- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ବାତିଲ ହେଲା ଯୁକ୍ତ ୨ର ବାକିଥିବା ବିଷୟଗୁଡ଼ିକର ପରୀକ୍ଷା; ଜୁଲାଇ ଶେଷ ସୁଦ୍ଧା ଫଳ ପ୍ରକାଶ ପାଇବ
ବାତିଲ ହେଲା ଯୁକ୍ତ ୨ର ବାକିଥିବା ବିଷୟଗୁଡ଼ିକର ପରୀକ୍ଷା; ଜୁଲାଇ ଶେଷ ସୁଦ୍ଧା ଫଳ ପ୍ରକାଶ ପାଇବ
କରୋନା ଭାଇରସ୍ ସଂକ୍ରମଣକୁ ଦୃଷ୍ଟିରେ ରଖି ଗଣ ଶିକ୍ଷା ବିଭାଗ ଏହି ବଡ଼ ନିଷ୍ପତ୍ତି ନେଇଛି । ଯେଉଁ ଛାତ୍ରଛାତ୍ରୀମାନେ ୫ଟି ବିଷୟର ପରୀକ୍ଷା ଦେଇଛନ୍ତି ସେମାନଙ୍କର ଅଧିକ ନମ୍ବର ଥିବା ୩ଟି ବିଷୟର ମାର୍କ୍ ଆଧାରରେ ଅନ୍ୟ ବିଷୟଗୁଡ଼ିକର ମାର୍କିଂ ହେବ ।
ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ମନ୍ତ୍ରୀ ରଞ୍ଜନ ଦାଶ; ପରୀକ୍ଷାର ଏକ ପ୍ରତୀକାତ୍ମକ ଛବି
News18 Odia Digital
ଭୁବନେଶ୍ୱର: ରାଜ୍ୟରେ ଯୁକ୍ତ ୨ର ବାକିଥିବା ବିଷୟର ପରୀକ୍ଷାଗୁଡ଼ିକୁ ବାତିଲ୍ କରାଯାଇଛି । ଆଭେରେଜ ମାର୍କିଂ ଅନୁଯାୟୀ ପ୍ରକାଶ ପାଇବ ପରୀକ୍ଷା ଫଳ । ଜୁଲାଇ ଶେଷ ସୁଦ୍ଧା ବାହାରିବ ରେଜଲ୍ଟ । କଳା, ବାଣିଜ୍ୟ ଓ ବିଜ୍ଞାନ ସହ ଧନ୍ଦାମୂଳକ ବିଭାଗର ୨୩ଟି ବିଷୟର ପରୀକ୍ଷା ବାତିଲ ହୋଇଛି ।
କରୋନା ଭାଇରସ୍ ସଂକ୍ରମଣକୁ ଦୃଷ୍ଟିରେ ରଖି ଗଣ ଶିକ୍ଷା ବିଭାଗ ଏହି ବଡ଼ ନିଷ୍ପତ୍ତି ନେଇଛି । ପୂର୍ବରୁ ଉଚ୍ଚ ଶିକ୍ଷା ବିଭାଗ ଯୁକ୍ତ ୩ ଓ ପିଜି ଶେଷ ବର୍ଷ ପରୀକ୍ଷା ଉପରେ ଅନୁରୂପ ନିଷ୍ପତ୍ତି ନେଇଥିଲା ।
ଯୁକ୍ତ-୨ର ବାକି ପରୀକ୍ଷା ବାତିଲ କରାଯାଇଥିବା ନେଇ ଖୋଦ୍ ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ମନ୍ତ୍ରୀ ରଞ୍ଜନ ଦାଶ ସୂଚନା ଦେଇଛନ୍ତି । ଜୁଲାଇ ଶେଷ ସୁଦ୍ଧା ଫଳ ପ୍ରକାଶ କରିବା ପାଇଁ ବିଭାଗ ସ୍ଥିର କରିଛି । ଆଭରେଜ ନମ୍ବର ଅନୁଯାୟୀ ଫଳ ପ୍ରକାଶ କରାଯିବ ବୋଲି କୁହାଯାଇଛି ।
