ମିଳିତ ଜାତିସଂଘର ଭାରତକୁ ପ୍ରଶଂସା; କହିଲା: କରୋନା ବିରୋଧ ଲଢ଼େଇରେ ଗ୍ଲୋବାଲ ଲିଡ଼ର

ମିଳିତ ଜାତିସଂଘକୁ କରୋନା ଭ୍ୟାକ୍ସିନର ୨ ଲକ୍ଷ ଡୋଜ ଯୋଗାଇଥିବାରୁ ମିଳିତ ଜାତିସଂଘ ଭାରତକୁ ପ୍ରଶଂସା କରି କରୋନା ବିରୋଧ ଯୁଦ୍ଧରେ ଗ୍ଲୋବାଲ ଲିଡର ବୋଲି କହିଛି ।

ମିଳିତ ଜାତିସଂଘର ଭାରତକୁ ପ୍ରଶଂସା; କହିଲା: କରୋନା ବିରୋଧ ଲଢ଼େଇରେ ଗ୍ଲୋବାଲ ଲିଡ଼ର
ମିଳିତ ଜାତିସଂଘର ଭାରତକୁ ପ୍ରଶଂସା
  • News18 Odia
  • Last Updated: February 21, 2021, 6:33 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ଭାରତ ମିଳିତ ଜାତିସଂଘକୁ କରୋନା ଭ୍ୟାକ୍ସିନର ୨ ଲକ୍ଷ ଡୋଜ ଯୋଗାଇଥିବାରୁ ମିଳିତ ଜାତିସଂଘ ଭାରତକୁ ପ୍ରଶଂସା କରି ଧନ୍ୟବାଦ ଅର୍ପଣ କରିଛି । ଜାତିସଂଘର ଶାନ୍ତି ରକ୍ଷାକାରୀଙ୍କ ପାଇଁ ଭାରତ କରୋନା ଟିକା ପ୍ରଦାନ କରିଛି । ମିଳିତ ଜାତିସଂଘ ଭାରତକୁ ପ୍ରଶଂସା କରି ଏହାକୁ କରୋନା ବିରୋଧରେ ଯୁଦ୍ଧରେ ଗ୍ଲୋବାଲ ଲିଡର ବୋଲି କହିଛି । ମିଳିତ ଜାତିସଂଘର ସେକ୍ରେଟେରୀ ଜେନେରାଲ ଆଣ୍ଟୋନିଓ ଗୁଟାରେସଙ୍କ ବିବୃତ୍ତିର ପୁନରାବୃତ୍ତି କରି ମିଳିତ ଜାତିସଂଘର ସ୍ଥାୟୀ ସଚିବ ଟି.ଏସ୍ ଥିରୁମୂର୍ତ୍ତି କହିଛନ୍ତି ଯେ କରୋନା ସହ ଲଢ଼େଇ କରିବାରେ ଭାରତ ଗ୍ଲୋବାଲ ଲିଡର ଭାବରେ କାର୍ଯ୍ୟ କରୁଛି । କୋଭେକ୍ସ ସୁବିଧାକୁ ମଜବୁତ କରି ସମଗ୍ର ବିଶ୍ୱକୁ ଟିକା ଯୋଗାଇ ଦେଇଥିବାରୁ ଆମେ ଭାରତକୁ ଧନ୍ୟବାଦ ଦେଉଛୁ ।

ଗୁଟାରାଇସ୍ ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କରଙ୍କୁ କୋଭିଡ ଟିକା ପ୍ରଦାନ କରିଥିବାରୁ ମଧ୍ୟ ଧନ୍ୟବାଦ ଦେଇଛନ୍ତି । ବୈଦେଶିକ ବ୍ୟାପାର ମନ୍ତ୍ରଣାଳୟର ଆକଳନ ଅନୁଯାୟୀ ଗତ ସପ୍ତାହ ପର୍ଯ୍ୟନ୍ତ ଭାରତ ସମୁଦାୟ ୨୨୯.୭ ଲକ୍ଷ କୋଭିଡ ଟିକା ରପ୍ତାନି କରିଛି । ଭାରତ ୧୬ ଜାନୁଆରୀରୁ କୋଭିଡ ଟିକାକାରଣ ଆରମ୍ଭ କରିଥିଲା ​​। ପ୍ରଥମ ଦିନରେ ଭାରତରେ ୨୦ ଲକ୍ଷରୁ ଅଧିକ ସ୍ୱାସ୍ଥ୍ୟ କର୍ମୀଙ୍କୁ ଟିକା ଦିଆଯାଇଥିଲା । କେବଳ ଏତିକି ନୁହେଁ ଜାତିସଂଘ ଏଜେନ୍ସି ପାଇଁ କାର୍ଯ୍ୟ କରୁଥିବା ସହସ୍ର ଲୋକଙ୍କୁ ଭାରତ ମଧ୍ୟ ଟିକା ଦେଇଛି । କୋଭିନ ନାମରେ ମଧ୍ୟ କେନ୍ଦ୍ର ସରକାରଙ୍କ ଦ୍ୱାରା ଏକ ଆପ୍ ଲଞ୍ଚ କରାଯାଇଛି । ଏହାର ଉଦ୍ଦେଶ୍ୟ ହେଉଛି ଟୀକାକରଣ ଓ ତଥ୍ୟ ସଂଗ୍ରହର ସମ୍ପୂର୍ଣ୍ଣ ପ୍ରକ୍ରିୟା ଉପରେ ନଜର ରଖିବା ।

କୋଭାକ୍ସିନ୍ ଓ କୋଭିଶିଲ୍ଡ ବର୍ତ୍ତମାନ ଭାରତରେ ଅନୁମୋଦିତ ଟିକା । ସାପ୍ତାହିକ ସୂଚନା ପ୍ରଦାନ କରି ବୈଦେଶିକ ମନ୍ତ୍ରଣାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ଭାରତ ଖୁବ ଶୀଘ୍ର ଓମାନ, ନିକାରାଗୁଆ ସମେତ ଅନେକ ଦେଶକୁ ଟିକା ପଠାଇବାକୁ ଯାଉଛି । କେବଳ ଏତିକି ନୁହେଁ ଖୁବ ଶୀଘ୍ର ଭାରତରୁ ଆଫ୍ରିକାକୁ ୧ କୋଟି ଡୋଜ ପଠାଇବ ବୋଲି ସେ କହିଛନ୍ତି । ଏହା ବ୍ୟତୀତ ମିଳିତ ଜାତିସଂଘର ସ୍ୱାସ୍ଥ୍ୟ କର୍ମୀଙ୍କୁ ୧୦ ଲକ୍ଷ ଡୋଜ ପଠାଇବ । ଭାରତ ହେଉଛି ସେହି ଦେଶ ମଧ୍ୟରୁ ଗୋଟିଏ ଯେଉଁଠାରେ କୋଭିଡ ଟୀକାକରଣର କାର୍ଯ୍ୟ ଦୁନିଆର ସବୁଠୁ ଦ୍ରୁତ ଗତିରେ ଚାଲିଛି ।
Published by: Jagdish Barik
First published: February 21, 2021, 6:33 PM IST