ଔଷଧ ବ୍ୟବସାୟୀମାନେ ଆଗ ଧାଡ଼ିର କୋଭିଡ୍ ଯୋଦ୍ଧା ମାନ୍ୟତା ମାଗିଲେ, ଦୋକାନ ବନ୍ଦ ଧମକ ଦେଲେ

ଔଷଧ ବ୍ୟବସାୟୀମାନଙ୍କ ସଙ୍ଗଠନର ନିଷ୍ପତ୍ତି ଓ ଚେତାବନୀକୁ ସାରା ରାଜ୍ୟର ଦୋକାନୀ ଓ କର୍ମଚାରୀମାନେ ସ୍ୱାଗତ କରିଛନ୍ତି । ଔଷଧ ବ୍ୟବସାୟରେ ଜଡ଼ିତ ଲୋକେ କରୋନା ସଂକ୍ରମିତ ହେବା ସମ୍ଭାବନା ଅଧିକ ରହିଛି ।

ଔଷଧ ବ୍ୟବସାୟୀମାନେ ଆଗ ଧାଡ଼ିର କୋଭିଡ୍ ଯୋଦ୍ଧା ମାନ୍ୟତା ମାଗିଲେ, ଦୋକାନ ବନ୍ଦ ଧମକ ଦେଲେ
ଓଡ଼ିଶାରେ ୨୦,୦୦୦ରୁ ଅଧିକ ଔଷଧ ବ୍ୟବସାୟୀ ଅଛନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ଥିବା ସବୁ ଔଷଧ ବ୍ୟବସାୟୀ ଓ ଔଷଧ ଦୋକାନଗୁଡ଼ିକରେ କାର୍ଯ୍ୟ କରୁଥିବା କର୍ମଚାରୀଙ୍କୁ ଆଗ ଧାଡ଼ିର କୋଭିଡ୍‌ ଯୋଦ୍ଧାର ମାନ୍ୟତା ଦେବାକୁ ଦାବି କରିଛି ଖୋର୍ଦ୍ଧା ଜିଲ୍ଲା କେମିଷ୍ଟ୍‌ ଓ ଡ୍ରଗିଷ୍ଟ୍‌ ଆସୋସିଏସନ୍‌ । ଅଗ୍ରାଧିକାର ଭିତ୍ତିରେ ସବୁ ଔଷଧ ବ୍ୟବସାୟୀ ଓ କର୍ମଚାରୀଙ୍କୁ କୋଭିଡ୍‌ ଟିକା ଦେବା ଲାଗି ବିଶେଷ ବ୍ୟବସ୍ଥା କରିବାକୁ ମଧ୍ୟ ଦାବି କରିଛି ଆସୋସିଏସନ୍‌ । ତାହା ନହେଲେ ସପ୍ତାହକ ପରେ ରାଜ୍ୟର ସବୁ ଔଷଧ ଦୋକାନଗୁଡ଼ିକୁ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ବନ୍ଦ ରଖାଯିବ ବୋଲି ଚେତାବନୀ ଦେଇଛି ଆସୋସିଏସନ୍‌ ।

ଏହା ବି ପଢ଼ନ୍ତୁ | English ଶିଖନ୍ତୁ []: ଯଦି ଗ୍ୟାଙ୍ଗଷ୍ଟର୍ ହାଇଦର୍ ଧରାପଡ଼ି ଥାନ୍ତା,… If gangster Hyder…

ଔଷଧ ବ୍ୟବସାୟୀମାନଙ୍କ ସଙ୍ଗଠନର ଏହି ନିଷ୍ପତ୍ତିକୁ ଔଷଧ ବ୍ୟବସାୟୀ ଓ କର୍ମଚାରୀମାନେ ସ୍ୱାଗତ କରିଥିବା ବେଳେ ସ୍ୱାସ୍ଥ୍ୟ ବିଶେଷଜ୍ଞମାନେ ମଧ୍ୟ ସେମାନଙ୍କ ଦାବିକୁ ଯଥାର୍ଥ ବୋଲି କହିଛନ୍ତି । ସ୍ୱାସ୍ଥ୍ୟ ସେବାରେ ନିୟୋଜିତ ଥିବା ଡାକ୍ତର, ନର୍ସ ଓ ଅନ୍ୟାନ୍ୟ କର୍ମଚାରୀଙ୍କ ପରେ ରାଜ୍ୟରେ ଔଷଧ ବ୍ୟବସାୟ କରୁଥିବା ବ୍ୟବସାୟୀ ଓ କର୍ମଚାରୀମାନେ କୋଭିଡ ସଂକ୍ରମିତ ହେବା ସମ୍ଭାବନା ଅଧିକ ରହିଛି । କାରଣ ଔଷଧ ଦୋକାନରେ ଅଧିକାଂଶ ରୋଗୀ କିମ୍ବା ସେମାନଙ୍କ ସମ୍ପର୍କୀୟମାନେ ହିଁ ଭିଡ଼ ଜମାଇଥାନ୍ତି ।

