ସାବଧାନ! Corona ଭୂତାଣୁ ମୁଖ୍ୟତଃ ବାୟୁ ମାଧ୍ୟମରେ ହିଁ ବ୍ୟାପୁଛି ବୋଲି ଦୃଢ଼ ପ୍ରମାଣ ମିଳିଲା

ନୂଆ ଗବେଷଣାରୁ ଜଣାପଡ଼ିଛି ଯେ କାଶୁ ନ ଥିବା ବା ଛିଙ୍କୁ ନ ଥିବା ଲୋକଙ୍କ ଠାରୁ ବ୍ୟାପୁଥିବା ନୀରବ (ଲକ୍ଷଣବିହୀନ) ସଂକ୍ରମଣ ଏବେ ବିଶ୍ୱର ମୋ’ଟ ସଂକ୍ରମଣର ପାଖାପାଖି ୪୦ ପ୍ରତିଶତ । ଭାରତରେ ମୋ’ଟ କରୋନା ମୃତ୍ୟୁ ସଂଖ୍ୟା ୧,୭୭,୧୫୦କୁ ବୃଦ୍ଧି ପାଇଛି ।

ସାବଧାନ! Corona ଭୂତାଣୁ ମୁଖ୍ୟତଃ ବାୟୁ ମାଧ୍ୟମରେ ହିଁ ବ୍ୟାପୁଛି ବୋଲି ଦୃଢ଼ ପ୍ରମାଣ ମିଳିଲା
ଦିଲ୍ଲୀରେ କରୋନାରେ ମୃତ୍ୟୁ ବରଣ କରିଥିବା ଜଣେ ବ୍ୟକ୍ତିଙ୍କ ଶବକୁ ଅନ୍ତିମ ସତ୍କାର ପାଇଁ ଆଣୁଛନ୍ତି ସ୍ୱାସ୍ଥ୍ୟ କର୍ମୀମାନେ । (ରୟଟର୍ସ୍)
  • News18 Odia
  • Last Updated: April 18, 2021, 5:48 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଦେଶରେ କରୋନା ଭାଇରସ୍‌ (Coronavirus) ସଂକ୍ରମଣ ସଙ୍କଟ ଦିନକୁ ଦିନ ଗୁରୁତର ହେଉଥବା ବେଳେ ଏକ ଆହୁରି ଭୟାନକ ଖବର ଆସିଛି । କୋଭିଡ-୧୯ (COVID-19) ରୋଗ ସୃଷ୍ଟି କରୁଥିବା ଭୂତାଣୁ (SARS-CoV-2) ମୁଖ୍ୟତଃ ବାୟୁ ମାଧ୍ୟମରେ ବ୍ୟାପୁଛି ବୋଲି ଦୃଢ଼ ପ୍ରମାଣ ମିଳିଛି । ପ୍ରସିଦ୍ଧ ଭେଷଜ ପତ୍ରିକା ‘ଦ ଲାନସେଟ୍‌’ରେ ପ୍ରକାଶିତ ଏକ ନୂଆ ମୂଲ୍ୟାଙ୍କନରେ ଏ ନେଇ ଆଶ୍ଚର୍ଯ୍ୟ କରିଦେବା ପରି ତଥ୍ୟ ସାମନାକୁ ଆସିଛି ।

ବ୍ରିଟେନ୍‌, ଆମେରିକା ଓ କାନାଡାର ଗବେଷକମାନେ ଚେତାବନୀ ଦେଇ କହିଛନ୍ତି ଯେ ଜନ ସ୍ୱାସ୍ଥ୍ୟ ବ୍ୟବସ୍ଥା କରୋନା ସଂକ୍ରମଣକୁ ରୋକିବାରେ ବିଫଳ ହେବାର ଏକ ବଡ଼ କାରଣ ହେଉଛି ଯେ ଏହି ଭୂତାଣୁ ମୁଖ୍ୟତଃ ବାୟୁ ମାଧ୍ୟମରେ ବ୍ୟାପୁଛି ଓ ଲୋକଙ୍କୁ ଅସୁରକ୍ଷିତ ସ୍ଥିତିରେ ପହଞ୍ଚାଉଛି ।

ଏହା ବି ପଢ଼ନ୍ତୁ | କରୋନା ପଜିଟିଭ୍ ହେଲା ଗ୍ୟାଙ୍ଗଷ୍ଟର୍ ହାଇଦର୍; ତାକୁ ଏବେ ରିମାଣ୍ଡରେ ନେବ ନାହିଁ ପୋଲିସ

