ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ଶ୍ରୀମନ୍ଦିରରେ ସ୍ନାନ ପୂର୍ଣ୍ଣିମାର ୪୮ ଘଣ୍ଟା ପୂର୍ବରୁ ପାଳିଆ ସେବକମାନଙ୍କର RTPCR ଟେଷ୍ଟ୍ ହେବ

ଶ୍ରୀମନ୍ଦିରରେ ସ୍ନାନ ପୂର୍ଣ୍ଣିମାର ୪୮ ଘଣ୍ଟା ପୂର୍ବରୁ ପାଳିଆ ସେବକମାନଙ୍କର RTPCR ଟେଷ୍ଟ୍ ହେବ

ସକାଳ ସୁଦ୍ଧା ଚତୁର୍ଦ୍ଧା ମୂର୍ତ୍ତି ସ୍ନାନ ମଣ୍ଡପକୁ ବିଜେ କରିବେ । ସକାଳ ୯ଟାରୁ ୧୦ଟା ମଧ୍ୟରେ ହେବ ଶ୍ରୀଜୀଉଙ୍କ ସ୍ନାନ ନୀତି । ତା’ପରେ ଗଜପତି ମହାରାଜା ସ୍ନାନ ବେଦୀକୁ ଯାଇ ଛେରାପହଁରା ନୀତି କରିବେ ।

ଶ୍ରୀମନ୍ଦିରରେ ସ୍ନାନ ପୂର୍ଣ୍ଣିମାର ୪୮ ଘଣ୍ଟା ପୂର୍ବରୁ ପାଳିଆ ସେବକମାନଙ୍କର RTPCR ଟେଷ୍ଟ୍ ହେବ
ଶ୍ରୀମନ୍ଦିର; (ଡାହାଣ) ଗୋଟିଏ ଅର୍ଦ୍ଧ-ନିର୍ମିତ ରଥ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ପୁରୀ: ଦେବସ୍ନାନ ପୂର୍ଣ୍ଣିମା ଜୁନ୍‌ ୨୪ରେ ପଡୁଥିବାରୁ ଶ୍ରୀମନ୍ଦିର ପ୍ରଶାସନ ଓ ଜିଲ୍ଲା ପ୍ରଶାସନ ପକ୍ଷରୁ ଚାଲିଛି ପ୍ରସ୍ତୁତି । ଗତ ବର୍ଷ କୋଭିଡ୍‌ ନିୟମାବଳୀ ଅନୁସାରେ ଯେମିତି ବିନା ଭକ୍ତରେ ସ୍ନାନ ପୂର୍ଣ୍ଣିମାର ପରିଚାଳନା ହୋଇଥିଲା ଏ ବର୍ଷ ବି ସେମିତି ହେବ । ଜୁନ୍‌ ୨୩ ତାରିଖ ରାତି ୧ଟାରୁ ଆରମ୍ଭ ହେବ ଦେବସ୍ନାନ ପୂର୍ଣ୍ଣିମା ନୀତି ।

ସ୍ନାନ ପୂର୍ଣ୍ଣିମା ଦିନ ଠାରୁ ଆରମ୍ଭ ହେବ ଶ୍ରୀଜିଉଙ୍କ ୧୫-ଦିନିଆ ଅଣସର ପର୍ବ । କୋଭିଡ ଗାଇଡଲାଇନ୍ସକୁ ଦୃଷ୍ଟିରେ ରଖି ସବୁ କିଛି ହେବ । ରାତି ୧ଟାରୁ ଆରମ୍ଭ ହେବ ପହଣ୍ଡି ନୀତି । ସ୍ନାନ ପୂର୍ଣ୍ଣିମାର ୪୮ ଘଣ୍ଟା ପୂର୍ବରୁ ପାଳିଆ ସେବକଙ୍କର ହେବ ଆର୍‌.ଟି.ପି.ସି.ଆର୍‌. ଟେଷ୍ଟ୍‌ । କେବଳ ପରିଚୟ ପତ୍ର ବା ଅନୁମତି ପତ୍ର ଥିବା ପାଳିଆ ସେବାୟତଙ୍କୁ ଶ୍ରୀମନ୍ଦିର ଭିତରକୁ ପ୍ରବେଶ କରିବାକୁ ଅନୁମତି ମିଳିବ । ଏ ନେଇ ଜିଲ୍ଲାପାଳ ସମର୍ଥ ବର୍ମା ଓ ପୁରୀ ଏସ୍‌.ପି. କଁୱର ବିଶାଳ ସିଂ ଦଇତାପତି ନିଯୋଗ ସହ ଆଲୋଚନା ସରିଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ହସପିଟାଲରେ ଅକ୍ସିଜେନ୍ ବନ୍ଦ କରି ଦେଖୁଥିଲେ କେତେ ରୋଗୀ ମରିବେ; ମିନିଟରେ ମଲେ ୨୨ – VIDEO

ସ୍ନାନ ପୂର୍ଣ୍ଣିମା ପାଇଁ କେବଳ ପାଳିଆ ସେବକମାନେ ହିଁ ଅନୁମତି ପତ୍ର ଦେଖାଇ ଶ୍ରୀମନ୍ଦିରକୁ ପ୍ରବେଶ କରିପାରିବେ ବୋଲି କହିଛନ୍ତି ଦଇତାପତି ନିଯୋଗ ସଭାପତି ରବିନ୍ଦ୍ର ଦାସ ମହାପାତ୍ର । ରାତି ୧ଟାରେ ଶ୍ରୀଜୀୟୁଙ୍କ ପହଣ୍ଡି ଆରମ୍ଭ ହୋଇ ପ୍ରାତଃ ୪ଟାରେ ଶେଷ ହେବ। ସକାଳ ସୁଦ୍ଧା ଚତୁର୍ଦ୍ଧା ମୂର୍ତ୍ତି ସ୍ନାନ ମଣ୍ଡପକୁ ବିଜେ କରିବେ । ସକାଳ ୯ଟାରୁ ୧୦ଟା ମଧ୍ୟରେ ହେବ ଶ୍ରୀଜୀଉଙ୍କ ସ୍ନାନ ନୀତି । ତା’ପରେ ଗଜପତି ମହାରାଜା ସ୍ନାନବେଦୀକୁ ଯାଇ ଛେରାପହଁରା ନୀତି କରିବେ ।

ଏହା ବି ପଢ଼ନ୍ତୁ | ଯୁବ ଲେଖକମାନଙ୍କ ପାଇଁ PM ମୋଦି ଆଣିଲେ ଏକ ସ୍କିମ୍; ମାସରେ ମିଳିବ ଲକ୍ଷ ଟଙ୍କା

‘‘ପୂର୍ବାହ୍ନ ୧୧ଟାରୁ ୧୨ଟା ମଧ୍ୟରେ ଶ୍ରୀଜୀଉଙ୍କ ହାତୀବେଶ କରାଯିବ। ଅପରାହ୍ଣ ୫ଟାରେ ହେବ ବାହୁଡ଼ା ପହଣ୍ଡି । ସନ୍ଧ୍ୟା ୭ଟା ସୁଦ୍ଧା ପହଣ୍ଡି ସାରି ଅଣସର ପିଣ୍ଡିକୁ ବିଜେ କରିବେ ମହାପ୍ରଭୁ । ପହଣ୍ଡି ପୂର୍ବରୁ ଶ୍ରୀଅଙ୍ଗରୁ ସୁବର୍ଣ୍ଣର ଚିତା ଓ ରାହୁ ରେଖା ବାହାର କରାଯିବ । ଛତିଶା ନିଯୋଗ ବୈଠକରେ ଏହି ନିଷ୍ପତ୍ତିକୁ ଚୁଡ଼ାନ୍ତ ମୋହର ଲଗାଯାଇ ନୀତିକାନ୍ତି କରାଯିବ,’’ କହିଛନ୍ତି ଦାସ ମହାପାତ୍ର ।