ଯେଉଁ ଛାତ୍ରଛାତ୍ରୀମାନେ ପାଞ୍ଚଟି ବିଷୟର ପରୀକ୍ଷା ଦେଇଛନ୍ତି ସେମାନଙ୍କର ଅଧିକ ନମ୍ବର ଥିବା ତିନୋଟି ବିଷୟର ମାର୍କ୍ ଆଧାରରେ ଅନ୍ୟ ବିଷୟଗୁଡ଼ିକର ମାର୍କିଂ ହେବ । କୌଣସି ଛାତ୍ର/ଛାତ୍ରୀ ଯଦି ତିନୋଟି ବିଷୟର ପରୀକ୍ଷା ଦେଇଥାନ୍ତି, ତେବେ ତାଙ୍କର ସବୁ ଠୁ ଭଲ କରିଥିବା ଦୁଇଟି ବିଷୟର ମାର୍କ ଆଧାରରେ ଅନ୍ୟ ବିଷୟର ମାର୍କିଂ ହେବ।
ଏକ୍ସ ରେଗୁଲାର ଛାତ୍ରଛାତ୍ରୀମାନଙ୍କର ଗତ ବର୍ଷର ଶ୍ରେଷ୍ଠ ନମ୍ବର ଆଧାରରେ ଫଳ ପ୍ରକାଶ ପାଇବ। ଯେଉଁ ଛାତ୍ରଛାତ୍ରୀ ନିଜ ରେଜଲ୍ଟକୁ ନେଇ ଅସନ୍ତୋଷ ପ୍ରକାଶ କରିବେ ସେମାନେ ପରବର୍ତ୍ତୀ ସମୟରେ ପରୀକ୍ଷା ଦେଇ ପାରିବେ ବୋଲି କହିଛି ବିଭାଗ ।
‘‘କରୋନା ଭାଇରସ୍ ସଂକ୍ରମଣ କାଳରେ ପରୀକ୍ଷା ଆୟୋଜନ କରିବା ସମ୍ଭବ ନୁହେଁ । ସିବିଏସଇ ଢାଞ୍ଚା ଅନୁଯାୟୀ ଛାତ୍ରଛାତ୍ରୀଙ୍କ ଫଳ ପ୍ରକାଶ ହେବ,’’ କହିଛନ୍ତି ଗଣ ଶିକ୍ଷା ମନ୍ତ୍ରୀ ରଞ୍ଜନ ଦାଶ ।
କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ବିଭାଗର ୨୩ଟି ବିଷୟର ପରୀକ୍ଷା ବାକି ରହିଥିଲା । ମୁଖ୍ୟତଃ ବାୟୋଲୋଜି, ଜ୍ୟୋଗ୍ରାଫି, ଲଜିକ, ଇକୋନୋମିକସ, ଷ୍ଟାଟିଷ୍ଟିକସ, ବିଜନେସ ଷ୍ଟାଡିଜି, ଏଫ.ଏମ.ଏ, କଷ୍ଟ ଆକାଉଣ୍ଟିଂ, ସୋସିଓଲୋଜି, ଆନ୍ତ୍ରପୋଲୋଜି ଓ କମ୍ପ୍ୟୁଟର ଆପ୍ଲିକେସନ ଭଳି ମୁଖ୍ୟ ବିଷୟର ପରୀକ୍ଷା ବାକି ରହିଥିବା ବେଳେ ଧନ୍ଦାମୂଳକ ବିଭାଗରୁ ଗଣିତ, ବାୟୋଲୋଜି ଓ ଟ୍ରେଡ଼ ପେପର ବାକି ରହିଛି ।
କରୋନା ସଂକ୍ରମଣକୁ ଦେଖି ପରୀକ୍ଷା ବାତିଲ ଉଚିତ ପଦକ୍ଷେପ ବୋଲି କହିଛନ୍ତି ଛାତ୍ରଛାତ୍ରୀ ଓ ଶିକ୍ଷାବିତମାନେ । କିନ୍ତୁ ସଠିକ ଭାବେ ମୂଲ୍ୟାୟନ ନ ହେଲେ କରିୟର ପ୍ରଭାବିତ ହେବ ବୋଲି ଛାତ୍ରଛାତ୍ରୀମାନେ କହିଛନ୍ତି ।
