ଭୁବନେଶ୍ୱର: ଅନ୍ତଃ ହେଲା ଅପେକ୍ଷା; କାଲିଠାରୁ ମିଳିବ ପ୍ରଭୁ ଲିଙ୍ଗରାଜଙ୍କ ଦର୍ଶନ

ଅଗ୍ନିଶମ ବିଭାଗ ପକ୍ଷରୁ ସମ୍ପୂର୍ଣ ମନ୍ଦିରକୁ ସାନିଟାଇଜ କାରାଯାଇଛି । ମନ୍ଦିର ପ୍ରାଙ୍ଗଣରେ ଆଣ୍ଟିଜେନ ଟେଷ୍ଟିଂ ସେଣ୍ଟର ମଧ୍ୟ ଖୋଲାଯାଇଛି । ଏହା ସହ ସେବାୟତ ଓ ପୋଲିସ ପ୍ରସାଶନଙ୍କର କୋଭିଡ ଟେଷ୍ଟ ମଧ୍ୟ ଆରମ୍ଭ ହୋଇଛି ।

ଭୁବନେଶ୍ୱର: ଅନ୍ତଃ ହେଲା ଅପେକ୍ଷା; କାଲିଠାରୁ ମିଳିବ ପ୍ରଭୁ ଲିଙ୍ଗରାଜଙ୍କ ଦର୍ଶନ
ଅନ୍ତଃ ହେଲା ଅପେକ୍ଷା; କାଲିଠାରୁ ମିଳିବ ପ୍ରଭୁ ଲିଙ୍ଗରାଜଙ୍କ ଦର୍ଶନ
  • News18 Odia
  • Last Updated: December 26, 2020, 7:09 PM IST
  • Share this:
  • Byline Facebook
  • Byline Twitter
  • Byline Linkedin
ଭୁବନେଶ୍ୱର: ପୁରୀ ଶ୍ରୀମନ୍ଦିର ପରେ ଏବେ ଆସନ୍ତା କାଲି ଅର୍ଥାତ ରବିବାର ଦିନଠାରୁ ଲିଙ୍ଗରାଜ ମନ୍ଦିର ଖୋଲିବ । ଏହା ନେଇ ପ୍ରଶାସନିକ ବୈଠକରେ ପୂର୍ବରୁ ନିଷ୍ପତି ନିଆଯାଇଛି । ପୁର୍ନବାର ଭକ୍ତମାନଙ୍କ ଆଗମନରେ ଏକାମ୍ର କ୍ଷେତ୍ର ଚଳଚଞ୍ଚଳ ହେବ । ପ୍ରଶାସନିକ ବୈଠକରେ ନିଷ୍ପତି ଅନୁଯାୟୀ ପ୍ରଥମେ ସେବାୟତଙ୍କ ପରିବାର ଦର୍ଶନ କରିବେ । ଫଳରେ ଅଗ୍ନିଶମ ବିଭାଗ ପକ୍ଷରୁ ମନ୍ଦିର ପରିସରରେ ସାନିଟାଇଜ କରାଯିବ ସହ ସେବାୟତ ଓ ପୋଲିସ ପ୍ରଶାସନର କୋଭିଡ ଟେଷ୍ଟ ମଧ୍ୟ ଅଜିଠୁଁ ଆରମ୍ଭ ହୋଇଛି । ଏହା ସହ ମନ୍ଦିର ପ୍ରଶାସନ ଓ ବିଏମ୍ସି ପକ୍ଷରୁ ଚାଲିଛି ସରିଛି ପ୍ରସ୍ତୁତି ସରିଛି ।

ଦୀର୍ଘ ୯ ମାସର ବ୍ୟବଧାନ ପରେ ଆସନ୍ତା କାଲି ଅର୍ଥାତ ରବିବାର ଦିନ ଲିଙ୍ଗରାଜ ମନ୍ଦିର ଖୋଲିବ। ପ୍ରଥମ ପର୍ଯ୍ୟାୟରେ ଅର୍ଥାତ ୨୭ ତାରିଖରୁ ନେଇ ୩୧ ଡିସେମ୍ବର ପର୍ଯ୍ୟନ୍ତ ସେବାୟତଙ୍କ ପରିବାର ବର୍ଗ ଦର୍ଶନ କରିବେ । ସେଥିପାଇଁ ମନ୍ଦିର ନିକରେ ବିଏମ୍ସି ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଅଗ୍ନିଶମ ବିଭାଗ ପକ୍ଷରୁ ସମ୍ପୂର୍ଣ ମନ୍ଦିରକୁ ସାନିଟାଇଜ କାରାଯାଇଛି । ମନ୍ଦିର ପ୍ରାଙ୍ଗଣରେ ଆଣ୍ଟିଜେନ ଟେଷ୍ଟିଂ ସେଣ୍ଟର ମଧ୍ୟ ଖୋଲାଯାଇଛି । ଏହା ସହ ସେବାୟତ ଓ ପୋଲିସ ପ୍ରସାଶନଙ୍କର କୋଭିଡ ଟେଷ୍ଟ ମଧ୍ୟ ଆରମ୍ଭ ହୋଇଛି । ମନ୍ଦିର ବାହାରେ ସ୍ୱତନ୍ତ୍ର ବ୍ୟାରିକେଡ଼ିଙ୍ଗ ସାଙ୍ଗକୁ ଥର୍ମାଲ ସ୍କ୍ରିନିଂ ଓ ହାତ ଧୋଇବାର ବ୍ୟବସ୍ଥା ହୋଇଛି । ଆସନ୍ତାକାଲି ସକାଳ ୫ଟା ରୁ ମୁଖ୍ୟଦ୍ୱାର ଖୋଲି ନୀତିକାନ୍ତି ସହ ପହିଲି ଭୋଗ ଲାଗି ହେବା ପରେ ଆରମ୍ଭ ହେବ ସେବାୟତଙ୍କ ପରିବାରଙ୍କ ଦର୍ଶନ ।

