କରୋନା ସଂକ୍ରମିତଙ୍କ ମୃତ୍ୟୁ ହେବା ପରେ ହସପିଟାଲରୁ ଶବ ନେଇ ଫେରାର୍ ହେଲା ତାଙ୍କ ପୁଅ

ହସ୍ପିଟାଲର ଔପଚାରିକତା ପୂରଣ କରିବା ପରେ ଆମ୍ବୁଲାନ୍ସ ଡ୍ରାଇଭର ପାର୍କିଂ ସ୍ଥଳରେ ମୃତ ଦେହକୁ ଓହ୍ଲାଇଦେଇ ଅନ୍ୟ ଜଣେ ରୋଗୀଙ୍କୁ ଆଣିବାକୁ ଚାଲିଯାଇଥିଲେ । ତା’ପର କିଛି ମିନିଟ୍ ମଧ୍ୟରେ ଶବଟି ସେଠାରୁ ‘‘ଅନ୍ତର୍ଦ୍ଧାନ’’ ହୋଇଯାଇଥିଲା ।

କରୋନା ସଂକ୍ରମିତଙ୍କ ମୃତ୍ୟୁ ହେବା ପରେ ହସପିଟାଲରୁ ଶବ ନେଇ ଫେରାର୍ ହେଲା ତାଙ୍କ ପୁଅ
(ପ୍ରତୀକାତ୍ମକ ଛବି)
  • News18 Odia
  • Last Updated: October 8, 2020, 11:46 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଅହମଦାବାଦ: ଦେଶରେ କରୋନା ଭାଇରସ (Coronavirus) ମହାମାରୀ ବଢ଼ି ଚାଲିଥିବା ଆତଙ୍କ ଲୀଳା ମଧ୍ୟରେ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଅହମଦାବାଦରେ ଚିକିତ୍ସା ସମୟରେ ଜଣେ କରୋନା ସଂକ୍ରମିତ ବ୍ୟକ୍ତିଙ୍କ ମୃତ୍ୟୁ ହେବା ପରେ ତାଙ୍କ ମୃତ ଦେହକୁ ହସପିଟାଲର ଶବ ଗୃହରୁ (mortuary) ନେଇ କେଉଁ ଆଡ଼େ ପଳାଇଯାଇଛି ତାଙ୍କ ପୁଅ ।

ଏହି କରୋନା ଆକ୍ରାନ୍ତ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ଶବ ଅହମଦାବାଦର ଏଲିସ୍ ବ୍ରିଜ୍ ଭି.ଏସ୍. ହସ୍ପିଟାଲର ଶବ ଗୃହକୁ ନିଆଯାଇଥିଲା । ହେଲେ ସେହି ହସପିଟାଲରେ ପହଞ୍ଚିଥିବା ତାଙ୍କ ପୁଅ ଶବ ଗୃହରୁ ପିତାଙ୍କ ଶରୀରକୁ ନେଇ ପଳାଇ ଯାଇଥିଲା । ଏହି ସୂଚନା ପାଇବା ମାତ୍ରେ ହସପିଟାଲ ପ୍ରଶାସନର ନିଦ ହଜିଯାଇଥିଲା ।

ଏହି ଘଟଣାରେ ଏଲିସ୍‌ ବ୍ରିଜ୍ ଥାନା ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ପୋଲିସର ସୂଚନା ଅନୁସାରେ ପୁଅଟି ନିଜ ପିତାଙ୍କ ମୃତ ଦେହ ନେଇ ରାଜସ୍ଥାନର ବାଁସୱାଡ଼ାକୁ ଯିବା କଥା ଶୁଣିବାକୁ ମିଳୁଛି । ସେଠାରେ ଥିବା ପ୍ରଶାସନିକ ଅଧିକାରୀଙ୍କ ସହ ଯୋଗାଯୋଗ କରି କରୋନା ପ୍ରୋଟୋକଲ୍ ଅନୁଯାୟୀ ଶବର ଅନ୍ତିମ ସଂସ୍କାର କରିବାକୁ ପୋଲିସ ଅନୁରୋଧ କରିଛି । କରୋନା ସଂକ୍ରମିତ ସେହି ବ୍ୟକ୍ତିଙ୍କର ଅହମଦାବାଦର ଚିକିତ୍ସା ସୁଶ୍ରୁଶା ହସପିଟାଲରେ ହେଉଥିଲା ଓ ସେଠାରେ ତାଙ୍କର ମୃତ୍ୟୁ ହୋଇଥିଲା ।

କୁହାଯାଉଛି ଯେ ବୃଦ୍ଧ ବ୍ୟକ୍ତିଙ୍କୁ ୧୨ ଦିନ ତଳେ ଅହମଦାବାଦର ନବରଙ୍ଗପୁରା ଅଞ୍ଚଳର ଥିବା ସୁଶ୍ରୁଷା ହସପିଟାଲରେ ଭର୍ତ୍ତି କରାଯାଇଥିଲା। ସେ ରାଜସ୍ଥାନର ବାଁସୱାଡ଼ାର ବାସିନ୍ଦା ବୋଲି କୁହାଯାଉଛି । ଚିକିତ୍ସା ସମୟରେ ସେ ମୃତ୍ୟୁ ବରଣ କରିଥିଲେ । ଡାକ୍ତରଖାନା କର୍ତ୍ତୃପକ୍ଷ ନଗର ନିଗମକୁ ଏହା ଜଣାଇଥିଲା ଓ ନିୟମ ଅନୁଯାୟୀ ଶବକୁ ଅନ୍ତିମ ସଂସ୍କାର ପାଇଁ ପଠାଯାଇଥିଲା । ହେଲେ ଶବ ଗୃହରେ ପହଞ୍ଚିବା ପରେ କରୋନା ସଂକ୍ରମିତ ବ୍ୟକ୍ତିଙ୍କ ଶରୀର ଅନ୍ତର୍ଦ୍ଧାନ ହୋଇଯାଇଥିଲା ।

ମିଳିଥିବା ସୂଚନା ଅନୁସାରେ ହସ୍ପିଟାଲର ସବୁ ଔପଚାରିକତା ପୂରଣ କରିବା ପରେ ଆମ୍ବୁଲାନ୍ସ ଡ୍ରାଇଭର ଅମିତ ଗୋହିଲ ପାର୍କିଂ ସ୍ଥଳରେ ମୃତ ଦେହକୁ ଓହ୍ଲାଇ ଦେଇ ଅନ୍ୟ ଜଣେ ରୋଗୀଙ୍କୁ ଆଣିବାକୁ ଚାଲିଯାଇଥିଲେ । ପାର୍କିଂ ସ୍ଥଳରେ କିଛି ସମୟ ପରେ ପହଞ୍ଚିଥିବା ନୋଡାଲ ଅଧିକାରୀ ପୂର୍ବାନ୍‌ ପଟେଲ ସେଠାରେ ମୃତ ଦେହ ଓ ତାଙ୍କର କୌଣସି ସମ୍ପର୍କୀୟଙ୍କୁ ପାଇ ନ ଥିଲେ । ନୋଡାଲ ଅଧିକାରୀ ତୁରନ୍ତ ଫୋନ୍ କରି ଘଟଣା ବିଷୟରେ ନଗର ନିଗମ ଅଧିକାରୀଙ୍କୁ ଜଣାଇଥିଲେ ।

ଏହା ବି ପଢ଼ନ୍ତୁ | କେନ୍ଦ୍ର ମନ୍ତ୍ରୀ ରାମ ବିଳାସ ପାସୱାନ ପରଲୋକ ଗଲେ; ୫ ଦିନ ତଳେ ହୃଦୟ ଅପରେସନ୍ ହୋଇଥିଲା

ଏହା ବି ପଢ଼ନ୍ତୁ | ‘‘ରିପବ୍ଲିକ୍ ଟିଭି ଟଙ୍କା ଦେଇ TRP କିଣୁଥିଲା; ଅନ୍ୟ ୨ ନ୍ୟୁଜ୍ ଚ୍ୟାନେଲର ନାମ ବି ଆସିଛି’’: ମୁମ୍ବାଇ ପୋଲିସ୍

ନୋଡାଲ ଅଧିକାରୀ ପୂର୍ବାନ୍‌ ପଟେଲ ଏ ବିଷୟରେ ଆମ୍ବୁଲାନ୍ସ ଡ୍ରାଇଭରଙ୍କୁ ବି ପଚାରିଥିଲେ । ଉତ୍ତରରେ ସେ କହିଥିଲେ ଯେ ସେଠାରେ ମୃତ ରୋଗୀଙ୍କ ପରିବାର ଲୋକେ ପୂର୍ବରୁ ଉପସ୍ଥିତ ଥିଲେ ବୋଲି କହିଥିଲେ ।



ନୋଡାଲ ଅଧିକାରୀ ମୃତ ରୋଗୀଙ୍କ ପୁଅ ମହେନ୍ଦ୍ରଙ୍କୁ ଫୋନ୍‌ କରିବାରୁ ଲଗାତାର ତାଙ୍କ ଫୋନ୍‌ ସ୍ୱିଚ୍‌-ଅଫ୍‌ ଥିବା ଜାଣିବାକୁ ପାଇଥିଲେ । ତା’ ପରେ ଏହି ମାମଲାର ସୂଚନା ପୋଲିସକୁ ଦିଆଯାଇଥିଲା । ପୋଲିସର ପ୍ରାଥମିକ ଅନୁସନ୍ଧାନରୁ ଜଣାପଡ଼ିଥିଲା ଯେ ରାଜସ୍ଥାନର ବାଁସୱାଡ଼ାସ୍ଥିତ ତାଙ୍କ ଗାଁକୁ ଶବକୁ ନିଆଯାଉଛି ।
Published by: Anand Shankar Thankur Das
First published: October 8, 2020, 11:46 PM IST
corona virus btn
corona virus btn
Loading