ଆଜି ଭୁବନେଶ୍ୱରରେ ବିନା ସ୍ଲଟ୍ ବୁକିଂରେ ଆପଣ ନେପାରିବେ ଟିକା; BMC ଦେଉଛି ଏହି ସୁଯୋଗ

କେବଳ ନିଜ ଆଧାର କାର୍ଡ଼ ଧରି ଆସିଲେ ଓ ପଞ୍ଜୀକରଣ କରାଇଲେ ମିଳିଯାଉଛି କରୋନା ଟିକା । ବି.ଏମ୍.ସି. ଅଞ୍ଚଳରେ ଜୁନ୍ ୩୦ ତାରିଖ ସୁଦ୍ଧା ପ୍ରାୟ ୧୪ ଲକ୍ଷ ଲୋକ ଟିକା ନେଇସାରିଲେଣି ।

ଆଜି ଭୁବନେଶ୍ୱରରେ ବିନା ସ୍ଲଟ୍ ବୁକିଂରେ ଆପଣ ନେପାରିବେ ଟିକା; BMC ଦେଉଛି ଏହି ସୁଯୋଗ
ଭୁବନେଶ୍ୱରରେ ଗୋଟିଏ ଟିକାକରଣ କେନ୍ଦ୍ରରେ ଧାଡ଼ି ବାନ୍ଧି ଠିଆ ହୋଇଛନ୍ତି ଲୋକେ ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: କରୋନା ଟିକା ନେବା ପାଇଁ ସ୍ଲଟ୍‌ ବୁକିଂ କରିପାରୁ ନ ଥିବା କିମ୍ବା ସ୍ଲଟ୍‌ ପାଇପାରୁ ନ ଥିବା ଲୋକଙ୍କ ପାଇଂ ବିନା ସ୍ଲଟ୍‌ ବୁକିଂରେ ଟିକା ନେବା ବ୍ୟବସ୍ଥା କରିଛି ଭୁବନେଶ୍ୱର ମହାନଗର ନିଗମ (ବି.ଏମ୍‌.ସି.) । ଏହି ସୁବିଧା ଦୁଇ ଦିନ ପାଇଁ ଦିଆଯାଇଛି । ବୁଧବାର ପରେ ମଙ୍ଗଳବାର ଓକାକ୍‌ ଅଫିସରେ ପହଞ୍ଚି ଲୋକେ ବିନା ସ୍ଲଟ୍‌ ବୁକିଂରେ ସହଜରେ ଟିକା ନେଇପାରିବେ ।

ସୋମବାର ବିଶ୍ୱ ଟିକାକରଣ ଦିବସ ଉପଲକ୍ଷେ ଭୁବନେଶ୍ୱରରେ ବି.ଏମ୍.ସି. ପକ୍ଷରୁ ଟିକାକରଣକୁ ନେଇ ବ୍ୟାପକ ଆୟୋଜନ ହୋଇଥିଲା । ବିନା ସ୍ଲଟ ବୁକିଂରେ କେବଳ ନିଜ ଆଧାର କାର୍ଡ଼ ଧରି ପହଞ୍ଚୁଥିବା ଲୋକଙ୍କୁ ଟିକା ଦେବା ବ୍ୟବସ୍ଥା କରିଥିଲା ବି.ଏମ୍‌.ସି. । ଓୟସା (OYSA), ଇନଫୋସିସ୍‌ ଓ ବି.ଏମ୍.ସି. ପକ୍ଷରୁ ମିଳିତ ଭାବେ ଏହି ଅଭିଯାନ ଦୁଇ ଦିନ ପାଇଁ ଆୟୋଜିତ ହୋଇଛି ।

ଏହା ବି ପଢ଼ନ୍ତୁ | ମନ୍ଦିରା ବେଦୀଙ୍କ ସ୍ୱାମୀଙ୍କ ମୃତ୍ୟୁ ହେଲା; ଅଭିନେତ୍ରୀଙ୍କ Insta ପୋଷ୍ଟକୁ ନେଇ ଉଠିଲା ଅନେକ ପ୍ରଶ୍ନ

