- ହୋମ୍ »
- ଓଡ଼ିଶା ନ୍ୟୁଜ୍ »
- ଓଡ଼ିଶା »
- ପ୍ଲାଜମା ଥେରାପି ପାଇ ସୁସ୍ଥ ହୋଇ ଘରକୁ ଫେରିଲେ ରାଜ୍ୟର ପ୍ରଥମ କୋଭିଡ ରୋଗୀ
ପ୍ଲାଜମା ଥେରାପି ପାଇ ସୁସ୍ଥ ହୋଇ ଘରକୁ ଫେରିଲେ ରାଜ୍ୟର ପ୍ରଥମ କୋଭିଡ ରୋଗୀ
ଆଜି ପର୍ଯ୍ୟନ୍ତ ରାଜ୍ୟରେ ମୋଟ ୨୮ ୟୁନିଟ ପ୍ଲାଜମା ସଂଗୃହିତ ହୋଇ ଥିବା ବେଳେ ସେଥିରୁ ୨୦ ୟୁନିଟ ପ୍ଲାଜମା ଗୁରୁତର କୋଭିଡ ରୋଗୀଙ୍କୁ ଦିଆଯାଇଛି । ଅଧିକାଂଶ କ୍ଷେତ୍ରରେ ଭଲ ଫଳ ମିଳୁଥିବା ଜଣା ପଡ଼ିଛି ।
ପ୍ଲାଜମା ଥେରାପିରେ ସୁସ୍ଥ ହୋଇଥିବା ମମତା ସେନଙ୍କ ସହ ଅଶ୍ବିନୀ କୋଭିଡ ହସ୍ପିଟାଲର ମୁଖ୍ୟ ଡାକ୍ତର ସୁବ୍ରତ ଜେନା (ଡାହାଣ)
News18 Odia Digital
କଟକ: ରାଜ୍ୟରେ ହୁ ହୁ ହୋଇ କରୋନା ଆକ୍ରନ୍ତଙ୍କ ସଂଖ୍ୟା ବୃଦ୍ଧି ପାଇଚାଲିଥିବା ବେଳେ ଏହାରି ଭିତରେ କୋଭିଡକୁ ନେଇ ଆଜିଛି ଏକ ଭଲ ଖବର । ପ୍ଲାଜମା ଥେରାପିରେ ଚିକିତ୍ସିତ ହୋଇଥିବା ରାଜ୍ୟ ପ୍ରଥମ କୋଭିଡ ରୋଗୀ କଟକର ଅଶ୍ୱିନୀ କୋଭିଡ ହସ୍ପିଟାଲକୁ ଆଜି ଡିସଚାର୍ଜ ହୋଇଛନ୍ତି । କଟକ ବାସିନ୍ଦା ପୁରୁଣା ରାଉସାପାଟଣା ବାସିନ୍ଦା ମମତା ସେନଙ୍କୁ ପ୍ଲାଜମା ଥେରାପି ଦେଇଛି ନୂଆ ଜୀବନ ।
ଗତ ୧୩ ତାରିଖ ଦିନ ମମତା କରୋନା ଆକ୍ରାନ୍ତ ଥିବା ଜଣା ପଡ଼ିବା ପରେ ପ୍ରଶାସନ ପକ୍ଷରୁ ତାଙ୍କ ତୁରନ୍ତ ଆଠଗଡ଼ରେ ଥିବା କୋଭିଡ କେୟାର ସେଣ୍ଟରରେ ଭର୍ତ୍ତି କରାଯାଇଥିଲା । କିନ୍ତୁ ଏହାର ଗୋଟିଏ ଦିନ ପରେ ତାଙ୍କ ସ୍ବାସ୍ଥ୍ୟାବସ୍ଥାରେ ଅବନତି ପରିଲକ୍ଷିତ ହୋଇଥିଲା । ସେ ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରିବାରୁ ତାଙ୍କ ଅଶ୍ବିନୀ କୋଭିଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ୧୪ ତାରିଖରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଏହାର ଗୋଟିଏ ଦିନରେ ପରେ ଏସସିବି ପ୍ଲାଜମା ବ୍ୟାଙ୍କ ଉଦଘାଟିତ ହେବା ପରେ ପ୍ରଥମ ପ୍ଲାଜମାକୁ ମମତାଙ୍କୁ ଦିଆଯାଇଥିଲା । ଫଳରେ ଧୀରେ ଧୀରେ କରି ସେ ଆଜି ସମ୍ପୂର୍ଣ୍ଣ ଆରୋଗ୍ୟ ହୋଇ ଘରକୁ ଫେରିଛନ୍ତି ।
