କରୋନା ଭାଇରସ୍ ସଙ୍କଟ ଉପରେ ୬୧ଟି ଦେଶର ତଦନ୍ତ ପ୍ରୟାସରେ ଭାରତ ଯୋଗ ଦେଲା

News18 Odia Digital

ନୂଆ ଦିଲ୍ଲୀ: ଭାରତ ସମେତ ୬୨ଟି ଦେଶ କରୋନା ଭାଇରସ୍‌ (COVID-19) ମହାମାରୀ ଉପରେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (WHO)ର ପ୍ରତିକ୍ରିୟା ସମ୍ପର୍କରେ ଏକ ନିରପେକ୍ଷ ତଦନ୍ତ ପାଇଁ ଅଷ୍ଟ୍ରେଲିଆ ଓ ୟୁରୋପୀୟ ୟୁନିଅନ ଦ୍ୱାରା ଆରମ୍ଭ ହୋଇଥିବା ମିଳିତ ପ୍ରୟାସକୁ ସମର୍ଥନ କରିଛନ୍ତି । ୭୩ତମ ବିଶ୍ୱ ସ୍ୱାସ୍ଥ୍ୟ ସମ୍ମିଳନୀରେ ଆସିଥିବା ଏକ ଡ୍ରାଫ୍ଟ ପ୍ରସ୍ତାବରୁ ଏହାର ଖବର ମିଳିଛି ।

ଏହି ଡ୍ରାଫ୍ଟରେ କରୋନାଭାଇରସ୍ ସଙ୍କଟ ଉପରେ ଓ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (WHO) ଦେଇଥିବା ସମୟ ସୀମା (ଟାଇମଲାଇନ୍‌) ଉପରେ ଏକ ‘‘ନିରପେକ୍ଷ, ସ୍ୱୀଧୀନ ଓ ବ୍ୟାପକ ଅନୁସନ୍ଧାନ’’ କରିବାକୁ ପ୍ରସ୍ତାବ ରଖାଯାଇଛି ।

ୟୁରୋପୀୟ ୟୁନିଅନ୍‌ ଓ ଅଷ୍ଟ୍ରେଲିଆ କରୋନା ଭାଇରସ୍‌ ସଙ୍କଟ ଆରମ୍ଭ ହେବା ପରେ WHO ଦ୍ୱାରା ସମନ୍ୱିତ ହୋଇଥିବା ଆନ୍ତର୍ଜାତୀୟ ସ୍ୱାସ୍ଥ୍ୟ ପ୍ରତିକ୍ରିୟା ଉପରେ ଏକ ନିରପେକ୍ଷ ଓ ବ୍ୟାପକ ତଦନ୍ତ ପାଇଁ ବିଶ୍ୱବ୍ୟାପୀ ସମର୍ଥନ ସଂଗ୍ରହ କରିଆସୁଛନ୍ତି ।

ବିଶ୍ୱରେ କରୋନା ଭାଇରସ୍ ରୋଗ କିପରି ଆରମ୍ଭ ହେଲା ସେ ନେଇ ଏକ ନିରପେକ୍ଷ ତଦନ୍ତ ଆରମ୍ଭ କରିବା ପାଇଁ ଗତ ମାସରେ ପ୍ରସ୍ତାବ ଦେଇଥିବା ପ୍ରଥମ ଦେଶ ଥିଲା ଅଷ୍ଟ୍ରେଲିଆ ।

ଅଷ୍ଟ୍ରେଲିଆର ବୈଦେଶିକ ମନ୍ତ୍ରୀ ମରିସ ପେନ୍‌ କହିଛନ୍ତି ଯେ WHOକୁ ଏହି ଘଟଣାର ଅନୁସନ୍ଧାନ କରିବାକୁ ଅନୁମତି ଦେବା ତାଙ୍କୁ ଅନୁପଯୁକ୍ତ ଲାଗୁଛି ।

‘‘ପରବର୍ତ୍ତୀ ମହାମାରୀକୁ ଭଲ ଭାବରେ ରୋକିବା ବା ପ୍ରତିରୋଧ କରିବା ତଥା ସବୁ ନାଗରିକମାନଙ୍କୁ ସୁରକ୍ଷିତ ରଖିବା ପାଇଁ ଆନ୍ତର୍ଜାତୀୟ ସମ୍ପ୍ରଦାୟକୁ ପ୍ରସ୍ତୁତ କରିବାରେ ସହଯୋଗ ହିଁ ଏହି ତଦନ୍ତର ଉଦ୍ଦେଶ୍ୟ,’’ କହିଛନ୍ତି ଶ୍ରୀମତୀ ପେନ୍ ।

ତେବେ ଏହି ପ୍ରସ୍ତାବରେ ଚୀନ୍ କିମ୍ବା ୱୁହାନ୍ ସହରj ଉଲ୍ଲେଖ ନାହିଁ । ୱୁହାନ ସହରରୁ ହିଁ କରୋନା ଭାଇରସ୍‌ ବିସ୍ଫୋରଣ ଆରମ୍ଭ ହୋଇଛି ବୋଲି ଅନେକ ବିଶ୍ୱାସ କରନ୍ତି ।

ୟୁରୋପିଆନ୍‌ ୟୁନିଅନ୍‌ ସମର୍ଥିତ ଏହି ଡ୍ରାଫ୍ଟ ପ୍ରସ୍ତାବରେ ନାମିତ ଅନ୍ୟାନ୍ୟ ପ୍ରମୁଖ ଦେଶ ମଧ୍ୟରେ ଅଛନ୍ତି ଜାପାନ, ବ୍ରିଟେନ, ନ୍ୟୁଜିଲ୍ୟାଣ୍ଡ, ଦକ୍ଷିଣ କୋରିଆ, ବ୍ରାଜିଲ ଓ କାନାଡ଼ା ।

ଏହା ବି ପଢ଼ନ୍ତୁ: ୧୫ ଜୁନ୍ ପାଖାପାଖି ସପିଂ ମଲ୍ ଓ ସିନେମା ହଲ୍ ଖୋଲିପାରେ; ଲାଗୁ ହେବ ଏହି ନୂଆ ନିୟମ

ଏହା ବି ପଢ଼ନ୍ତୁ: ବୁଲା କୁକୁର ସହ ଯୌନ ସମ୍ପର୍କ! ଭୁବନେଶ୍ୱରରେ ସିକ୍ୟୁରିଟି ଗାର୍ଡ଼କୁ ପୋଲିସ ଅଟକ ରଖିଲା

ଏହା ବି ପଢ଼ନ୍ତୁ: ମେ ୩୧ ପର୍ଯ୍ୟନ୍ତ ବଢ଼ିଲା ଲକଡାଉନ୍; ଏହି ସବୁ କାମ କରିବାକୁ ଅନୁମତି ଅଛି

ଏହା ବି ପଢ଼ନ୍ତୁ: ଏମିତି ବି ହୋଇପାରେ: କରୋନା ବିଶ୍ୱକୁ କେବେ ବି ଛାଡ଼ି ଯାଇ ନ ପାରେ, କହିଲେ WHO ଅଧିକାରୀ

ଏହା ବି ପଢ଼ନ୍ତୁ: କରୋନା ସନ୍ଦେହରେ ହସପିଟାଲରେ ଥିବା ନିଜ ୫ ବର୍ଷର ପୁଅକୁ ହତ୍ୟା କଲେ ଫୁଟବଲ୍ ଖେଳାଳି