କୋଭିଡ ମହାମାରୀ ବିରୁଦ୍ଧରେ ଟିକା ହିଁ ଏକ ମାତ୍ର ଭରସା ହୋଇଥିବାରୁ ଭୁବନେଶ୍ୱରରେ ଯୁଦ୍ଧକାଳୀନ ଭିତ୍ତିରେ ଟିକାକରଣ ଚାଲିଛି । ବିଶ୍ୱ ଟିକାକରଣ ଦିବସ ଉପଲକ୍ଷେ ଏହି ଅଭିଯାନକୁ ଆହୁରି ବଢ଼ାଇବା ପାଇଁ ବି.ଏମ୍.ସି. ବିଭିନ୍ନ ଯୋଜନା କରିଥିଲା ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ସ୍ୱାମୀଙ୍କ ଠାରୁ ଅଲଗା ଏବେ ଗର୍ଭବତୀ: TMC ସାଂସଦ ନୁସ୍ରତ୍ ଜହାଁ ଶେୟାର୍ କଲେ ସୁନ୍ଦର ଫଟୋ

‘‘ମୋସବାର ଦିନ ଆମେ ୫୦୦ ଜଣ ଲୋକଙ୍କ ଟିକାକରଣ ବ୍ୟବସ୍ଥା କରିଥିଲୁ । ଲୋକେ କେବଳ ନିଜ ଆଧାର କାର୍ଡ଼ ଧରି ଆସୁଥିଲେ ଓ ଆମ ଲୋକେ ପଞ୍ଜୀକରଣ କରିବା ପରେ ଟିକା ଦେଉଥିଲେ । ଏହି ବ୍ୟବସ୍ଥାରେ ଲୋକେ ଖୁସିରେ ଟିକା ନେଉଛନ୍ତି,’’ କହିଛନ୍ତି ଓୟସାର ପ୍ରତିଷ୍ଠାତା ମନୋନୀତ ଦାଶ ।

ଏହା ବି ପଢ଼ନ୍ତୁ | ପିଲାମାନଙ୍କୁ କରୋନା ହେବା ସମ୍ଭାବନା ବିଷୟରେ ଭ୍ରମିତ ହୁଅନ୍ତୁ ନାହିଁ, କହିଲେ ବଡ଼ ବିଶେଷଜ୍ଞମାନେ

ଇନଫୋସିସର ରିଜିଓନାଲ୍‌ ମ୍ୟାନେଜର ଶାନ୍ତନୁ ଘୋଷ କହିଛନ୍ତି ଯେ ଭୁବନେଶ୍ୱରରେ ଲୋକେ ଟିକା ନେବା ପାଇଁ ଆଗ୍ରହ ପ୍ରକାଶ କରୁଥିବା ଦେଖାଯାଉଛି । ‘‘ଆମେ ଏହି ଏକ କାମରେ ନିଜକୁ ନିୟୋଜିତ କରି ଖୁସି ହେଉଛୁ । ଏଭଳି ସମୟରେ ଲୋକମାନଙ୍କ ପାଇଁ କିଛି କରିବା ଏକ ବଡ଼ କଥା । ମୁଁ ଲୋକଙ୍କୁ ଅନୁରୋଧ କରୁଛି ଯେ ସମସ୍ତେ ଆସି ଟିକା ନିଅନ୍ତୁ,’’ ସେ କହିଛନ୍ତି ।

ଏହା ବି ପଢ଼ନ୍ତୁ | ଭଲ ଖବର: ଜୁଲାଇ ଶେଷ ବା ଅଗଷ୍ଟରେ ଆରମ୍ଭ ହୋଇପାରେ ପିଲାମାନଙ୍କ COVID ଟିକାକରଣ

