କରୋନା: ବାୟୁସେନା ମୁଖ୍ୟଙ୍କୁ ଭେଟିଲେ ପିଏମ ମୋଦୀ; ଅକ୍ସିଜେନ ଟ୍ୟାଙ୍କର୍ ବିତରଣ ଉପରେ ଦେଲେ ବଡ଼ ଆଦେଶ

ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ଆର.କେ. ଭଦୋରିଆ (Air Chief Marshal RKS Bhadauria) ପିଏମ ମୋଦୀଙ୍କୁ ବାୟୁସେନା ଦ୍ୱାରା କରୋନା ସଙ୍କଟ ସମୟରେ ଦିଆଯାଉଥିବା ସହାୟତା ବିଷୟରେ ସୂଚନା ଦେଇଛନ୍ତି ।

ବାୟୁସେନା ମୁଖ୍ୟଙ୍କୁ ଭେଟିଲେ ପିଏମ ମୋଦୀ

ବାୟୁସେନା ମୁଖ୍ୟଙ୍କୁ ଭେଟିଲେ ପିଏମ ମୋଦୀ

  • Share this:
News18 Odia Digital
ନୂଆ ଦିଲ୍ଲୀ: ଦେଶରେ କରୋନା ଭାଇରସ୍ ସଂକ୍ରମଣ (Coronavirus Case in India) ଅନିୟନ୍ତ୍ରିତ ହେଉଥିବା ପରିସ୍ଥିତି ଉପୁଜିବା କାରଣରୁ ଭାରତୀୟ ବାୟୁସେନା ପୁଣି ଥରେ ସଂକଟମୋଚକ ଭୂମିକାରେ ଅଛନ୍ତି । ବାୟୁସେନା ଏହାର ସ୍ୱତନ୍ତ୍ର ବିମାନ ମାଧ୍ୟମରେ ଦେଶର ବିଭିନ୍ନ ସ୍ଥାନକୁ ଅକ୍ସିଜେନ ପରିବହନ କରୁଛି । ଏହି ସମୟରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ (PM Narendra Modi) ବାୟୁସେନା ମୁଖ୍ୟ ଆର.କେ.ଏସ୍ ଭଦୋରିଆଙ୍କୁ ଭେଟିଛନ୍ତି ।

ଏହି ବୈଠକରେ ବାୟୁସେନା ମୁଖ୍ୟ ପ୍ରଧା ନମନ୍ତ୍ରୀ ମୋଦୀଙ୍କୁ କରୋନା ଅବଧି ମଧ୍ୟରେ ସମଗ୍ର ଦେଶରେ ବାୟୁସେନା ଦ୍ୱାରା ଦିଆଯାଉଥିବା ସହାୟତା ବିଷୟରେ ସୂଚନା ଦେଇଛନ୍ତି । ବାୟୁସେନା ମୁଖ୍ୟଙ୍କ ସହ ଏହି ବୈଠକରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀ ଅକ୍ସିଜେନ ଟ୍ୟାଙ୍କର ଓ ଅତ୍ୟାବଶ୍ୟକ ସାମଗ୍ରୀର ନିରାପଦ ତଥା ଦ୍ରୁତ ଗତି ବିତରଣ ଉପରେ ଗୁରୁତ୍ୱାରୋପ କରିଛନ୍ତି । ସେ ଏହା ମଧ୍ୟ କହିଛନ୍ତି ଯେ କରୋନା ସହ ଜଡିତ ଏହି ଅପରେସନ୍ ସମୟରେ ବାୟୁସେନା କର୍ମଚାରୀମାନେ ମଧ୍ୟ ସୁରକ୍ଷିତ ରହିବା ଉଚିତ୍ ।

ସାମରିକ ହସ୍ପିଟାଲରେ ସାଧାରଣ ନାଗରିକଙ୍କ ଚିକିତ୍ସା
ଆର.କେ. ଭଦୋରିଆ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କୁ କହିଛନ୍ତି ଯେ ବାୟୁସେନା ଅଧୀନରେ ଥିବା ହସ୍ପିଟାଲ ଗୁଡ଼ିକରେ କୋଭିଡ -୧୯ ସମ୍ବନ୍ଧୀୟ ସୁବିଧା ବୃଦ୍ଧି କରାଯାଇଛି, ଯେଉଁଠାରେ ସମ୍ଭବ ନାଗରିକଙ୍କୁ ଭର୍ତ୍ତି କରାଯାଉଛି । ବାୟୁସେନା ମାର୍ଶାଲ ଭଦୋରିଆ କହିଛନ୍ତି ଯେ ବାୟୁସେନା ସବୁ ଅଞ୍ଚଳକୁ ଆଚ୍ଛାଦନ କରିବା ପାଇଁ ବଡ଼ ଓ ମଧ୍ୟମ ଆକାରର ବିମାନ ନିୟୋଜିତ କରୁଛି ।

ସେ ବାୟୁସେନା ଦ୍ୱାରା ଏକ ଉତ୍ସର୍ଗୀକୃତ କରୋନା ଏୟାର ସପୋର୍ଟ ସେଲ ବିଷୟରେ ପ୍ରଧାନ ମନ୍ତ୍ରୀଙ୍କୁ ବିସ୍ତୃତ ଭାବରେ ସୂଚନା ଦେଇଛନ୍ତି । ଯାହା କୋଭିଡ ସହ ଜଡିତ କାର୍ଯ୍ୟ ପାଇଁ ବିଭିନ୍ନ ମନ୍ତ୍ରଣାଳୟ ଓ ଏଜେନ୍ସି ସହିତ ଦ୍ରୁତ ସମନ୍ୱୟ ରକ୍ଷା କରିଛି ।

ଏହି ବୈଠକରେ ବାୟୁସେନା ମାର୍ଶଲ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କୁ କହିଛନ୍ତି ଯେ ବାୟୁସେନାରେ ଟିକାକରଣ କଭରେଜ ସନ୍ତୋଷଜନକ ଓ ଏହା ଲକ୍ଷ୍ୟସ୍ଥଳରେ ପହଞ୍ଚିଛି । ବାୟୁସେନା ମୁଖ୍ୟ ମଧ୍ୟ ପ୍ରଧାନ ମନ୍ତ୍ରୀ ମୋଦୀଙ୍କୁ କହିଛନ୍ତି ଯେ ଭାରତୀୟ ବାୟୁସେନା ଦ୍ୱାରା ପରିଚାଳିତ ହସ୍ପିଟାଲ ଗୁଡ଼ିକରେ କୋଭିଡ କେନ୍ଦ୍ର ସଂଖ୍ୟା ବୃଦ୍ଧି କରାଯାଇଛି ।
Published by:Jagdish Barik
First published: