ଋଷ କଲା କରୋନା ଭୂତାଣୁର ଦ୍ୱିତୀୟ ଟୀକା ବନାଇଥିବାର ଦାବି; ପୁତିନ କଲେ ଘୋଷଣା

ବୁଧବାର ଏକ ଭିଡିଓ କନଫରେନ୍ସରେ ରୁଷ ରାଷ୍ଟ୍ରପତି ପୁତିନ କହିଛନ୍ତି, “ନୋଭୋସିବିରସ୍କ ଭେକ୍ଟର କେନ୍ଦ୍ର କରୋନା ଭାଇରସ ସଂକ୍ରମଣ ବିରୋଧରେ ଦ୍ୱିତୀୟ ରୁଷିଆ ଟୀକା ପଞ୍ଜିକୃତ କରିଛି ।"

ଭ୍ଲାଦିମିର ପୁତିନ କଲେ ଘୋଷଣା

ଭ୍ଲାଦିମିର ପୁତିନ କଲେ ଘୋଷଣା

  • Share this:
News18 Odia Digital
ନୂଆ ଦିଲ୍ଲୀ: ଗୋଟିଏ ପଟେ ବିଶ୍ୱ କରୋନା ଭାଇରସ୍ (Coronavirus) ସହିତ ଲଢ଼େଇ କରୁଛି କିନ୍ତୁ ଅନ୍ୟପଟେ ଋଷ କୋଭିଡ-୧୯ ର (Russia COVID- 19 Vaccine) ଦ୍ୱିତୀୟ ଟିକା ବିକଶିତ କରି ଥିବା ଦାବି କରିଛି । ବୁଧବାର ରାଷ୍ଟ୍ରପତି ଭ୍ଲାଦିମିର ପୁତିନ ନିଜେ ଏହା ଘୋଷଣା କରିଛନ୍ତି । ସେ ସୂଚନା ଦେଇଛନ୍ତି ଯେ ଋଷ କରୋନା ଭୂତାଣୁ ସଂକ୍ରମଣର ଦ୍ୱିତୀୟ ଟିକା ପଞ୍ଜିକୃତ କରିଛି । ସାରା ବିଶ୍ୱରେ କରୋନା ଭୂତାଣୁର ଟିକା ବିକଶିତ କରିବା ପାଇଁ କାର୍ଯ୍ୟ ଚାଲିଛି । କିଛି ଟିକା ପରୀକ୍ଷା ମଧ୍ୟ ଚାଲିଛି । ଋଷ ଏହା ପୂର୍ବରୁ ମଧ୍ୟ ନିଜର କରୋନା ଭୂତାଣୁ ଟିକା ପ୍ରସ୍ତୁତ କରିଥିବା ଦାବି କରିସାରିଛି ।

ବୁଧବାର ଦିନ ଏକ ଭିଡିଓ ସମ୍ମିଳନୀରେ ଋଷର ରାଷ୍ଟ୍ରପତି ପୁତିନ କହିଛନ୍ତି ଯେ ନୋଭୋସିବିରସ୍କ ଭେକ୍ଟର କେନ୍ଦ୍ର ବୁଧବାର ଦିନ କରୋନା ଭୂତାଣୁ ସଂକ୍ରମଣ ବିରୋଧରେ ଋଷ ଦ୍ୱିତୀୟ ଟିକା ପଞ୍ଜିକରଣ କରିଛି । ପୁତିନଙ୍କ ଏହି ଘୋଷଣା ପୂର୍ବରୁ ସେ ଅଗଷ୍ଟରେ କହିଥିଲେ ଯେ ଦେଶ ସ୍ପୁଟନିକ୍ ଭି ନାମକ ପ୍ରଥମ କରୋନା ଭାଇରସ୍ ଟିକା ପଞ୍ଜୀକୃତ କରିଛି । ଯାହା ପରୀକ୍ଷଣର ଶେଷ ପର୍ଯ୍ୟାୟ ଶେଷ ହୋଇନାହିଁ ।

ରିପୋର୍ଟ କରାଯାଇଛି ଯେ ଋଷରେ ବର୍ତ୍ତମାନ ପଞ୍ଜୀକୃତ ହୋଇଥିବା ନୂତନ ଟିକା ସିନ୍ଥେଟିକ୍ ଭୂତାଣୁ ପ୍ରୋଟିନ୍ ବ୍ୟବହାର କରି ରୋଗ ପ୍ରତିରୋଧକ ପ୍ରତିକ୍ରିୟା ସୃଷ୍ଟି କରିଥାଏ । ସ୍ପୁଟ୍ନିକ୍ ଭି ଆଡାପ୍ଟେଡ୍ ଆଡେନୋଭାଇରସ୍ ଷ୍ଟ୍ରେନ୍ ବ୍ୟବହାର କରେ । ଆଡେନୋଭାଇରସ୍ ସାଧାରଣ ଥଣ୍ଡା ସୃଷ୍ଟି କରିଥାଏ ।

ପୁତିନଙ୍କ ବ୍ୟତୀତ ଋଷର ଉପ ମୁଖ୍ୟ ମନ୍ତ୍ରୀ ଟାଟିଆନା ଗୋଲିକୋଭା କହିଛନ୍ତି ଯେ ଏହି ଟିକା ଏକ ଉଚ୍ଚ ସ୍ତରର ସୁରକ୍ଷା ପ୍ରଦର୍ଶନ କରିଛି । ସେ କହିଛନ୍ତି ଯେ ବର୍ତ୍ତମାନ ଏହି ପରୀକ୍ଷଣରେ ୪୦,୦୦୦ ସ୍ବେଚ୍ଛାସେବୀ ଅନ୍ତର୍ଭୁକ୍ତ ହେବେ ଓ ପଞ୍ଜୀକରଣ ପରବର୍ତ୍ତୀ ପରୀକ୍ଷାରେ ଆଗକୁ ବଢ଼ାଯିବ।
Published by:Jagdish Barik
First published: