ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ମୋଦି ଓ ଜୋ ବାଇଡେନ୍ ଫୋନରେ କଥା ହେଲେ; COVID ମୁକାବିଲାରେ ଭାରତକୁ USA ସାହାଯ୍ୟ କରିବ

ମୋଦି ଓ ଜୋ ବାଇଡେନ୍ ଫୋନରେ କଥା ହେଲେ; COVID ମୁକାବିଲାରେ ଭାରତକୁ USA ସାହାଯ୍ୟ କରିବ

କଥାବାର୍ତ୍ତା ବେଳେ ଆମେରିକା ଭାରତକୁ ସାହାଯ୍ୟ କରୁଥିବାରୁ ଜୋ ବାଇଡେନଙ୍କୁ ଧନ୍ୟବାଦ ଜଣାଇଛନ୍ତି ମୋଦି । ଉଭୟ ନୂଆ କରି ସାମନାକୁ ଆସୁଥିବା କରୋନା ଭୂତାଣୁର ଅବସ୍ଥା ବିଷୟରେ ବିସ୍ତୃତ ଭାବରେ ଆଲୋଚନା କରିଛନ୍ତି ।

ମୋଦି ଓ ଜୋ ବାଇଡେନ୍ ଫୋନରେ କଥା ହେଲେ; COVID ମୁକାବିଲାରେ ଭାରତକୁ USA ସାହାଯ୍ୟ କରିବ
ଜୋ ବାଇଡେନ୍ ଓ (ଡାହାଣ) ନରେନ୍ଦ୍ର ମୋଦି
  • News18 Odia
  • Last Updated: April 26, 2021, 11:00 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି (Narendra Modi) ଓ ଆମେରିକାର ରାଷ୍ଟ୍ରପତି ଜୋ ବାଇଡେନ (US President Joe Biden) ଫୋନରେ କଥା ହୋଇଛନ୍ତି । କୁହାଯାଉଛି ଯେ କରୋନା ମହାମାରୀର (Coronavirus Pandemic) ମୁକାବିଲା ପାଇଁ ଦୁଇ ନେତା ଆଲୋଚନା କରିଛନ୍ତି ।

କୋଭିଶିଲ୍ଡ ଟିକାର (Covishield) କଞ୍ଚାମାଲ୍‌ ଭାରତକୁ ପଠାଇବାକୁ ଆମେରିକା ସମ୍ମତି ଦେଇଛି । ଆମେରିକାର ରାଷ୍ଟ୍ରପତି ଜୋ ବାଇଡେନ (Joe Biden) ରବିବାର ଦିନ ଏକ ଟ୍ୱିଟରେ କହିଥିଲେ, ‘‘କରୋନା ମହାମାରୀ ଆରମ୍ଭ ସମୟରେ ଯେତେବେଳେ ଆମେରିକାର ଡାକ୍ତରଖାନାଗୁଡ଼ିକ ପୂରା ଭର୍ତ୍ତି ହୋଇଯାଇଥିଲା ସେହି ସମୟରେ ଭାରତ ଆମେରିକାକୁ ସହାୟତା ପଠାଇଥିଲା ।ଠିକ୍‌ ସେମିତି ଆମେରିକା ବି ଆବଶ୍ୟକ ସମୟରେ ଭାରତକୁ ସାହାଯ୍ୟ କରିବାକୁ ପ୍ରତିଶ୍ରୁତିବଦ୍ଧ ।’’

ଏହା ବି ପଢ଼ନ୍ତୁ | ୧୮ ବର୍ଷରୁ ଅଧିକ ସବୁ ଓଡ଼ିଶାବାସୀଙ୍କୁ ମାଗଣାରେ ଟିକା ଦେବେ ରାଜ୍ୟ ସରକାର, କହିଲେ ନବୀନ

ସୋମବାର ଦିନ ଆମେରିକାର ରାଷ୍ଟ୍ରପତିଙ୍କ ସହ କଥାବାର୍ତ୍ତା ପରେ ପ୍ରଧାନ ମନ୍ତ୍ରୀ ମୋଦି (Narendra Modi) ଏକ ଟ୍ୱିଟ୍‌ କରି ସୂଚନା ଦେଇଛନ୍ତି । ପ୍ରଧାନ ମନ୍ତ୍ରୀ ଲେଖିଛନ୍ତି, ‘‘ଆମେ ଉଭୟ ଦେଶରେ କରୋନା ଭୂତାଣୁର ନୂଆ କରି ସାମନାକୁ ଆସୁଥିବା ଅବସ୍ଥା ବିଷୟରେ ବିସ୍ତୃତ ଭାବରେ ଆଲୋଚନା କରିଛୁ । ଆମେରିକା ଭାରତକୁ ସାହାଯ୍ୟ କରିଥିବାରୁ ମୁଁ ରାଷ୍ଟ୍ରପତି ବାଇଡେନଙ୍କୁ ଧନ୍ୟବାଦ ଜଣାଉଛି ।’’

ପ୍ରଧାନ ମନ୍ତ୍ରୀଙ୍କ ଟ୍ୱିଟ୍


ଏହା ବି ପଢ଼ନ୍ତୁ | ପିପିଲି Bypoll: କଂଗ୍ରେସ୍ବିଶ୍ବକେଶନ ହରିଚନ୍ଦନ ମହାପାତ୍ରଙ୍କୁ ପ୍ରାର୍ଥୀ ଘୋଷଣା କଲା