ଏହା ବି ପଢ଼ନ୍ତୁ | କରୋନା ସଂକ୍ରମଣରେ ମଣିପୁରର BJP ସଭାପତିଙ୍କ ମୃତ୍ୟୁ ହେଲା; ଶୋକ ପ୍ରକାଶ କଲେ PM

‘‘ବିଡମ୍ବନାର କଥା ଯେ ସ୍ୱାସ୍ଥ୍ୟ କର୍ମୀଙ୍କଠାରୁ ଆରମ୍ଭ କରି ଗଣମାଧ୍ୟମ ପ୍ରତିନିଧି ଓ ବିଭିନ୍ନ ଅତ୍ୟାବଶ୍ୟକ ସେବାରେ ଥିବା କର୍ମଚାରୀ ଆଗ ଧାଡ଼ିର କୋଭିଡ ଯୋଦ୍ଧାର ମାନ୍ୟତା ପାଇ ସାରିଥିବା ବେଳେ ଔଷଧ ବ୍ୟବସାୟରେ ଥିବା ବ୍ୟବସାୟୀ ଓ କର୍ମଚାରୀମାନେ ଏ ପର୍ଯ୍ୟନ୍ତ ଏହି ମାନ୍ୟତାରୁ ବଞ୍ଚିତ ହୋଇ ରହିଛୁ । ଲୋକଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଆମେ ୨୪ ଘଣ୍ଟା ଦୋକାନ ଖୋଲା ରଖୁଥିବାରୁ ଅନେକ ଔଷଧ ବ୍ୟବସାୟୀ ଓ କର୍ମଚାରୀ କୋଭିଡ ଆକ୍ରାନ୍ତ ହେଲେଣି । ତେଣୁ ଔଷଧ ବ୍ୟବସାୟୀ ଓ କର୍ମଚାରୀଙ୍କୁ ତୁରନ୍ତ ରାଜ୍ୟ ସରକାର ଆଗ ଧାଡ଼ିର କୋଭିଡ଼ ଯୋଦ୍ଧା ମାନ୍ୟତା ଦେବା ଉଚିତ,’’ ଗୁରୁବାର ଦିନ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଖୋର୍ଦ୍ଧା ଜିଲ୍ଲା କେମିଷ୍ଟ୍‌ ଓ ଡ୍ରଗିଷ୍ଟ୍‌ ଆସୋସିଏସନର ସଭାପତି ପ୍ରଗତି ରଞ୍ଜନ ମହାନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ‘‘କିଛି ବାହାରୁନି ଏଥିରୁ…’’ ଖାଲି ଅମ୍ଳଜାନ ମାସ୍କ ଧରି ମୃତ୍ୟୁ ପୂର୍ବରୁ VIDEOରେ କହିଥିଲେ ରାହୁଲ ଭୋରା

ସାମ୍ବାଦିକ ସମ୍ମିଳନୀରେ ଖୋର୍ଦ୍ଧା ଜିଲ୍ଲା କେମିଷ୍ଟ୍ ଓ ଡ୍ରଗିଷ୍ଟ୍ ଆସୋସିଏସନର ପଦାଧିକାରୀମାନେ


ସେ କହିଛନ୍ତି ଯେ ଔଷଧ ଦୋକାନ ସବୁକୁ ବନ୍ଦ ରଖିବା ଘୋଷଣା ଉତ୍କଳ କେମିଷ୍ଟ୍‌ ଓ ଡ୍ରଗିଷ୍ଟ୍‌ ଆସୋସିଏସନର ନିଷ୍ପତ୍ତି କ୍ରମେ କରାଯାଇଛି । ଏଥି ପାଇଁ ରାଜ୍ୟ ସରକାରଙ୍କୁ ସାତ ଦିନର ମହଲତ ଦେଇଛି ଆସୋସିଏସନ । ନ ହେଲେ ତା’ ପରେ ସାରା ରାଜ୍ୟରେ ଔଷଧ ବ୍ୟବସାୟୀମାନେ ଦୋକାନ ବନ୍ଦ କରିବାକୁ ବାଧ୍ୟ ହେବେ ବୋଲି କୁହାଯାଇଛି । ‘‘ରାଜ୍ୟ ସରକାରଙ୍କ ପାଖରେ ଆମ ଅସୁବିଧା ପହଞ୍ଚାଇବା ପାଇଁ ଏହି ନିଷ୍ପତ୍ତି ଓ ଘୋଷଣା ଏକ ପ୍ରୟାସ,’’ କହିଛନ୍ତି ଖୋର୍ଦ୍ଧା ଜିଲ୍ଲା କେମିଷ୍ଟ୍‌ ଓ ଡ୍ରଗିଷ୍ଟ୍‌ ଆସୋସିଏସନର ଲୋକ ସମ୍ପର୍କ ଅଧିକାରୀ ମଧୁରାମ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ପୁଅକୁ ନେଇ ଅଭିନେତ୍ରୀ ଶ୍ୱେତା ତିୱାରୀ ପୂର୍ବ ପତିଙ୍କ ମଧ୍ୟରେ ଝଗଡ଼ା CCTV ଫୁଟେଜ୍ VIDEOରେ ଜାରି

