ୱାର୍କ ଫର୍ମ ହୋମ ପାଇଁ ସରକାର ଜାରି କଲେ ଡ୍ରାଫ୍ଟ; ଏପ୍ରିଲରେ ଲାଗୁ ହୋଇପାରେ ନୂଆ ନିୟମ

News18 Odia Digital
ନୂଆ ଦିଲ୍ଲୀ: କରୋନା ଭୂତାଣୁ (COVID-19) ମହାମାରୀ ଯୋଗୁଁ ଅଫିସର ୱାର୍କ କଲ୍ଚରରେ ଅନେକ ପରିବର୍ତ୍ତନ ଆସିଛି । କରୋନା ଭାଇରସ୍ ସଂକ୍ରମଣକୁ (Coronavirus) ରୋକିବା ପାଇଁ କାର୍ଯ୍ୟକ୍ଷେତ୍ରରେ ୱାର୍କ ଫର୍ମ ହୋମ ସୁବିଧା ମଧ୍ୟ ଯୋଗାଇ ଦିଆଯାଉଛି । ଏହା ଅଧୀନରେ କର୍ମଚାରୀମାନେ ଘରୁ ନିଜ ଅଫିସ୍ କାମ କରିପାରିବେ । ଏଥି ସହିତ ସରକାର ଏଭଳି ନିୟମ ଆଣିବାକୁ ଚିନ୍ତା କରୁଛନ୍ତି । ଯାହା ଅଧୀନରେ କର୍ମଚାରୀମାନେ ଘରୁ କାମର ବିକଳ୍ପ ବାଛି ପାରିବେ । ଶ୍ରମ ମନ୍ତ୍ରଣାଳୟ ଏଥିପାଇଁ ଶୁକ୍ରବାର ଦିନ ଏକ ଡ୍ରାଫ୍ଟ ଜାରି କରିଛି । ଇକୋନୋମିକ୍ ଟାଇମ୍ସ ରିପୋର୍ଟ ଅନୁଯାୟୀ ଖଣି, ଉତ୍ପାଦନ ଓ ସର୍ଭିସ ସେକ୍ଟର କର୍ମଚାରୀମାନେ ମଧ୍ୟ ନୂତନ ଆଇନର ଡ୍ରାଫ୍ଟରେ ସାମିଲ ହେବେ ।

ଆଇଟି ସେକ୍ଟରକୁ ମିଳିବ ଅନେକ ସୁବିଧା- ଶ୍ରମ ମନ୍ତ୍ରଣାଳୟର ୱାର୍କ ଫର୍ମ ହୋମ ଡ୍ରାଫ୍ଟ ଅନୁଯାୟୀ ଆଇଟି ସେକ୍ଟର ଅନେକ ସୁବିଧା ପାଇପାରିବ । ଏହି ଡ୍ରାଫ୍ଟରେ ଆଇଟି କର୍ମଚାରୀମାନେ ମଧ୍ୟ ୱର୍କିଙ୍ଗ ହାୱାରରେ (Working hour) ଛାଡ ପାଇପାରିବେ । ଶ୍ରମ ମନ୍ତ୍ରଣାଳୟ ଅନୁଯାୟୀ ଆଇଟି ସେକ୍ଟରରେ କାର୍ଯ୍ୟ କରୁଥିବା କର୍ମଚାରୀଙ୍କ ସୁରକ୍ଷା ପାଇଁ ଡ୍ରାଫ୍ଟରେ ଏକ ବ୍ୟବସ୍ଥା କରାଯାଇଛି । ଶ୍ରମ ମନ୍ତ୍ରଣାଳୟ ଅନୁଯାୟୀ ସର୍ଭିସ ସେକ୍ଟରର ଆବଶ୍ୟକତା ଅନୁଯାୟୀ ପ୍ରଥମ ଥର ପାଇଁ ଏକ ଅଲଗା ମଡେଲ ପ୍ରସ୍ତୁତ କରାଯାଇଛି ।

ଡ୍ରାଫ୍ଟରେ ଅନେକ ବୈଶିଷ୍ଟ୍ୟ ରହିଛି - ନୂତନ ଡ୍ରାଫ୍ଟରେ ସମସ୍ତ ଶ୍ରମିକଙ୍କ ପାଇଁ ରେଳ ଯାତ୍ରାର ବ୍ୟବସ୍ଥା ମଧ୍ୟ କରାଯାଇଛି । ପୂର୍ବରୁ ଏହି ସୁବିଧା କେବଳ ଖଣି କ୍ଷେତ୍ରର ଶ୍ରମିକମାନଙ୍କ ପାଇଁ ଥିଲା । ଏଥି ସହିତ ଶୃଙ୍ଖଳା ଭାଙ୍ଗିବା ପାଇଁ ଦଣ୍ଡର ବ୍ୟବସ୍ଥା ମଧ୍ୟ ନୂତନ ଡ୍ରାଫ୍ଟରେ ରଖାଯାଇଛି ।

ଡ୍ରାଫ୍ଟ ଉପରେ ସରକାର ପରାମର୍ଶ ମାଗିଛନ୍ତି- ଶ୍ରମ ମନ୍ତ୍ରଣାଳୟ new Industrial Relations Code ଉପରେ ସାଧାରଣ ଲୋକଙ୍କଠାରୁ ପରାମର୍ଶ ଲୋଡିଛି । ଯଦି ଆପଣ ଆପଣଙ୍କର ପରାମର୍ଶ ପଠାଇବାକୁ ଚାହାଁନ୍ତି । ତେବେ ଆପଣ ଏହାକୁ ୩୦ ଦିନ ମଧ୍ୟରେ ଶ୍ରମ ମନ୍ତ୍ରଣାଳୟକୁ ପଠାଇ ପାରିବେ । ଏଥି ସହିତ ଶ୍ରମ ମନ୍ତ୍ରଣାଳୟ ଏପ୍ରିଲରେ ଏହି ଆଇନକୁ କାର୍ଯ୍ୟକାରୀ କରିବେ ବୋଲି ଆଶା କରାଯାଉଛି ।