- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ଲକଡାଉନ୍ ଆରମ୍ଭ ହେବା ଦିନରୁ ଲକ୍ଷ ଲକ୍ଷ ଟଙ୍କାର କ୍ଷତି ସହୁଛନ୍ତି ପରିବା ଚାଷୀ ଓ ବ୍ୟବସାୟୀ
ଲକଡାଉନ୍ ଆରମ୍ଭ ହେବା ଦିନରୁ ଲକ୍ଷ ଲକ୍ଷ ଟଙ୍କାର କ୍ଷତି ସହୁଛନ୍ତି ପରିବା ଚାଷୀ ଓ ବ୍ୟବସାୟୀ
ପରିବା ଯଥେଷ୍ଟ ବିକ୍ରି ନ ହେବାର କାରଣମାନଙ୍କ ମଧ୍ୟରେ ଅଛି ପରିବହନ ଉପରେ କଟକଣା ଥିବାରୁ ଚାଷୀଙ୍କ ଉତ୍ପାଦିତ ସାମଗ୍ରୀ ସବୁ ଜାଗାରେ ପହଞ୍ଚି ନ ପାରିବା, ହୋଟେଲ ଓ ଢ଼ାବା ଆଦି ବନ୍ଦ ରହିବା, ଓ ସାମାଜିକ ଉତ୍ସବ, ବିବାହବ୍ରତ, ସଭାସମିତି ଓ ବୈଠକ ଆଦି ବନ୍ଦ ରହିବା ।
ଭୁବନେଶ୍ୱରରେ ଏକ ପରିବା ଦୋକାନ
News18 Odia Digital
ଭୁବନେଶ୍ୱର: କରୋନା ଭାଇରସ୍ କାରମରୁ ଜାରି ଥିବା ଲକଡାଉନର ମାଡ଼ରେ ଘାଇଲା ହୋଇଛନ୍ତି ରାଜ୍ୟର ପରିବା ଚାଷୀମାନେ । ଛକ ଛକରେ ଚାଲିଛି ପରିବା ବ୍ୟବସାୟ, ହେଲେ ବିକ୍ରି କମୁଛି ଓ କ୍ଷତି ବି ହେଉଛି । ବର୍ତ୍ତମାନ ଭଲ ଉତ୍ପାଦନ ହେଉଛି, ଭରପୁର ରହିଛି ପରିବା । କିନ୍ତୁ ଏଧିକାଂଶ ଲୋକେ କିଲେ ଜାଗାରେ ଅଧ କିଲେ ନେଇ କାମ ଚଳାଉଛନ୍ତି । କାରଣ ଲକଡ଼ାଉନ ପାଇଁ ଏବେ କାମ ଧନ୍ଦା ନାହିଁ ଓ ରୋଜଗାର ହେଉ ନାହିଁ ।
ରାଜଧାନୀ ଭୁବନେଶ୍ୱରର ରାସ୍ତା କଡ଼େ କଡ଼େ ସମଦୂରତ୍ୱ ବଜାୟ ରଖି ବିକ୍ରି ହେଉଛି ପରିବା । କିଛି ଦିନ ତଳେ ଲକଡ଼ାଉନ ନିୟମ କିଛିଟା କୋହଳ ହେବା ପରେ ପରିବା ବିକ୍ରି ହେଉଛି ସତ, ହେଲେ ବିକ୍ରିକୁ ନେଇ ଖୁସି ନାହାନ୍ତି ଚାଷୀ ଓ ବ୍ୟବସାୟୀ । ଗ୍ରାମାଞ୍ଚଳରେ ପରିବା କମ ଦରରେ ମିଳୁଥିବା ବେଳେ ସହରରେ ବିଭିନ୍ନ ଜାଗାରେ ପରିବା ଦର ରହିଛି ଭିନ୍ନଭିନ୍ନ । କେଉଁଠି କମ ତ କେଉଁଠି ବେଶି ରହିଛି ପରିବା ଦର । ତେବେ ପରିବା ଅମଳ ଋତୁ ହୋଇଥିବାରୁ ଯେତିକି ଅମଳ ହେଉଛି ସେଇ ହିସାବରେ ବିକ୍ରି ହେଉନି ।