ହାତୀ ବେଶ ବା ଗଜାନନ ବେଶ ମହାପ୍ରଭୁଙ୍କର ଏକ ଦୁର୍ଲ୍ଲଭ ବେଶ । (ଫାଇଲ୍ ଫଟୋ)


ଏବେ ବିଶ୍ୱ ନିୟନ୍ତାଙ୍କ ରଥ ନିର୍ମାଣ ଚାଲିଛି । ରଥ କାର୍ଯ୍ୟ ଏବେ ଖଳାରୁ ବାହାରକୁ ଆସିଗଲାଣି । ଭଉଁରୀ ଦିନ ନାହାକା ଚକଅଖ ଡେରା ହୋଇଥିବା ବେଳେ ଶୀତଳ ଷଷ୍ଠୀ ପୂର୍ବରୁ ତିନି ରଥର ବାକି ୧୮ଟି ଅଖରେ ୩୬ଟି ଚକ ସଂଯୋଗ କରାଯାଇ ଅଖଚକ ଡେରା ନୀତି ସମ୍ପନ୍ନ ହୋଇଛି । ତିନିରଥର ଚେଚିସ୍ ବା ଦଣ୍ଡା ଫ୍ରେମ୍ ଶେଷ ହୋଇଥିବା ବେଳେ ତାହାକୁ ନମ୍ବରିଂ କରି କଳସା ଯାଇ ଫ୍ରେମଗୁଡି଼କ ଖୋଲାଯାଇଛି । ପୁଣି ଚକାଡେରା ପରେ ଅଖରେ ମେଣ୍ଢି ଓ ଚକରେ ବନ୍ଧ ଦିଆଯାଇ ତା’ ଉପରେ ଦଣ୍ଡା ଅନୁକୁଳ କରାଯାଇଛି ।

ଏହା ବି ପଢ଼ନ୍ତୁ | SBI ଆଲର୍ଟ! ଏବେ ATMରୁ ଟଙ୍କା ଉଠାଇବା ମହଙ୍ଗା ହେବ, ଚେକ୍ ବୁକ୍ ନିୟମ ବି ବଦଳିବ

‘‘ଦେବସ୍ନାନ ପୂର୍ଣିମା ପୂର୍ବରୁ ତିନି ରଥର ଉଠିବ ଚାରି ନାହାକା । ପୂର୍ବରୁ ସ୍ନାନ ପୂର୍ଣ୍ଣିମା ଦିନ ଏହି ବିଧି ହେଉଥିବା ବେଳେ ଏହା ସେଭଳି କିଛି ପରମ୍ପରା ନୁହେଁ । ଯାହା ଆଜ୍ଞାମାଳ ଆସିବ ସେ ହିଁ କେବଳ ରଥର ବିଧି । ତେଣୁ କୌଣସି ପରମ୍ପରା ଭଙ୍ଗ ହେଉନାହିଁ । ରଥର ନିର୍ମାଣ କାମ ନେତ୍ରୋତ୍ସବ ଦିନ ହିଁ ଶେଷ ହେବ,’’ କହିଛନ୍ତି ଦେବୀଦଳନ ବିଶ୍ୱକର୍ମା ମହାରଣା କୃଷ୍ଣ ମହାରଣା ।

ଏହା ବି ପଢ଼ନ୍ତୁ | ଫୁଟବଲରେ ଆଗକୁ ବଢ଼ିଲା ଭାରତ, ହରାଇଲା ବାଂଲାଦେଶକୁ; ସୁନୀଲ୍ ଛେତ୍ରୀ ୨ଟି ଗୋଲ୍ କଲେ

ଦେବସ୍ନାନ ପୂର୍ଣ୍ଣିମାରେ ସ୍ନାନବେଦୀରେ ମହାପ୍ରଭୁ ହାତୀ ବେଶରେ ଶୃଙ୍ଗାର ହୋଇ ଭକ୍ତଙ୍କୁ ଦର୍ଶନ ଦେବାର ପରମ୍ପରା ରହିଛି । ତେଣୁ ରାଘବ ଦାସ ମଠ ପକ୍ଷରୁ ସେବକଙ୍କୁ ଲଗାଯାଇ ନିର୍ମାଣ କରାଯାଉଛି ହାତୀ ବେଶ ବା ଗଜାନନ ବେଶ । ଶୋଲ, ଜରି, ଜମ୍ବୁରା, କଇଁଥ ଅଠା, ବେତ ଓ ବାଉଁଶ କାଠି ଆଦିରେ ଏହି ବେଶ ପ୍ରସ୍ତୁତ କରାଯାଉଛି । ସ୍ୱତନ୍ତ୍ର ମାପରେ ଏହି ବେଶକୁ ନିର୍ମାଣ କରି ସ୍ନାନ ପୂର୍ଣ୍ଣିମା ଦିନ ବେଶ କାରିଗର ଶ୍ରୀମନ୍ଦିର ଗାରଦରେ ଦାଖଲ କରିଥାନ୍ତି ।

ଏହା ବି ପଢ଼ନ୍ତୁ | ଜୁନ୍ ୨୧ରୁ ଦେଶର ସବୁ ନାଗରିକଙ୍କୁ ମାଗଣା ଟିକା ମିଳିବ; ଦୀପାବଳୀ ଯାଏଁ ଗରିବଙ୍କୁ ମିଳିବ ମାଗଣା ଚାଉଳ

‘‘ହାତୀ ବେଶକୁ ସିଂହାରୀ ଓ ପୁଷ୍ପାଳକ ଆଦି ସେବକ ମାନେ ଧଳା ହାତୀ ଓ କଳା ହାତୀ ଭଳି ବେଶ କରିବେ ଓ ତା’ ପରେ ମହାପ୍ରଭୁ ହାତୀ ବେଶ ବା ଗଜାନନ ବେଶରେ ଦର୍ଶନ ଦେବେ । ଏହା ମହାପ୍ରଭୁଙ୍କର ଏକ ଦୁର୍ଲ୍ଲଭ ବେଶ । ତେଣୁ କିଭଳି ହାତୀ ବେଶ ଓଲାଗି ପର୍ଯ୍ୟନ୍ତ ଅକ୍ଷୁର୍ଣ୍ଣ ରହିବ ସେ ନେଇ ଜିଲ୍ଲାପାଳଙ୍କ ସହିତ ଏକ ବୈଠକରେ ଆଲୋଚନା ହୋଇଛି,’’ କହିଛନ୍ତି ଛାମୁ ଖିୁଣ୍ଟିଆ ନିଯୋଗ ସଭାପତି ହଜୁରୀ କୃଷ୍ଣଚନ୍ଦ୍ର ଖୁଣ୍ଟିଆ ।



ରଥ ନିର୍ମାଣ କାମରେ ଅଗ୍ରଗତି ହେଉଥିବା ବେଳେ ପ୍ରାଶାସନିକ ସ୍ତରରେ ମଧ୍ୟ ପ୍ରସ୍ତୁତି ଜୋରସୋରରେ ଚାଲିଛି । ‘‘ପୁରୀ ପୋଲିସ ପକ୍ଷରୁ ଦେବସ୍ନାନ ପୂର୍ଣ୍ଣିମାକୁ ନେଇ ସୁରକ୍ଷା ବ୍ୟବସ୍ଥାକୁ ନଅଟି ଜୋନରେ ବିଭକ୍ତ କରାଯାଇଛି । ସ୍ନାନ ଯାତ୍ରା ନେଇ ହୋଇଥିବା ସ୍ୱତନ୍ତ୍ର ଏସ୍‌.ଓ.ପି. ଅନୁସାରେ ସବୁ ବନ୍ଦୋବସ୍ତ ହେବ,’’ କହିଛନ୍ତି ପୁରୀ ଏସପି କୱଁର ବିଶାଳ ସିଂ ।
Published by: Anand ST Das
First published: June 14, 2021, 11:47 PM IST