ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ଭ୍ୟାକ୍ସିନର ୨ଟି ଯାକ ଡୋଜ୍ ନେଇଥିବା ଅଧିକାଂଶ ଲୋକଙ୍କୁ କରୋନା ହେଉଛି, କହିଲେ ମମତା ବାନାର୍ଜୀ

ଭ୍ୟାକ୍ସିନର ୨ଟି ଯାକ ଡୋଜ୍ ନେଇଥିବା ଅଧିକାଂଶ ଲୋକଙ୍କୁ କରୋନା ହେଉଛି, କହିଲେ ମମତା ବାନାର୍ଜୀ

Mamata Banerjee says many people who took 2 doses vaccine get Corona infected | ମମତା କହିଛନ୍ତି ଯେ ସ୍ୱାସ୍ଥ୍ୟ ସଚିବ ଦର୍ଶାଇଛନ୍ତି ଯେ କରୋନା ଟିକାର ଉଭୟ ଡୋଜ୍ ନେଇଥିବା ଲୋକଙ୍କ ମଧ୍ୟରୁ ପ୍ରାୟ ୨୦% ଲୋକ କରୋନା ଭାଇରସରେ ସଂକ୍ରମିତ ହେଉଛନ୍ତି । ସେ ସ୍ୱାସ୍ଥ୍ୟ ସଚିବଙ୍କୁ ଏ ବାବଦରେ କେନ୍ଦ୍ର ସରକାରଙ୍କୁ ଚିଠି ଲେଖିବାକୁ କହିଛନ୍ତି ।

ଭ୍ୟାକ୍ସିନର ୨ଟି ଯାକ ଡୋଜ୍ ନେଇଥିବା ଅଧିକାଂଶ ଲୋକଙ୍କୁ କରୋନା ହେଉଛି, କହିଲେ ମମତା ବାନାର୍ଜୀ
ମମତା ବାନାର୍ଜୀ (ଫାଇଲ୍‌ ଫଟୋ)
  • News18 Odia
  • Last Updated: October 25, 2021, 5:57 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ସାରା ବିଶ୍ୱରେ କରୋନା ଭାଇରସ୍‌ ଭୂତାଣୁ (Coronavirus) ଏକ ଘୋର ସଙ୍କଟ ସୃଷ୍ଟି କରିଛି। ଏହି ଭୂତାଣୁ ଯୋଗୁଁ ବର୍ତ୍ତମାନ ପର୍ଯ୍ୟନ୍ତ ଲକ୍ଷ ଲକ୍ଷ ଲୋକ ପ୍ରାଣ ହରାଇଛନ୍ତି । କରୋନା ସଂକ୍ରମଣର ପ୍ରତିରୋଧରେ ଟିକା (Corona Vaccine) ହେଉଛି ସବୁଠାରୁ ବଡ ଅସ୍ତ୍ର । ସେଇଥି ପାଇଁ ଦେଶରେ ତ୍ୱରିତ ଢଙ୍ଗରେ ଟିକାକରଣ ଅଭିଯାନ ଚାଲିଛି ଓ ଏ ପର୍ଯ୍ୟନ୍ତ ୧୦୦ କୋଟିରୁ ଅଧିକ ଟିକାକରଣର ଯାଦୁକରୀ ଅଙ୍କ ଅତିକ୍ରମ ହୋଇଛି । ହେଲେ ଏତିକି ବେଳେ ପଶ୍ଚିମ ବଙ୍ଗର ମୁଖ୍ୟ ମନ୍ତ୍ରୀ ମମତା ବାନାର୍ଜୀ (Mamata Banerjee) କରୋନା ଟିକା ବିଷୟରେ ଏକ ଆଶ୍ଚର୍ଯ୍ୟଜନକ କଥା କହିଛନ୍ତି ।

ମମତା ବାନାର୍ଜୀ ଦାବି କରିଛନ୍ତି ଯେ ଯେଉଁମାନେ କରୋନା ଟିକାର ଦୁଇଟି ଯାକ ଡୋଜ୍‌ ନେଉଛନ୍ତି ସେମାନେ ହିଁ କରୋନା ଭାଇରସ ଦ୍ୱାରା ଅଧିକ ସଂକ୍ରମିତ ହେଉଛନ୍ତି । ବାନାର୍ଜୀ କହିଛନ୍ତି ଯେ ଯେଉଁ ଲୋକେ କୋଭିଡ-୧୯ ଟିକାର ଦୁଇଟି ଯାକ ଡୋଜ୍‌ ନେଇଛନ୍ତି ସେମାନଙ୍କ ପ୍ରତିରକ୍ଷା କ୍ଷମତା ବି ହ୍ରାସ ପାଉଛି । ସେ କହିଛନ୍ତି ଯେ ଏହି ଟିକା ନେଉଥିବା ଲୋକଙ୍କ ପ୍ରତିରକ୍ଷା ଶକ୍ତି (immunity) ମାତ୍ର ଛଅ ମାସ ରହିଥାଏ ଓ ତା’ ପରେ ସେମାନେ ସଂକ୍ରମଣର ଶିକାର ହେଉଛନ୍ତି ।

ଏହା ବି ପଢ଼ନ୍ତୁ | IND vs PAK, T20 World Cup: ଭାରତର ହାରିବା ପଛରେ ଥିଲେ ଏହି ୫ ବଡ଼ ଦୋଷୀ ଓ ୫ ବଡ଼ କାରଣ

ମମତା କହିଛନ୍ତି ଯେ ସ୍ୱାସ୍ଥ୍ୟ ସଚିବ କହିଛନ୍ତି କରୋନା ଟିକାର ଉଭୟ ଡୋଜ୍‌ ନେଇଥିବା ଲୋକଙ୍କ ମଧ୍ୟରୁ ପ୍ରାୟ ୨୦ ପ୍ରତିଶତ ଲୋକ କରୋନା ଭାଇରସ୍‌ ଦ୍ୱାରା ସଂକ୍ରମିତ ହେଉଛନ୍ତି । ସେ ସ୍ୱାସ୍ଥ୍ୟ ସଚିବଙ୍କୁ ଏ ବାବଦରେ କେନ୍ଦ୍ର ସରକାରଙ୍କୁ ଏକ ଚିଠି ଲେଖିବାକୁ କହିଛନ୍ତି । ସେ କହିଛନ୍ତି ଯେ ସ୍ୱାସ୍ଥ୍ୟ ସଚିବ ସରକାରଙ୍କୁ ପଚାରିବା ଉଚିତ ଯେ ଆପଣଙ୍କ କରୋନା ଔଷଧ ସେବନ କରୁଥିବା ଲୋକମାନେ କାହିଁକି ଏତେ ମାତ୍ରାରେ ସଂକ୍ରମିତ ହୋଇଛନ୍ତି । କେବଳ ଏତିକି ନୁହେଁ, କେନ୍ଦ୍ର ସରକାରଙ୍କ ସହ ଏହି ପ୍ରସଙ୍ଗ ଉଠାଯିବା ଉଚିତ ବୋଲି ବି ମମତା କହିଛନ୍ତି ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ‘‘ମୁଁ ଆଗରୁ ମୁଁ ଗଞ୍ଜେଇ ଟାଣିଛି; ଆଉ ଥରେ ଟ୍ରାଏ କରିବାକୁ ଚାହୁଁଛି,’’ ଅନନ୍ୟା କହିଥିଲେ ଆର୍ୟନ୍‌ ଖାନଙ୍କୁ

ଏହା ପୂର୍ବରୁ, ପାର୍ବଣ ଋତୁର ଆରମ୍ଭରୁ ରାଜ୍ୟରେ କୋଭିଡ-୧୯ ମାମଲାର ତୀବ୍ର ବୃଦ୍ଧିକୁ ଦୃଷ୍ଟିରେ ରଖି ମମତା ବାନାର୍ଜୀ ରବିବାର ଦିନ ଲୋକଙ୍କୁ ସୁରକ୍ଷା ନିୟମକୁ କଡାକଡି ପାଳନ କରିବାକୁ ଅନୁରୋଧ କରିଛନ୍ତି । ମହାମାରୀର ବିସ୍ତାରକୁ ରୋକିବା ପାଇଁ ନାକକୁ ସଠିକ୍ ଭାବରେ ଆଚ୍ଛାଦନ କରୁଥିବା ମାସ୍କ ପିନ୍ଧିବାକୁ ସେ ଲୋକଙ୍କୁ ଅନୁରୋଧ କରିଥିଲେ ।

ଏହା ବି ପଢ଼ନ୍ତୁ | ନିଜ ସ୍ତ୍ରୀକୁ ଜଣେ ୫୫-ବର୍ଷୀୟ ବ୍ୟକ୍ତିକୁ ବିକିଦେଲା ଯୁବକ; ସେହି ଟଙ୍କାରେ ମୋବାଇଲ୍ ଫୋନ୍ କିଣିଲା

‘‘ଦୟାକରି ମାସ୍କ୍‌ ଠିକ୍ ଢଙ୍ଗରେ ପିନ୍ଧନ୍ତୁ । ଦୁର୍ଗା ପୂଜା ପରେ କୋଭିଡ ସଂକ୍ରମଣରେ ବୃଦ୍ଧି ଘଟିଛି । ତେଣୁ ଆପଣମାନେ ନିଶ୍ଚିତ ଭାବରେ COVID ସୁରକ୍ଷା ସାବଧାନତା ଅବଲମ୍ବନ କରିବେ । ମାସ୍କକୁ ନିଜ ଥୋଡ଼ିରେ ଲଟକାଇ ରଖନ୍ତୁ ନାହିଁ । ସମସ୍ତେ କାଳୀ ପୂଜା, ଦିପାବଳୀ, ଛଟ୍‌ ପୂଜା ଓ ଜଗଧାତ୍ରୀ ପୂଜା ଉତ୍ସବରେ COVID-୧୯ ସୁରକ୍ଷା ପ୍ରୋଟୋକଲ୍‌ ଅନୁସରଣ କରିବା ଉଚିତ,’’ ଏକ ସଭାରେ କହିଛନ୍ତି ବାନାର୍ଜୀ ।
Published by: Anand S.T. Das
First published: October 25, 2021, 5:57 PM IST