‘‘ମାତ୍ର ୨୫ ପ୍ରତିଶତ ବିକ୍ରି ହେଉଛି ପରିବା । ବାକି ୭୫ ପ୍ରତିଶତ ପରିବା ଷ୍ଟକ ରହୁଛି ଓ ନଷ୍ଟ ହେଉଛି, କିନ୍ତୁ ବିକ୍ରି ହେଇପାରୁନି । ନିୟମିତଭାବେ ଆଗରୁ ଦୈନିକ ରାଜ୍ୟ ବାହାରୁ ଆଇଗିଣିଆ ଓ ୧ ନମ୍ବର ହାଟକୁ ୫୦ରୁ ୬୦ ଟ୍ରକ ପରିବା ଆସେ । ପ୍ରତି ଟ୍ରକରେ ୧୫ରୁ ୨୦ କୁଇଣ୍ଟାଲ ପରିବା ରୁହେ । ଲୋକାଲ ପରିବା ପ୍ରାୟ ୧୦୦ ଟ୍ରକ ଆସେ । ପ୍ରତି ଟ୍ରକରେ ୩ରୁ ୪ କୁଇଣ୍ଟାଲ ପରିବା ରୁହେ । ହେଲେ ସେହି ଅନୁସାରେ ଏବେ ବିକ୍ରି ହେଉନି,’’ କହିଛନ୍ତି କଞ୍ଚା ପରିବା ବ୍ୟବସାୟୀ ମହାସଙ୍ଘର ସଭାପତି କବିରାଜ ସ୍ୱାଇଁ ।
ପରିବା ଯଥେଷ୍ଟ ବିକ୍ରି ନ ହେବାର କାରଣମାନଙ୍କ ମଧ୍ୟରେ ଅଛି ପରିବହନ ଉପରେ କଟକଣା ଥିବାରୁ ଚାଷୀଙ୍କ ଉତ୍ପାଦିତ ସାମଗ୍ରୀ ସବୁ ଜାଗାରେ ପହଞ୍ଚି ନ ପାରିବା, ହୋଟେଲ ଓ ଢ଼ାବା ଆଦି ବନ୍ଦ ରହିବା, ଓ ସାମାଜିକ ଉତ୍ସବ, ବିବାହବ୍ରତ, ସଭାସମିତି ଓ ବୈଠକ ଆଦି ବନ୍ଦ ରହିବା ।
ବଡ କଥା ହେଲା ଯେ ଲୋକେ ପ୍ରଥମେ ଆବଶ୍ୟକତା ଠାରୁ ଅଧିକ ପରିବା କିଣୁଥିଲେ । ହେଲେ ଏବେ ରୋଜଗାର ନ ଥିବାରୁ ହାତ ବାନ୍ଧି ବସିଛନ୍ତି ଅନେକ ଲୋକେ ।
‘‘ଲକଡ଼ାଉନ ହେବ ଶୁଣି ଆଗକୁ ଆଉ ପରିବା ମିଳିବନି ଭାବି ଅଧିକ ଅଧିକ ପରିବା କିଣି ନେଇଥିଲୁ । ହେଲେ କାମ ବନ୍ଦ ଥିବାରୁ ଏବେ ହାତ ବାନ୍ଧି ବସିଛୁ । ଅର୍ଥ ନାହିଁ । ଖର୍ଚ୍ଚ ଏବେ ବଜେଟ ଭିତରେ । ଆବଶ୍ୟକ ଥିଲେ ବି କମ ପରିବା କିଣିବାକୁ ବାଧ୍ୟ ହେଉଛୁ,’’ କହିଛନ୍ତି ଗାଡି ଚାଳକ ରାଜକିଶୋର ।
ଏହି କାରଣରୁ ଲକ୍ଷାଧିକ ଟଙ୍କାର କ୍ଷତି ସହୁଛନ୍ତି ପରିବା ବ୍ୟବସାୟୀମାନେ । ଇଭେଣ୍ଟ ମ୍ୟାନେଜରଙ୍କ ଉପରେ ବି ଏହାର ପ୍ରଭାବ ପଡିଛି। ‘‘ସାଧାରଣତଃ ନଭେମ୍ବରରୁ ଜୁଲାଇକୁ ଫେଷ୍ଟିଭ ସିଜିନ କୁହାଯାଏ । ହେଲେ କରୋନା ପାଇଁ ଏବେ ସବୁ ବୁକିଂ ବାତିଲ ହୋଇଛି । ଏବେ ଯାଏଁ ମୋ’ର ପୂର୍ବ-ନିର୍ଦ୍ଧାରିତ ୨୨ଟି କାର୍ଯ୍ୟକ୍ରମ ବାତିଲ ହୋଇଛି,’’ କହିଛନ୍ତି ବିବିଏମ କ୍ୟାଟରିଂ ମାଲିକ ବ୍ରହ୍ମଜ୍ୟୋତି ମହାନ୍ତି ।
