ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ରାଜ୍ୟରେ ସଙ୍ଗରୋଧ କେନ୍ଦ୍ର ବିଷୟରେ ଏବେ ବି ଗାଁ ଲୋକଙ୍କ ପାଖରେ ସଠିକ ସୂଚନା ନାହିଁ

ରାଜ୍ୟରେ ସଙ୍ଗରୋଧ କେନ୍ଦ୍ର ବିଷୟରେ ଏବେ ବି ଗାଁ ଲୋକଙ୍କ ପାଖରେ ସଠିକ ସୂଚନା ନାହିଁ

ବୌଦ୍ଧ ଜିଲ୍ଲାରୁ ଭୁବନେଶ୍ୱର ନିକଟସ୍ଥ ବାଲିଅନ୍ତା ବ୍ଲକର ଏକ ଗାଁରେ ଥିବା ନିଜ ଘରକୁ ଫେରିଥିବା ଜଣେ ୬୫ ବର୍ଷୀୟ ବ୍ୟକ୍ତିଙ୍କୁ ସଙ୍ଗରୋଧ କେନ୍ଦ୍ରରେ ନ ରଖି କୋଭିଡ୍ କେୟାର୍ ହୋମରେ ଯାଇ ରହିବାକୁ କହିଥିଲେ ସରପଞ୍ଚ ଓ ୱାର୍ଡ଼ ମେମ୍ବର ।

ରାଜ୍ୟରେ ସଙ୍ଗରୋଧ କେନ୍ଦ୍ର ବିଷୟରେ ଏବେ ବି ଗାଁ ଲୋକଙ୍କ ପାଖରେ ସଠିକ ସୂଚନା ନାହିଁ
୬୨ ବର୍ଷୀୟ ଲକ୍ଷ୍ମଣ ଲେଙ୍କା
  • News18 Odia
  • Last Updated: July 26, 2020, 11:47 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: କରୋନା ମହାମାରୀ ରାଜ୍ୟରେ ଉଗ୍ର ରୂପ ଧାରଣ କରିଚାଲିଥିବା ବେଳେ ସଙ୍ଗରୋଧ କେନ୍ଦ୍ର ବାବଦରେ ଏବେ ବି ଗାଁ ଲୋକଙ୍କ ପାଖରେ ସଠିକ ସୂଚନା ନାହିଁ । ଭୁବନେଶ୍ୱର ଉପକଣ୍ଠ ବାଲିଅନ୍ତା ବ୍ଲକର ବାଙ୍କୁଆଳ ଗାଁରେ ଏଭଳି ଏକ ଘଟଣା ଦେଖିବାକୁ ମିଳିଛି  ।

୬୨ ବର୍ଷୀୟ ଲକ୍ଷ୍ମଣ ଲେଙ୍କା ବୌଦ୍ଧ ଜିଲ୍ଲାରେ କାମ କରନ୍ତି । ସେ କାମ କରୁଥିବା ସଂସ୍ଥାରେ ଜଣେ ଲୋକ କରୋନା ପିଜିଟିଭ ଚିହ୍ନଟ ହେବା ପରେ ସଂସ୍ଥା ତାଙ୍କର ପରୀକ୍ଷା କରି ଘରକୁ ପଠାଇ ଦେଇଥିଲା । ବୌଦ୍ଧରୁ ଲକ୍ଷ୍ମଣ ବସ ଯୋଗେ ଭୁବବେଶ୍ୱର ଆସିଲେ । ଗାଁରେ ପହଞ୍ଚିବା ପରେ ଘରକୁ ନ ଯାଇ ସଙ୍ଗରୋଧ କେନ୍ଦ୍ରରେ ରହିବାକୁ ସେ ଚାହିଁଥିଲେ ।

ରାତିରେ ଘରକୁ ନ ଯାଇ ଗାଁ ମୁଣ୍ଡରେ ଥିବା ସ୍ୱାବ ସଂଗ୍ରହ କେନ୍ଦ୍ରରେ ରହିଥିଲେ । ତାଙ୍କ ପୁଅ ସରପ଼଼ଞ୍ଚ ଓ ୱାର୍ଡ଼ ମେମ୍ବର ସମସ୍ତଙ୍କୁ ଜଣାଇଥିଲେ ମଧ୍ୟ କେହି ସହଯୋଗ କରି ନ ଥିଲେ । ଓଲଟି ତାଙ୍କୁ ଗାଁ ଠାରୁ ତିନି କିଲୋମିଟର ଦୂରରେ ଥିବା କୋଭିଡ କେୟାର ସେଣ୍ଟରରେ ରହିବାକୁ କହିଲେ । ତାଙ୍କୁ ନିଜ ଘରୁ ରୋଷେଇ କରି ଖାଇବା ନେଇ ଦେବା ପାଇଁ ବି କହିଲେ ।

ଗତ ୨୪ ଘଣ୍ଟାରେ ଓଡି଼ଶାର ୩୦ଟି ଜିଲ୍ଲାରୁ ମୋ’ଟ ୧,୩୭୬ଟି କରୋନା ପଜିଟିଭ ମାମଲା ସାମ୍ନାକୁ ଆସିଛି ।


