Omicronକୁ ନେଇ କାନପୁର IIT ପ୍ରଫେସରଙ୍କ ଦାବି; ଫେବୃଆରୀରେ ପିକ୍ ଛୁଇଁବ ତୃତୀୟ ଲହର

Omicron Alert: ଆଇଆଇଟି କାନପୁରର ବରିଷ୍ଠ ପ୍ରଫେସର ଅଗ୍ରୱାଲଙ୍କ ଦ୍ବାରା କରୋନା ଭାଇରସର ପ୍ରଥମ ଓ ଦ୍ୱିତୀୟ ଲହର ବିଷୟରେ ପୂର୍ବାନୁମାନ ମଧ୍ୟ ଅତ୍ୟନ୍ତ ସଠିକ୍ ଥିଲା । ଓମିକ୍ରନ୍ କାରଣରୁ ଦେଶର ତୃତୀୟ ତରଙ୍ଗର ଶିଖର ଫେବୃଆରୀରେ ହେବ ବୋଲି ସେ ଦାବି କରିଛନ୍ତି।

Omicronକୁ ନେଇ କାନପୁର IIT ପ୍ରଫେସରଙ୍କ ଦାବି

Omicronକୁ ନେଇ କାନପୁର IIT ପ୍ରଫେସରଙ୍କ ଦାବି

  • Share this:
News18 Odia Digital

କାନପୁର: ଭାରତରେ କରୋନା ଭାଇରସର ନୂଆ ଭାରିଆଣ୍ଟ ଓମିକ୍ରନ୍ କାରଣରୁ ବଢୁଥିବା ସଂକ୍ରମଣ ଓ ଏହା ସହିତ ବଢୁଥିବା ପ୍ରତିବନ୍ଧକ ମଧ୍ୟରେ ଆଇଆଇଟି କାନପୁରର ବରିଷ୍ଠ ପ୍ରଫେସର ମଣିନ୍ଦ୍ର ଅଗ୍ରୱାଲ ଏକ ଆଶ୍ବସ୍ତି ଖବର ଦେଇଛନ୍ତି। ସେ ଦାବି କରିଛନ୍ତି ଯେ ଓମିକ୍ରନ୍ କାରଣରୁ ଦେଶର ତୃତୀୟ ତରଙ୍ଗର ଶିଖର ଫେବୃଆରୀରେ ହେବ, କିନ୍ତୁ ଏଥର ରୋଗୀଙ୍କ ସଂଖ୍ୟା ଅଧିକ ହେବ ନାହିଁ କିମ୍ବା ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡ଼ିବ ନାହିଁ। ଅଗ୍ରୱାଲ ଏହା ମଧ୍ୟ କହିଛନ୍ତି ଯେ ଫେବୃଆରୀ ପରେ ଓମିକ୍ରନର ତରଙ୍ଗ ଧୀରେ ଧୀରେ କମିବା ଆରମ୍ଭ କରିବ ।

ଗାଣିତିକ ମଡେଲ ଆଧାରରେ ଦକ୍ଷିଣ ଆଫ୍ରିକା ଓ ଭାରତ ମଧ୍ୟରେ ଥିବା ତୁଳନାକୁ ପ୍ରଫେସର ମଣିନ୍ଦ୍ର ଅଗ୍ରୱର କହିଛନ୍ତି ଯେ ଜନସଂଖ୍ୟା ଓ ପ୍ରାକୃତିକ ପ୍ରତିରକ୍ଷା ଦୃଷ୍ଟିରୁ ଉଭୟ ଦେଶର ଅବସ୍ଥା ସମାନ । ଡିସେମ୍ବର ୧୭ରେ ଓମିକ୍ରନ୍ ଶିଖରରେ ଥିଲା, ବର୍ତ୍ତମାନ ସେଠାରେ ଓମିକ୍ରନ୍ ମାମଲା ଦ୍ରୁତ ଗତିରେ ହ୍ରାସ ପାଉଛି ।

ପ୍ରଫେସର ଅଗ୍ରୱାଲ କହିଛନ୍ତି, ‘‘ଦକ୍ଷିଣ ଆଫ୍ରିକାରେ ପ୍ରାକୃତିକ ପ୍ରତିରୋଧକ ଶକ୍ତି ୮୦ ପ୍ରତିଶତ ପର୍ଯ୍ୟନ୍ତ ରହିଛି। ଏହାକୁ ଆଧାର କରି ଆମେ କହିପାରିବା ଯେ ଦକ୍ଷିଣ ଆଫ୍ରିକା ପରି ଭାରତରେ ମଧ୍ୟ ଓମିକ୍ରନ୍ ରୋଗ ବୃଦ୍ଧି ପାଇବ, କିନ୍ତୁ ଅଧିକାଂଶ ରୋଗୀଙ୍କୁ ଡାକ୍ତରଖାନାରେ ଭର୍ତ୍ତି ହେବାକୁ ପଡ଼ିବ ନାହିଁ। ସେଠାରେ ଥିବା ରୋଗୀଙ୍କ ଅବସ୍ଥା ଟିକେ ଗୁରୁତର ଦେଖାଯାଉଛି।

ସୂଚନାଯୋଗ୍ୟ ଯେ, କରୋନା ଭାଇରସର ପ୍ରଥମ ଓ ଦ୍ୱିତୀୟ ତରଙ୍ଗ ବିଷୟରେ ପ୍ରଫେସର ଅଗ୍ରୱାଲଙ୍କ ଦ୍ୱାରା କରାଯାଇଥିବା ପୂର୍ବାନୁମାନ ମଧ୍ୟ ସଠିକ୍ ଥିଲା । କରୋନାର ତୃତୀୟ ତରଙ୍ଗକୁ ଏଡାଇବା ପାଇଁ ଅଗରୱାଲ ଲୋକଙ୍କୁ ନୂଆ ବର୍ଷ ନିଜ ଘରେ ପାଳନ କରିବାକୁ ପରାମର୍ଶ ଦେଇଛନ୍ତି । ଜନଗହଳି ପୂର୍ଣ୍ଣ ସ୍ଥାନରୁ ଯଥାସମ୍ଭବ ଦୂରରେ ରହିବାକୁ ସେ କହିଛନ୍ତି। ଏକ ମାସ୍କ ପିନ୍ଧନ୍ତୁ ଓ ସୁରକ୍ଷିତ ରୁହନ୍ତୁ ବୋଲି କହିଛନ୍ତି ।
Published by:Lipina Das
First published:
)}