କରୋନା ସାହାଯ୍ୟ ପାଇଁ ନୀତା ଅମ୍ବାନୀ ବିଶ୍ୱର ଶ୍ରେଷ୍ଠ ପରୋପକାରୀ ବ୍ୟକ୍ତିଙ୍କ ତାଲିକାରେ ସାମିଲ ହେଲେ

News18 Odia Digital

ମୁମ୍ବାଇ: ଆମେରିକୀୟ ପତ୍ରିକା ‘ଟାଉନ୍ ଆଣ୍ଡ କଣ୍ଟ୍ରି’ର ନୂତନ ସଂଖ୍ୟାରେ ରିଲାଏନ୍ସ ଫାଉଣ୍ଡେସନର ଅଧ୍ୟକ୍ଷା ତଥା ପ୍ରତିଷ୍ଠାତା ନୀତା ଅମ୍ବାନୀଙ୍କୁ (Nita Ambani) ୨୦୨୦ର ଟପ୍ ପରୋପକାରୀ ବ୍ୟକ୍ତିଙ୍କ (Top Philanthropists of 2020) ମଧ୍ୟରେ ସ୍ଥାନ ଦିଆଯାଇଛି ।

ଭାରତରେ କରୋନା ଭାଇରସ୍ ମହାମାରୀର ମୁକାବିଲା ପାଇଁ ରିଲାଏନ୍ସ ଫାଉଣ୍ଡେସନର (Reliance Foundation) ନେତୃତ୍ୱ ନେଇଥିବାରୁ ନୀତାଙ୍କୁ ଶ୍ରେଷ୍ଠ ପରୋପକାରୀ ବ୍ୟକ୍ତି ରୂପେ ପୁରସ୍କୃତ କରାଯାଇଛି । ରିଲାଏନ୍ସ ଫାଉଣ୍ଡେସନ କରୋନା ମୁକାବିଲାରେ ଲାଗିଥିବା ଫ୍ରଣ୍ଟଲାଇନ କର୍ମଚାରୀ ତଥା ଗରିବ ଓ ଅଭାବୀ ଲୋକଙ୍କୁ ଖାଇବାକୁ ଦେବାର ପ୍ରୟାସର ନେତୃତ୍ୱ ନେଇଥିଲେ । ଭାରତର ପ୍ରଥମ କୋଭିଡ-୧୯ ଡାକ୍ତରଖାନା ପ୍ରତିଷ୍ଠାର ଶ୍ରେୟ ମଧ୍ୟ ଏହି ସଙ୍ଗଠନକୁ ଯାଏ ।

ବିଶ୍ୱ ସ୍ତରରେ ଖ୍ୟାତନାମା ପରୋପକାରୀ ବ୍ୟକ୍ତିମାନଙ୍କ ଏହି ତାଲିକାରେ ନୀତା ଅମ୍ବାନୀ ଏକ ମାତ୍ର ଭାରତୀୟ । ଏହି ତାଲିକାରେ ଟକ୍ ସୋ ହୋଷ୍ଟ ଓପ୍ରା ୱିନଫ୍ରେ, ଆପଲ୍ ସିଇଓ ଟିମ୍ କୁକ୍, ଫ୍ୟାଶନ୍ ଡିଜାଇନର୍ ଡୋନାଟେଲା ଭର୍ସେସ୍, ଅଭିନେତା ଲିଓନାର୍ଡୋ ଡି କାପ୍ରିଓ ଓ ମାଇକେଲ୍ ବ୍ଲୁମବର୍ଗ ଓ ଲଅରିନ୍ ପାୱେଲ୍ ଜବ୍ସ ଭଳି ବିଶ୍ୱସ୍ତରୀୟ ଖ୍ୟାତିସମ୍ପନ୍ନ ପରୋପକାରୀ ବ୍ୟକ୍ତିଙ୍କ ନାମ ରହିଛି ।

