କରୋନା ଭୟ: ଗଞ୍ଜାମରେ ହସପିଟାଲ ବାହାରେ ପଡ଼ିରହିଲା ପୋଲିସ ASIଙ୍କ ଶବ; ପରିବାର ବି ଛୁଉଁନାହିଁ

କାଶ ଓ ଥଣ୍ଡାରେ ପୀଡ଼ିତ ହୋଇ ହସପିଟାଲକୁ ସ୍ୱାସ୍ଥ୍ୟ ପରୀକ୍ଷା ପାଇଁ ଆସିଥିଲେ ରବିନ୍ଦ୍ର ବେହେରା । ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା । ଏବେ ତାଙ୍କ ଶବକୁ ତାଙ୍କ ସ୍ତ୍ରୀ ଓ ପୁଅ ବି ଛୁଇଁବାକୁ ଅମଙ୍ଗ । ଘଣ୍ଟା ଘଣ୍ଟା ହେଲା ପଡ଼ିରହିଛି ଶବ ।

କରୋନା ଭୟ: ଗଞ୍ଜାମରେ ହସପିଟାଲ ବାହାରେ ପଡ଼ିରହିଲା ପୋଲିସ ASIଙ୍କ ଶବ; ପରିବାର ବି ଛୁଉଁନାହିଁ
ରବିନ୍ଦ୍ର ବେହେରା; (ଡାହାଣ) କୋଦଳା ହସପିଟାଲ ପରିସରରେ ପଡ଼ି ରହିଥିବା ତାଙ୍କ ଶବ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବ୍ରହ୍ମପୁର: କରୋନା ଭାଇରସ୍‌ ସଂକ୍ରମଣର ଭୟ ଏତେ ଅଧିକ ଯେ ଏହି ଭୟ ଏବେ ଅନେକ ଲୋକଙ୍କ ଭିତରେ ମାନବିକତାକୁ ମାରିଦେଇଥିବା ପରି ଲାଗୁଛି । ଗଞ୍ଜାମ ଜିଲ୍ଲାରେ ଘଟିଥିବା ଏକ ଘଟଣା କରୋନା ଯୋଦ୍ଧାଙ୍କ ପ୍ରତି ଲୋକଙ୍କ ମନରେ ଥିବା ସମ୍ମାନର ଅଭାବର ପ୍ରତୀକ ଭାବେ ସାମନାକୁ ଆସିଛି ।

କୋଦଳା ହସପିଟାଲ ପରିସରରେ ଜଣେ ପୋଲିସ ଏ.ଏସ୍‌.ଆଇଙ୍କ ମୃତ ଦେହ ଘଣ୍ଟା ଘଣ୍ଟା ପଡ଼ିରହିଥିଲେ ବି କେହି ତାଙ୍କୁ ଉଠାଇବାକୁ ଓ ଅନ୍ତିମ ସଂସ୍କାରର ବ୍ୟବସ୍ଥା କରିବାକୁ ଆଗେଇ ଆସି ନ ଥିଲେ । ଏିରିକି କରୋନା ଭାଇରସ୍‌ ସଂକ୍ରମଣ ହେବା ଭୟରେ ଏହି ପୋଲିସ କର୍ମୀଙ୍କ ମର ଶରୀରକୁ ଛୁଇଁବାକୁ ତାଙ୍କ ସ୍ତ୍ରୀ ଓ ପୁଅ ବି ଅମଙ୍ଗ ହୋଇଥିଲେ । ଏଭଳି ଅଭାବନୀୟ ଦୃଶ୍ୟ ଦେଖି କରୋନା ଡ୍ୟୁଟିରେ ରହି ସେବା ଯୋଗାଇଦେଉଥିବା ସରକାରୀ ଅଧିକାରୀମାନଙ୍କ ପ୍ରତି ଲୋକଙ୍କ ମନରେ ଥିବା ସମ୍ମାନ ପ୍ରତି ଅନେକ ସନ୍ଦେହ ପ୍ରକାଶ କରିଛନ୍ତି ।

କୋଦଳା ଥାନା


ଭଞ୍ଜନଗର କୋର୍ଟରେ ଡ୍ୟୁଟି କରୁଥିବା ପୋଲିସ ASI ରବିନ୍ଦ୍ର ନାଥ ବେହେରା ଦୀର୍ଘ ବର୍ଷ ହେଲା ବେଗୁନିଆପଡ଼ାରେ ରହିଆସୁଥିଲେ । ଗତ ଚାରି ଦିନ ହେଲା ସେ କାଶ ଓ ଥଣ୍ଡାରେ ପୀଡ଼ିତ ଥିଲେ । ପରେ ସେ ସ୍ୱାସ୍ଥ୍ୟ ପରୀକ୍ଷା ପାଇଁ ହସପିଟାଲ ଆସିଥିଲେ । ତାଙ୍କର ସ୍ବାସ୍ଥ୍ୟାବସ୍ଥା ଅଧିକ ଖରାପ ହୋଇଥିଲା । ଗତ କାଲି ରାତିରେ ତାଙ୍କର ମୃତ୍ୟୁ ହୋଇଥିଲା ।

ଏହା ବି ପଢ଼ନ୍ତୁ: ମଧ୍ୟ ପ୍ରଦେଶ CM ଶିବରାଜ ସିଂ ଚୌହାନ କରୋନା ସଂକ୍ରମିତ ହେଲେ, ନିଜକୁ କ୍ୱାରେଣ୍ଟାଇନ କଲେ

ଏହା ବି ପଢ଼ନ୍ତୁ: ବଡ଼ ଖବର: ୧୦୦ଟି ଟ୍ରେନ୍ ବନ୍ଦ କରି ପାରେ ରେଳବାଇ; ସମୟ ସାରଣୀରେ ବି ହେବ ବଡ଼ ପରିବର୍ତ୍ତନ

କିନ୍ତୁ ସେ କରୋନା ସଂକ୍ରମିତ ହୋଇଥିବା ସନ୍ଦେହରେ ତାଙ୍କ ଶବକୁ କେହି ବି ଛୁଇଁ ନ ଥିଲେ । ଏପରିକି ତାଙ୍କ ନିଜ ପରିବାର ଲୋକେ ବି ଶବକୁ ଛୁଇଁ ନ ଥିଲେ । ଏ ଯାଏଁ ଅନ୍ତିମ ସଂସ୍କାର ପାଇଁ ବ୍ୟବସ୍ଥା ହୋଇନାହିଁ । ପରିବାର ଲୋକଙ୍କର ମଧ୍ୟ ମାନବିକତା ମରିଯାଇଥିବା ବେଳେ ଘଣ୍ଟା ଘଣ୍ଟା ଧରି କୋଦଳା ହସପିଟାଲ ବାହାରେ ପଡ଼ି ରହିଛି ରବିନ୍ଦ୍ରଙ୍କ ମର ଶରୀର l  ଏ ଯାଏଁ ହସପିଟାଲରେ କୌଣସି ପ୍ରଶାସନିକ ଅଧିକାରୀ ମଧ୍ୟ ପହଞ୍ଚି ନ ଥିବା ଜଣାଯାଇଛି ।



ଦୟାକରି ଦୁଇ ମିନିଟ ସମୟ ଦେଇ ଉପରେ ଥିବା ଏହି ସର୍ଭେରେ ଭାଗ ନିଅନ୍ତୁ
Published by: Anand Shankar Thankur Das
First published: July 25, 2020, 2:10 PM IST
corona virus btn
corona virus btn
Loading