ସିଙ୍ଗାପୁର ଷ୍ଟ୍ରେନ୍ ଭାରତରେ କରୋନାର ତୃତୀୟ ଲହର ଆଣିବ କି? ପିଲାମାନଙ୍କ ପାଇଁ ଚିନ୍ତା ବଢ଼ିଲା

ସିଙ୍ଗାପୁରରେ କରୋନା ଭାଇରସର ଏକ ମାରାତ୍ମକ ନୂଆ ପ୍ରକାର ଦେଖାଯିବା ପରେ ସେଠାରେ ସ୍କୁଲଗୁଡ଼ିକୁ ବନ୍ଦ କରି ଦିଆଯାଇଛି । ଭାଇରସର ଏହି ପ୍ରକାର ପିଲାମାନଙ୍କ ଉପରେ ଅଧିକ ଆକ୍ରମଣାତ୍ମକ ହେଉଥିବା ଦେଖାଯାଉଛି ।

ସିଙ୍ଗାପୁର ଷ୍ଟ୍ରେନ୍ ଭାରତରେ କରୋନାର ତୃତୀୟ ଲହର ଆଣିବ କି? ପିଲାମାନଙ୍କ ପାଇଁ ଚିନ୍ତା ବଢ଼ିଲା
ସିଙ୍ଗାପୁର ଷ୍ଟ୍ରେନକୁ ନେଇ ଭାରତରେ ଚିନ୍ତା ବଢି଼ଛି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: କରୋନା ସଂକ୍ରମଣର (Coronavirus pandemic) ଦ୍ୱିତୀୟ ଲହର ସାରା ଦେଶରେ ଭୟର ପରିବେଶ ସୃଷ୍ଟି କରିଥିବା ବେଳେ ସିଙ୍ଗାପୁରରେ (Singapore) ମିଳିଥିବା ଏହି ଭାଇରସର ନୂଆ ଷ୍ଟ୍ରେନ୍ ପୁଣି ଚିନ୍ତାର କାରଣ ସାଜିଛି । ଏହି ନୂଆ ଷ୍ଟ୍ରେନ୍‌ (ସିଙ୍ଗାପୁର ଭ୍ୟାରିଆଣ୍ଟ୍‌, Singapore variant B.1.617) ପିଲାମାନଙ୍କୁ ଅଧିକ ସଂକ୍ରମିତ କରୁଥିବା ଜଣାପଡ଼ିଛି । ସିଙ୍ଗାପୁରର ଶିକ୍ଷା ମନ୍ତ୍ରୀ ଚନ୍‌ ଚୁନ୍ ସିଙ୍ଗ୍‌ କହିଛନ୍ତି ଯେ କେତେକ ମ୍ୟୁଟେସନ୍‌ ଅଧିକ ଆକ୍ରମଣାତ୍ମକ ହେଉଛି ଓ ଛୋଟ ପିଲାଙ୍କ ଉପରେ ଅଧିକ ଆକ୍ରମଣ କରୁଥିବା ଦେଖାଯାଉଛି ।

ଚନ୍‌ ଚୁନ୍‌ ସିଙ୍ଗ୍‌ ଏହା ମଧ୍ୟ କହିଛନ୍ତି ଯେ ଯେଉଁ ପିଲାମାନେ ସିଙ୍ଗାପୁର୍‌ ଭ୍ୟାରିଆଣ୍ଟ୍‌ ଦ୍ୱାରା ସଂକ୍ରମିତ ହେଉଛନ୍ତି ସେମାନଙ୍କ ମଧ୍ୟରୁ କେହି ଗୁରୁତର ଭାବେ ଅସୁସ୍ଥ ହେଉଥିବା ଦେଖାଯାଉ ନାହିଁ ଓ କେତେକଙ୍କ ଠାରେ ସାମାନ୍ୟ ଲକ୍ଷଣ ଦେଖାଯାଇଛି । ‘‘ଆମେ ଜାଣୁ ଏହା ଆମ ସମସ୍ତଙ୍କ ପାଇଁ ବହୁତ କଷ୍ଟକର ସମୟ । କୋଭିଡ-୧୯ ବିରୋଧରେ ଆମର ଲଢ଼େଇରେ ଏହା ଏକ ସ୍ପଷ୍ଟ ପ୍ରତିବନ୍ଧକ ସାଜି ସାମନାକୁ ଆସିଛି । କିନ୍ତୁ ସିଙ୍ଗାପୁରର ଲୋକଙ୍କୁ ସୁରକ୍ଷିତ ରଖିବା ପାଇଁ ଆମେ ସଂକଳ୍ପବଦ୍ଧ ।’’

ଏହା ବି ପଢ଼ନ୍ତୁ | ଥର ଲକ୍‌ଡାଉନ୍‌ରେ ବିବାହ ବ୍ରତ ସମାରୋହରେ ଭୋଜିଭାତ ମନା; ପ୍ୟାକେଟରେ ଦେଇପାରିବେ ଖାଦ୍ୟ