ନୀତା ଅମ୍ବାନୀଙ୍କ ଉଦ୍ୟମକୁ ଶ୍ରେୟ ଦେଇ ‘ଟାଉନ୍ ଆଣ୍ଡ କଣ୍ଟ୍ରି’ (Town and Country) ପତ୍ରିକା ଲେଖିଛି: ‘‘ରିଲାଏନ୍ସ ଫାଉଣ୍ଡେସନ, ଯାହା ରିଲାଏନ୍ସ ଇଣ୍ଡଷ୍ଟ୍ରିଜର ପରୋପକାରୀ ପଦକ୍ଷେପ, ଫ୍ରଣ୍ଟଲାଇନ କର୍ମଚାରୀ ଏବଂ ଗରିବ ଲୋକଙ୍କୁ ଲକ୍ଷ ଲକ୍ଷ ଭୋଜନ ଓ ମାସ୍କ ବଣ୍ଟନ କରିଛି, କୋଭିଡ-୧୯ ରୋଗୀଙ୍କ ପାଇଁ ଭାରତର ପ୍ରଥମ ଡାକ୍ତରଖାନା ସ୍ଥାପନ କରିଛି ଏବଂ ଏକ ଜରୁରୀକାଳୀନ ପାଣ୍ଠିକୁ ୭୨ ମିଲିୟନ ଡଲାର ଦାନ କରିଛି ।’’



ଏହି ପରିଚୟ ଅବସରରେ ନୀତା ଅମ୍ବାନୀ କହିଛନ୍ତି: ‘‘ସଙ୍କଟ ସମୟରେ ଦରକାର ହୁଏ ତ୍ୱରିତ ଓ ଜରୁରୀ ଧ୍ୟାନ, ରିଲିଫ୍, ସମ୍ବଳ, ଚତୁରତା ଓ ସବୁ ଠାରୁ ଗୁରୁତ୍ୱପୂର୍ଣ୍ଣ ଗୁଣ, ଦୟା ।’’

‘‘ବିଗତ ବର୍ଷମାନଙ୍କରେ ଆମ ଫାଉଣ୍ଡେସନ ଓ ରିଲାଏନ୍ସ ଇଣ୍ଡଷ୍ଟ୍ରିଜରେ ଆମେ ତ୍ୱରିତ, ବହୁମୁଖୀ ତଥା ବ୍ୟବସ୍ଥିତ ଓ କାଲିବ୍ରେଟେଡ୍ ପ୍ରତିକ୍ରିୟା ଦ୍ୱାରା ସଙ୍କଟକୁ ମୁକାବିଲା କରିବା ପାଇଁ ନିଜକୁ ପ୍ରସ୍ତୁତ କରିଛୁ । ଆମର ପଦକ୍ଷେପ ବିଶ୍ୱ ସ୍ତରରେ ସ୍ୱୀକୃତିପ୍ରାପ୍ତ ହେଉଛି ବୋଲି ଜାଣି ଆମେ ଖୁସି ଓ ନମ୍ର ଅନୁଭବ କରୁଛୁ । ଯେତେବେଳେ ଆବଶ୍ୟକ ପଡ଼ିବ ଆମ ସରକାର ତଥା ଆମ ଜନତାକୁ ସାହାଯ୍ୟ କରିବାକୁ ଆମର ପରୋପକାରିତା ପ୍ରତିବଦ୍ଧ,’’ କହିଛନ୍ତି ନୀତା ।

