ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ଦେଶର ସର୍ବ ପ୍ରଥମ କରୋନା ସଂକ୍ରମିତ ବ୍ୟକ୍ତି ପୁଣି ଥରେ କରୋନାରେ ସଂକ୍ରମିତ ହେଲେ

ଦେଶର ସର୍ବ ପ୍ରଥମ କରୋନା ସଂକ୍ରମିତ ବ୍ୟକ୍ତି ପୁଣି ଥରେ କରୋନାରେ ସଂକ୍ରମିତ ହେଲେ

India’s first Corona patient is infected again, had returned from China last year | ଚୀନର ୱୁହାନ୍ ବିଶ୍ୱବିଦ୍ୟାଳୟରେ ଡାକ୍ତରୀ ପଢୁଥିବା ଏହି ଯୁବତୀ ସେମିଷ୍ଟାର୍ ଶେଷ ହେବା ପରେ ଛୁଟିରେ ୩୦ ଜାନୁଆରୀ ୨୦୨୦ରେ କେରଳରେ ନିଜ ଘରକୁ ଫେରିଥିଲେ । ସେତେବେଳେ ସେ କରୋନା ସଂକ୍ରମିତ ହୋଇଥିବା ଜଣାପଡି଼ଥିଲା ।

ଦେଶର ସର୍ବ ପ୍ରଥମ କରୋନା ସଂକ୍ରମିତ ବ୍ୟକ୍ତି ପୁଣି ଥରେ କରୋନାରେ ସଂକ୍ରମିତ ହେଲେ
କେରଳରେ କରୋନା ସଂକ୍ରମଣର ସ୍ଥିତି ଚିନ୍ତାଜନକ ରହିଛି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ଥିରୁବନନ୍ତପୁରମ୍: ଦେଶରେ ଲଗାତର କରୋନା ଭାଇରସ୍ (Coronavirus) ସଂକ୍ରମଣ ହ୍ରାସ ପାଉଥିବା ସତ୍ତ୍ୱେ କେରଳ ସମେତ କେତେକ ରାଜ୍ୟରେ ପରିସ୍ଥିତି ଚିନ୍ତାଜନକ ରହିଛି । ଦେଶର ସର୍ବ ପ୍ରଥମ କରୋନା ସଂକ୍ରମିତ (Corona positive) ବ୍ୟକ୍ତି ପୁଣି ଥରେ କରୋନାରେ ଆକ୍ରାନ୍ତ ହୋଇଥିବା ଜଣାପଡ଼ିଛି । ସେ କେରଳର ତ୍ରିସୁରର (Thrissur) ବାସିନ୍ଦା ଓ ଜଣେ ଡାକ୍ତରୀ ଛାତ୍ରୀ । ସେ ୩୦ ଜାନୁଆରୀ ୨୦୨୦ରେ ଚୀନର ୱୁହାନରୁ ଫେରିଥିଲେ । ଏବେ ତାଙ୍କ ଚିକିତ୍ସା ତାଙ୍କ ଘରେ ଚାଲିଛି।

ତ୍ରିସୁରର ମେଡିକାଲ୍‌ ଅଫିସର ଡକ୍ଟର କେ.ଜେ. ରୀନା କହିଛନ୍ତି ଯେ ଏହି ଡାକ୍ତରୀ ଛାତ୍ରୀ ପୁଣି ଥରେ କରୋନା ସଂକ୍ରମଣରେ ଆକ୍ରାନ୍ତ ହୋଇଛନ୍ତି । ତାଙ୍କର RT-PCR ରିପୋର୍ଟ ପଜିଟିଭ୍‌ ଆସିଛି ଓ ଆଣ୍ଟିଜେନ୍ ନେଗେଟିଭ୍‌ ଅଛି ବୋଲି ସେ କହିଛନ୍ତି । ଛାତ୍ରୀ ଜଣକ ଲକ୍ଷଣବିହୀନ ସଂକ୍ରମଣରେ ଆକ୍ରାନ୍ତ ହୋଇଛନ୍ତି। ଏହି ଯୁବତୀ ବର୍ତ୍ତମାନ ନିଜ ଘରେ ଅଛନ୍ତି ଓ ଭଲ ଅଛନ୍ତି ବୋଲି କହିଛନ୍ତି ଡଃ ରୀନା।

ଏହା ବି ପଢ଼ନ୍ତୁ | ରଥ ଯାତ୍ରା ଥର ବି ଇତିହାସ ଗଢ଼ିଲା; ବିନା ଭକ୍ତରେ ରଥ ଗଡ଼ିଲେ; ପରମ୍ପରା ଅତୁଟ ରହିଲା