ସିଙ୍ଗାପୁରରେ କରୋନା ଭାଇରସର ଏହି ନୂଆ ପ୍ରକାରଟି ଦେଖାଯିବା ପରେ ସେଠାରେ ବିଦ୍ୟାଳୟଗୁଡ଼ିକୁ ବନ୍ଦ କରି ଦିଆଯାଇଛି । ରବିବାର ଦିନ ସିଙ୍ଗାପୁରରେ ସେପ୍ଟେମ୍ବର ମଧ୍ୟ ଭାଗଠାରୁ ସର୍ବାଧିକ ୩୮ଟି କରୋନା ସଂକ୍ରମଣ ମାମଲା ସାମନାକୁ ଆସିଥିଲା । ସେଥି ମଧ୍ୟରୁ ୧୭ଟି ପରସ୍ପର ସହ ଜଡିତ ନ ଥିବା ଜଣାପଡ଼ିଥିଲା । ସଂକ୍ରମିତମାନଙ୍କ ମଧ୍ୟରେ ଚାରି ଜଣ ପିଲା ମଧ୍ୟ ଅଛନ୍ତି, ଯେଉଁମାନେ ଏକ ଟ୍ୟୁସନ ସେଣ୍ଟରରେ ପଢୁଥିଲେ ।

ଏହା ବି ପଢ଼ନ୍ତୁ | ବଲାଙ୍ଗିରର ଏହି କୋଭିଡ୍ ନର୍ସ ମାସର ଗର୍ଭବତୀ ହୋଇ ବି ସାହସର ସହ ରୋଗୀ ସେବା କରିଚାଲିଛନ୍ତି

ଦିଲ୍ଲୀ ମୁଖ୍ୟ ମନ୍ତ୍ରୀ ଅରବିନ୍ଦ କେଜ୍ରିୱାଲ (Arvind Kejriwal) ମଧ୍ୟ ସିଙ୍ଗାପୁରରେ ମିଳୁଥିବା କରୋନା ଭାଇରସର ନୂଆ ଷ୍ଟ୍ରେନ୍ (B.1.617) ବିଷୟରେ ଚିନ୍ତା ପ୍ରକଟ କରିଛନ୍ତି । କେଜ୍ରିୱାଲ ଏକ ଟ୍ୱିଟ୍ କରି କହିଛନ୍ତି ଯେ ସିଙ୍ଗାପୁରକୁ ଆସିଥିବା କରୋନାର ନୂଆ ରୂପକୁ ପିଲାମାନଙ୍କ ପାଇଁ ଅତ୍ୟନ୍ତ ବିପଜ୍ଜନକ ବୋଲି ବର୍ଣ୍ଣନା କରାଯାଉଛି । ଏହା ଭାରତରେ କରୋନା ସଂକ୍ରମଣର ତୃତୀୟ ତରଙ୍ଗ ଭାବରେ ଆସିପାରେ ବୋଲି ସେ କହିଛନ୍ତି ।

ଏହା ବି ପଢ଼ନ୍ତୁ ତାଙ୍କ ଗୀତ ଶୁଣନ୍ତୁ |ଜୀବନରେ ଯେବେ ମୋ ଆସିବ ସନ୍ଧ୍ୟା…’: ଭୁଲି ହେବନି ଗାୟକ ସଙ୍ଗୀତ ନିର୍ଦ୍ଦେଶକ ଅମରେନ୍ଦ୍ର ମହାନ୍ତିଙ୍କୁ

ଏହା ସହ ତୁରନ୍ତ ପ୍ରଭାବରେ ସିଙ୍ଗାପୁର ସହିତ ଭାରତର ବିମାନ ସେବାକୁ ବାତିଲ କରିବାକୁ କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି କେଜରିୱାଲ୍‌ । ଏହି ଅନୁରୋଧ ପରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଓ ଅନେକ ବିଜେପି ନେତା କେଜରିୱାଲଙ୍କୁ ଏମିତି ବିବୃତି ନ ଦେବାକୁ କହିଛନ୍ତି । ଏହି ବିବୃତି ଯୋଗୁଁ ଭାରତ ଓ ସିଙ୍ଗାପୁର ମଧ୍ୟରେ ସମ୍ପର୍କ ଖରାପ ହେଉଛି ବୋଲି ସେମାନେ କହିଛନ୍ତି । ସିଙ୍ଗାପୁର ଭାରତକୁ କରୋନା ସହ ଲଢ଼େଇରେ ଅନେକ ସାହାଯ୍ୟ କରୁଛି ।



ସିଙ୍ଗାପୁରରେ ଦେଖାଯାଇଥିବା କରୋନା ଭାଇରସର ନୂଆ ପ୍ରକାର ବିଷୟରେ ନୀତି ଆୟୋଗର ସଦସ୍ୟ ଡକ୍ଟର ଭି.କେ. ପାଲ୍‌ କହିଛନ୍ତି ଯେ ପିଲାମାନଙ୍କଠାରେ ମିଳୁଥିବା କରୋନା ସଂକ୍ରମଣର ନୂଆ ପ୍ରକାର ବିଷୟରେ ଆସୁଥିବା ରିପୋର୍ଟଗୁଡ଼ିକୁ ଅନୁଧ୍ୟାନ କରାଯାଉଛି । ‘‘ଏହି ସଂକ୍ରମଣ ଗୁରୁତର ହେଉନାହିଁ ବୋଲି ଏକ ଆଶ୍ୱାସନାପୂର୍ଣ ରିପୋର୍ଟ ଆସିଛି । ଆମେ ପରିସ୍ଥିତି ଉପରେ ନଜର ରଖିଛୁ,’’ କହିଛନ୍ତି ।
Published by: Anand ST Das
First published: May 19, 2021, 9:12 PM IST