ଆଜି ଆରମ୍ଭ ହେଉଛି ରାଜ୍ୟର ପ୍ରାଥମିକ ଓ ମାଧ୍ୟମିକ ବିଦ୍ୟାଳୟଗୁଡ଼ିକରେ ନାମଲେଖା

ରାଜ୍ୟରେ ବର୍ତ୍ତମାନ କରୋନା ସଂକ୍ରମଣ ବଢ଼ୁଥିବାରୁ ସ୍କୁଲରେ ଆଡମିଶନ୍ ପ୍ରକ୍ରିୟାରେ ସବୁ ନିୟମ ପାଳନ ପାଇଁ ସରକାର ଏକ ବିଧିବଦ୍ଧ ମାର୍ଗଦର୍ଶିକା ଜାରି କରିଛନ୍ତି । ଆଡମିଶନ ସମୟରେ କରୋନା ନିୟମ ପାଳନ କରାଇବା ଦାୟିତ୍ୱ ପ୍ରଧାନ ଶିକ୍ଷକମାନଙ୍କୁ ଦିଆଯାଇଛି ।

ଆଜି ଆରମ୍ଭ ହେଉଛି ରାଜ୍ୟର ପ୍ରାଥମିକ ଓ ମାଧ୍ୟମିକ ବିଦ୍ୟାଳୟଗୁଡ଼ିକରେ ନାମଲେଖା
ପ୍ରଥମ ଶ୍ରେଣୀରୁ ନବମ ଶ୍ରେଣୀ ପର୍ଯ୍ୟନ୍ତ ସବୁ ଛାତ୍ରଛାତ୍ରୀଙ୍କୁ ୨୦୨୧-୨୨ ଶିକ୍ଷା ବର୍ଷ ପାଇଁ ପରବର୍ତ୍ତୀ ଶ୍ରେଣୀକୁ ପଦୋନ୍ନତି ଦିଆଯାଇଛି ।
  • News18 Odia
  • Last Updated: April 27, 2021, 1:39 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ପ୍ରାଥମିକ ଓ ମାଧ୍ୟମିକ ବିଦ୍ୟାଳୟରେ ନାମଲେଖା ପାଇଁ ସରକାର ତାରିଖ ଘୋଷଣା କରିଛନ୍ତି । ବିଦ୍ୟାଳୟ ଓ ଗଣ ଶିକ୍ଷା ବିଭାଗ ପ୍ରକାଶ ରିଥିବା ବିଜ୍ଞପ୍ତି ଅନୁଯାୟୀ ଏପ୍ରିଲ୍ ୨୭ ମଙ୍ଗଳବାରଠାରୁ ନାମଲେଖା ଆରମ୍ଭ ହେବ ଓ ମେ ୩୧ ତାରିଖ ପୂର୍ବରୁ ଶେଷ ହେବ ।

ବିଭାଗର ସୂଚନା ଅନୁସାରେ ସ୍କୁଲଗୁଡ଼ିକରେ ନାମଲେଖା ପ୍ରକ୍ରିୟା ସବୁ କାର୍ଯ୍ୟ ଦିବସରେ ସକାଳ ୭ଟାରୁ ସାଢ଼େ ୯ଟା ପର୍ଯ୍ୟନ୍ତ ଚାଲିବ । କରୋନା ଭାଇରସ୍‌ ସଂକ୍ରାନ୍ତୀୟ କଟକଣା ଯୋଗୁଁ ଏକ ସମୟରେ ପାଞ୍ଚରୁ ଅଧିକ ପିତାମାତାଙ୍କୁ ବିଦ୍ୟାଳୟ ଭିତରେ ନିଜ ପିଲାର ଆଡମିଶନ ପାଇଁ ରହିବାକୁ ଅନୁମତି ଦିଆଯିବ ନାହିଁ ।

ଏହା ବି ପଢ଼ନ୍ତୁ | ୧୮ ବର୍ଷ ବା ଅଧିକ? କରୋନା ଟିକା ନେବା ପାଇଁ CoWin ଆପ୍ରେ କେମିତି ପଞ୍ଜୀକରଣ କରିବେ ଜାଣନ୍ତୁ

ରାଜ୍ୟରେ ବର୍ତ୍ତମାନ କରୋନା ସଂକ୍ରମଣ ବଢ଼ୁଥିବାରୁ ଆଡମିଶନ୍‌ ବେଳେ ସବୁ ନିୟମ ମାନିବା ପାଇଁ ସରକାର ଏକ ବିଧିବଦ୍ଧ ମାର୍ଗଦର୍ଶିକା ଜାରି କରିଛନ୍ତି । ଆଡମିଶନ ପ୍ରକ୍ରିୟା ସମୟରେ ମାସ୍କ ପିନ୍ଧୁଛନ୍ତି ଓ ସାମାଜିକ ଦୂରତା ବଜାୟ ରଖୁଛନ୍ତି ତାହା ସୁନିଶ୍ଚିତ କରିବା ଦାୟିତ୍ୱ ପ୍ରଧାନ ଶିକ୍ଷକମାନଙ୍କ ଉପରେ ରହିବ । ହେଲେ କଣ୍ଟେନମଣ୍ଟ୍‌ ଜୋନ ନିକଟରେ କୌଣସି ସ୍କୁଲରେ ନାମଲେଖା ପ୍ରକ୍ରିୟା ଚାଲିପାରିବ ନାହିଁ ବୋଲି ବିଭାଗ ସ୍ପଷ୍ଟ କରିଛି ।

ଏହା ବି ପଢ଼ନ୍ତୁ | କରୋନା ଟିକାର ପ୍ରଥମ ଡୋଜ୍ ନେବା ପରେ ସଂକ୍ରମିତ ହେଲେ ଦ୍ୱିତୀୟ ଡୋଜ୍ କେବେ ନେବା ଉଚିତ?

