ଏଣିକି ମର୍ଣ୍ଣିଂ ୱାକ୍ କରିବା ଓ ସାଇକେଲ୍ ଚଳେଇବା ମନା; କଟକ ଓ ଭୁବନେଶ୍ୱରରେ ଲାଗିଲା କଟକଣା

News18 Odia Digital

ଭୁବନେଶ୍ୱର: ନଗର ନିଗମ ଓ କମିଶନରେଟ୍‌ ପୋଲିସର ଶତ ଚେଷ୍ଟା ସତ୍ତ୍ୱେ କରୋନା ଭାଇରସ୍‌ ସଂକ୍ରମଣ ବଢ଼ିଚାଲିବା ପଛରେ ଲକଡାଉନ୍‌ ସମୟରେ ବି ଲୋକେ ବିଭିନ୍ନ କାରଣରୁ ପରସ୍ପର ସହି ମିଳାମିଶା କରିବାର ଏକ ବଡ଼ ଭୂମିକା ରହିଛି । ସେଇଥି ପାଇଁ ଭୁବନେଶ୍ୱର ଓ କଟକରେ ଲକଡାଉନ୍‌ କଟକଣାକୁ ପୋଲିସ ଆହୁରି କଡ଼ା କରିଛି ଯାହା ଫଳରେ ଲୋକମାନଙ୍କର ଘରୁ ବାହାରିବା କମ୍‌ ହେବ ।

ଗୁରୁବାର ଦିନଠାରୁ ଜାରି ହୋଇଥିବା ନୂଆ କଟକଣା ଅନୁସାରେ ଭୁବନେଶ୍ୱର ଓ କଟକରେ ମର୍ଣ୍ଣିଂ ୱାକ୍‌ (ପ୍ରାତଃ ଭ୍ରମଣ), ଇଭିନିଂ ୱାକ୍‌ ଓ ସାଇକେଲ୍‌ ଚାଳନାକୁ ନିଷିଦ୍ଧ କରାଯାଇଛି । ଟ୍ୱିନ୍‌ ସିଟିର ପୋଲିସ କମିଶନର୍‌ ସୌମେନ୍ଦ୍ର ପ୍ରିୟଦର୍ଶୀ ଏହି କଟକଣା ଘୋଷଣା କରି କହିଛନ୍ତି ଯେ ଏହାକୁ ଅମାନ୍ୟ କରୁଥିବା ଲୋକଙ୍କ ବିରୁଦ୍ଧରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରିବ ।

ଏହା ବି ପଢ଼ନ୍ତୁ | English ଶିଖନ୍ତୁ [୧]: ଯଦି ଗ୍ୟାଙ୍ଗଷ୍ଟର୍ ହାଇଦର୍ ଧରାପଡ଼ି ନ ଥାନ୍ତା,… If gangster Hyder…

‘‘ଲକଡାଉନର ଗାଇଡଲାଇନ୍‌ ମୁତାବକ ମର୍ଣ୍ଣିଂ ୱାକ୍‌, ଇଭିନିଂ ୱାକ୍‌ ଓ ସାଇକ୍ଲିଂ ଆଦିକୁ ନିଷିଦ୍ଧ କରାଯାଇଛି । ଅନେକ ସ୍ଥାନରେ ଆମେ ଦେଖୁଛୁ ଯେ ସକାଳ ଓ ସନ୍ଧ୍ୟା ସମୟରେ କିଛି ବନ୍ଧୁ ଏହି କାର୍ଯ୍ୟରେ ନିଜକୁ ଲିପ୍ତ କରୁଛନ୍ତି ଯେଉଁଟା ନିୟମ ବିରୁଦ୍ଧ । ତେଣୁ ଏହାକୁ ପାଳନ କରିବା ପାଇଁ ମୁଁ ସମସ୍ତଙ୍କୁ ଅନୁରୋଧ କରିବି । ଆମର ମୁଖ୍ୟ ଲକ୍ଷ ହେଉଛି ରାସ୍ତା ଉପରକୁ ନ ଆସିବା । ଘରେ ରୁହନ୍ତୁ, ସୁସ୍ଥ ରୁହନ୍ତୁ । ବାହାରକୁ ଆସି ସଂକ୍ରମଣକୁ ବଢ଼ାନ୍ତୁ ନାହିଁ,’’ କହିଛନ୍ତି ପ୍ରିୟଦର୍ଶୀ ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ‘‘କିଛି ବାହାରୁନି ଏଥିରୁ…’’ ଖାଲି ଅମ୍ଳଜାନ ମାସ୍କ ଧରି ମୃତ୍ୟୁ ପୂର୍ବରୁ VIDEOରେ କହିଥିଲେ ରାହୁଲ ଭୋରା



ପୋଲିସକୁ ଜନସାଧାରଣଙ୍କ ବନ୍ଧୁ ବୋଲି କହି ସେ ଚେତାଇ ଦେଇଛନ୍ତି ଯେ ବନ୍ଧୁତ୍ୱ ଦେଖାଇ ପୋଲିସିଂ କରିବାର ଅର୍ଥ ନୁହେଁ ଆଇନ୍‌ ଅମାନ୍ୟ କରୁଥିବା ଲୋକଙ୍କ ପ୍ରତି ପୋଲିସ କୋହଳ ମନୋଭାବ ପୋଷଣ କରିବ । ‘‘ଯେଉଁମାନେ ଆଇନ୍‌ ଅମାନ୍ୟ କରିବେ ତାଙ୍କୁ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ନେବୁ,’’ କହିଛନ୍ତି ପ୍ରିୟଦର୍ଶୀ । ଉଭୟ କଟକ ଓ ଭୁବନେଶ୍ୱରରେ ଅଧିକାଂଶ ଲୋକ ସଟଡାଉନ୍‌ ଓ ଲକଡାଉନ୍‌ କଟକଣାକୁ ମାନୁଛନ୍ତି ବୋଲି ସେ କହିଛନ୍ତି ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ପୁଅକୁ ନେଇ ଅଭିନେତ୍ରୀ ଶ୍ୱେତା ତିୱାରୀ ଓ ପୂର୍ବ ପତିଙ୍କ ମଧ୍ୟରେ ଝଗଡ଼ା CCTV ଫୁଟେଜ୍ ଓ VIDEOରେ ଜାରି