‘‘ବି.ଏମ୍.ସି. ଅଞ୍ଚଳରେ ବିଭିନ୍ନ ଉପାୟରେ ଚାଲିଛି ଟିକାକରଣ । ବିଭିନ୍ନ ବର୍ଗର ଲୋକଙ୍କୁ ଚିହ୍ନଟ କରି ପ୍ରାଥମିକତା ଆଧାରରେ ଟିକା ଦିଆଯାଉଛି । ସହରରେ ଯେମିତି କେହି ଜଣେ ହେଲେ ବି ଟିକାରୁ ବଞ୍ଚିତ ହେବେ ନାହିଁ ସେଥି ପ୍ରତି ଆମେ ଧ୍ୟାନ ଦେଉଛୁ । ବରିଷ୍ଠ ନାଗରିକ, ଦିବ୍ୟାଙ୍ଗ, ଶଯ୍ୟାଶାୟୀ ବ୍ୟକ୍ତି, କିନ୍ନର କିମ୍ବା ଆଗ ଧାଡ଼ିର କରୋନା ଯୋଦ୍ଧା, ସଭିଙ୍କ ଟିକାକରଣ ପାଇଁ ବ୍ୟବସ୍ଥା କରାଯାଉଛି । ବର୍ତ୍ତମାନ ସୁଦ୍ଧା ମୋ’ଟ ୧୩,୯୨,୦୭୫ ଜଣ କୋଭାକ୍ସିନ୍‌ ଟିକା ନେଇଥିବା ବେଳେ ସେଥିରୁ ୪,୯୮,୧୯୭ ଜଣ ଦୁଇଟି ଡୋଜ୍‌ ଟିକା ନେଇସାରିଛନ୍ତି । ପ୍ରଥମ ଡୋଜ୍‌ ନେଇଛନ୍ତି ୮,୯୩୮୭୮ ଜଣ । ଭୁବନେଶ୍ୱରରେ ଭାକ୍ସିନର ଅଭାବ ନାହିଁ,’’ କହିଛନ୍ତି ବି.ଏମ୍.ସି.ର ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ ।

ଏହା ବି ପଢ଼ନ୍ତୁ | କରୋନାର Delta ରୂପ ବିଷୟରେ WHO ଚେତାବନୀ ଦେଲା: ଡୋଜ୍ ଟିକା ନେଇଥିଲେ ବି ମାସ୍କ ପିନ୍ଧନ୍ତୁ

ସେ କହିଛନ୍ତି ଯେ ବିଶ୍ୱ ଟିକାକରଣ ଦିବସ ଅବସରରେ ପର୍ଯ୍ୟାପ୍ତ ସଂଖ୍ୟାର ଲୋକଙ୍କୁ ଟିକା ଦେବାର ବ୍ୟବସ୍ଥା କରାଯାଇଥିଲା । ‘‘ଅଧିକରୁ ଅଧିକ ଲୋକ କେମିତି ଟିକା ନେବେ ସେଥି ପାଇଁ ଚେଷ୍ଟା ଚାଲିଛି । ଏହି ଦୁଇ ଦିନ ବିନା ସ୍ଲଟ ବୁକିଂରେ ଲୋକଙ୍କ ପାଇଁ ଟିକା ନେବା ସୁବିଧା ଆମେ ଆଣିଛୁ । ‘ଟିକା ନେଇ ନ ଥିବା ଲୋକେ ଆସି ଟିକା ନିଅନ୍ତୁ,’’ କହିଛନ୍ତି ସେଠୀ ।



ରାଜ୍ୟର ବିଭିନ୍ନ ସ୍ଥାନରେ ଟିକାକାରଣକୁ ନେଇ ଅନେକ ସମସ୍ୟା ଦେଖା ଦେଇଥିବା ବେଳେ ସ୍ଲଟ୍‌ ନ ମିଳିବା ଲୋକଙ୍କର ସବୁଠୁ ବଡ଼ ସମସ୍ୟା ଭାବେ ଉଭା ହୋଇଛି । ଏହି ଦୁଇ ଦିନରେ ଭୁବନେଶ୍ୱରରେ ବିନା ସ୍ଲଟ୍‌ ବୁକିଂରେ ପ୍ରାୟ ୧,୦୦୦ ଲୋକଙ୍କୁ ଟିକା ଦିଆଯିବ ବୋଲି ଆଶା କରାଯାଉଛି ।
Published by: Anand ST Das
First published: June 30, 2021, 11:56 PM IST