ଅନ୍ୟ ଏକ ଟୁଇଟରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଲେଖିଛନ୍ତି, ‘‘ରାଷ୍ଟ୍ରପତି ଜୋ ବାଇଡେନ କରୋନା ଭାଇରସ ଟିକା ପାଇଁ ଭାରତକୁ କଞ୍ଚାମାଲ୍‌ ଓ ଔଷଧର ନିରବଚ୍ଛିନ୍ନ ପ୍ରଭାବଶାଳୀ ଯୋଗାଣର ମହତ୍ତ୍ୱକୁ ପୁନରାବୃତ୍ତି କରିଥିଲେ ।’’

ଏହା ବି ପଢ଼ନ୍ତୁ | ଓଡ଼ିଶାରେ ଭୟଙ୍କର ହେଉଛି Corona ପ୍ରକୋପ, କିନ୍ତୁ ଯାଏଁ ମିଳିନି ଟ୍ରିପଲ୍ମ୍ୟୁଟାଣ୍ଟ୍ଭ୍ୟାରିଆଣ୍ଟ୍

ମିଳିତ ଜାତିସଙ୍ଘରେ ଆମେରିକାର ରାଷ୍ଟ୍ରଦୂତ ସୋମବାର ଦିନ କହିଛନ୍ତି ଯେ କୋଭିଡ-୧୯ ସଂକ୍ରମଣ ମାମଲା ସହ ସଙ୍ଘର୍ଷ କରୁଥିବା ଭାରତକୁ ଏହି ବିପର୍ଯ୍ୟୟର ମୁକାବିଲା କରିବାକୁ ଆମେରିକା ୨୪ ଘଣ୍ଟା କାର୍ଯ୍ୟ କରିବ । ସେ ଆହୁରି କହିଛନ୍ତି ଯେ ଭାରତକୁ ଟିକା ପାଇଁ ଆବଶ୍ୟକ କଞ୍ଚାମାଲ୍‌, ଭେଣ୍ଟିଲେଟର୍‌, ଅମ୍ଳଜାନ ଉତ୍ପାଦନ ଯୋଗାଣ, ତ୍ୱରିତ ପରୀକ୍ଷଣ କିଟ୍‌ ଓ ଟିକାକରଣ ବିସ୍ତାର ପାଇଁ ଆର୍ଥିକ ସହାୟତା ପରି ସବୁ ସାହାଯ୍ୟ ଯୋଗାଇ ଦେବା ଉପରେ ଆମେରିକା କାର୍ଯ୍ୟ ଆରମ୍ଭ କରିଦେଇଛି ।

ଏହା ବି ପଢ଼ନ୍ତୁ | ପଶ୍ଚିମ ବଙ୍ଗରୁ ଓଡ଼ିଶା ଫେରୁଥିଲେ ୧୪-ଦିନିଆ ସଙ୍ଗରୋଧ ବାଧ୍ୟତାମୂଳକ; ସୀମାରେ ଚେକିଂ କଡ଼ା ହେଲା

‘‘ମୁଁ ଭାରତର ଭୟଙ୍କର ପରିସ୍ଥିତି ବିଷୟରେ ଆପଣଙ୍କୁ କହିବାକୁ ଏକ ମିନିଟ୍ ନେବାକୁ ଚାହୁଁଛି। କୋଭିଡ-୧୯ କ୍ଷେତ୍ରରେ ବର୍ତ୍ତମାନ ଘଟିଥିବା ଅଚାନକ ବୃଦ୍ଧି ବହୁତ ଭୟଙ୍କର ।ଆମେରିକା ଭାରତର ଲୋକଙ୍କ ସହ ଛିଡ଼ା ହୋଇଛି,’’ କହିଛନ୍ତି ଆମେରିକାର ରାଷ୍ଟ୍ରଦୂତ ଲିଣ୍ଡା ଥୋମାସ୍ ଗ୍ରୀନଫିଲ୍ଡ ।



ସେ ଆହୁରି କହିଛନ୍ତି ଯେ ଟିକା, ଭେଣ୍ଟିଲେଟର, ଅମ୍ଳଜାନ ଉତ୍ପାଦନ ସାମଗ୍ରୀ, ଶୀଘ୍ର ପରୀକ୍ଷା କିଟ୍ ଏବଂ ଟୀକାକରଣ ବିସ୍ତାର ପାଇଁ ଆର୍ଥିକ ସହାୟତା ସମେତ ଭାରତକୁ ସମସ୍ତ ସାହାଯ୍ୟ ଯୋଗାଇବା ପାଇଁ ଆମେରିକା ଯଥାସମ୍ଭବ ଉଦ୍ୟମ କରୁଛି । ‘‘ଆମେ ଆମର ସହଯୋଗୀକୁ (ଭାରତ) ସାହାଯ୍ୟ କରିବା ପାଇଁ ୨୪ ଘଣ୍ଟା କାମ କରିବୁ,’’ ସେ କହିଛନ୍ତି ।
Published by: Anand ST Das
First published: April 26, 2021, 11:00 PM IST