‘‘ଆମ ପାଖରେ ସେ ୧୪ ତାରିଖ ଦିନ ଭର୍ତ୍ତି ହୋଇଥିଲେ । ସେତେବେଳେ ତାଙ୍କ ସ୍ବାସ୍ଥ୍ୟାବସ୍ଥା ଅତି ଖରାପ ଥିଲା । ତାଙ୍କୁ ଆମେ ଆଇସିୟୁରେ ରଖିଥିଲୁ । କିନ୍ତୁ ପ୍ଲାଜମା ଥେରାପି ଚିକିତ୍ସା ରାଜ୍ୟରେ ଆରମ୍ଭ ହେବା ପରେ ପ୍ରଥମ ରୋଗୀ ଭାବେ ଆମେ ତାଙ୍କୁ ପ୍ଲାଜମା ଦେଇଥିଲୁ । ଦୁଇ ଦିନ ସେ ଆଉ ଅକ୍ସିଜେନ୍ ସପୋର୍ଟ ଆବଶ୍ୟକ କଲେ ନାହିଁ । ଆଉ ଆଜି ଆପଣ ଦେଖୁଛନ୍ତି ସେ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରୁଛନ୍ତି । ଆମ ହସ୍ପିଟାଲରେ ପ୍ଲାଜମା ଥେରାପି ନେଇଥିବା ଅନ୍ୟ ୪ ଜଣ ରୋଗୀ ବି ପୂର୍ବ ଅପେକ୍ଷା ସୁସ୍ଥ ଅଛନ୍ତିଷ’’ କହିଛନ୍ତି ଅଶ୍ବିନୀ କୋଭିଡ ହସ୍ପିଟାଲର ମୁଖ୍ୟ ଡାକ୍ତର ସୁବ୍ରତ ଜେନା ।
ରାଜ୍ୟରେ ଦ୍ବିତୀୟ ପର୍ଯ୍ୟାୟ ପ୍ଲାଜମା ଥେରାପି ମଧ୍ୟ ସଫଳ ହେଇଛି । ଗଞ୍ଜାମରେ ପ୍ଲାଜମା ଥେରାପି ନେଇଥିବା ୬ ଜଣ ରୋଗୀଙ୍କ ମଧ୍ୟରୁ ୩ ରୋଗୀଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ପରିଲକ୍ଷିତ ହୋଇଛି । ଆଜି ପର୍ଯ୍ୟନ୍ତ ମୋଟ ୨୮ ୟୁନିଟ ପ୍ଲାଜମା ସଂଗୃହିତ ହୋଇ ଥିବା ବେଳେ ୨୦ଟି ୟୁନିଟ ପ୍ଲାଜମା ଗୁରୁତର କୋଭିଡ ରୋଗୀଙ୍କୁ ଦିଆଯାଇଛି । ଅଧିକାଂଶ କ୍ଷେତ୍ରରେ ଭଲ ଫଳ ମିଳୁଥିବା ଜଣା ପଡ଼ିଛି ।
କଟକ ଜିଲ୍ଲା ତଥା ସହରରେ କୋଭିଡ ସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି । ଆଜି ଗୋଟିଏ ଦିନରେ ୧୩୬ ଜଣ ପଜିଟିଭ ବ୍ୟକ୍ତି ଚିହ୍ନଟ ହେବା ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି । ସ୍ଥିତି ଆଗକୁ ଆହୁରି ଗମ୍ଭୀର ହୋବାକୁ ଯାଉଥିବାରୁ ଏହାର ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରି ଦେଇଛି ପ୍ରଶାସନ । ସହରର