatra of Lord Jagannath Watch LIVE | ନିର୍ଦ୍ଧାରିତ ସମୟର ତିନି ଘଣ୍ଟା ପୂର୍ବରୁ ଆରମ୍ଭ ହୋଇଥିଲା ରଥ ଯାତ୍ରା । ପ୍ରତି ରଥକୁ କୋଭିଡ୍‌ ନେଗେଟିଭ୍‌ ରିପୋର୍ଟ ଥିବା ୫୦୦ ସେବାୟତ ଓ ପୋଲିସ୍‌ କର୍ମଚାରୀ ଟାଣିବା ଆରମ୍ଭ କରିଥିଲେ । ଏଥି ପାଇଁ ପ୍ରଶାସନ ପକ୍ଷରୁ ସବୁ ବ୍ୟବସ୍ଥା ହୋଇଥିଲା । 

ଦେଖନ୍ତୁ ପୁରୀରୁ LIVE: ଶରଧା ବାଲିରେ ପହଞ୍ଚିଲେ ତିନି ରଥ; ଦର୍ଶନ ଦେଉଛନ୍ତି ବିଶ୍ବ ନିୟନ୍ତା
ଦେଖନ୍ତୁ ରଥ ଯାତ୍ରାର ସିଧା ପ୍ରସାରଣ ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପୁରୀ: ଆଜି ବିଶ୍ୱପ୍ରସିଦ୍ଧ ରଥ ଯାତ୍ରା ବା ଘୋଷଯାତ୍ରା ପୁରୀରେ ଚାଲିଛି । ବିଶ୍ବବାସୀଙ୍କୁ ବଡ଼ ଦାଣ୍ଡରୁ ଦର୍ଶନ ଦେଇଛନ୍ତି ବିଶ୍ବନିୟନ୍ତା ମହାପ୍ରଭୁ । ତିନି ରଥରେ ଭାଇ ଭଉଣୀ ବସି ଯାଉଛନ୍ତି । ଚଳ ଚଞ୍ଚଳ ହୋଇ ଉଠିଛି ଶ୍ରୀକ୍ଷେତ୍ର ।

ବିଳମ୍ବିତ ରାତିରୁ ଠାକୁରଙ୍କ ନୀତିକାନ୍ତି ସରିବା ପରେ ଦ୍ବାରଫିଟା ହୋଇ ମଇଲମ ଓ ସୂର୍ଯ୍ୟ ପୂଜା ହୋଇଥିଲା । ରଥ ଉପରକୁ ସୁଦର୍ଶନ, ଦେବୀ ସୁଭଦ୍ରା, ବଡ଼ ଭାଇ ବଳଭଦ୍ର ଓ କାଳିଆ ସାଆନ୍ତ ଆସିଥିଲେ । ନୀତିକାନ୍ତିକୁ ଶୃଙ୍ଖଳିତ କରିବା ପାଇଁ ଲାଗିପଡ଼ିଥିଲେ ସମସ୍ତେ । ନିର୍ଦ୍ଧାରିତ ସମୟର ତିନି ଘଣ୍ଟା ପୂର୍ବରୁ ଆରମ୍ଭ ହୋଇଥିଲା ରଥ ଯାତ୍ରା । ପ୍ରତି ରଥକୁ କୋଭିଡ୍‌ ନେଗେଟିଭ୍‌ ରିପୋର୍ଟ ଥିବା ୫୦୦ ସେବାୟତ ଓ ପୋଲିସ୍‌ କର୍ମଚାରୀ ଟାଣିବା ଆରମ୍ଭ କରିଥିଲେ । ଏଥି ପାଇଁ ପ୍ରଶାସନ ପକ୍ଷରୁ ସବୁ ବ୍ୟବସ୍ଥା ହୋଇଥିଲା ।

ଏଇଠି ଦେଖନ୍ତୁ ଲାଇଭ୍ (Rath Yatra LIVE)‌:



ରଥ ଯାତ୍ରା ପାଇଁ କଡ଼ା ସୁରକ୍ଷା ବଳୟରେ ରହିଛି ପୁରୀ ସହର । ସହରର ସମସ୍ତ ପ୍ରବେଶ ପଥକୁ ସିଲ୍‌ କରାଯାଇଛି । ଏଥି ସହ ୪୮-ଘଣ୍ଟିଆ କର୍ଫ୍ୟୁ ଲାଗୁ ହୋଇଛି ପୁରୀ ସହରରେ । ମନ୍ଦିର ଚତୁଃପାର୍ଶ୍ବ ଓ ବଡ଼ ଦାଣ୍ଡରେ ପୋଲିସ ଫୋର୍ସ ମୁତୟନ ହୋଇଛନ୍ତି । ପୁରୀ ସହରକୁ ୧୨ଟି ଜୋନରେ ବିଭକ୍ତ କରାଯାଇଛି । ଶ୍ରୀମନ୍ଦିରରୁ ଶ୍ରୀଗୁଣ୍ଡିଚା ମନ୍ଦିର ପର୍ଯ୍ୟନ୍ତ ବଡ଼ ଦାଣ୍ଡକୁ ଚାରିଟି ଜୋନରେ ବିଭକ୍ତ କରାଯାଇଛି । ସହର ଚାରିପାଖ ଓ ପ୍ରବେଶ ପଥକୁ ମିଶାଇ ଆଠଟି ଜୋନ୍‌ କରାଯାଇଛି।

ଏହା ବି ପଢ଼ନ୍ତୁରଥ ଯାତ୍ରା ପାଇଁ ବଡ଼ ଦାଣ୍ଡର ସବୁ ଲଜିଂ ଖାଲି ହେଲା; ଘରୋଇ କୋଠାରେ କେବଳ ପରିବାର ରହିବେ

ବିନା ଭକ୍ତରେ ରଥ ଯାତ୍ରା ହେଉଥିବାରୁ ବଡ଼ ଦାଣ୍ଡର ଦୁଇ ପାର୍ଶ୍ୱରେ ଥିବା ହୋଟେଲ୍‌, ଲଜିଂ ଓ ଧର୍ମଶାଳାକୁ ସମ୍ପୂର୍ଣ୍ଣ ଭାବେ ଖାଲି କରାଯାଇଥିଲା । ଘରୋଇ କୋଠାରୁ ପରିବାର ସଦସ୍ୟଙ୍କ ବ୍ୟତୀତ ଅନ୍ୟ କାହାରିକୁ ରହିବାକୁ ଦିଆଯାଇ ନ ଥିଲା । ଏ ନେଇ ପୋଲିସ ଓ ପ୍ରଶାସନ ପକ୍ଷରୁ ମିଳିତ ଭାବେ ଏକ ସ୍କ୍ୱାର୍ଡ଼ ଗଠନ କରାଯାଇଥିଲା ।

ଏହା ବି ପଢ଼ନ୍ତୁ | ରଥ ଯାତ୍ରା; ଝୁଲି ଝୁଲି ଆସିବେ କାଳିଆ ସାଆନ୍ତ... ପୁରୀରେ ୧୩ ତାରିଖ ଯାଏଁ କର୍ଫ୍ୟୁ ଜାରି ହେଲା

ରଥ ଯାତ୍ରା ପାଇଁ  ୭୦ ପ୍ଲାଟୁନ୍ ପୋଲିସ ଫୋର୍ସ, ୧୦ ଜଣ ଅତିରିକ୍ତ ଏସ୍‌.ପି., ୩୧ ଜଣ ଡି.ଏସ୍‌.ପି. ରାଙ୍କ୍ ଅଧିକାରୀ, ୨୨୨ ଜଣ ସବ୍‌-ଇନିସପେକ୍ଟର ଓ ୭୫୦ ହୋମ୍‌ ଗାର୍ଡ଼ ପୁରୀରେ ମୁତୟନ ହୋଇଛନ୍ତି ।
Published by: Anand ST Das
First published: July 12, 2021, 7:38 AM IST