China: ପୁଣି ଫେରିଲା କରୋନା; ଏହି ଦୁଇଟି ସହରରେ ପ୍ରତିବନ୍ଧକ ଲାଗୁ ହେଲା

Covid19 Restrictions Imposed In China: ଅଣ-ଅତ୍ୟାବଶ୍ୟକ ସେବା ସହିତ ଜଡିତ ଲୋକଙ୍କୁ ଘରୁ ବାହାରକୁ ନ ଯିବାକୁ ପରାମର୍ଶ ଦିଆଯାଇଛି। କରୋନା ମାମଲା ବଢ଼ିବାକୁ ନେଇ ଲରଡାଉନ ଘୋଷଣା କରାଯାଇଛି।

 କରୋନା

କରୋନା

  • Share this:
News18 Odia Digital

ବେଜିଂ: ଚୀନରେ କରୋନା ଭାଇରସର ବୃଦ୍ଧି ମଧ୍ୟରେ ଦେଶର ଦୁଇଟି ବୃହତ ସହର ଶେନଜେନ୍ ଓ ସାଂଘାଇରେ କଡ଼ା ପ୍ରତିବନ୍ଧକ ଲଗାଯାଇଛି। ସମ୍ପ୍ରତି କରୋନାର ନୂଆ ମାମଲା ଦ୍ରୁତ ଗତିରେ ବୃଦ୍ଧି ପାଇଛି, ଯାହା ପରେ ଚୀନ ପ୍ରଶାସନ ଚୀନର ପ୍ରମୁଖ ସହରରେ ଲକଡାଉନ ପକାଇବାକୁ ବାଧ୍ୟ ହୋଇଛନ୍ତି।

କରୋନା ମାମଲା ବଢ଼ିବା ସହିତ ଚୀନ ଆଲର୍ଟ

କରୋନା ଜୀବାଣୁ ବୃଦ୍ଧି ପାଇବା ପରେ ଲୋକଙ୍କ ଆଣ୍ଟିଜେନ୍ ପରୀକ୍ଷା କରାଯାଉଛି ଓ ଅବହେଳା ହେତୁ ଅନେକ ବରିଷ୍ଠ ଅଧିକାରୀଙ୍କୁ ମଧ୍ୟ ବରଖାସ୍ତ କରାଯାଇଛି।

ଗୋଟିଏ ସପ୍ତାହ ଲକଡାଉନ୍ ଘୋଷଣା କରାଯାଇଛି

ଶେନଜେନରେ ଏକ ସପ୍ତାହ ଲକଡାଉନ ଘୋଷଣା କରାଯାଇଛି। ଅନାବଶ୍ୟକ ସେବା ସହିତ ସଂଯୁକ୍ତ ଲୋକଙ୍କୁ ଘରେ ରହିବାକୁ ପରାମର୍ଶ ଦିଆଯାଇଛି। ଏହା ବ୍ୟତୀତ ବୟସ୍କମାନଙ୍କୁ PCR ପରୀକ୍ଷା ଦେବାକୁ କୁହାଯାଇଛି। ଏଥିସହ ସାଂଘାଇରେ ଆଂଶିକ ଲକଡାଉନ୍ ଘୋଷଣା କରାଯାଇଛି। ଲୋକଙ୍କୁ ସହର ନ ଛାଡ଼ିବାକୁ ପରାମର୍ଶ ଦିଆଯାଇଛି।

ପ୍ରଶାସନ ଏହି ଆବେଦନ କରିଛି

ଚୀନର ଜାତୀୟ ସ୍ୱାସ୍ଥ୍ୟ ଆୟୋଗ ଅନୁଯାୟୀ ରବିବାର ଦିନ ଚୀନରେ ୩,୧୨୨ଟି ନୂଆ କରୋନା ମାମଲା ଚିହ୍ନଟ ହୋଇଥିଲା। ଏଥି ସହିତ ଶନିବାର ଦିନ ୧,୫୨୪ ମାମଲା ପଞ୍ଜିକୃତ ହୋଇଥିଲା। କରୋନା ମାମଲାରେ ବୃଦ୍ଧି ପରେ ପ୍ରଶାସନ କଠୋରତା ଘୋଷଣା କରିଛି। ଲୋକଙ୍କୁ ମାସ୍କ ପିନ୍ଧିବାକୁ ଓ ବାରମ୍ବାର ହାତ ଧୋଇବାକୁ ନିବେଦନ କରାଯାଇଛି।

ଉଲ୍ଲେଖନୀୟ ବିଷୟ ହେଉଛି, ଚୀନ କୋଭିଡ୍ ଜିରୋ ପଲିସି ଉପରେ କାମ କରୁଛି। ଯେଉଁମାନେ କରୋନା ସଂକ୍ରମିତ ହୋଇଥିବା ସମସ୍ତଙ୍କୁ ଅଲଗା କରାଯାଇଛି। ଚୀନ ଏହାର ନୂଆ କୋଭିଡ ନୀତି ଅନୁଯାୟୀ କାର୍ଯ୍ୟ କରି କରୋନା ଜୀବାଣୁ ବିସ୍ତାରକୁ ରୋକିବାରେ ସଫଳ ହେବାକୁ ଚେଷ୍ଟା କରୁଛି।
Published by:Lipina Das
First published: