ରାଜ୍ୟରେ ଶ୍ରମଜୀବୀଙ୍କ ପାଇଁ ଆସିଲା ସରକାରୀ ନିର୍ଦ୍ଦେଶ, ହେଲେ ଅନୁପାଳନରେ ଅନେକ ବାଧା

ରାଜ୍ୟରେ କାର୍ଯ୍ୟ କ୍ଷେତ୍ରରେ ଶ୍ରମିକ ନିୟୋଜନରେ ଅଧିକ ସରକାରୀ କଟକଣା ସମସ୍ୟା ସୃଷ୍ଟି କରୁଛି ବୋଲି କହିଛନ୍ତି ଶ୍ରମିକ, ଠିକାଦାର ଓ ଶ୍ରମିକ ନେତାମାନେ ।

ରାଜ୍ୟରେ ଶ୍ରମଜୀବୀଙ୍କ ପାଇଁ ଆସିଲା ସରକାରୀ ନିର୍ଦ୍ଦେଶ, ହେଲେ ଅନୁପାଳନରେ ଅନେକ ବାଧା
ଭୁବନେଶ୍ୱରରେ ଲକଡାଉନ୍ ସମୟରେ ରାସ୍ତାରେ ପୋଲିସ୍ ଚେକିଂ ଚାଲିଛି ।
  • News18 Odia
  • Last Updated: April 26, 2020, 8:39 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ରାଜ୍ୟ ସରକାର ନୋଟିସ କଲେ ଯେ ଲକଡାଉନ କାରଣରୁ ରାଜ୍ୟ ଭିତରେ ବିଭିନ୍ନ ସ୍ଥାନରେ ଅଟକି ରହିଯାଇଥିବା ଶ୍ରମିକମାନେ କର୍ମସ୍ଥଳୀକୁ  ଯାଇପାରିବେ। ଠିକାଦାର ସେମାନଙ୍କ ଯିବା ଆସିବାର ବ୍ୟବସ୍ଥା କରିବେ । ହେଲେ ଏହାର ବାସ୍ତବ ଉବଲବ୍ଧି କିନ୍ତୁ ଭିନ୍ନ। ସରକାରୀ ନିର୍ଦ୍ଦେଶ ଅନୁପାଳନରେ ଆସୁଛି ଅନେକ ବାଧକ ।

ଭୁବନେଶ୍ୱର ଉପକଣ୍ଠ ଭିଙ୍ଗାରପୁର ବାସିନ୍ଦା ସତ୍ୟନାରାୟଣ ପାତ୍ର ଜଣେ ଇଲେକ୍ଟ୍ରିକାଲ ମିସ୍ତ୍ରୀ ଭାବେ ଭୁବନେଶ୍ୱରର ଏକ ଘରୋଇ କମ୍ପାନୀରେ କାମ କରନ୍ତି। ଲକଡାଉନ କଟକଣା କାରଣରୁ ପ୍ରାୟ ଦେଢ଼ ମାସ ହେଲା ଘରେ ବସିଥିଲେ । କାମ ଧନ୍ଦା ନ ଥିଲା । ଏବେ ଶ୍ରମିକଙ୍କ ଉପରୁ ସରକାର ଲକଡାଉନ କଟକଣା କୋହଳ କରିବା ପରେ ସେ କାମକୁ ଆସିଛନ୍ତି, କିନ୍ତୁ କଷ୍ଟରେ ।

‘‘ଲମ୍ବା ସମୟ ବ୍ୟବଧାନରେ ମୁଁ କାମକୁ ଆସିଥିବାରୁ ଖୁସି । ହେଲେ ଅନେକ ସମସ୍ୟା । ଗାଡ଼ି ମୋଟର ଚାଲୁ ନ ଥିବାରୁ ଯିବା ଆସିବାରେ ସମସ୍ୟା ହେଉଛି । ଅଫିସ ଗାଡ଼ି ବି ଯାଇ ପାରୁନାହିଁ,’’ କହିଛନ୍ତି ସତ୍ୟ ନାରାୟଣ ।

ଅନୁରୂପ ମତ ହେଲା ବିଭିନ୍ନ ଗୋଦାମରେ ଖାଲାସୀ କାମ କରୁଥିବା କାଳିଆଙ୍କର । ‘‘ଶ୍ରମଜୀବୀଙ୍କ ଉପରୁ ଲକଡାଉନ କୋହଳ ହେବା ପରେ  କାମ ପାଇବି ବୋଲି ଆଶା ରଖିଥିଲି । ହେଲେ  ହତାଶ, କାରଣ ଠିକାଦାର କେହି ଆସୁନାହାନ୍ତି । ଦେଢ଼ ମାସ ହେଲା କାମ ଧନ୍ଦା ନପାଇ ମୁଁ ହତାଶ,’’ ସେ କହିଛନ୍ତି ।

ତେବେ ବିଭିନ୍ନ ପ୍ରକଳ୍ପର ସାଇଟ ଇଞ୍ଜିନିୟର ଓ ଠିକାଦାରଙ୍କ ମତରେ ସରକାରୀ ନିର୍ଦେଶନାମା ଆଦୌ ଉପଯୋଗୀ ନୁହେଁ । ଭୁବନେଶ୍ୱର ସ୍ଥିତ ଟିଏନ କନଷ୍ଟ୍ରକସନରେ ସାଇଟ ଇଂଜିନିୟର  ଭାବେ କାମ କରୁଥିବା ବିଜୟ କୁମାର ଖୁଣ୍ଟିଆ କହିଛନ୍ତି: ‘‘ସରକାରୀ ନିର୍ଦ୍ଦେଶନାମା ଅନୁସାରେ ଶ୍ରମିକଙ୍କୁ କର୍ଯ୍ୟସ୍ଥଳୀକୁ ନେବାପାଇଁ ଗାଡିର ବ୍ୟବସ୍ଥା କରିବାକୁ ହେବ । ତାହା ପୁଣି ଖୁବ କମ ସଂଖ୍ୟକ  ଶ୍ରମଜୀବୀଙ୍କୁ ନେଇ । ପ୍ରଥମତଃ ସବୁଠି ପୋଲିସ ଚେକିଂ, ଦ୍ଵିତୀୟ ରେ ପାସ ପାଇବାରେ ଆସୁବିଧା। ତା ସହିତ କମ ସଂଖ୍ୟକ ଶ୍ରମଜୀବୀଙ୍କୁ ନେଇ ଗାଡ଼ିରେ ପରିବହନ, ଏସବୁ ଆର୍ଥିକ ସମସ୍ୟା ସୃଷ୍ଠି କରୁଛି। ଶ୍ରମଜୀବୀଙ୍କ ସ୍ୱାର୍ଥ ପାଇଁ ରାଜ୍ୟ ସରକାର ଏ ଦିଗରେ ଧ୍ୟାନ ଦେବା ଦରକାର।'

ଅନ୍ୟଜଣେ ଠିକାଦାର ସମରେନ୍ଦ୍ର ମହାପାତ୍ର କହିଛନ୍ତି: ‘‘କାର୍ଯ୍ୟ କ୍ଷେତ୍ରରେ ଶ୍ରମିକ ନିୟୋଜନ ନେଇ ଅଧିକ ସରକାରୀ କଟକଣା ସମସ୍ୟା  ସୃଷ୍ଟି କରୁଛି । ସରକାର ଏହାର ସମାଧାନ କରିବା ଦରକାର ।’’

‘‘ରାଜ୍ୟର ବିଭିନ୍ନ ସ୍ଥାନରେ ଅଟକି ରହିଥିବା ଶ୍ରମିକଙ୍କ ପାଇଁ କେବଳ ଉପର ଠାଉରିଆଭାବେ ନୁହେଁ, ଆନ୍ତରିକତା ସହ ଉଦ୍ୟମ କରିବା ଦରକାର । କାରଣ ଏ କ୍ଷେତ୍ରରେ ଅଧିକ ଅଡ଼ୁଆ ସାଜୁଛି ବିଭିନ୍ନ ସରକାରୀ ଅଧିକାରୀଙ୍କ ସମ୍ମତି ପତ୍ର । ସରକାର ସେ ଦିଗରେ ଧ୍ୟାନ ଦେବା ଦରକାର,’’ କହିଛନ୍ତି ଶ୍ରମିକ ନେତା ଅଳି କିଶୋର ପଟ୍ଟନାୟକ ।

ଶ୍ରମଜୀବୀଙ୍କ କଲ୍ୟାଣ ନିମନ୍ତେ ଶୁକ୍ରବାର ଏଭଳି କିଛି ଘୋଷଣା କରିଥିଲେ  ରାଜ୍ୟ ବିପର୍ଯ୍ୟୟ ପରିଚାଳନା ବିଭାଗ, ଯେଉଁଥିରେ ଶ୍ରମ ମିଳିବା ଉପରେ ଦିଆଯାଇଥିଲା ଗୁରୁତ୍ୱ ।  ହେଲେ ସେ କ୍ଷେତ୍ରରେ ନୀତି ନିୟମ ବାଧକ ସାଜୁଥିବାରୁ ଏବେ ଶ୍ରମଜୀବୀ ଲକଡାଉନ ସରିବାକୁ ଅପେକ୍ଷା କରିଛନ୍ତି ।
First published: April 26, 2020, 8:39 PM IST
corona virus btn
corona virus btn
Loading