ସାରା ରାଜ୍ୟରେ ୨୦,୦୦୦ରୁ ଅଧିକ ଔଷଧ ବ୍ୟବସାୟୀ ଥିବା ବେଳେ କେବଳ ଖୋର୍ଦ୍ଧା ଜିଲାରେ ଏହି ସଂଖ୍ୟା ୧,୭୦୦ରୁ ଅଧିକ ବୋଲି କହିଛି ଖୋର୍ଦ୍ଧା ଜିଲ୍ଲା କେମିଷ୍ଟ୍‌ ଓ ଡ୍ରଗିଷ୍ଟ୍‌ ଆସୋସିଏସନ୍‌ । ଉଭୟ ପ୍ରତ୍ୟକ୍ଷ ଓ ପରୋକ୍ଷ ଭାବେ ଔଷଧ ବ୍ୟବସାୟ ଉପରେ ରାଜ୍ୟର ପ୍ରାୟ ଦୁଇ ଲକ୍ଷ ଲୋକ ପରିବାର ପ୍ରତିପୋଷଣ ପାଇଁ ନିର୍ଭର କରିଥାନ୍ତି । କୋଭିଡ଼ ସଂକ୍ରମଣ ବଢୁଥିବା କାରଣରୁ ବିଭିନ୍ନ ଔଷଧ ଦୋକାନର ବ୍ୟବସାୟୀ ଓ ସେମାନଙ୍କ କର୍ମଚାରୀମାନେ ସଂକ୍ରମିତ ହେବାରେ ଲାଗିଥିବାରୁ ଆସୋସିଏସନର ଚିନ୍ତା ବଢ଼ିଛି ।

ଏହା ବି ପଢ଼ନ୍ତୁ | ଆସିଲା କରୋନା ପଛରେ ଥିବା ସାଙ୍ଘାତିକ ସତ୍ୟ: ଚୀନ୍ ଏହାକୁ ଜୈବିକ ଅସ୍ତ୍ର ଭାବେ ପରୀକ୍ଷା କରୁଥିଲା!

‘‘ଆସୋସିଏସନର ଏହି ନିଷ୍ପତ୍ତି ଏକ ଭଲ ଉଦ୍ୟମ । ସତ କଥା ହେଲା ଆମମାନଙ୍କୁ କରୋନା ସଂକ୍ରମଣ ହେବାର ସମ୍ଭାବନା ଅଧିକ । ତେଣୁ ଏହି ଦାବି ଅଧିକ ଯଥାର୍ଥ,’’ କହିଛନ୍ତି ଭୁବନେଶ୍ୱର ରସୁଲଗଡ଼ ଛକରେ ଥିବା ‘ଦି ମେଡିସିନ୍‌’ ଦୋକାନର କର୍ମଚାରୀ ଦେବୀ ପ୍ରସାଦ ଦାସ । ସ୍ୱାସ୍ଥ୍ୟ ସେବାରେ ନିୟୋଜିର ଅଜୟ ତ୍ରିପାଠୀ କହିଛନ୍ତି ଯେ ଆସୋସିଏସନର ଯୁକ୍ତି ଯଥାର୍ଥ ଓ ଏଥି ପ୍ରତି ସରକାର ତୁରନ୍ତ ଦୃଷ୍ଟି ଦେବା ଦରକାର ।



କେମିଷ୍ଟ ଓ ଡ଼୍ରଗିଷ୍ଟ ଆସୋସିଏସନର ଏହି ନିଷ୍ପତ୍ତି ଉପରେ ରାଜ୍ୟ ସ୍ୱାସ୍ଥ୍ୟ ବିଭାଗର ଅଧିକାରୀମାନେ କିଛି ମତ ରଖି ନ ଥିବା ବେଳେ ବୃଦ୍ଧିଜୀବୀମାନେ ଏହାକୁ ଏକ ଯଥାର୍ଥ ଦାବି ବୋଲି କହିଛନ୍ତି । ଲକଡ଼ାଉନ ଓ ସଟଡ଼ାଉନରେ ସବୁ ଦୋକାନ ବନ୍ଦ ରହିଥିବା ବେଳେ ଔଷଧ ବ୍ୟବସାୟୀମାନେ ୨୪ ଘଣ୍ଟିଆ ସେବା ପ୍ରଦାନ କରୁଥିବାରୁ ସେମାନଙ୍କୁ ଆଗ ଧାଡ଼ିର କରୋନା ଯୋଦ୍ଧା ଭାବେ ଘୋଷଣା କରାଯିବା ଉଚିତ ବୋଲି କହିଛନ୍ତି ସେମାନେ ।
Published by: Anand ST Das
First published: May 13, 2021, 11:50 PM IST