ଲକଡ଼ାଉନ ପାଇଁ ସବୁ କ୍ଷେତ୍ର ପ୍ରଭାବିତ ହୋଇଛି, ହେଲେ ଅଧିକ ପ୍ରଭାବିତ ହୋଇଛନ୍ତି ପନିପରିବା ଚାଷୀ ଓ କ୍ଷୁଦ୍ର ବ୍ୟବସାୟୀ । କଟକଣା କୋହଳ ହେବା ସାଙ୍ଗକୁ ରାଜ୍ୟ ବାହାରକୁ ଆମଦାନୀ ଓ ରପ୍ତାନୀ କ୍ଷେତ୍ରକୁ ସୁଦୃଢ଼ କଲେ ସ୍ଥିତିରେ ସୁଧାର ଆସିବା ସମ୍ଭାବନା ରହିଛି ବୋଲି କହିଛନ୍ତି ବ୍ୟବସାୟୀମାନେ ।
ଭୁବନେଶ୍ୱର: କରୋନା ଭାଇରସ୍ କାରମରୁ ଜାରି ଥିବା ଲକଡାଉନର ମାଡ଼ରେ ଘାଇଲା ହୋଇଛନ୍ତି ରାଜ୍ୟର ପରିବା ଚାଷୀମାନେ । ଛକ ଛକରେ ଚାଲିଛି ପରିବା ବ୍ୟବସାୟ, ହେଲେ ବିକ୍ରି କମୁଛି ଓ କ୍ଷତି ବି ହେଉଛି । ବର୍ତ୍ତମାନ ଭଲ ଉତ୍ପାଦନ ହେଉଛି, ଭରପୁର ରହିଛି ପରିବା । କିନ୍ତୁ ଏଧିକାଂଶ ଲୋକେ କିଲେ ଜାଗାରେ ଅଧ କିଲେ ନେଇ କାମ ଚଳାଉଛନ୍ତି । କାରଣ ଲକଡ଼ାଉନ ପାଇଁ ଏବେ କାମ ଧନ୍ଦା ନାହିଁ ଓ ରୋଜଗାର ହେଉ ନାହିଁ ।
ରାଜଧାନୀ ଭୁବନେଶ୍ୱରର ରାସ୍ତା କଡ଼େ କଡ଼େ ସମଦୂରତ୍ୱ ବଜାୟ ରଖି ବିକ୍ରି ହେଉଛି ପରିବା । କିଛି ଦିନ ତଳେ ଲକଡ଼ାଉନ ନିୟମ କିଛିଟା କୋହଳ ହେବା ପରେ ପରିବା ବିକ୍ରି ହେଉଛି ସତ, ହେଲେ ବିକ୍ରିକୁ ନେଇ ଖୁସି ନାହାନ୍ତି ଚାଷୀ ଓ ବ୍ୟବସାୟୀ । ଗ୍ରାମାଞ୍ଚଳରେ ପରିବା କମ ଦରରେ ମିଳୁଥିବା ବେଳେ ସହରରେ ବିଭିନ୍ନ ଜାଗାରେ ପରିବା ଦର ରହିଛି ଭିନ୍ନଭିନ୍ନ । କେଉଁଠି କମ ତ କେଉଁଠି ବେଶି ରହିଛି ପରିବା ଦର । ତେବେ ପରିବା ଅମଳ ଋତୁ ହୋଇଥିବାରୁ ଯେତିକି ଅମଳ ହେଉଛି ସେଇ ହିସାବରେ ବିକ୍ରି ହେଉନି ।
‘‘ମାତ୍ର ୨୫ ପ୍ରତିଶତ ବିକ୍ରି ହେଉଛି ପରିବା । ବାକି ୭୫ ପ୍ରତିଶତ ପରିବା ଷ୍ଟକ ରହୁଛି ଓ ନଷ୍ଟ ହେଉଛି, କିନ୍ତୁ ବିକ୍ରି ହେଇପାରୁନି । ନିୟମିତଭାବେ ଆଗରୁ ଦୈନିକ ରାଜ୍ୟ ବାହାରୁ ଆଇଗିଣିଆ ଓ ୧ ନମ୍ବର ହାଟକୁ ୫୦ରୁ ୬୦ ଟ୍ରକ ପରିବା ଆସେ । ପ୍ରତି ଟ୍ରକରେ ୧୫ରୁ ୨୦ କୁଇଣ୍ଟାଲ ପରିବା ରୁହେ । ଲୋକାଲ ପରିବା ପ୍ରାୟ ୧୦୦ ଟ୍ରକ ଆସେ । ପ୍ରତି ଟ୍ରକରେ ୩ରୁ ୪ କୁଇଣ୍ଟାଲ ପରିବା ରୁହେ । ହେଲେ ସେହି ଅନୁସାରେ ଏବେ ବିକ୍ରି ହେଉନି,’’ କହିଛନ୍ତି କଞ୍ଚା ପରିବା ବ୍ୟବସାୟୀ ମହାସଙ୍ଘର ସଭାପତି କବିରାଜ ସ୍ୱାଇଁ ।