ଏଡିଜି (ଆଇନ ବ୍ୟବସ୍ଥା) ୟଶୱନ୍ତ ଜେଠୱା କହିଛନ୍ତି ଯେ କେହି କୋଭିଡ-୧୯ ସମ୍ବନ୍ଧୀୟ ଅତ୍ୟାବଶ୍ୟକ ସାମଗ୍ରୀର ବ୍ଲାକ୍‌ ମାର୍କେଟିଂ କରୁଥିବା ଦେଖାଗଲେ ସେମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ‘‘କରୋନା ସଂକ୍ରମଣର ଚିକିତ୍ସା ପାଇଁ ଔଷଧ ଓ ଚିକିତ୍ସା ସାମଗ୍ରୀର କଳା ବଜାରି ରୋକିବା ପାଇଁ ୨୨ଟି ଫ୍ଲାଇଙ୍ଗ ସ୍କ୍ୱାର୍ଡ଼ ଗଠନ କରାଯାଇଛି । ଯଦି କୌଣସି ଘରୋଇ ଡାକ୍ତରଖାନା କୋଭିଡ-୧୯ ଚିକିତ୍ସା ପାଇଁ ସରକାର ଧାର୍ଯ୍ୟ କରିଥାବ ଦରଠାରୁ ଅଧିକ ଚାର୍ଜ କରିବେ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ,’’ କହିଛନ୍ତି ଜେଠୱା ।

ଏହା ବି ପଢ଼ନ୍ତୁ | ଚନ୍ଦା ମୁଣ୍ଡ ଥିବା ପୁରୁଷମାନଙ୍କଠାରେ କରୋନା ସଂକ୍ରମିତ ହେବା ପରେ ମୃତ୍ୟୁ ସମ୍ଭାବନା ଅଧିକ: ରିସର୍ଚ୍ଚ



କରୋନା ନିୟମାବଳୀ ଉଲ୍ଲଙ୍ଘନକାରୀମାନଙ୍କ ଠାରୁ ଏ ପର୍ଯ୍ୟନ୍ତ ୨.୮ କୋଟି ଟଙ୍କାରୁ ଅଧିକ ଜରିମାନା ଆଦାୟ ହେଲାଣି । ସେମାନଙ୍କ ବିରୁଦ୍ଧରେ ୭୧ଟି ମାମଲା ରୁଜୁ ହୋଇଛି । ୨୬୯ ଜଣ ଲୋକ ଗିରଫ ହୋଇଛନ୍ତି ଓ ୮,୩୦୦ଟି ଗାଡି଼ ଜବତ କରାଯାଇଛି ।

ଏହା ବି ପଢ଼ନ୍ତୁ ଓ ଦେଖନ୍ତୁ VIDEO | ଝିଅଟି ଅଶ୍ଳୀଳ ଇଙ୍ଗିତର ବିରୋଧ କରିବାରୁ ନାବାଳକ ତାକୁ ନୃଶଂସ ଭାବେ ମାଡ଼ ମାରିଲା; VIDEO ଭାଇରାଲ୍

“ଟ୍ୱିନ୍ ସିଟିରେ ପୋଲିସ ପକ୍ଷରୁ ଚବିଶ-ଘଣ୍ଟିଆ ଡାଏଲ୍-୧୦୦ ସୁବିଧା ଉପଲବ୍ଧ କରାଯାଇଛି । ଲୋକେ ଯେକୌଣସି ଜରୁରୀକାଳୀନ ପରିସ୍ଥିତିରେ ଏହି ନମ୍ବର୍‌ ଡାଏଲ୍ କରିପାରିବେ । ବରିଷ୍ଠ ନାଗରିକମାନଙ୍କ ପାଇଁ ଏକ ହେଲ୍ପଲାଇନ୍‌ ନମ୍ବର ବି ଜାରି କରାଯାଇଛି । ଯଦି ଶିଳ୍ପ ଓ କର୍ପୋରେଟ୍ ସଂସ୍ଥାର କର୍ମଚାରୀମାନଙ୍କ ପାଖରେ ସଂସ୍ଥା ପକ୍ଷରୁ ଦିଆଯାଇଥିବା ଅନୁମତି ପତ୍ର ଅଛି ତେବେ ସେମାନେ ଲକଡାଉନ୍‌ ସମୟରେ ନିଜ କାର୍ଯ୍ୟକ୍ଷେତ୍ରକୁ ଯାଇପାରିବେ,’’ କହିଛନ୍ତି ଭୁବନେଶ୍ୱର ଡିସିପି ଉମାଶଙ୍କର ଦାଶ ।



ବିବାହ ଓ ଅନ୍ତିମ ସଂସ୍କାର ପାଇଁ ହ୍ୱାଟସ୍-ଆପ୍ ମାଧ୍ୟମରେ ଇ-ପାସ୍ ଦିଆୟିବା ବ୍ୟବସ୍ଥା ବି କରାଯାଇଛି ବୋଲି କହିଛନ୍ତି ଡିସିପି ।