ନୀତା ଅମ୍ବାନୀଙ୍କ ନେତୃତ୍ୱରେ ରିଲାଏନ୍ସ ଫାଉଣ୍ଡେସନ ଦୁଇ ସପ୍ତାହ ମଧ୍ୟରେ ମୁମ୍ବାଇରେ ୧୦୦ ଶଯ୍ୟା ବିଶିଷ୍ଟ ଏକ କୋଭିଡ୍‌ ଡାକ୍ତରଖାନା ନିର୍ମାଣ କରି ବଢ଼ୁଥିବା ରୋଗୀଙ୍କ ଚିକିତ୍ସାର ସୁବିଧା କରାଇଥିଲା । ମାର୍ଚ୍ଚ ଶେଷ ସୁଦ୍ଧା ରୋଗୀ ନେବା ଆରମ୍ଭ କରିଥିବା ଏହି ଡାକ୍ତରଖାନାରେ ଏପ୍ରିଲ୍ ଶେଷ ସୁଦ୍ଧା ଶଯ୍ୟା ସଂଖ୍ୟା ୨୨୦କୁ ବୃଦ୍ଧି ପାଇଥିଲା ।

ବଢ଼ୁଥିବା ମାନବିକ ସଙ୍କଟ ମଧ୍ୟରେ ଭୋକିଲା ଲୋକଙ୍କୁ ଖାଦ୍ୟ ଯୋଗାଇବା ପାଇଁ ରିଲାଏନ୍ସ ଫାଉଣ୍ଡେସନ ‘‘ଅନ୍ନ ସେବା’’ ନାମକ ଏକ ଖାଦ୍ୟ ଯୋଗାଣ ସେବା ମଧ୍ୟ ଆରମ୍ଭ କରିଥିଲା । କରୋନା ମହାମାରୀ ଆରମ୍ଭ ହେବା ସମୟରୁ ଏହି କାର୍ଯ୍ୟକ୍ରମ ପାଞ୍ଚ କୋଟି ଲୋକଙ୍କୁ ଖାଇବାକୁ ଦେବାରେ ସଫଳ ହୋଇଛି ।

ଏହା ବି ପଢ଼ନ୍ତୁ: 

କରୋନା ଲଢ଼େଇରେ ସାହାଯ୍ୟ ପାଇଁ ମହାରାଷ୍ଟ୍ର ସରକାର ମୁକେଶ ଅମ୍ବାନୀ ଓ ନୀତାଙ୍କୁ ଧନ୍ୟବାଦ ଦେଲା

PMଙ୍କ କରୋନା ପାଣ୍ଠିକୁ ରିଲାଏନ୍ସ ଦେଲା ₹୫୦୦ କୋଟି ସହାୟତା; ୧୦୦-ବେଡ୍ ହସପିଟାଲ ବି ପ୍ରସ୍ତୁତ

‘ଜୀତା ରହେଗା ମେରା ଇଣ୍ଡିଆ’: କରୋନା ବିରୋଧରେ ଲଢ଼େଇ ଉପରେ ରିଲାଏନ୍ସର ଭିଡିଓ ଗୀତ ଦେଖନ୍ତୁ

ନୀତା ଅମ୍ବାନୀ ନ୍ୟୁୟର୍କର ମ୍ୟୁଜିୟମ ଅଫ୍ ଆର୍ଟ ବୋର୍ଡ଼କୁ ନିର୍ବାଚିତ; ଏ ଗୌରବ ପାଇବାରେ ସେ ପ୍ରଥମ ଭାରତୀୟ

କରୋନା ଭାଇରସ୍‌କୁ ହରାଇବା ଲାଗି ଦୀପ ଜଳାଇଲେ ମୁକେଶ ଅମ୍ବାନି ଓ ପତ୍ନୀ ନୀତା ଅମ୍ବାନୀ

ନୀତା ଅମ୍ବାନୀ ଓ ଝିଅ ଈଶା ଜିଓ ବିଶ୍ୱ ଗାର୍ଡେନରେ NGOରୁ ଆସିଥିବା ୪,୦୦୦ ପିଲାଙ୍କ ସହ କ୍ରିସ୍‌ମାସ୍‌ ପାଳନ କଲେ 

ଋଷି କପୁରଙ୍କୁ ବହୁତ ଧ୍ୟାନ ଦେଇଥିବାରୁ ମୁକେଶ ଅମ୍ବାନୀ ଓ ପରିବାରକୁ ଧନ୍ୟବାଦ ଦେଲେ ନୀତୁ