କରୋନା କାଳରେ ଟ୍ରେନ୍ ଟିକେଟ୍ ଟଙ୍କା ଫେରସ୍ତ ସମୟ ୬ ମାସରୁ ବଢ଼ି ୯ ମାସ ହେଲା

News18 Odia Digital

ନୂଆ ଦିଲ୍ଲୀ: କରୋନା ଭାଇରସ୍‌ ସଂକ୍ରମଣ (Cirinavirus) ଓ ଲକଡାଉନ୍‌ ସମୟରେ ଆପଣ ଟ୍ରେନ୍‌ ଟିକେଟ୍ କାଟି ତାକୁ ବାତିଲ କରିଛନ୍ତି କି? ଆଉ ଆପଣଙ୍କୁ ଏ ପର୍ଯ୍ୟନ୍ତ ଟଙ୍କା ଫେରସ୍ତ (train ticket refund) ମିଳିନାହଁ କି? ଯଦି ଏମିତି ହୋଇଛି ତେବେ ଆଦୌ ବ୍ୟସ୍ତ ହୁଅ ନାହିଁ । ଭାରତୀୟ ରେଳ (Indian Railways) ଯାତ୍ରୀଙ୍କ ଟିକଟ ଟଙ୍କା ପାଇଁ ଫେରସ୍ତ ସମୟ ସୀମାକୁ ଛଅ ମାସରୁ ନଅ ମାସକୁ ବୃଦ୍ଧି କରିଛି ।

କରୋନା ସଂକ୍ରମଣ ଓ ଲକଡାଉନ୍‌ ସମୟରେ ଅନେକ ଯାତ୍ରୀ ନିଜ ଟ୍ରେନ୍‌ ଟିକେଟ୍ ବାତିଲ୍ କରିପାରି ନ ଥିଲେ ଓ ଅନେକଙ୍କୁ ଟିକେଟ୍ ଟଙ୍କା ଫେରସ୍ତ ହୋଇପାରି ନାହିଁ । ଏହାକୁ ଦୃଷ୍ଟିରେ ରଖି ରେଳବାଇ ଏବେ ଏହି ନିଷ୍ପତ୍ତି ନେଇଛି ।

ଏହା ବି ପଢ଼ନ୍ତୁ | ଦ୍ୱିତୀୟ ନିର୍ଭୟା କାଣ୍ଡ: ମହିଳା ମନ୍ଦିରକୁ ପୂଜା କରିବାକୁ ଯାଇଥିଲେ; ପୂଜାରୀ ଓ ୨ ସାଥୀ ଅଭିଯୁକ୍ତ

ରେଳବାଇ ତରଫରୁ ଦିଆଯାଇଥିବା ସୂଚନା ଅନୁଯାୟୀ ଯଦି ଆପଣ ୨୧ ମାର୍ଚ୍ଚ ୨୦୨୦ରୁ ୩୧ ଜୁଲାଇ ୨୦୨୦ ପର୍ଯ୍ୟନ୍ତ ଟ୍ରେନ୍‌ ଟିକେଟ ସଂରକ୍ଷଣ କରିଥିବେ ଓ ଟିକେଟ୍ ବାତିଲ କରିବା ପରେ ଫେରସ୍ତ ଟଙ୍କା ପାଇ ନାହାଁନ୍ତି, ତେବେ ଆପଣ ଏହି ଟଙ୍କାକୁ ଆସନ୍ତା ନଅ ମାସ ମଧ୍ୟରେ ଯେକୌଣସି ସମୟରେ ନେଇପାରିବେ ।

ଏହା ବ୍ୟତୀତ ରେଳବାଇ ଏକ ବିବୃତ୍ତି ଜାରି କରି କହିଛି ଯେ ଏ ପର୍ଯ୍ୟନ୍ତ ଅନେକ ଯାତ୍ରୀ ସେମାନେ ବୁକ୍ କରିଥିବା ଟିକେଟ୍ ବାବଦରେ ଟଙ୍କା ଫେରସ୍ତ ପାଇନାହାଁନ୍ତି । ଏହାକୁ ଦୃଷ୍ଟିରେ ରଖି ରେଳବାଇର ଜୋନାଲ କାର୍ଯ୍ୟାଳୟଗୁଡ଼ିକ ଟିକେଟ ବାତିଲ ଅବଧି ବୃଦ୍ଧି କରିବାକୁ ଦାବି କରିଥିଲେ । ଏହାକୁ ଦୃଷ୍ଟିରେ ରଖି ରେଳବାଇ ଏହି ଅବଧି ଛଅ ମାସରୁ ନଅ ମାସକୁ ବୃଦ୍ଧି କରିଛି ।

ଏହା ବି ପଢ଼ନ୍ତୁ | ମାହାଙ୍ଗା ଡବଲ୍ ମର୍ଡ଼ର: ‘‘ତାଙ୍କ ଦି’ ପୁଅ ମୋତେ ନଙ୍ଗଳା କରି ମାଇଲେ ବୋଲି ମୁଁ ତାଙ୍କୁ ମାରିଦେଲି’’

ଜଣେ ବରିଷ୍ଠ ରେଳ ଅଧିକାରୀ କହିଛନ୍ତି ଯେ କୌଣସି ଯାତ୍ରୀଙ୍କୁ ସେମାନଙ୍କ ଟଙ୍କା ବିଷୟରେ ଚିନ୍ତା କରିବାକୁ ପଡ଼ିବ ନାହିଁ । ରେଳବାଇ କରୋନା ଲକଡାଉନ୍‌ ସମୟରେ ଟିକେଟ୍ କାଟିଥିବା ସମସ୍ତ ଯାତ୍ରୀଙ୍କ ଟଙ୍କା ଫେରସ୍ତ କରିବ ।

ଏହା ବି ପଢ଼ନ୍ତୁ | ଯାଜପୁର: ଅପହରଣକାରୀଙ୍କ କବଳରୁ ଖସିଲା ସ୍କଲ୍ ଛାତ୍ର; ଶିଶୁ କନ୍ୟା ପିହୁ ଏବେ ବି ନିଖୋଜ

ଏହା ବ୍ୟତୀତ ଯେଉଁ ଯାତ୍ରୀମାନେ ରେଳ ଷ୍ଟେସନରୁ ଟିକେଟ୍‌ ବୁକ୍ କରିଥିଲେ ସେମାନେ ସେହି ଟିକେଟକୁ ଯାତ୍ରୀ କାଉଣ୍ଟରରେ ଦାଖଲ କରିପାରିବେ ଓ ସେଠାରୁ ଟଙ୍କା ଫେରସ୍ତ ନେଇପାରିବେ ।



ଯେଉଁ ଯାତ୍ରୀମାନେ ଅନଲାଇନରେ ଟିକେଟ ବୁକ୍ କରିଥିଲେ ଯଦି ଟ୍ରେନ୍ ବାତିଲ ହୋଇଥିଲା ତାହେଲେ ସେମାନେ ସ୍ୱୟଂଚାଳିତ ଭାବରେ (automatically) ନିଜ ଟଙ୍କା ଫେରସ୍ତ ପାଇଯିବେ ବୋଲି କହିଛନ୍ତି ବରିଷ୍ଠ ରେଳ ଅଧିକାରୀ ।