ଲିଙ୍ଗରାଜ ମନ୍ଦିରର କିଛି ସେବାୟତ କୋଭିଡ ପଜିଟିଭ ହେଲେ; ବନ୍ଦ ହେଲା ସାହାଣ ମେଲା ଦର୍ଶନ

କରୋନା ସଂକ୍ରମଣ ଜନିତ ସ୍ଥିତି ଲମ୍ବା ସମୟ ପର୍ଯ୍ୟନ୍ତ କାଏମ୍ ରହିଲେ ତା’ର ପ୍ରଭାବ କ’ଣ ହେବ ତାକୁ ନେଇ ବଢି଼ଛି ଆଶଙ୍କା । କୋଭିଡ କଟକଣା ଭିତରେ ମହାପ୍ରଭୁଙ୍କ ରୁକୁଣା ରଥ ଯାତ୍ରା ପାଇଁ ସବୁ ପ୍ରସ୍ତୁତି ସରିଥିବା ବି.ଏମ୍.ସି. ସ୍ପଷ୍ଟ କରିଛି।

ଲିଙ୍ଗରାଜ ମନ୍ଦିରର କିଛି ସେବାୟତ କୋଭିଡ ପଜିଟିଭ ହେଲେ; ବନ୍ଦ ହେଲା ସାହାଣ ମେଲା ଦର୍ଶନ
ପ୍ରଭୁ ଲିଙ୍ଗରାଜଙ୍କ ମନ୍ଦିର
  • News18 Odia
  • Last Updated: April 19, 2021, 6:01 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଭୁବନେଶ୍ୱର: ଲିଙ୍ଗରାଜ ମନ୍ଦିରର କିଛି ସେବାୟତ କୋଭିଡ ପଜିଟିଭ ହୋଇଥିବା କାରଣରୁ ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ  ମହାପ୍ରଭୁଙ୍କ ମନ୍ଦିର ସର୍ବସାଧାରଣ ଦର୍ଶନ ପାଇଁ ବନ୍ଦ ରହିଥିବା ବେଳେ ଦର୍ଶନ ନେଇ ହତାଶ ହୋଇଛନ୍ତି ସଂଖ୍ୟାଧିକ ଭକ୍ତ ।  ହେଲେ ମନ୍ଦିରର ନୀତିକାନ୍ତି ନିୟମ ଅନୁସାରେ ସମ୍ପନ୍ନ ହୋଇଛି ବୋଲି ବ୍ରାହ୍ମଣ ନିଯୋଗ ସମିତି ସ୍ପଷ୍ଟ କରିଛି ।

କରୋନା ସଂକ୍ରମଣ ଜନିତ ସ୍ଥିତି ଲମ୍ବା ସମୟ ପର୍ଯ୍ୟନ୍ତ କାଏମ୍‌ ରହିଲେ ତା’ର ପ୍ରଭାବ କ’ଣ ହେବ ତାକୁ ନେଇ ବଢି଼ଛି ଆଶଙ୍କା । କୋଭିଡ କଟକଣା ଭିତରେ ମହାପ୍ରଭୁଙ୍କ ରୁକୁଣା ରଥ ଯାତ୍ରା ପାଇଁ ସବୁ ପ୍ରସ୍ତୁତି ସରିଥିବା ବି.ଏମ୍‌.ସି. ସ୍ପଷ୍ଟ କରିଛି।

ଏହା ବି ପଢ଼ନ୍ତୁ | ହୋଲି ଖେଳୁ ଖେଳୁ ମଥାରେ ଲଗେଇଦେଲା ସିନ୍ଦୂର; ବାସ୍, ହୋଲି ପର ଦିନ ହୋଇଗଲା ବାହାଘର

