Corona Vaccination: ରିଲାଏନ୍ସ ଆରମ୍ଭ କରିବ ନିଜର କରୋନା ଟୀକାକରଣ କାର୍ଯ୍ୟକ୍ରମ R-Surakshaa

ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (Reliance Industries Limited) ସ୍ୱୟଂ ନିଜେ ନିଜର କରୋନା ଟୀକାକରଣ କାର୍ଯ୍ୟକ୍ରମ ଆର-ସୁରକ୍ଷାର (R-Surakshaa) ଘୋଷଣା କରିଛି ।

Corona Vaccination: ରିଲାଏନ୍ସ ଆରମ୍ଭ କରିବ ନିଜର କରୋନା ଟୀକାକରଣ କାର୍ଯ୍ୟକ୍ରମ R-Surakshaa
ରିଲାଏନ୍ସ ଆରମ୍ଭ କରିବ ନିଜର କରୋନା ଟୀକାକରଣ କାର୍ଯ୍ୟକ୍ରମ R-Surakshaa
  • News18 Odia
  • Last Updated: April 24, 2021, 9:09 AM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital
ନୂଆ ଦିଲ୍ଲୀ: ସାରା ଦେଶରେ କରୋନା ସଂକ୍ରମଣ ମାମଲା ଦ୍ରୁତ ଗତିରେ ବୃଦ୍ଧି ପାଉଛି । ଏହାକୁ ଦୃଷ୍ଟିରେ ରଖି ଦେଶରେ ଚତୁର୍ଥ ପର୍ଯ୍ୟାୟ କରୋନା ଟୀକାକରଣ (Vaccination) ମେ' ୧ ତାରିଖରୁ ଆରମ୍ଭ ହେଉଛି । ୧୮ ବର୍ଷରୁ ଅଧିକ ବୟସର ଲୋକମାନେ ମେ' ୧ ରୁ ନିଜର ଟୀକାକରଣ କରିପାରିବେ । ଏଥିସହିତ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (Reliance Industries Limited) ନିଜର କରୋନା ଟୀକାକରଣ କାର୍ଯ୍ୟକ୍ରମ ଆର-ସୁରକ୍ଷା (R-Surakshaa) ଘୋଷଣା କରିଛି । ଏହା ଅଧୀନରେ ୧୮ ବର୍ଷରୁ ଅଧିକ ସମସ୍ତ କର୍ମଚାରୀ ଓ ଯୋଗ୍ୟ ପରିବାର ସଦସ୍ୟଙ୍କୁ ମେ' ୧ ରୁ ମାଗଣା ଟିକା ଦିଆଯିବ ।

ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡର (RIL) ଚେୟାରମ୍ୟାନ୍ ତଥା ଏମଡି ମୁକେଶ ଅମ୍ବାନୀ (Mukesh Ambani) ଓ ନିର୍ଦ୍ଦେଶକ ନୀତା ଅମ୍ବାନୀ (Nita Ambani) ରିଲାଏନ୍ସ ପରିବାରର ସମସ୍ତ କର୍ମଚାରୀଙ୍କୁ ଚିଠି ମାଧ୍ୟମରେ ଲେଖିଛନ୍ତି ଯେ ବିନା ବିଳମ୍ବରେ ଏହି ଟୀକାକରଣ ଲାଭ ଉଠାନ୍ତୁ ।

କରୋନା ଟୀକାକରଣର ପ୍ରଥମ ପର୍ଯ୍ୟାୟ ୧୬ ଜାନୁଆରୀରୁ ଆରମ୍ଭ ହୋଇଥିଲା
୧୬ ଜାନୁଆରୀରେ ଦେଶବ୍ୟାପୀ ଟୀକାକରଣ ଅଭିଯାନ ଆରମ୍ଭ ହୋଇଥିଲା । ୧୬ ଜାନୁୟାରୀରୁ ସ୍ୱାସ୍ଥ୍ୟ କର୍ମଚାରୀଙ୍କ ପାଇଁ ଓ ୨ ଫେବୃଆରୀରୁ ଫ୍ରଣ୍ଟଲାଇନ କର୍ମଚାରୀଙ୍କ ପାଇଁ ଟୀକାକରଣ ଆରମ୍ଭ ହୋଇଥିଲା । ୧ ଏପ୍ରିଲରୁ ୪୫ ବର୍ଷରୁ ଅଧିକ ବୟସ୍କ ଲୋକଙ୍କ ପାଇଁ କରୋନା ଟୀକାକରଣ ଆରମ୍ଭ କରାଯାଇଥିଲା ।

ଦେଶରେ ଗତ ୨୪ ଘଣ୍ଟା ମଧ୍ୟରେ ୩,୩୨,୭୩୦ ନୂତନ ମାମଲା ରେକର୍ଡ ହୋଇଛି
ଶୁକ୍ରବାର ଦିନ ଗୋଟିଏ ଦିନରେ ଦେଶରେ ୩,୩୨,୭୩୦ ନୂଆ ମାମଲା ରୁଜୁ ହୋଇଥିଲା । ଏହା ସହିତ ଦେଶରେ ସମୁଦାୟ ସଂକ୍ରମଣ ମାମଲା ୧,୬୨,୬୩,୬୯୫ କୁ ବୃଦ୍ଧି ପାଇଛି । କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ପରିସଂଖ୍ୟାନ ଅନୁଯାୟୀ ୨୪୬୩ ଜଣ ଲୋକଙ୍କ ସଂକ୍ରମଣରେ ମୃତ୍ୟୁ ହେବା ପରେ ମୃତ୍ୟୁ ସଂଖ୍ୟା ୧,୮୬,୯୨୦ ରେ ପହଞ୍ଚିଛି । ଏହି ସଂକ୍ରମଣର ଆକଳନ ଶୁକ୍ରବାର ସକାଳ ୮ ଟାରେ ରେକର୍ଡ କରାଯାଇଛି ।

(ପ୍ରତ୍ୟାଖାନ- ନେଟୱାର୍କ ୧୮ ଓ ଟିଭି୧୮ କମ୍ପାନୀଗୁଡିକ ଚ୍ୟାନେଲ / ୱେବସାଇଟ୍ ପରିଚାଳନା କରନ୍ତି । ଯାହା ସ୍ୱାଧୀନ ମିଡିଆ ଟ୍ରଷ୍ଟ ଦ୍ୱାରା ନିୟନ୍ତ୍ରିତ । ଯେଉଁଥିରେ ରିଲାଏନ୍ସ ଇଣ୍ଡଷ୍ଟ୍ରିଜ୍ ଏକମାତ୍ର ଲାଭାର୍ଥି ଅଟେ ।)
Published by: Jagdish Barik
First published: April 24, 2021, 9:09 AM IST