ବିଭିନ୍ନ ସେଣ୍ଟରରେ ୫୦୦ କୋଭିଡ ରୋଗୀଙ୍କୁ ଚିକିତ୍ସା କରିବା ପାଇଁ ବ୍ୟବସ୍ଥା ହୋଇଥିବା ବେଳେ ଆଜି ଅଧିକାଂଶ ସେଣ୍ଟରରେ ଡାକ୍ତର ଓ ପାରାମେଡ଼ିକାଲ ଷ୍ଟାଫମାନେ ଯୋଗ ଦେଇଛନ୍ତି । ପରିସ୍ଥିତିକୁ ଦେଖି କଟକର ଗୋପାଳପୁର ଓ ମହାନଦୀ ବିହାର ଆଉ ଦୁଇଟି କୋଭିଡ ହସ୍ପିଟାଲ ପ୍ରସ୍ତୁତ କରାଯାଉଛି ।
ଏହା ବି ପଢ଼ନ୍ତୁ: ବଡ଼ ଖବର: ୧୦୦ଟି ଟ୍ରେନ୍ ବନ୍ଦ କରି ପାରେ ରେଳବାଇ; ସମୟ ସାରଣୀରେ ବି ହେବ ବଡ଼ ପରିବର୍ତ୍ତନ
ଏହା ବି ପଢ଼ନ୍ତୁ: ଆଜି ଠାରୁ ଜୁଲାଇ ୩୧ ମଧ୍ୟରେ OTTରେ କେଉଁ କେଉଁ ଫିଲ୍ମ ରିଲିଜ୍ ହେବାକୁ ଅଛି ଜାଣନ୍ତୁ
‘‘କଟକରେ କୋଭିଡ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି । ଏହାର ମୁକାବିଲା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ରୋଗୀଙ୍କ ଚିକିତ୍ସା ପାଇଁ ଗୋପାଳପୁରରେ ଗୋଟିଏ ଓ ମହାନଦୀ ବିହାରରେ ଗୋଟିଏ କରି ଦୁଇଟି କୋଭିଡ ହସ୍ପିଟାଲ ପ୍ରସ୍ତୁତ କରାଯାଉଛି । ଖୁବ ଶୀଘ୍ର ଏହି ଦୁଇଟି ହସ୍ପିଟାଲ କାର୍ଯ୍ୟ କରିବା ଆରମ୍ଭ କରିବ,’’ କହିଛନ୍ତି ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ।
କଟକ: ରାଜ୍ୟରେ ହୁ ହୁ ହୋଇ କରୋନା ଆକ୍ରନ୍ତଙ୍କ ସଂଖ୍ୟା ବୃଦ୍ଧି ପାଇଚାଲିଥିବା ବେଳେ ଏହାରି ଭିତରେ କୋଭିଡକୁ ନେଇ ଆଜିଛି ଏକ ଭଲ ଖବର । ପ୍ଲାଜମା ଥେରାପିରେ ଚିକିତ୍ସିତ ହୋଇଥିବା ରାଜ୍ୟ ପ୍ରଥମ କୋଭିଡ ରୋଗୀ କଟକର ଅଶ୍ୱିନୀ କୋଭିଡ ହସ୍ପିଟାଲକୁ ଆଜି ଡିସଚାର୍ଜ ହୋଇଛନ୍ତି । କଟକ ବାସିନ୍ଦା ପୁରୁଣା ରାଉସାପାଟଣା ବାସିନ୍ଦା ମମତା ସେନଙ୍କୁ ପ୍ଲାଜମା ଥେରାପି ଦେଇଛି ନୂଆ ଜୀବନ ।