ମନ୍ଦିର ପ୍ରାଙ୍ଗଣରେ ହୋଇଥିବା ଆଣ୍ଟିଜେନ ଟେଷ୍ଟିଂ ସେଣ୍ଟରରେ ଜଣେ ସେବାୟତ କୋଭିଡ ଟେଷ୍ଟ କରୁଥିବାର ଦୃଶ୍ୟ


"ଯାହା ହଉ ମନ୍ଦିର ସଭିଁଙ୍କ ପାଇଁ ପୁଣି ଖୋଲିଲା । ନୀତିକାନ୍ତି କେବେ ବନ୍ଦ ହୋଇନାହିଁ । ଆମ ପରିବାର ଲୋକେ କାଲି ଦର୍ଶନ କରିବେ । ସମସ୍ତଙ୍କ ଭଲ ପାଇଁ କୋଭିଡ ଟେଷ୍ଟ ହେଉଛି । ଭଲ କଥା । ସମସ୍ତେ ଭଲରେ ଦର୍ଶନ କରନ୍ତୁ ତାହା ହିଁ କାମନା," କହିଛନ୍ତି ବ୍ରାହ୍ମଣ ନିଯୋଗ ସମ୍ପାଦକ ବିରଞ୍ଚି ନାରାୟଣ ପତି ।

ଜାନୁଆରୀ ୧ ଓ ୨ ତାରିଖ ମନ୍ଦିର ବନ୍ଦ ରହିବ । ଏପିରିକି ସେବାୟତଙ୍କ ପରିବାର ସଦସ୍ୟ ମଧ୍ୟ ଦର୍ଶନ କରିପାରିବେ ନାହିଁ । ୩ ତାରିଖରୁ ୫ତାରିଖ ମଧ୍ୟରେ ଭୁବନେଶ୍ୱର ବାସୀଙ୍କ ପାଇଁ ମନ୍ଦିର ଖୋଲିବ । କୋଭିଡ ଟେଷ୍ଟ ନେଗେଟିଭ ରିପୋର୍ଟ ଦେଖାଇ ମନ୍ଦିର ଭିତରକୁ ଭକ୍ତ ଯାଇପାରିବେ । ସାମାଜିକ ଦୂରତା ସହ ମାସ୍କ ସବୁ ସମୟରେ ବାଧ୍ୟତାମୂଳକ ଭାବେ ପିନ୍ଧିବେ । ୬ତାରିଖରୁ ପର୍ଯ୍ୟଟକ ଓ ଅନ୍ୟାନ୍ୟ ଲୋକଙ୍କ ପାଇଁ ଦର୍ଶନ ଆରମ୍ଭ ହେବ । ଜାନୁଆରୀ ୩୧ ତାରିଖ ପର୍ଯ୍ୟନ୍ତ ଗର୍ଭଗୃହ ଦର୍ଶନ ବନ୍ଦ ରହିବା ସହ ଆଡ଼କାଠ ଦର୍ଶନ କରିବେ ଭକ୍ତ ।

" ଅନେକ ଦିନ ଧରି ମନ୍ଦିର ବାହାରୁ ଦର୍ଶନ କରୁଥିଲୁ । ଏବେ ଖୁବ ଶୀଘ୍ର ବାବାଙ୍କୁ ପାଖରୁ ଦେଖିହେବ ସେଥିପାଇଁ ଖୁସି ଲାଗୁଛି । ନୂଆ ବର୍ଷରେ ବାବାଙ୍କୁ ଦର୍ଶନ କରିବାକୁ ନିଶ୍ଚିତ ଆସିବୁ," କହିଛନ୍ତି ଜଣେ ଭକ୍ତ ଅର୍ପିତା ।

ଦୀର୍ଘ ୯ ମାସର ବ୍ୟବଧାନ ପରେ ବାବା ଲିଙ୍ଗରାଜଙ୍କ ଦର୍ଶନ କୁ ନେଇ ସଭିଏଁ ବେଶ ଆନନ୍ଦିତ । ଅନ୍ୟପଟେ ଜାନୁଆରୀ ୩ ତାରିଖରୁ ଭୁବନେଶ୍ୱରର ସମସ୍ତ ମନ୍ଦିର ମଧ୍ୟ ଖୋଲିବ ।
Published by: Jagdish Barik
First published: December 26, 2020, 6:56 PM IST