ସୋମବାର ହୋଇଥିବାରୁ ପ୍ରଭୁ ଲିଙ୍ଗରାଜଙ୍କ ଦର୍ଶନ ପାଇଁ ଆସି ପହଞ୍ଚିଥିବା ଅନେକ ଭକ୍ତ ହତାଶ ହୋଇ ଫେରିଥିଲେ । ଅନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ଏହି ସାହାଣ ମେଲା ଦର୍ଶନ ବନ୍ଦ ରହିବା ନିଷ୍ପତ୍ତି ଲାଗୁ ହୋଇଥିବାରୁ ତାକୁ ନେଇ ଅନେକ ଭକ୍ତ ନିଜ ଭାଗ୍ୟକୁ ନିନ୍ଦୁଥିବା ଦେଖିବାକୁ ମିଳିଥିଲା । ପଶ୍ଚିମ ବଙ୍ଗରୁ ସପରିବାର ଆସିଥିବା ଭକ୍ତ ଜୀବନକାନ୍ତ ଦାସ କହିଛନ୍ତି, ‘‘ପ୍ରାୟ ବର୍ଷକ ପରେ ପ୍ରଭୁ ଲିଙ୍ଗରାଜଙ୍କ ଦର୍ଶନ ପାଇଁ ଆସିଥିଲୁ । ଆଗ୍ରହ ଥିଲା ପ୍ରଭୁଙ୍କୁ ଟିକେ ପାଖରୁ ଦେଖିବୁ। କିନ୍ତୁ କିଛି ହୋଇ ପାରିଲା ନାହିଁ । କଣ ଆଉ କରିବୁ? ପୁଣି ଭାଗ୍ୟରେ ଥିଲେ ମହାପ୍ରଭୁଙ୍କ ଦର୍ଶନ ମିଳିବ ।’’

ଏହା ବି ପଢ଼ନ୍ତୁ | ସାପ ନେଉଳ ମଧ୍ୟରେ ଘମାଘୋଟ ଲଢ଼େଇକିଏ ଜିତିବ? VIDEO ଭାଇରାଲ୍ ହେଲା; ଦେଖନ୍ତୁ

‘‘କୋଭିଡ ଯୋଗୁଁ ପ୍ରଭୁ ଲିଙ୍ଗରାଜଙ୍କ ପାଇଁ ଭକ୍ତଙ୍କ ଦର୍ଶନ ବାରଣ ହୋଇଛି ବୋଲି ଜାଣି ନ ଥିଲୁ । ବଡ଼ ଆଶା ନେଇ ଆସିଥିଲୁ । ପୁଣି କେବେ ପ୍ରଭୁଙ୍କ ଦର୍ଶନ ମିଳିବ କିଏ ଜାଣେ?’’ କହିଛନ୍ତି ସେହିଭଳି କଟକ ସିଡିଏ ବାସିନ୍ଦା କମଳ ବଦ୍ରୀନାଥ । ତେଲେଙ୍ଗାନାରୁ ଆସିଥିବା କେ. ରାଙ୍ଗାରେଡ୍ଡୀ କହିଛନ୍ତି, ‘‘ବହୁ ଦିନ ବ୍ୟବଧାନରେ ଲିଙ୍ଗରାଜ ମନ୍ଦିର ଖୋଲିଲା । ବହୁତ ଆଶା ନେଇ ଆସିଥିଲୁ ଦର୍ଶନ ପାଇଁ । ଏବେ ମନ ଦୁଃଖରେ ଫେରୁଛୁ ।’’

ଏହା ବି ପଢ଼ନ୍ତୁ | Gold Price: ଏବେ କରନ୍ତୁ ସୁନାରେ ନିବେଶ; ୧ରୁ ମାସରେ ମିଳିବ ଭଲ ଲାଭ; ଦେଖନ୍ତୁ ପଛ ରେକର୍ଡ଼

ସାଧାରଣ ଦର୍ଶନ ବନ୍ଦ ରହିଥିଲେ ବି କିନ୍ତୁ ମହାପ୍ରଭୁ ଲିଙ୍ଗରାଜଙ୍କ ନୀତିକାନ୍ତି ନିୟମିତ ଚାଲୁ ରହିଥିବା ଦେଖିବାକୁ ମିଳିଥିଲା । ବ୍ରାହ୍ମଣ ନିଯୋଗ ସମିତିର ସହ-ସାଧାରଣ ସମ୍ପାଦକ ଟୁଟୁ ପଣ୍ଡା କହିଛନ୍ତି, ‘‘ନୀତିଗତ ନିଷ୍ପତ୍ତି କାରଣରୁଏହି ସାଧାରଣ ଦର୍ଶନକୁ ବାରଣ କରାଯାଇଛି । ତେବେ ମହାପ୍ରଭୁଙ୍କ ନୀତିକାନ୍ତି ଯେଭଳି ପ୍ରଭାବିତ ନ ହୁଏ ତା’ ଉପରେ ଗୁରୁତ୍ବ ଦିଆଯାଇଛି ।’’ ଅନ୍ୟ ଜଣେ ସେବାୟତ ଅବକାଶ ପୂଜାପଣ୍ଡା କହିଛନ୍ତି, ‘‘ସ୍ଥିତି କେବେ ସୁଧୁରିବ ସେ ନେଇ ଭଗବାନଙ୍କ ଉପରେ ଆମେ ଛାଡ଼ିଦେବାକୁ ଏକ ପ୍ରକାର ବାଧ୍ୟ ହୋଇଛୁ ।’’

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | ଅଭିନେତ୍ରୀ ବାଣୀ କପୁର୍: ଗ୍ରାଜୁଏସନ୍ ପରେ ହୋଟେଲ୍ରେ କାମ କଲେ, ତାପରେ ମଡେଲିଂ, ଏବେ ଅଭିନୟ

ବି.ଏମ୍‌.ସି. କହିଛି ଯେ ମଙ୍ଗଳବାର ନୀତିଗତ ଭାବେ ଅନୁଷ୍ଠିତ ହେବ ରୁକୁଣା ରଥ ଯାତ୍ରା । ବି.ଏମ୍‌.ସି. କମିଶନର ପ୍ରେମଚନ୍ଦ୍ର ଚୌଧୁରୀ କହିଛନ୍ତି, ‘‘ପୂର୍ବ ନିଷ୍ପତ୍ତି ଅନୁସାରେ ମଙ୍ଗଳବାର ଅନୁଷ୍ଠିତ ହେବ ରୁକୁଣା ରଥ ଯାତ୍ରା । ଏଥିରେ କୋଭିଡ କଟକଣା ଅନୁପାଳନ ଉପରେ ଗୁରୁତ୍ବ ଦିଆଯିବ । କେବଳ ଆର୍‌.ଟି.ପି.ସି.ଆର୍‌. ନେଗେଟିଭ ଥିବା ସେବାୟତ ଓ ପୋଲିସ କର୍ମଚାରୀଙ୍କୁ ଏଥିରେ ଭାଗନେବା ପାଇଁ ଅନୁମତି ମିଳିବ ।’’



ମନ୍ଦିର ପ୍ରଶାସନ ତରଫରୁ କୁହାଯାଇଛି ଯେ ପୂର୍ବ ନିଷ୍ପତ୍ତି ଅନୁସାରେ ରୁକୁଣା ରଥ ଯାତ୍ରାରେ କୋଭିଡ କଟକଣା ଅନୁପାଳନ ହେବା ସହିତ ରଥ ଉପରେ ସର୍ବାଧିକ ୨୫ ଓ ତଳେ ସର୍ବାଧିକ ୧୦୦ ଜଣ ରହିବା ପାଇଁ ଅନୁମତି ମିଳିଛି । ଏହି ନିୟମକୁ କଡ଼କଡି଼ ଭାବେ ପାଳନ କରାଯିବ । ରଥ ଯାତ୍ରାର ସବୁ ନୀତିକାନ୍ତି ପରମ୍ପରା ଅନୁସାରେ ସମ୍ପାଦିତ ହେବ ବୋଲି କୁହାଯାଇଛି ।
Published by: Anand ST Das
First published: April 19, 2021, 6:01 PM IST