ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»କରୋନା ଭାଇରସ୍ ନେଲା ତୃଣମୂଳ କଂଗ୍ରେସର ବିଧାୟକ ତମୋନାଶ୍ ଘୋଷ୍‌ଙ୍କ ଜୀବନ

କରୋନା ଭାଇରସ୍ ନେଲା ତୃଣମୂଳ କଂଗ୍ରେସର ବିଧାୟକ ତମୋନାଶ୍ ଘୋଷ୍‌ଙ୍କ ଜୀବନ

ଜନ ଜୀବନରେ ସକ୍ରିୟ ଥିବା ବେଶ୍ କିଛି ଲୋକ କରୋନା ଭାଇରସ୍ ମହାମାରୀରେ ମୃତ୍ୟୁ ବରଣ କରିଛନ୍ତି । ଘୋଷଙ୍କ ମୃତ୍ୟୁର କିଛି ଦିନ ଆଗରୁ ଏହି ମହାମାରୀ ଯୋଗୁଁ ତାମିଲ ନାଡୁର ଡିଏମକେର ନେତା ଜେ. ଅନବାଝଗାନ୍ ଚେନ୍ନାଇର ଏକ ହସପିଟାଲରେ ପ୍ରାଣ ହରାଇଥିଲେ ।

କରୋନା ଭାଇରସ୍ ନେଲା ତୃଣମୂଳ କଂଗ୍ରେସର ବିଧାୟକ ତମୋନାଶ୍ ଘୋଷ୍‌ଙ୍କ ଜୀବନ
ଆଜି କରୋନା ଭାଇରସ୍ ସଂକ୍ରମଣ କାରଣରୁ ମୃତ୍ୟୁ ବରଣ କରିଥିବା ବିଧାୟକ ତମୋନାଶ୍ ଘୋଷ
  • Share this:
  • Byline Facebook
  • Byline Twitter
  • Byline Linkedin
News18 Odia Digital

କୋଲକାତା: ପଶ୍ଚିମ ବଙ୍ଗର ଶାସକ ଦଳ ତୃଣମୂଳ କଂଗ୍ରେସର ବିଧାୟକ ତମୋନାଶ୍‌ ଘୋଷ (TMC MLA Tamonash Ghosh) ୬୦ ବର୍ଷ ବୟସରେ କରୋନା ଭାଇରସ୍‌ ଆକ୍ରାନ୍ତ ହୋଇ ମୃତ୍ୟୁ ବରଣ କରିଛନ୍ତି । ସେ ଗତ ମାସରେ କରୋନା ଭାଇରସ୍ ପଜିଟିଭ୍ ବୋଲି ପରୀକ୍ଷାରୁ ଜଣାପଡ଼ିଥିଲେ ଓ ଚିକିତ୍ସାରେ ଥିଲେ ।

ଦକ୍ଷିଣ ୨୪ ପରଗଣା (South 24 Pargana) ଜିଲ୍ଲାର ଫାଲ୍ଟା (Falta) ବିଧାନ ସଭା ନିର୍ବାଚନ ମଣ୍ଡଳୀରୁ ତିନି ଥର ବିଧାୟକ ରହିଥିବା ଘୋଷ୍‌ କୋଭିଡ-୧୯ (COVID-19) ରୋଗରେ ଆକ୍ରାନ୍ତ ହେବା ପରେ ଡାକ୍ତରଖାନାରେ ଭର୍ତ୍ତି ହୋଇଥିଲେ । ସେ ଅନ୍ୟ କେତେକ ସ୍ୱାସ୍ଥ୍ୟ ସମସ୍ୟାରେ ବି ପୀଡ଼ିତ ଥିଲେ ।

‘‘ଏଇଟା ଅତି ଦୁଃଖର କଥା । ୧୯୯୮ ମସିହାରୁ ଫାଲ୍ଟାରୁ ବିଧାୟକ ଥିବା ଓ ଆମ ପାର୍ଟିର କୋଷାଧ୍ୟକ୍ଷ ଥିବା ତମୋନାଶ୍‌ ଘୋଷଙ୍କୁ ଆଜି ଆମକୁ ଛାଡ଼ି ଚାଲିଗଲେ । ୩୫ ବର୍ଷରୁ ଅଧିକ ସମୟ ଆମ ସହିତ ରହି ସେ ଜନତା ପାଇଁ ତଥା ଆମ ଦଳ ପାଇଁ ଉତ୍ସର୍ଗୀକୃତ ଥିଲେ । ସାମାଜିକ କାର୍ଯ୍ୟ ଜରିଆରେ ସେ ବହୁତ ଅବଦାନ ଦେଇଥିଲେ,’’ ପଶ୍ଚିମ ବଙ୍ଗର ମୁଖ୍ୟ ମନ୍ତ୍ରୀ ମମତା ବାନାର୍ଜୀ (Mamata Banerjee) ଟୁଇଟ୍ କରି କହିଛନ୍ତି ।



