ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»Corona In India; ପୁଣି ୨୦ ହଜାର ପାର ହେଲା ସଂକ୍ରମଣ; ୨୩, ୫୨୯ ନୂଆ ମାମଲା ଚିହ୍ନଟ

Corona In India; ପୁଣି ୨୦ ହଜାର ପାର ହେଲା ସଂକ୍ରମଣ; ୨୩, ୫୨୯ ନୂଆ ମାମଲା ଚିହ୍ନଟ

ଭାରତରେ କରୋନା ଭାଇରସ୍ ମାମଲାରେ ଗତ କିଛି ଦିନ ହେବ ଏହି ମାମଲାରେ ହ୍ରାସ ପଞ୍ଜିକୃତ ହୋଇଥିଲା। ହେଲେ ଗତ ୨୪ ଘଣ୍ଟା ମଧ୍ୟରେ କରୋନାର ନୂଆ ମାମଲାରେ ପୁଣି ଥରେ ସାମାନ୍ୟ ସଂକ୍ରମିତଙ୍କ ସଂଖ୍ୟା ବଢ଼ିଥିବା ଦେଖିବାକୁ ମିଳିଛି।

Corona In India; ପୁଣି ୨୦ ହଜାର ପାର ହେଲା ସଂକ୍ରମଣ; ୨୩, ୫୨୯ ନୂଆ ମାମଲା ଚିହ୍ନଟ
ପୁଣି ୨୦ ହଜାର ପାର ହେଲା ସଂକ୍ରମଣ
  • News18 Odia
  • Last Updated: September 30, 2021, 11:54 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: ଗତ କିଛି ଦିନ ହେବ ଦେଶରେ କରୋନା ଭାଇରସ୍ ସଂକ୍ରମଣ କ୍ଷେତ୍ରରେ ଏକ ହ୍ରାସ ପଞ୍ଜିକୃତ ହୋଇଥିଲା। ହେଲେ ଗତ ୨୪ ଘଣ୍ଟା ମଧ୍ୟରେ, କରୋନାର ନୂଆ ମାମଲାରେ ପୁଣି ଥରେ ସାମାନ୍ୟ ବୃଦ୍ଧି ହୋଇଥିବାର ଦେଖିବାକୁ ମିଳିଛି । ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ (Mohfw) ଅନୁଯାୟୀ, ଦେଶରେ ୨୩,୫୨୯ଟି କରୋନା ମାମଲା ପଞ୍ଜିକୃତ ହୋଇଛି। ଏଥିସହ କୋଭିଡ କାରଣରୁ ୩୧୧ ଜଣଙ୍କର ମୃତ୍ୟୁ ଘଟିଛି।

ମନ୍ତ୍ରଣାଳୟ କହିଛି ଯେ ଏହି ସମୟ ମଧ୍ୟରେ ୨୮,୭୧୮ ଲୋକ ସୁସ୍ଥ ହୋଇ ନିଜ ଘରକୁ ଫେରିଛନ୍ତି। Mohfw ଅନୁଯାୟୀ ବର୍ତ୍ତମାନ ଦେଶରେ ୨ ଲକ୍ଷ ୭୭ ହଜାର ୦୨୦ ରୋଗୀ ଚିକିତ୍ସିତ ହେଉଥିବାବେଳେ ୩ କୋଟି ୩୦ ଲକ୍ଷ ୧୪ ହଜାର ୮୯୮ ଜଣ ଲୋକ ଚିକିତ୍ସିତ ହୋଇ ଡିସଚାର୍ଜ ହୋଇଛନ୍ତି।

ମନ୍ତ୍ରଣାଳୟ କହିଛି ଯେ ସମଗ୍ର ଦେଶରେ କୋଭିଡ କାରଣରୁ ଏ ପର୍ଯ୍ୟନ୍ତ ୪ ଲକ୍ଷ ୪୮ ହଜାର ୦୬୨ ଲୋକଙ୍କର ମୃତ୍ୟୁ ହୋଇଛି। ଗତ ୨୪ ଘଣ୍ଟା ମଧ୍ୟରେ ନୂଆ ମାମଲା ଚିହ୍ନଟ ହେବା ପରେ ୫,୫୦୦ ମାମଲା ହ୍ରାସ ହୋଇଛି। ନୂଆ ଆକଳନ ପରେ ସାରା ଦେଶରେ ୩ କୋଟି ୩୭ ଲକ୍ଷ ୩୮ ହଜାର ୯୮୦ଟି କରୋନା ମାମଲା ପ୍ରମାଣିତ ହୋଇଛି।

ଟିକାକରଣ ବିଷୟରେ କହିବାକୁ ଗଲେ ବର୍ତ୍ତମାନ ପର୍ଯ୍ୟନ୍ତ ସାରା ଦେଶରେ ୮୮ କୋଟି ୩୪ ଲକ୍ଷ ୭୦ ହଜାର ୫୭୮ ଡୋଜ ଆଣ୍ଟି-କରୋନା ଟିକା ଦିଆଯାଇଛି। ବୁଧବାର ଦିନ ସାରା ଦେଶରେ ୬୫ ଲକ୍ଷ ୩୪ ହଜାର ୩୦୬ ଡୋଜ ଦିଆଯାଇଥିଲା। ଅନ୍ୟପକ୍ଷରେ, ଆଇସିଏମଆର ଅନୁଯାୟୀ ଏ ପର୍ଯ୍ୟନ୍ତ ୫୬ କୋଟି ୮୯ ଲକ୍ଷ ୫୬ ହଜାର ୪୩୯ ନମୁନା ପରୀକ୍ଷା କରାଯାଇଛି, ଯେଉଁଥିରେ ବୁଧବାର ଦିନ ୧୫ ଲକ୍ଷ ୦୬ ହଜାର ୬୫୪ ନମୁନା ପରୀକ୍ଷା କରାଯାଇଛି।
Published by: Lipina Das
First published: September 30, 2021, 11:54 AM IST