ଓଡ଼ିଶାର ଶିଳ୍ପ ସଂସ୍ଥାଗୁଡ଼ିକର ଶ୍ରମିକମାନେ ଲକଡାଉନ୍ ଯୋଗୁଁ ଜୀବିକା ହରାଇବା ଭୟରେ ଅଛନ୍ତି

ଦେଢ଼ ବର୍ଷରୁ ଅଧିକ ସମୟ ଧରି ଓଡ଼ିଶାରେ ଥିବା ଛୋଟ ବଡ଼ ପ୍ରାୟ ୧୫ ଲକ୍ଷ ଶିଳ୍ପଦ୍ୟୋଗୀ ଚିନ୍ତାରେ ଅଛନ୍ତି । ଏଭଳି ସ୍ଥିତି ଲାଗି ରହିଲେ ରାଜ୍ୟରେ ଛୋଟ ବଡ଼ ଶିଳ୍ପାନୁଷ୍ଠାନରେ କାମ କରୁଥିବା ୧୦ ଲକ୍ଷରୁ ଅଧିକ ଲୋକ କର୍ମସଂସ୍ଥାନ ହରାଇପାରନ୍ତି ।

ଓଡ଼ିଶାର ଶିଳ୍ପ ସଂସ୍ଥାଗୁଡ଼ିକର ଶ୍ରମିକମାନେ ଲକଡାଉନ୍ ଯୋଗୁଁ ଜୀବିକା ହରାଇବା ଭୟରେ ଅଛନ୍ତି
ଭୁବନେଶ୍ୱରରେ ଥିବା ଏକ କ୍ଷୁଦ୍ର ଶିଳ୍ପ ସଂସ୍ଥାରେ କମ୍ ଶ୍ରମିକରେ କାମ ଚାଲିଛି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟରେ ଦୈନିକ କୋଭିଡ୍‌ ସଂକ୍ରମଣ ଏବେ ୧୨,୦୦୦ ଟପିଥିବା ବେଳେ ଓ ସାରା ରାଜ୍ୟରେ ଲକଡାଉନ୍‌ ଲାଗୁ ହୋଇଥିବା ବେଳେ ତାହା ଶ୍ରମିକ ଶ୍ରେଣୀର ଲୋକଙ୍କ ପାଇଁ ଚିନ୍ତାର କାରଣ ହୋଇଛି । ଲକଡ଼ାଉନ ସମୟରେ ଶିଳ୍ପ ସଂସ୍ଥା ଖୋଲା ରହିବା ପାଇଁ ସରକାରୀ ନିର୍ଦ୍ଦେଶନାମା ରହିଥିବା ସତ୍ତ୍ୱେ ବାସ୍ତବତା ଭିନ୍ନ ଥିବା ଦେଖିବାକୁ ମିଳୁଛି । ରାଜ୍ୟରେ ଗମନାଗମନ ଠପ୍ ହୋଇଥିବାରୁ ଶିଳ୍ପ ସଂସ୍ଥାରେ କର୍ମଚାରୀମାନଙ୍କ ପହଞ୍ଚିବା ଓ ଶିଳ୍ପ ସଂସ୍ଥା ଚାଲୁ ରହିବା ଉପରେ ବଡ଼ ପ୍ରଶ୍ନବାଚୀ ଠିଆ ହୋଇଛି ।

ଯେଉଁମାନେ ବି ରୋଜଗାର ଆଶାରେ ଶିଳ୍ପ ସଂସ୍ଥାନଙ୍କରେ ଅଟକିଥିଲେ ସେମାନେ ଏବେ କାମ ନ ପାଇ ଘରକୁ ଫେରିବାକୁ ବସିଛନ୍ତି। କୋଭିଡ଼ର ପ୍ରଥମ ସଂକ୍ରମଣ ସମୟରେ ରାଜ୍ୟରେ ଥିବା ଛୋଟ ବଡ଼ ଶିଳ୍ପାନୁଷ୍ଠାନଗୁଡ଼ିକ ଗଭୀର ଭାବେ ପ୍ରଭାବିତ ହୋଇଥିଲା । ବାରମ୍ବାର ଲକଡାଉନ୍‌ ଓ ସଟଡ଼ାଉନ କାରଣରୁ ପ୍ରାୟ ଆଠ ମାସ ଧରି ବିପର୍ଯ୍ୟସ୍ତ ହୋଇ ପଡ଼ିଥିଲା ବିଭିନ୍ନ ଶିଳ୍ପାନୁଷ୍ଠାନର ଆର୍ଥିକ ସ୍ଥିତି । ଷ୍ଟାର୍ଟ୍‌-ଅପଠାରୁ ଆରମ୍ଭ କରି ବଡ଼ ବଡ଼ ଶିଳ୍ପାନୁଷ୍ଠାନଗୁଡ଼ିକ ଆର୍ଥିକ ବିପର୍ଯ୍ୟୟର ସମ୍ମୁଖୀନ ହୋଇଥିଲେ । ଚଳିତ ବର୍ଷର ଆରମ୍ଭରୁ ସ୍ଥିତି ଧୀରେ ଧୀରେ ସ୍ୱାଭାବିକ ଆଡ଼କୁ ଗତି କରୁଥିବା ବେଳେ କୋଭିଡର ଦ୍ୱିତୀୟ ଲହରର ପ୍ରଭାବ ଏବେ ପୂରା ଶିଳ୍ପ ଦୁନିଆକୁ ବିପର୍ଯ୍ୟୟ ଆଡ଼କୁ ଟାଣି ନେଉଛି ।

ଏହା ବି ପଢ଼ନ୍ତୁ | Reliance Oxygen ଯୋଗାଣକୁ ସୁପ୍ରିମ୍ କୋର୍ଟରେ ସ୍ୱାଗତ କରାଗଲା; ମୁକେଶ ଅମ୍ବାନୀ ତଦାରଖ କରୁଛନ୍ତି

ବାଲେଶ୍ୱରର ରମେଶ ଚନ୍ଦ୍ର ପାତ୍ର ଭୁବନେଶ୍ୱରସ୍ଥିତ ମଞ୍ଚେଶ୍ୱର ଶିଳ୍ପାଞ୍ଚଳରେ ଏକ ଘରୋଇ କମ୍ପାନୀରେ ମେକାନିକ୍ ଭାବେ କାମ କରନ୍ତି । ଗତ ବର୍ଷ କୋଭିଡ୍‌ କାରଣରୁ ଆଠ ମାସ ଧରି ତାଙ୍କୁ ଘରେ ରହିବାକୁ ପଡ଼ିଥିଲା । ଜାନୁଆରୀ ମାସରେ ବାଲେଶ୍ୱରରୁ ସେ ପଳାଇ ଆସିଥିଲେ ଭୁବନେଶ୍ୱର । ଆଶା ଥିଲା ଗତ ଆଠ ମାସ ବିନା ରୋଜଗାରରେ କଷ୍ଟରେ କାଟିବା ପରେ ଏବେ ସେ କଷ୍ଟ ଧୀରେ ଧୀରେ ଲାଘବ ହେବ । କିନ୍ତୁ ମାତ୍ର ଦୁଇ ମାସ ଭିତରେ ଓଲଟିଗଲା ସ୍ଥିତି । ଏବେ ସେ ଘରକୁ ଫେରି ପାରୁନାହାନ୍ତି କିମ୍ବା ବିନା ରୋଜଗାରରେ ଭୁବନେଶ୍ୱରରେ ରହିବାକୁ ବି ସକ୍ଷମ ନୁହଁନ୍ତି ।

ଏହା ବି ପଢ଼ନ୍ତୁ | ସୋସିଆଲ୍ ମିଡ଼ିଆରେ Oxygen ବେଡ୍ ବିଷୟରେ ଲେଖିଲେ କାର୍ଯ୍ୟାନୁଷ୍ଠାନ ହୋଇପାରିବ ନାହିଁ, କହିଲେ ସୁପ୍ରିମ୍କୋର୍ଟ୍

ଲକଡାଉନ୍‌ ସମୟରେ ଭୁବନେଶ୍ୱରର ରାସ୍ତା ସବୁ ଖାଲି ରହିଛି ।


ରସୁଲଗଡ଼ ଶିଳ୍ପାଞ୍ଚଳରେ ଥିବା ବଟଲିଂ ପ୍ଲାଣ୍ଟର କର୍ମଚାରୀ ରାକେଶ ହୋତାଙ୍କର ବି ସମାନ ସ୍ଥିତି । ନୟାଗଡ଼ ଅଞ୍ଚଳର ହୋତା ଏହି କମ୍ପାନୀରେ ୧୯ ବର୍ଷ ହେଲା କାମ କରି ଆସୁଛନ୍ତି । କିନ୍ତୁ ଏବେ ତାଙ୍କ ପାଇଁ ପାଞ୍ଚ ପ୍ରାଣୀର ଘର ଚଳାଇବା କଷ୍ଟକର ହୋଇପଡ଼ିଛି ବୋଲି ସେ କହିଛନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | Bengal Results: ‘ଦିଦି ଦିଦି…’ ଦୋହରାଇ ଟ୍ୱିଟରରେ ଲୋକେ BJPକୁ ଖୁବ୍ ପରିହାସ କରୁଛନ୍ତି

‘‘ଗତ ବର୍ଷ କୋଭିଡ଼ ଆରମ୍ଭ ହେବା ସମୟରେ ମୋ’ର ଆଶା ଥିଲା ଏ ସ୍ଥିତି ବେଶୀ ଦିନ ରହିବ ନାହିଁ । ଖୁବ୍‌ ଶୀଘ୍ର ବଦଳିଯିବ । କିନ୍ତୁ ବଦଳିବ କ’ଣ, ମାସକୁ ମାସ ଆହୁରି ଭୟଙ୍କର ହେବାରେ ଲାଗିଛି ସ୍ଥିତି । ଏବେ ପରିବାର ଚଳାଇବା ମୋ’ ପାଇଁ କଷ୍ଟକର ହେଲାଣି,’’ ସେ କହିଛନ୍ତି ।

ଏହା ବି ପଢ଼ନ୍ତୁ | କର୍ଫ୍ୟୁ ବେଳେ ଗର୍ଲଫ୍ରେଣ୍ଡକୁ ଭେଟିବାକୁ ମୁମ୍ବାଇ ପୋଲିସକୁ ଅନୁରୋଧ କଲା ଯୁବକ; ମିଳିଲା ଏହି ଜବାବ

ଦେଢ଼ ବର୍ଷରୁ ଅଧିକ ସମୟ ଧରି ଓଡ଼ିଶାରେ ଥିବା ଛୋଟ ବଡ଼ ପ୍ରାୟ ୧୫ ଲକ୍ଷ ଶିଳ୍ପଦ୍ୟୋଗୀ ଚିନ୍ତାରେ ଅଛନ୍ତି । ଆଶଙ୍କା କରାଯାଉଛି ଏଭଳି ସ୍ଥିତି ଲାଗି ରହିଲେ ରାଜ୍ୟରେ ଛୋଟ ବଡ଼ ଶିଳ୍ପାନୁଷ୍ଠାନରେ କାମ କରୁଥିବା ୧୦ ଲକ୍ଷରୁ ଅଧିକ ଲୋକ କର୍ମସଂସ୍ଥାନ ହରାଇବେ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ସ୍ୱାମୀ ଘରୁ ଯିବା ମାତ୍ରେ Loverକୁ ଘରକୁ ଡାକିଆଣୁଥିଲେ ସ୍ତ୍ରୀ; Hidden କ୍ୟାମେରାରେ ଧରାପଡ଼ିଲା

‘‘ଗତ ୧୦୦ ବର୍ଷ ଭିତରେ ବି ଏଭଳି ସ୍ଥିତି ଆସି ନ ଥିଲା । କୌଣସି ଭୂତାଣୁ ଉପରେ କାବୁ ପାଇବା ପାଇଁ ଲକଡ଼ାଉନ ଓ ସଟଡାଉନ୍‌ ଭଳି ନିଷ୍ପତ୍ତି ଗ୍ରହଣଯୋଗ୍ୟ, କିନ୍ତୁ ତା’ ସହିତ ଲୋକଙ୍କ ଜୀବୀକାକୁ ମଧ୍ୟ ଗୁରୁତ୍ୱ ଦେବାର ଆବଶ୍ୟକତା ରହିଛି । କୋଭିଡର ପ୍ରଥମ ସଂକ୍ରମଣ ଲହରୀରେ ଦେଶ ତଥା ରାଜ୍ୟର ଛୋଟ ବଡ଼ ଶିଳ୍ପାନୁଷ୍ଠାନଗୁଡ଼ିକ ଅନେକ ଅସୁବିଧାର ସମ୍ମୁଖୀନ ହୋଇଥିଲେ । ସେଥିରୁ ଆମେ ସମସ୍ତେ ଶିକ୍ଷାଲାଭ କରିବା ଉଚିତ୍ ଥିଲା । କେହି କେବେ ବି ଦ୍ୱିତୀୟ ଲହର ଏତେ ଭୟଙ୍କର ହେବ ବୋଲି ଭାବି ନ ଥିଲେ । ସେ ଦୃଷ୍ଟିରୁ ଶିଳ୍ପାନୁଷ୍ଠାନଗୁଡ଼ିକ ଏବେ ଜୀବନ ଓ ଜୀବିକାର ଦୋ’ଛକିରେ ଅଟକି ରହିଛୁ,’’ କହିଛନ୍ତି ଶିଳ୍ପ ବିଶେଷଜ୍ଞ ଭବାନୀ ଶଙ୍କର ପାଣି ।



ଉତ୍କଳ ଚାମ୍ବର ଅଫ କମର୍ସର (ୟୁ.ସି.ସି.ଆଇ.) ସଭାପତି ବ୍ରହ୍ମା ମିଶ୍ର କହିଛନ୍ତି, ‘‘ଏକଥା ସତ ଯେ ବର୍ତ୍ତମାନ ସମୟରେ ବିଗୁଡ଼ୁଥିବା ଆର୍ଥିକ ସ୍ଥିତିକୁ ସୁଧାରିବାର ଆବଶ୍ୟକତା ରହିଛି । ଏଥି ପାଇଁ ଅନୁକୁଳ ପରିବେଶ ତିଆରି କରିବାର ଆବଶ୍ୟକତା ରହିଛି । ନହେଲେ ଶିଳ୍ପୋଦ୍ୟୋଗୀମାନେ ହତାଶ ହେବେ ଓ ଶିଳ୍ପ ଦୁନିଆ ବିପର୍ଯ୍ୟୟ ଭିତର ଦେଇ ଗତି କରିବ।  ରାଜ୍ୟରେ ୪୫ ଲକ୍ଷ ଶ୍ରମଜୀବୀ ଜୀବିକା ହରାଇବେ ।’’
Published by: Anand ST Das
First published: May 7, 2021, 11:46 PM IST