ଚଳିତ ବର୍ଷ ମୋଟ ୩,୫୦,୮୦୦ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । କଳାରେ ୨,୨୦,୪୩୭ ଜଣ, ବିଜ୍ଞାନରେ ୯୭,୫୪୬ ଜଣ, ବାଣିଜ୍ୟରେ ୨୫,୭୮୫ ଜଣ ଓ ଓ ଧନ୍ଦାମୂଳକ ବିଭାଗରେ ୭,୦୩୨ ଜଣ ପରୀକ୍ଷା ଦେଇଥିଲେ ।
ଭୁବନେଶ୍ୱର: ରାଜ୍ୟରେ ଯୁକ୍ତ ୨ର ବାକିଥିବା ବିଷୟର ପରୀକ୍ଷାଗୁଡ଼ିକୁ ବାତିଲ୍ କରାଯାଇଛି । ଆଭେରେଜ ମାର୍କିଂ ଅନୁଯାୟୀ ପ୍ରକାଶ ପାଇବ ପରୀକ୍ଷା ଫଳ । ଜୁଲାଇ ଶେଷ ସୁଦ୍ଧା ବାହାରିବ ରେଜଲ୍ଟ । କଳା, ବାଣିଜ୍ୟ ଓ ବିଜ୍ଞାନ ସହ ଧନ୍ଦାମୂଳକ ବିଭାଗର ୨୩ଟି ବିଷୟର ପରୀକ୍ଷା ବାତିଲ ହୋଇଛି ।
କରୋନା ଭାଇରସ୍ ସଂକ୍ରମଣକୁ ଦୃଷ୍ଟିରେ ରଖି ଗଣ ଶିକ୍ଷା ବିଭାଗ ଏହି ବଡ଼ ନିଷ୍ପତ୍ତି ନେଇଛି । ପୂର୍ବରୁ ଉଚ୍ଚ ଶିକ୍ଷା ବିଭାଗ ଯୁକ୍ତ ୩ ଓ ପିଜି ଶେଷ ବର୍ଷ ପରୀକ୍ଷା ଉପରେ ଅନୁରୂପ ନିଷ୍ପତ୍ତି ନେଇଥିଲା ।
ଯୁକ୍ତ-୨ର ବାକି ପରୀକ୍ଷା ବାତିଲ କରାଯାଇଥିବା ନେଇ ଖୋଦ୍ ବିଦ୍ୟାଳୟ ଓ ଗଣ ଶିକ୍ଷା ମନ୍ତ୍ରୀ ମନ୍ତ୍ରୀ ରଞ୍ଜନ ଦାଶ ସୂଚନା ଦେଇଛନ୍ତି । ଜୁଲାଇ ଶେଷ ସୁଦ୍ଧା ଫଳ ପ୍ରକାଶ କରିବା ପାଇଁ ବିଭାଗ ସ୍ଥିର କରିଛି । ଆଭରେଜ ନମ୍ବର ଅନୁଯାୟୀ ଫଳ ପ୍ରକାଶ କରାଯିବ ବୋଲି କୁହାଯାଇଛି ।
ଯେଉଁ ଛାତ୍ରଛାତ୍ରୀମାନେ ପାଞ୍ଚଟି ବିଷୟର ପରୀକ୍ଷା ଦେଇଛନ୍ତି ସେମାନଙ୍କର ଅଧିକ ନମ୍ବର ଥିବା ତିନୋଟି ବିଷୟର ମାର୍କ୍ ଆଧାରରେ ଅନ୍ୟ ବିଷୟଗୁଡ଼ିକର ମାର୍କିଂ ହେବ । କୌଣସି ଛାତ୍ର/ଛାତ୍ରୀ ଯଦି ତିନୋଟି ବିଷୟର ପରୀକ୍ଷା ଦେଇଥାନ୍ତି, ତେବେ ତାଙ୍କର ସବୁ ଠୁ ଭଲ କରିଥିବା ଦୁଇଟି ବିଷୟର ମାର୍କ ଆଧାରରେ ଅନ୍ୟ ବିଷୟର ମାର୍କିଂ ହେବ।