କରୋନା ମହାମାରୀ କରାଣରୁ ସ୍କୁଲ୍‌ ସବୁ ଏବେ ବନ୍ଦ ଥିଲେ ବି କୌଣସି ଶିଶୁକୁ ତା’ ଶିକ୍ଷାଗତ ଅଧିକାରରୁ ବଞ୍ଚିତ କରିବାକୁ ନ ଦେବାକୁ ସରକାର ସ୍ଥିର କରିଛନ୍ତି । ରାଜ୍ୟରେ ପ୍ରଥମ ଶ୍ରେଣୀରୁ ନବମ ଶ୍ରେଣୀ ପର୍ଯ୍ୟନ୍ତ ସବୁ ଛାତ୍ରଛାତ୍ରୀଙ୍କୁ ୨୦୨୧-୨୨ ଶିକ୍ଷା ବର୍ଷ ପାଇଁ ପରବର୍ତ୍ତୀ ଶ୍ରେଣୀକୁ ପଦୋନ୍ନତି ଦିଆଯାଇଛି ।

ଏହା ବି ପଢ଼ନ୍ତୁ | କୁକୁଡ଼ାମାନେ ଅଣ୍ଡା ଦେବା ବନ୍ଦ କରିଦେଲେ ବୋଲି ଥାନାକୁ ଯାଇ ଅଭିଯୋଗ କଲେ ଏହି ବ୍ୟକ୍ତି

ରାଜ୍ୟରେ କରୋନା ସଂକ୍ରମଣର ସ୍ଥିତି ଦିନକୁ ଦିନ ଗୁରୁତର ହେଉଥିବାରୁ ଏପ୍ରିଲ୍‌ ୧୯ ତାରିଖରୁ ସବୁ ଉଚ୍ଚ ଶିକ୍ଷାନୁଷ୍ଠାନ ବନ୍ଦ ରଖିବାକୁ ସରକାର ନିଷ୍ପତ୍ତି ନେଇଥିଲେ । ସବୁ ପରୀକ୍ଷା ବି ସ୍ଥଗିତ ରଖାଯାଇଥିଲା । ପରିସ୍ଥିତିକୁ ଦେଖି ପରେ ପରୀକ୍ଷା ତାରିଖ ଧାର୍ଯ୍ୟ କରାଯିବ ବୋଲି କୁହାଯାଇଥିଲା । ହେଲେ ପରେ ମ୍ୟାଟ୍ରିକ୍‌ ପରୀକ୍ଷା ବାତିଲ୍‌ କରିବାକୁ ନିଷ୍ପତ୍ତି ନେଇଥିଲେ ସରକାର ।



ଏହା ପୂର୍ବରୁ ଏପ୍ରିଲ୍‌ ୭ ତାରିଖରେ ରାଜ୍ୟର ସବୁ ସରକାରୀ ଓ ଘରୋଇ ସ୍କୁଲରେ ନବମ ଓ ଏକାଦଶ ଶ୍ରେଣୀ ପାଇଁ ଶ୍ରେଣୀଗୃହ ପାଠପଢ଼ା ବନ୍ଦ କରିବାକୁ ଚିଠି କରିଥିଲା ବିଦ୍ୟାଳୟ ଓ ଗଣ ଶିକ୍ଷା ବିଭାଗ । ରାଜ୍ୟରେ ବ୍ୟାପିଚାଲିଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ତୁରନ୍ତ ଏହି ଦୁଇ କ୍ଳାସ୍‌ ବନ୍ଦ କରିବାକୁ ଗଣ ଶିକ୍ଷା ବିଭାଗ ନିର୍ଦ୍ଦେଶ ଦେଇଥିଲା । ହଷ୍ଟେଲରେ ରହୁଥିବା ପିଲାମାନେ ମଧ୍ୟ ହଷ୍ଟେଲ ଛାଡି଼ପାରିବେ ବୋଲି ଏହି ଚିଠିରେ ଉଲ୍ଲେଖ ରହିଥିଲା । ଆବଶ୍ୟକ ପଡ଼ିଲେ ପୂର୍ବ ଭଳି ଏହି ଦୁଇ କ୍ଳାସ୍‌ ପାଇଁ ପାଠ ପଢ଼ା ଅନଲାଇନ୍‌ ମାଧ୍ୟମରେ କରିବେ ଶିକ୍ଷକଶିକ୍ଷୟିତ୍ରୀମାନେ ।
Published by: Anand ST Das
First published: April 26, 2021, 10:21 PM IST