‘‘ବାପା ବସରେ ବସିବା ବସିବା ପର ଠୁ ମୁଁ ସରପଞ୍ଚ ଓ ୱାର୍ଡ଼ ମେମ୍ବର ସମସ୍ତଙ୍କ ସହ ଯୋଗାଯୋଗ କରିଛି । ଗାଁ ଲୋକ କାଳେ ବିରୋଧ କରିବେ ସେଇଥି ପାଇଁ ବାପାଙ୍କୁ ୧୪ ଦିନ ସଙ୍ଗରୋଧରେ ରଖିବାକୁ ଚାହୁଁଛି । ତେବେ କେହି ସାହଯ୍ୟ କରି ନ ଥିଲେ,’’ କହିଛନ୍ତି ଲକ୍ଷ୍ମଣ ଲେଙ୍କାଙ୍କ ପୁଅ ନିର୍ମଳ ଲେଙ୍କା । ଏହି ମାମଲାରେ ସରପଞ୍ଚଙ୍କ ପ୍ରତିକ୍ରିୟା ପାଇଁ ତାଙ୍କ ସହ ଫୋନରେ ଯୋଗାଯୋଗର ପ୍ରୟାସ କରାଗଲା, ହେଲେ ସେ ଫୋନର ଉତ୍ତର ଦେଲେ ନାହିଁ ।

ଗ୍ରାମାଞ୍ଚଳରେ ଲକ୍ଷଣ ବିହୀନ ରୋଗୀ ଘରେ ପୃଥକବାସରେ ରହି ଚିକିତ୍ସିତ ହେବା ନେଇ ସରକାର କରିଥିବା ବ୍ୟବସ୍ଥାକୁ ପ୍ରଶ୍ନ କରିଛନ୍ତି ପୂର୍ବତନ ସ୍ୱାସ୍ଥ୍ୟ ସେବା ନିର୍ଦ୍ଦେଶିକା ଡାକ୍ତର ସେବା ମହାପାତ୍ର ଓ ଅନ୍ୟ ସ୍ୱାସ୍ଥ୍ୟ ବିଶେଷଜ୍ଞମାନେ ।

‘‘ଲୋକଙ୍କ ଭିତରେ ମାସ୍କ ପିନ୍ଧିବା, ହାତ ଧୋଇବା ଓ ସାମାଜିକ ଦୂରତା ବଜାୟ ରଖିବା ନେଇ ସମ୍ପୂର୍ଣ୍ଣ ସଚେତନତା ଆସି ନାହିଁ । ରୋଗ ସହରାଞ୍ଚଳରୁ ଗାଁ ଗଣ୍ଡାକୁ ମାଡ଼ିଗଲାଣି । ଏ ଭଳି ନିଷ୍ପତ୍ତି ନେବା ପୂର୍ବରୁ ସରକରାଙ୍କୁ ଅଧିକ ଯତ୍ନବାନ ହେବାର ଥିଲା,’’ କହିଛନ୍ତି ସେବା ମହାପାତ୍ର ।

ଆଜି (ଜୁଲାଇ ୨୬) କରୋନା ଭାଇରସ୍‌ ରାଜ୍ୟରେ ପୁଣି ୧୦ ଜଣ ଆକ୍ରାନ୍ତଙ୍କ ଜୀବନ ନେଇଛି । ସେମାନଙ୍କ ମଧ୍ୟରୁ ଗଞ୍ଜାମ ଜିଲ୍ଲାରୁ ଅଛନ୍ତି ସର୍ବାଧିକ ୬ ଜଣ । ଏଥି ସହ ରାଜ୍ୟରେ ମୋଟ କରୋନା ମୃତ୍ୟୁ ସଂଖ୍ୟା ୧୪୦ ହୋଇଛି । ରାଜ୍ୟରେ ଆଜି ସବୁ ଜିଲ୍ଲାରୁ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଗତ ୨୪ ଘଣ୍ଟାରେ ୩୦ଟି ଜିଲ୍ଲାରୁ ମୋ’ଟ ୧,୩୭୬ଟି ପଜିଟିଭ ମାମଲା ସାମ୍ନାକୁ ଆସିଛି ।

ଏହା ବି ପଢ଼ନ୍ତୁ: ଅଗଷ୍ଟ ୧ରୁ ଅନଲକ୍-୩ ଆରମ୍ଭ ହେବ; ଖୋଲିପାରେ ସିନେମା ହଲ୍; ଜିମ୍ ପାଇଁ ବି ଅନୁମତି ମିଳିପାରେ

ଏହା ବି ପଢ଼ନ୍ତୁ: କଳହର କରୁଣ ପରିଣତି: ପତ୍ନୀ ଓ ଶାଶୁ ମିଶି ଝାଡ଼ୁରେ ପିଟିଲେ, ତେଣୁ ସେ ଆତ୍ମହତ୍ୟା କଲେ

ମୋଟ ନୂଆ ୧,୩୬୭ ଜଣ ଆକ୍ରାନ୍ତଙ୍କ ମଧ୍ୟରୁ ସଙ୍ଗରୋଧ କେନ୍ଦ୍ରରୁ ୯୧୭ ଜଣ ଚିହ୍ନଟ ହୋଇଛନ୍ତି । ବାକି ୪୫୯ ଜଣ ଆକ୍ରାନ୍ତ ସ୍ଥାନୀୟ ବାସିନ୍ଦା । ରାଜ୍ୟରେ ଲଗାତର ସ୍ଥାନୀୟ ବାସିନ୍ଦାମାନେ କରୋନାରେ ଆକ୍ରାନ୍ତ ହେଉଥିବାରୁ ସରକାରଙ୍କ ପାଇଁ ଚିନ୍ତା ବଢ଼ିଚାଲିଛି ।



ଦୟାକରି ଦୁଇ ମିନିଟ ସମୟ ଦେଇ ଉପରେ ଥିବା ଏହି ସର୍ଭେରେ ଭାଗ ନିଅନ୍ତୁ
Published by: Anand Shankar Thankur Das
First published: July 26, 2020, 11:47 PM IST