ଚଳିତ ବର୍ଷ ମୋଟ ୩,୫୦,୮୦୦ ପ୍ଲସ୍ ୨ ଛାତ୍ରଛାତ୍ରୀ ପରୀକ୍ଷା ଦେଇଥିଲେ ।
ଏକ୍ସ ରେଗୁଲାର ଛାତ୍ରଛାତ୍ରୀମାନଙ୍କର ଗତ ବର୍ଷର ଶ୍ରେଷ୍ଠ ନମ୍ବର ଆଧାରରେ ଫଳ ପ୍ରକାଶ ପାଇବ। ଯେଉଁ ଛାତ୍ରଛାତ୍ରୀ ନିଜ ରେଜଲ୍ଟକୁ ନେଇ ଅସନ୍ତୋଷ ପ୍ରକାଶ କରିବେ ସେମାନେ ପରବର୍ତ୍ତୀ ସମୟରେ ପରୀକ୍ଷା ଦେଇ ପାରିବେ ବୋଲି କହିଛି ବିଭାଗ ।
‘‘କରୋନା ଭାଇରସ୍ ସଂକ୍ରମଣ କାଳରେ ପରୀକ୍ଷା ଆୟୋଜନ କରିବା ସମ୍ଭବ ନୁହେଁ । ସିବିଏସଇ ଢାଞ୍ଚା ଅନୁଯାୟୀ ଛାତ୍ରଛାତ୍ରୀଙ୍କ ଫଳ ପ୍ରକାଶ ହେବ,’’ କହିଛନ୍ତି ଗଣ ଶିକ୍ଷା ମନ୍ତ୍ରୀ ରଞ୍ଜନ ଦାଶ ।
କଳା, ବାଣିଜ୍ୟ, ବିଜ୍ଞାନ ଓ ଧନ୍ଦାମୂଳକ ବିଭାଗର ୨୩ଟି ବିଷୟର ପରୀକ୍ଷା ବାକି ରହିଥିଲା । ମୁଖ୍ୟତଃ ବାୟୋଲୋଜି, ଜ୍ୟୋଗ୍ରାଫି, ଲଜିକ, ଇକୋନୋମିକସ, ଷ୍ଟାଟିଷ୍ଟିକସ, ବିଜନେସ ଷ୍ଟାଡିଜି, ଏଫ.ଏମ.ଏ, କଷ୍ଟ ଆକାଉଣ୍ଟିଂ, ସୋସିଓଲୋଜି, ଆନ୍ତ୍ରପୋଲୋଜି ଓ କମ୍ପ୍ୟୁଟର ଆପ୍ଲିକେସନ ଭଳି ମୁଖ୍ୟ ବିଷୟର ପରୀକ୍ଷା ବାକି ରହିଥିବା ବେଳେ ଧନ୍ଦାମୂଳକ ବିଭାଗରୁ ଗଣିତ, ବାୟୋଲୋଜି ଓ ଟ୍ରେଡ଼ ପେପର ବାକି ରହିଛି ।
କରୋନା ସଂକ୍ରମଣକୁ ଦେଖି ପରୀକ୍ଷା ବାତିଲ ଉଚିତ ପଦକ୍ଷେପ ବୋଲି କହିଛନ୍ତି ଛାତ୍ରଛାତ୍ରୀ ଓ ଶିକ୍ଷାବିତମାନେ । କିନ୍ତୁ ସଠିକ ଭାବେ ମୂଲ୍ୟାୟନ ନ ହେଲେ କରିୟର ପ୍ରଭାବିତ ହେବ ବୋଲି ଛାତ୍ରଛାତ୍ରୀମାନେ କହିଛନ୍ତି ।
ଚଳିତ ବର୍ଷ ମୋଟ ୩,୫୦,୮୦୦ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । କଳାରେ ୨,୨୦,୪୩୭ ଜଣ, ବିଜ୍ଞାନରେ ୯୭,୫୪୬ ଜଣ, ବାଣିଜ୍ୟରେ ୨୫,୭୮୫ ଜଣ ଓ ଓ ଧନ୍ଦାମୂଳକ ବିଭାଗରେ ୭,୦୩୨ ଜଣ ପରୀକ୍ଷା ଦେଇଥିଲେ ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