ମମତା ଆହୁରି କହିଛନ୍ତି ଯେ ଘୋଷ ଏକ ଶୂନ୍ୟ ସ୍ଥାନ ଛାଡ଼ି ଯାଇଛନ୍ତି ଯାହା ପୂରଣ କରିବା କଷ୍ଟକର ହେବ । ‘‘ଆମ ସମସ୍ତଙ୍କ ତରଫରୁ ତାଙ୍କ ପତ୍ନୀ ଝରଣା, ତାଙ୍କର ଦୁଇ ଝିଅ, ବନ୍ଧୁ ଓ ଶୁଭେଚ୍ଛୁଙ୍କୁ ହୃଦୟରୁ ସମବେଦନା ଜଣାଉଛି,’’ ମମତା କହିଛନ୍ତି ।

ଜନ ଜୀବନରେ ସକ୍ରିୟ ଥିବା ବେଶ୍‌ କିଛି ଲୋକ କରୋନା ଭାଇରସ୍‌ ମହାମାରୀରେ ମୃତ୍ୟୁ ବରଣ କରିଛନ୍ତି । ତମୋନାଶ୍‌ ଘୋଷଙ୍କ ପୂର୍ବରୁ କରୋନା ଭାଇରସ୍ ମହାମାରୀ ଯୋଗୁଁ ଏହି ମାସ ଆରମ୍ଭରେ ତାମିଲ ନାଡୁର ନେତା ଓ ଡିଏମକେର ଅନ୍ୟତମ ପ୍ରମୁଖ ଚେହେରା ଜେ. ଅନବାଝଗାନ୍ ଚେନ୍ନାଇରେ ଏକ ସପ୍ତାହରୁ ଅଧିକ ସମୟ ଧରି କୋଭିଡ-୧୯ ସହ ଢ଼େଇ କରିବା ପରେ ଚେନ୍ନାଇରେ ମୃତ୍ୟୁ ବରଣ କରିଥିଲେ ।

କୋଭିଡ-୧୯ ପାଇଁ ଟିକା ଖୋଜିବା ପାଇଁ କାର୍ଯ୍ୟ କରୁଥିବା ସ୍ୱାସ୍ଥ୍ୟ ଗବେଷକମାନେ କହିଛନ୍ତି ଯେ ବୃଦ୍ଧ ବ୍ୟକ୍ତି, ଶିଶୁ ଓ ଜଟିଳତା ଥିବା ଲୋକଙ୍କ ପାଇଁ ଏହି ମହାମାରୀ ଅଧିକ ବିପଦ ଆଣିପାରେ ।

ଏହା ବି ପଢ଼ନ୍ତୁ: 

ଲଦ୍ଦାଖ ସହିଦମାନଙ୍କ ଦେହରେ ଥିଲା ଧାରୁଆ ଅସ୍ତ୍ରର କ୍ଷତ; ଅନେକ ଅଙ୍ଗ ଭାଙ୍ଗି ଦିଆଯାଇଥିଲା

ଟିକ୍ ଟକ୍‌ରେ ଧୁମ୍ ମଚାଉଥିଲା; ତା’ ବିବାହ ପ୍ରସ୍ତାବ ନ ମାନିବାରୁ ଯୁବତୀକୁ ଚାକୁ ମାରି ହତ୍ୟା କଲା

ମହିଳା ରସି ଲଗାଇ ଆତ୍ମହତ୍ୟା କରୁଥିଲେ; ୩ ବର୍ଷର ଝିଅ କାନ୍ଦିବାରୁ ତାଙ୍କ ଜୀବନ ରକ୍ଷା ହେଲା

ଆମର ୨୦ ଜଣ ସୈନ୍ୟଙ୍କ ହତ୍ୟା ହେବା ପରେ ଭାରତବାସୀ ଚୀନ୍‌ ବିଷୟରେ କଣ୍‌ ଭାବୁଛନ୍ତି? ଏହି ସର୍ଭେରୁ ଜଣା ପଡ଼ିଲା

ଯୋଗ ଦିବସ: ଏହି ପ୍ରସିଦ୍ଧ ‘ନଗ୍ନ ଯୋଗ ନାରୀ’ ଏମିତି ଯୋଗ କରନ୍ତି; ଫଟୋ ଭାଇରାଲ୍ ହେଉଛି

ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ଟିଭିରେ ବାରମ୍ବାର ଦେଖି ୧୭ ବର୍ଷୀୟା ଛାତ୍ରୀ ଆତ୍ମହତ୍ୟା କଲା

ଆତ୍ମହତ୍ୟା କରୁଥିବା ଲୋକେ ମରିବାକୁ ଚାହୁଁଛନ୍ତି ବୋଲି ବି ନିଶ୍ଚିତ ନ ଥାନ୍ତି; ମିଡ଼ିଆର ଭୂମିକା ମହତ୍ୱପୂର୍ଣ୍ଣ

ଫ୍ୟାକ୍ଟ ଚେକ୍: ଏହି ତି୩ଟି ମୃତ୍ୟୁକୁ ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ସହ ଯୋଡ଼ାଯାଉଛି କାହିକି?
First published: June 24, 2020, 7:03 PM IST