ପରିବା ଯଥେଷ୍ଟ ବିକ୍ରି ନ ହେବାର କାରଣମାନଙ୍କ ମଧ୍ୟରେ ଅଛି ପରିବହନ ଉପରେ କଟକଣା ଥିବାରୁ ଚାଷୀଙ୍କ ଉତ୍ପାଦିତ ସାମଗ୍ରୀ ସବୁ ଜାଗାରେ ପହଞ୍ଚି ନ ପାରିବା, ହୋଟେଲ ଓ ଢ଼ାବା ଆଦି ବନ୍ଦ ରହିବା, ଓ ସାମାଜିକ ଉତ୍ସବ, ବିବାହବ୍ରତ, ସଭାସମିତି ଓ ବୈଠକ ଆଦି ବନ୍ଦ ରହିବା ।
ବଡ କଥା ହେଲା ଯେ ଲୋକେ ପ୍ରଥମେ ଆବଶ୍ୟକତା ଠାରୁ ଅଧିକ ପରିବା କିଣୁଥିଲେ । ହେଲେ ଏବେ ରୋଜଗାର ନ ଥିବାରୁ ହାତ ବାନ୍ଧି ବସିଛନ୍ତି ଅନେକ ଲୋକେ ।
‘‘ଲକଡ଼ାଉନ ହେବ ଶୁଣି ଆଗକୁ ଆଉ ପରିବା ମିଳିବନି ଭାବି ଅଧିକ ଅଧିକ ପରିବା କିଣି ନେଇଥିଲୁ । ହେଲେ କାମ ବନ୍ଦ ଥିବାରୁ ଏବେ ହାତ ବାନ୍ଧି ବସିଛୁ । ଅର୍ଥ ନାହିଁ । ଖର୍ଚ୍ଚ ଏବେ ବଜେଟ ଭିତରେ । ଆବଶ୍ୟକ ଥିଲେ ବି କମ ପରିବା କିଣିବାକୁ ବାଧ୍ୟ ହେଉଛୁ,’’ କହିଛନ୍ତି ଗାଡି ଚାଳକ ରାଜକିଶୋର ।
ଏହି କାରଣରୁ ଲକ୍ଷାଧିକ ଟଙ୍କାର କ୍ଷତି ସହୁଛନ୍ତି ପରିବା ବ୍ୟବସାୟୀମାନେ । ଇଭେଣ୍ଟ ମ୍ୟାନେଜରଙ୍କ ଉପରେ ବି ଏହାର ପ୍ରଭାବ ପଡିଛି। ‘‘ସାଧାରଣତଃ ନଭେମ୍ବରରୁ ଜୁଲାଇକୁ ଫେଷ୍ଟିଭ ସିଜିନ କୁହାଯାଏ । ହେଲେ କରୋନା ପାଇଁ ଏବେ ସବୁ ବୁକିଂ ବାତିଲ ହୋଇଛି । ଏବେ ଯାଏଁ ମୋ’ର ପୂର୍ବ-ନିର୍ଦ୍ଧାରିତ ୨୨ଟି କାର୍ଯ୍ୟକ୍ରମ ବାତିଲ ହୋଇଛି,’’ କହିଛନ୍ତି ବିବିଏମ କ୍ୟାଟରିଂ ମାଲିକ ବ୍ରହ୍ମଜ୍ୟୋତି ମହାନ୍ତି ।
ଲକଡ଼ାଉନ ପାଇଁ ସବୁ କ୍ଷେତ୍ର ପ୍ରଭାବିତ ହୋଇଛି, ହେଲେ ଅଧିକ ପ୍ରଭାବିତ ହୋଇଛନ୍ତି ପନିପରିବା ଚାଷୀ ଓ କ୍ଷୁଦ୍ର ବ୍ୟବସାୟୀ । କଟକଣା କୋହଳ ହେବା ସାଙ୍ଗକୁ ରାଜ୍ୟ ବାହାରକୁ ଆମଦାନୀ ଓ ରପ୍ତାନୀ କ୍ଷେତ୍ରକୁ ସୁଦୃଢ଼ କଲେ ସ୍ଥିତିରେ ସୁଧାର ଆସିବା ସମ୍ଭାବନା ରହିଛି ବୋଲି କହିଛନ୍ତି ବ୍ୟବସାୟୀମାନେ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