ଏହି ଯୁବତୀ ଚୀନର ୱୁହାନ୍ ବିଶ୍ୱବିଦ୍ୟାଳୟରେ ତୃତୀୟ ବର୍ଷର ଡାକ୍ତରୀ ଛାତ୍ରୀ ଥିଲେ । ସେମିଷ୍ଟାର ଶେଷ ହେବା ପରେ ସେ ଛୁଟିରେ ୩୦ ଜାନୁଆରୀ ୨୦୨୦ରେ କେରଳରେ ନିଜ ଘରକୁ ଫେରିଥିଲେ । ସେତେବେଳେ ସେ କରୋନା ସଂକ୍ରମିତ ହୋଇଥିବା ଜଣାପଡି଼ଥିଲା ।

ଏହା ବି ପଢ଼ନ୍ତୁ | ଓଡ଼ିଶାକୁ ପୁଣି ଘାରିଲା ମାଓବାଦୀ ଚିନ୍ତା; ସ୍ବାଭିମାନ ଅଞ୍ଚଳ ଛାଡ଼ି ସୀମାନ୍ତରେ ସକ୍ରିୟ ହେଉଛି ଲାଲ ବାହିନୀ

ସେତେବେଳେ ଏହି ଛାତ୍ରୀ ଜଣକ ପ୍ରାୟ ତିନି ସପ୍ତାହ ଧରି ତ୍ରିସୁର୍‌ ମେଡିକାଲ କଲେଜ ହସ୍ପିଟାଲରେ ଚିକିତ୍ସିତ ହୋଇଥିଲେ । ତାଙ୍କ ରିପୋର୍ଟ ଦୁଇ ଥର ନେଗେଟିଭ୍‌ ଆସିଥିଲା । ସେ ସୁସ୍ଥ ହେବା ପରେ ୨୦ ଫେବୃଆରୀ ୨୦୨୦ରେ ଡାକ୍ତରଖାନାରୁ ଡିସଚାର୍ଜ ହୋଇ ଘରକୁ ଫେରିଥିଲେ ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ‘‘ମୁଁ ସୁସ୍ଥ ଅଛି,’’ କହିଲେ ଗାୟିକା ଅସୀମା ପଣ୍ଡା; ଦୁର୍ଘଟଣା ମୃତ୍ୟୁରଭାଇରାଲ୍ ମିଛଉପରେ ବର୍ଷିଲେ

ସୋମବାର ଦିନ (ଜୁଲାଇ ୧୨) କେରଳରେ କରୋନା ଭୂତାଣୁ ସଂକ୍ରମଣର ୭,୭୯୮ଟି ନୂଆ ମାମଲା ଆସିଥିଲା ଓ ଏହି ମହାମାରୀ ଯୋଗୁଁ ଆଉ ୧୦୦ ଜଣ ରୋଗୀଙ୍କ ମୃତ୍ୟୁ ହୋଇଥିଲା । ଏହା ସହିତ କେରଳର ମୋ’ଟ କରୋନା ସଂକ୍ରମଣ ସଂଖ୍ୟା ୩୦,୭୩,୧୩୪କୁ ବୃଦ୍ଧି ପାଇଥିଲା ଓ ରାଜ୍ୟର ମୋ’ଟ ମୃତକଙ୍କ ସଂଖ୍ୟା ୧୪,୬୮୬ରେ ପହଞ୍ଚିଥିଲା ।



କେରଳର ସ୍ୱାସ୍ଥ୍ୟ ମନ୍ତ୍ରୀ ବୀଣା ଜର୍ଜ ଏକ ବିବୃତିରେ କହିଛନ୍ତି ଯେ ତ୍ରିସୁରରେ ୧,୦୯୨ଟି ନୂଆ ସଂକ୍ରମଣ, କୋଇକୁଡରେ ୭୮୦ଟି ଓ କୋଲାମରେ ୭୭୪ଟି ନୂଆ ସଂକ୍ରମଣ ମାମଲା ସାମନାକୁ ଆସିଛି । ସେ କହିଛନ୍ତି ଯେ ଏବେ ରାଜ୍ୟରେ ସଂକ୍ରମଣ ହାର ୯.୧୪ ପ୍ରତିଶତ ରହିଛି ।
Published by: Anand ST Das
First published: July 14, 2021, 12:00 AM IST