ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»ଇମତିଆଜ ଅଲି କଶ୍ମୀରରେ ନିଜ ଭାଇ ବାହାଘରରେ ଋଷି କପୁର ନାଚୁଥିବା ଭିଡିଓ ସେଆର କଲେ

ଇମତିଆଜ ଅଲି କଶ୍ମୀରରେ ନିଜ ଭାଇ ବାହାଘରରେ ଋଷି କପୁର ନାଚୁଥିବା ଭିଡିଓ ସେଆର କଲେ

ଇମତିଆଜ୍ ନିଜ ଫିଲ୍ମ ‘ଲଭ୍ ଆଜ୍ କଲ୍’ରେ ଋଷିଙ୍କୁ ନିର୍ଦ୍ଦେଶନା ଦେଇଥିଲେ । ସେ ଋଷିଙ୍କ ପୁଅ ରଣବୀର କପୁରଙ୍କ ସହ ‘ରକଷ୍ଟାର’ ଓ ‘ତମାଶା’ରେ କାମ କରିଛନ୍ତି ।

ଇମତିଆଜ ଅଲି କଶ୍ମୀରରେ ନିଜ ଭାଇ ବାହାଘରରେ ଋଷି କପୁର ନାଚୁଥିବା ଭିଡିଓ ସେଆର କଲେ
ନିର୍ଦ୍ଦେଶକ ଇମତିଆଜ ଅଲି (ବାମ) ଓ ଋଷି କପୁର
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ମୁମ୍ବାଇ: ଫିଲ୍ମ ନିର୍ମାତା ଇମତିଆଜ ଅଲି କାଶ୍ମୀରରେ ତାଙ୍କ ଭାଇଙ୍କ ବିବାହରେ ସ୍ୱର୍ଗତ ଅଭିନେତା ଋଷି କପୁର ନାଚୁଥିବାର ଏକ ପୁରୁଣା ଭିଡିଓ ସେୟାର କରିଛନ୍ତି । ଲ୍ୟୁକେମିଆ ରୋଗ ବିରୋଧରେ ଦୁଇ ବର୍ଷ ଧରି ଯୁଦ୍ଧ କରିବା ପରେ ଗତ ଗୁରୁବାର ଦିନ ଋଷିଙ୍କ ମୃତ୍ୟୁ ହୋଇଥିଲା ।

ନିଜ ଇନଷ୍ଟାଗ୍ରାମ ଆକାଉଣ୍ଟରେ ଆଉ ଏକ ଆକାଉଣ୍ଟରୁ ଏହି ଭିଡିଓ ରିପୋଷ୍ଟ୍‌ କରି ଇମତିଆଜ ଲେଖିଛନ୍ତି ‘‘କାଶ୍ମୀରରେ ଆର.କେ.ଙ୍କ ବାରାତ୍‌ (ବରଯାତ୍ରୀ) ନୃତ୍ୟ’’ । ଏହି ଭିଡିଓରେ ଅନ୍ୟ ଅନେକ ଅତିଥି ଏକ ଆନନ୍ଦଦାୟକ ଗୀତ ଗାଉଥିବା ବେଳେ ଋଷି କପୁର ନିଜ ହାତ ଉପରକୁ ଟେକି ବୁଲାଉଥିବା ଓ ନାଚୁଥିବାର ଦେଖାଯାଇଛି ।

ଏହା ପୂର୍ବରୁ ଇମତିଆଜ ଋଷି କପୁରଙ୍କ ମୃତ୍ୟୁକୁ ନେଇ ଏକ ହୃଦୟସ୍ପର୍ଶୀ ବାର୍ତ୍ତା ସେୟାର କରିଥିଲେ । ସେହି ବାର୍ତ୍ତାରେ ସେ ଋଷି ତାଙ୍କ ଭାଇଙ୍କ ବିବାହରେ ଯୋଗଦେବା ବିଷୟରେ ମଧ୍ୟ କହିଥିଲେ ।

‘‘ଆଉ ଗୋଟେ ଦିନ ମୁଁ ତାଙ୍କୁ କାଶ୍ମୀରରେ ମୋ ଭାଇଙ୍କ ବିବାହକୁ ନିମନ୍ତ୍ରଣ କରିଥିଲି । କେହି ଏତେ ଦୂର ଆସନ୍ତି ନାହିଁ । ଏଗୁଡ଼ାକ ହେଉଛି ଔପଚାରିକତା । କିନ୍ତୁ ସେ ଆସିଲେ । ଯେତେବେଳେ ବରଯାତ୍ରୀ ସେହି ସ୍ଥାନରେ ପ୍ରବେଶ କରୁଥିଲା, ସେ କହିଲେ ତୁମେମାନେ ଆଗକୁ ଯାଅ, ମୁଁ ଶେଷରେ ଆସିବି । ମୁଁ ପରେ ବୁଝିଲି ଯେ ସେ ବର ଉପରୁ ଲୋକଙ୍କ ଧ୍ୟାନ ତାଙ୍କ ନିଜ ଆଡ଼କୁ ଯିବାକୁ ଚାହୁଁ ନ ଥିଲେ । ଆଉ ଆଜି ସେ ଚାଲିଗଲେ । ଆଜି କିଛି ମୂଲ୍ୟବାନ ଅତୀତ ହୋଇଗଲା । କିନ୍ତୁ ଏଥର ସମୟ ତାଙ୍କୁ ନେଇଯିବ ନାହିଁ । ମୁଁ ଅନେକ ଦିନ ହେଲା ତାଙ୍କୁ ଭେଟି ନାହିଁ । ମୁଁ ଭାବିବି ଯେ ସେ ଅଛନ୍ତି ଓ ହସୁଛନ୍ତି । ଆଉ ମୁଁ ତଥାପି ତାଙ୍କ ସହ ବିତାଇଥିବା ଟିକିଏ ସମୟ ବିଷୟରେ ଭାବିପାରିବି ଏବଂ ତାଙ୍କ ସହ ହସିବି,’’ ଇମତିଆଜ ଲେଖିଛନ୍ତି ।



 




View this post on Instagram




 

#riprishikapoor @imtiazaliofficial


A post shared by Khawar Jamsheed (@khawarjamsheed) on






ଇମତିଆଜ୍‌ ନିଜ ଫିଲ୍ମ ‘ଲଭ୍ ଆଜ୍ କଲ୍‌’ରେ ଋଷିଙ୍କୁ ନିର୍ଦ୍ଦେଶନା ଦେଇଥିଲେ । ସେ ଋଷିଙ୍କ ପୁଅ ରଣବୀର କପୁରଙ୍କ ସହ ‘ରକଷ୍ଟାର’ ଓ ‘ତମାଶା’ରେ କାମ କରିଛନ୍ତି ।

ଋଷି କପୁର ୬୭ ବର୍ଷ ବୟସରେ ଗତ ଗୁରୁବାର ମୁମ୍ବାଇର ଏଚ୍‌. ଏନ୍‌. ରିଲାଏନ୍ସ ହସ୍ପିଟାଲରେ ମୃତ୍ୟୁ ବରଣ କଲେ । ତାଙ୍କ ପରିବାର କହିଛନ୍ତି ଯେ ସେ ମୃତ୍ୟୁ ପର୍ଯ୍ୟନ୍ତ ଗତ ଦୁଇ ବର୍ଷ ଦୁଇଟି ମହାଦେଶରେ ଚିକିତ୍ସା ସମୟରେ ଖୁବ୍‌ ଖୁସି ଥିଲେ ଓ ସମ୍ପୂର୍ଣ୍ଣ ଜୀବନକୁ ପୂରା ଜୀଇଁବାକୁ ସଂକଳ୍ପବଦ୍ଧ ଥିଲେ । ପରିବାର, ବନ୍ଧୁ, ଖାଦ୍ୟ ଓ ସିନେମା ତାଙ୍କ ଫୋକସରେ ଥିଲା ଓ ଏହି ସମୟରେ ତାଙ୍କୁ ଭେଟିଥିବା ସମସ୍ତେ ଆଶ୍ଚର୍ଯ୍ୟ ହୋଇଥିଲେ ଯେ ସେ ନିଜ ଅସୁସ୍ଥତା ବିଷୟରେ କାହାରିକୁ କହୁ ନ ଥିଲେ ବୋଲି ତାଙ୍କ ପରିବାର ଲୋକେ ଏକ ବିବୃତ୍ତିରେ କହିଛନ୍ତି । ଲୋକେ ତାଙ୍କୁ “ଲୁହ ସହିତ ନୁହେଁ, ବରଂ ମୁହଁରେ ହସ ସହିତ’’ ମନେ ରଖନ୍ତୁ ବୋଲି ଏହି ଅଭିନେତା ଚାହିଁବେ ବୋଲି ତାଙ୍କ ପରିବାର କହିଛି ।
First published: May 5, 2020, 7:35 PM IST