ଗତ ୧୩ ତାରିଖ ଦିନ ମମତା କରୋନା ଆକ୍ରାନ୍ତ ଥିବା ଜଣା ପଡ଼ିବା ପରେ ପ୍ରଶାସନ ପକ୍ଷରୁ ତାଙ୍କ ତୁରନ୍ତ ଆଠଗଡ଼ରେ ଥିବା କୋଭିଡ କେୟାର ସେଣ୍ଟରରେ ଭର୍ତ୍ତି କରାଯାଇଥିଲା । କିନ୍ତୁ ଏହାର ଗୋଟିଏ ଦିନ ପରେ ତାଙ୍କ ସ୍ବାସ୍ଥ୍ୟାବସ୍ଥାରେ ଅବନତି ପରିଲକ୍ଷିତ ହୋଇଥିଲା । ସେ ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରିବାରୁ ତାଙ୍କ ଅଶ୍ବିନୀ କୋଭିଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଥିଲା । ୧୪ ତାରିଖରେ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଏହାର ଗୋଟିଏ ଦିନରେ ପରେ ଏସସିବି ପ୍ଲାଜମା ବ୍ୟାଙ୍କ ଉଦଘାଟିତ ହେବା ପରେ ପ୍ରଥମ ପ୍ଲାଜମାକୁ ମମତାଙ୍କୁ ଦିଆଯାଇଥିଲା । ଫଳରେ ଧୀରେ ଧୀରେ କରି ସେ ଆଜି ସମ୍ପୂର୍ଣ୍ଣ ଆରୋଗ୍ୟ ହୋଇ ଘରକୁ ଫେରିଛନ୍ତି ।
‘‘ଆମ ପାଖରେ ସେ ୧୪ ତାରିଖ ଦିନ ଭର୍ତ୍ତି ହୋଇଥିଲେ । ସେତେବେଳେ ତାଙ୍କ ସ୍ବାସ୍ଥ୍ୟାବସ୍ଥା ଅତି ଖରାପ ଥିଲା । ତାଙ୍କୁ ଆମେ ଆଇସିୟୁରେ ରଖିଥିଲୁ । କିନ୍ତୁ ପ୍ଲାଜମା ଥେରାପି ଚିକିତ୍ସା ରାଜ୍ୟରେ ଆରମ୍ଭ ହେବା ପରେ ପ୍ରଥମ ରୋଗୀ ଭାବେ ଆମେ ତାଙ୍କୁ ପ୍ଲାଜମା ଦେଇଥିଲୁ । ଦୁଇ ଦିନ ସେ ଆଉ ଅକ୍ସିଜେନ୍ ସପୋର୍ଟ ଆବଶ୍ୟକ କଲେ ନାହିଁ । ଆଉ ଆଜି ଆପଣ ଦେଖୁଛନ୍ତି ସେ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରୁଛନ୍ତି । ଆମ ହସ୍ପିଟାଲରେ ପ୍ଲାଜମା ଥେରାପି ନେଇଥିବା ଅନ୍ୟ ୪ ଜଣ ରୋଗୀ ବି ପୂର୍ବ ଅପେକ୍ଷା ସୁସ୍ଥ ଅଛନ୍ତିଷ’’ କହିଛନ୍ତି ଅଶ୍ବିନୀ କୋଭିଡ ହସ୍ପିଟାଲର ମୁଖ୍ୟ ଡାକ୍ତର ସୁବ୍ରତ ଜେନା ।
ମମତା ସେନ୍ ଅଶ୍ୱିନୀ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିଲେ ।
ରାଜ୍ୟରେ ଦ୍ବିତୀୟ ପର୍ଯ୍ୟାୟ ପ୍ଲାଜମା ଥେରାପି ମଧ୍ୟ ସଫଳ ହେଇଛି । ଗଞ୍ଜାମରେ ପ୍ଲାଜମା ଥେରାପି ନେଇଥିବା ୬ ଜଣ ରୋଗୀଙ୍କ ମଧ୍ୟରୁ ୩ ରୋଗୀଙ୍କ ସ୍ବାସ୍ଥ୍ୟାବସ୍ଥାରେ ଉନ୍ନତି ପରିଲକ୍ଷିତ ହୋଇଛି । ଆଜି ପର୍ଯ୍ୟନ୍ତ ମୋଟ ୨୮ ୟୁନିଟ ପ୍ଲାଜମା ସଂଗୃହିତ ହୋଇ ଥିବା ବେଳେ ୨୦ଟି ୟୁନିଟ ପ୍ଲାଜମା ଗୁରୁତର କୋଭିଡ ରୋଗୀଙ୍କୁ ଦିଆଯାଇଛି । ଅଧିକାଂଶ କ୍ଷେତ୍ରରେ ଭଲ ଫଳ ମିଳୁଥିବା ଜଣା ପଡ଼ିଛି ।
କଟକ ଜିଲ୍ଲା ତଥା ସହରରେ କୋଭିଡ ସ୍ଥିତି ଦିନକୁ ଦିନ ସଙ୍ଗୀନ ହେବାରେ ଲାଗିଛି । ଆଜି ଗୋଟିଏ ଦିନରେ ୧୩୬ ଜଣ ପଜିଟିଭ ବ୍ୟକ୍ତି ଚିହ୍ନଟ ହେବା ସମସ୍ତଙ୍କ ପାଇଁ ଚିନ୍ତାର କାରଣ ପାଲଟିଛି । ସ୍ଥିତି ଆଗକୁ ଆହୁରି ଗମ୍ଭୀର ହୋବାକୁ ଯାଉଥିବାରୁ ଏହାର ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରି ଦେଇଛି ପ୍ରଶାସନ । ସହରର ବିଭିନ୍ନ ସେଣ୍ଟରରେ ୫୦୦ କୋଭିଡ ରୋଗୀଙ୍କୁ ଚିକିତ୍ସା କରିବା ପାଇଁ ବ୍ୟବସ୍ଥା ହୋଇଥିବା ବେଳେ ଆଜି ଅଧିକାଂଶ ସେଣ୍ଟରରେ ଡାକ୍ତର ଓ ପାରାମେଡ଼ିକାଲ ଷ୍ଟାଫମାନେ ଯୋଗ ଦେଇଛନ୍ତି । ପରିସ୍ଥିତିକୁ ଦେଖି କଟକର ଗୋପାଳପୁର ଓ ମହାନଦୀ ବିହାର ଆଉ ଦୁଇଟି କୋଭିଡ ହସ୍ପିଟାଲ ପ୍ରସ୍ତୁତ କରାଯାଉଛି ।
ଏହା ବି ପଢ଼ନ୍ତୁ: ବଡ଼ ଖବର: ୧୦୦ଟି ଟ୍ରେନ୍ ବନ୍ଦ କରି ପାରେ ରେଳବାଇ; ସମୟ ସାରଣୀରେ ବି ହେବ ବଡ଼ ପରିବର୍ତ୍ତନ
ଏହା ବି ପଢ଼ନ୍ତୁ: ଆଜି ଠାରୁ ଜୁଲାଇ ୩୧ ମଧ୍ୟରେ OTTରେ କେଉଁ କେଉଁ ଫିଲ୍ମ ରିଲିଜ୍ ହେବାକୁ ଅଛି ଜାଣନ୍ତୁ
‘‘କଟକରେ କୋଭିଡ ରୋଗୀଙ୍କ ସଂଖ୍ୟା ବୃଦ୍ଧି ପାଉଛି । ଏହାର ମୁକାବିଲା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି । ରୋଗୀଙ୍କ ଚିକିତ୍ସା ପାଇଁ ଗୋପାଳପୁରରେ ଗୋଟିଏ ଓ ମହାନଦୀ ବିହାରରେ ଗୋଟିଏ କରି ଦୁଇଟି କୋଭିଡ ହସ୍ପିଟାଲ ପ୍ରସ୍ତୁତ କରାଯାଉଛି । ଖୁବ ଶୀଘ୍ର ଏହି ଦୁଇଟି ହସ୍ପିଟାଲ କାର୍ଯ୍ୟ କରିବା ଆରମ୍ଭ କରିବ,’’ କହିଛନ୍ତି ପଞ୍ଚାୟତରାଜ ମନ୍ତ୍ରୀ ପ୍ରତାପ ଜେନା ।
ନ୍ୟୁଜ୍ ୧୮ ଓଡ଼ିଆରେ ବ୍ରେକିଙ୍ଗ୍ ନ୍ୟୁଜ୍ ପଢ଼ିବାରେ ପ୍ରଥମ ହୁଅନ୍ତୁ| ଆଜିର ସର୍ବଶେଷ ଖବର, ଲାଇଭ୍ ନ୍ୟୁଜ୍ ଅପଡେଟ୍, ନ୍ୟୁଜ୍ ୧୮ ଓଡ଼ିଆ ୱେବସାଇଟରେ ସବୁଠାରୁ ନିର୍ଭରଯୋଗ୍ୟ ଓଡ଼ିଆ ଖବର ପଢ଼ନ୍ତୁ ।