ଏହି ଅଧ୍ୟୟନ ଅନୁଯାୟୀ କାଶୁ ନ ଥିବା ବା ଛିଙ୍କୁ ନ ଥିବା ଲୋକଙ୍କ ଠାରୁ ବ୍ୟାପୁଥିବା ନୀରବ (ଲକ୍ଷଣବିହୀନ) ସଂକ୍ରମଣ ଏବେ ବିଶ୍ୱର ମୋ’ଟ ସଂକ୍ରମଣର ପାଖାପାଖି ୪୦ ପ୍ରତିଶତ । ଏହି ନିରବ ପ୍ରସାରଣ ହିଁ ବିଶ୍ୱରେ କରୋନା ସଂକ୍ରମଣ ବ୍ୟାପିବାର ଏକ ପ୍ରମୁଖ ଉପାୟ ବୋଲି ଏହି ଅଧ୍ୟୟନରେ କୁହାଯାଇଛି ।

ମୁମ୍ବାଇରେ ଏକ ରେଳ ଷ୍ଟେସନରେ ଲୋକଙ୍କ ଠାରୁ ସ୍ୱାବ୍ ସଂଗ୍ରହ କରୁଛନ୍ତି ଜଣେ ସ୍ୱାସ୍ଥ୍ୟ କର୍ମୀ । (ରୟଟର୍ସ୍)


ଅପର ପକ୍ଷେ, ବଡ଼ ବୁନ୍ଦା (droplets) ଯାହା ବାୟୁରେ ଯାଇ ବିଭିନ୍ନ ସ୍ଥାନକୁ ଦୂଷିତ କରେ, ତାହା ମାଧ୍ୟମରେ କରୋନା ଭୂତାଣୁ ସହଜରେ ବ୍ୟାପେ ବୋଲି ଖୁବ୍‌ କମ୍‌ ପ୍ରମାଣ ମିଳିଛି ବୋଲି ଗବେଷକମାନେ କହିଛନ୍ତି ।

ଏହା ବି ପଢ଼ନ୍ତୁ | ଓଡ଼ିଶାରେ ମ୍ୟାଟ୍ରିକ୍ ଯୁକ୍ତ ବୋର୍ଡ଼ ପରୀକ୍ଷା ସ୍ଥଗିତ ରଖାଗଲା; ୧୯ରୁ ସବୁ ସ୍କୁଲ୍ ହଷ୍ଟେଲ୍ବନ୍ଦ୍

‘‘କରୋନା ସଂକ୍ରମଣ ବାୟୁ ମାଧ୍ୟମରେ ବ୍ୟାପୁଥିବାର ପ୍ରମାଣ ଅତ୍ୟଧିକ ମାତ୍ରାରେ ମିଳିଛି, ଆଉ ବଡ଼ ବୁନ୍ଦା ମାଧ୍ୟମରେ ବ୍ୟାପୁଥିବା ସଂକ୍ରମଣର ପ୍ରମାଣ ପ୍ରାୟ ନାହିଁ,’’ କହିଛନ୍ତି ଗବେଷକ ଜୋସ୍‌-ଲୁଇସ୍‌ ଜିମିନେଜ୍‌, ଯିଏ କୋଅପରେଟିଭ୍ ଇନଷ୍ଟିଚ୍ୟୁଟ୍ ଫର୍ ରିସର୍ଚ୍ଚ ଇନ୍ ଏନଭାଇରନମେଣ୍ଟ୍‌ ସାଇନ୍ସେଜ୍‌ (CIRES) ଓ କଲରାଡୋ ବୋଲ୍ଡର ବିଶ୍ୱବିଦ୍ୟାଳୟର ରସାୟନ ବିଜ୍ଞାନୀ ଭାବେ କାର୍ଯ୍ୟ କରନ୍ତି ।

ଏହା ବି ପଢ଼ନ୍ତୁ | ପିପିଲି Bypoll: ମେ ୧୩ରେ ହେବ ଭୋଟ୍; ଅଜିତ ମଙ୍ଗରାଜ ଚାଲିଯିବାର ଦିନ ପରେ ତାଙ୍କ ମା’ ଚାଲିଗଲେ

ଜିମେନେଜ୍ କହିଛନ୍ତି ଯେ ଏବେ ଜରୁରୀ ହୋଇପଡ଼ିଛି ଯେ ବିଶ୍ ସ୍ୱାସ୍ଥ୍ୟ ସଙ୍ଗଠନ (WHO) ଓ ଅନ୍ୟ ଜନ ସ୍ୱାସ୍ଥ୍ୟ ସଂସ୍ଥା କରୋନା ଭାଇରସର ପ୍ରସାର ବିଷୟରେ ବର୍ଣ୍ଣନା ବୈଜ୍ଞାନିକ ପ୍ରମାଣ ସହିତ ଖାପ ଖୁଆଇ କରନ୍ତୁ ଯାହା ଦ୍ୱାରା ବାୟୁମଣ୍ଡଳ ସଂକ୍ରମଣକୁ ହ୍ରାସ କରିବା ଉପରେ ଅଧିକ ଧ୍ୟାନ କେନ୍ଦ୍ରିତ କରାଯାଇପାରିବ ।

ଏହା ବି ପଢ଼ନ୍ତୁ ଦେଖନ୍ତୁ PHOTOS | ପଣା ସଂକ୍ରାନ୍ତି ଅବସରରେ ସୁନାବେଶରେ ସଜ୍ଜିତ ହେଲେ ଘଟଗାଁର ମାତାରିଣୀ

ଗବେଷକମାନେ ଗୁରୁତ୍ୱାରୋପ କରି କହିଛନ୍ତି ଯେ ହାତ ଧୋଇବା ଓ ବିଭିନ୍ନ ସ୍ଥାନକୁ ସଫା ରଖିବା ଯଦିଓ ଆବଶ୍ୟକ, ତେବେ ସେହି ପଦକ୍ଷେପଗୁଡ଼ିକୁ ବାୟୁବାହୀ ସଂକ୍ରମଣ ଠାରୁ କମ୍ ଗୁରୁତ୍ୱ ଦିଆଯିବା ଉଚିତ୍ ।

ଭାରତରେ କରୋନା ସଂକ୍ରମଣର ସ୍ଥିତି ଅଣାୟତ୍ତ ହୋଇପଡ଼ୁଥିବା ବେଳେ ଏହି ତଥ୍ୟ ଆହୁରି ଚିନ୍ତା ବଢ଼ାଇଛି । ଭାରତରେ ଲଗାତର ଚତୁର୍ଥ ଦିନ ପାଇଁ ୨ ଲକ୍ଷ ଉପରେ ନୂଆ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି । ରବିବାର ଦିନ ୨,୬୧,୫୦୦ ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ସର୍ବାଧିକ ୬୭,୧୨୩ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୪୧୯ ଜଣ ଆକ୍ରାନ୍ତଙ୍କ ମୃତ୍ୟୁ ଘଟିଛି ।

ଏହା ବି ପଢ଼ନ୍ତୁ ଦେଖନ୍ତୁ PHOTOS | କେନ୍ଦ୍ରାପଡ଼ାରେ ଜନ୍ମ ନେଲା ଅଦ୍ଭୁତ ଶିଶୁ କନ୍ୟା; ତା ୨ଟି ମୁଣ୍ଡ, ୩ଟି ହାତ, ୪ଟି ଆଖି ୪ଟି କାନ ଅଛି

ଦିଲ୍ଲୀରେ ୨୪,୩୭୫ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୬୭ ଜଣଙ୍କ ଜୀବନ ଯାଇଛି । କର୍ଣ୍ଣାଟକରେ ୧୭,୪୮୯ ପଜିଟିଭ୍ ହୋଇଛନ୍ତି ଓ ୮୦ ଜଣଙ୍କ ମୃତ୍ୟୁ ଘଟିଛି । ଛତିଶଗଡରେ ୧୬,୦୮୩ ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୧୫୮ ଜଣଙ୍କ ଜୀବନ ନେଇଛି କରୋନା । କେରଳରେ ମଧ୍ୟ ୧୩,୮୩୫ ଜଣ ପଜିଟିଭ୍ ହୋଇଛନ୍ତି ଓ ୨୭ ଜଣଙ୍କ ମୃତ୍ୟୁ ଘଟିଛି ।

ଏହା ବି ପଢ଼ନ୍ତୁ ଦେଖନ୍ତୁ VIDEO | ଯାଜପୁରରେ ଥାନା ଭିତରେ ପୁରୁଷ ମହିଳା ପୋଲିସ କର୍ମୀଙ୍କ ଡ୍ୟାନ୍ସ VIDEO ଭାଇରାଲ୍ ହେଲା; ASI ନିଲମ୍ବିତ ହେଲେ

ଦେଶରେ ଗତ ୨୪ ଘଣ୍ଟା ମଧ୍ୟରେ କରୋନା ସଂକ୍ରମଣ କାରଣରୁ ୧,୫୦୧ ଜଣଙ୍କ ଜୀବନ ଯାଇଛି ଓ ମୋ’ଟ କରୋନା ମୃତ୍ୟୁ ସଂଖ୍ୟା ୧,୭୭,୧୫୦କୁ ବୃଦ୍ଧି ପାଇଛି । ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୪୭ ଲକ୍ଷ ୮୮ ହଜାର ୧୦୯କୁ ବୃଦ୍ଧି ପାଇଛି । ଏ ଯାଏଁ ସୁସ୍ଥ ହେଲେଣି ୧ କୋଟି ୨୮ ଲକ୍ଷ ୯ ହଜାର ୬୪୩ ଆକ୍ରାନ୍ତ । ଏବେ ୧୮ ଲକ୍ଷ ୧ ହଜାର ୩୧୬ ଜଣ କରୋନା ରୋଗୀ ଚିକିତ୍ସାଧୀନ ଅଛନ୍ତି । ଶନିବାର ସୁଦ୍ଧା ଦେଶରେ ୧୨ କୋଟି ୨୬ ଲକ୍ଷ ୨୨ ହଜାର ୫୯୦ ଜଣ ଟିକା ନେଇଛନ୍ତି ।

ଏହା ବି ପଢ଼ନ୍ତୁ |ଓଡ଼ିଶାରେ PM ଆବାସ ଯୋଜନାରେ ରାଜ୍ୟ ବି ଖର୍ଚ୍ଚ କରୁଛି; ତେଣୁ ବିଜୁ ପକ୍କା ଘର ଲୋଗୋ ଲାଗିଲେ ଅସୁବିଧା ?’

ଓଡ଼ିଶାରେ ବି କରୋନା ଗ୍ରାଫ୍ ବଢ଼ିଚାଲିଛି । ଦିନକରେ ଆଉ ୩,୬୬୪ ଜଣ କରୋନା ଆକ୍ରାନ୍ତ (ସଙ୍ଗରୋଧ କେନ୍ଦ୍ରରୁ ୨,୧୨୭ ଜଣ ଓ ବାହାରୁ ୧,୫୩୭ ଜଣ) ଚିହ୍ନଟ ହୋଇଛନ୍ତି ଓ ଦୁଇ ଜଣଙ୍କ ମୃତ୍ୟୁ ଘଟିଛି (ସୁନ୍ଦରଗଡ଼ ଓ ବରଗଡ଼)। ଖୋର୍ଦ୍ଧା ଜିଲ୍ଲା ଚିନ୍ତା ବଢ଼ାଇଛି କାରଣ ଗତ ୨୪ ଘଣ୍ଟାରେ ଜିଲ୍ଲାରେ ଚିହ୍ନଟ ହୋଇଛନ୍ତି ୭୦୪ ଜଣ ଆକ୍ରାନ୍ତ । ସୁନ୍ଦରଗଡ଼ରୁ ୩୪୦ ଜଣ, କଳାହାଣ୍ଡିରୁ ୩୨୪ ଜଣ, ନୂଆପଡ଼ାରୁ ୨୨୧ ଜଣ ଓ ବରଗଡ଼ରୁ ୨୧୦ ଜଣ ପଜିଟିଭ୍‌ ଚିହ୍ନଟ ହୋଇଛନ୍ତି ।



ସମ୍ବଲପୁରରୁ ୧୯୯ ଜଣ, କଟକରୁ ୧୯୮ ଜଣ ଓ ଝାରସୁଗୁଡ଼ାରୁ ୧୮୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ପୁରୀରୁ ୧୪୩ ଜଣ, ମୟୂରଭଞ୍ଜରୁ ୧୧୯ ଜଣ, ନବରଙ୍ଗପୁରରୁ ୮୧ ଜଣ ଓ ବଲାଙ୍ଗିରରୁ ୭୯ ଜଣ କରୋନା ପଜିଟିଭ୍‌ ବାହାରିଛନ୍ତି । ରାଜ୍ୟରେ ମୋ’ଟ ଆକ୍ରାନ୍ତଙ୍କ ସଂଖ୍ୟା ୩ ଲକ୍ଷ ୬୮ ହଜାର ୨୫୮କୁ ବୃଦ୍ଧି ପାଇଛି । ଏ ଯାଏଁ ସୁସ୍ଥ ହେଲେଣି ୩ ଲକ୍ଷ ୪୪ ହଜାର ୮୨୫ ଜଣ ରୋଗୀ । ରାଜ୍ୟରେ ୨୧,୪୩୬ ଜଣ କୋଭିଡ ଆକ୍ରାନ୍ତ ଏବେ ବି ବି ଚିକିତ୍ସାଧୀନ ଅଛନ୍ତି । (ଆଇ.ଏ.ଏନ୍‌.ଏସ୍‌.)
Published by: Anand ST Das
First published: April 18, 2021, 5:48 PM IST