ଏ ବର୍ଷ ଆୟୋଜିତ ହେବ ନାହିଁ କଟକର ପ୍ରସିଦ୍ଧ ବାଲିଯାତ୍ରା; ସାମୁହିକ ବୋଇତ ବନ୍ଦାଣ ବି ନିଷିଦ୍ଧ

ଓଡ଼ିଶାର ନୌବାଣିଜ୍ୟ ପରମ୍ପରାକୁ ମନେ ପକାଇବାକୁ ଯାଇ ପ୍ରତି ବର୍ଷ କାର୍ତ୍ତିକ ପୂର୍ଣ୍ଣିମା ଦିନ କଟକର ଐତିହାସିକ ଗଡ଼ଗଡ଼ିଆ ଘାଟରେ ବୋଇତ ବନ୍ଦାଣକୁ ବି ପ୍ରଶାସନ ଅନୁମତି ଦେଇ ନାହିଁ । କରୋନା ସଂକ୍ରମଣ ବ୍ୟାପିବା ଆଶଙ୍କା କରି ଏ ସବୁ ପଦକ୍ଷେପ ନିଆଯାଉଛି ।

ଏ ବର୍ଷ ଆୟୋଜିତ ହେବ ନାହିଁ କଟକର ପ୍ରସିଦ୍ଧ ବାଲିଯାତ୍ରା; ସାମୁହିକ ବୋଇତ ବନ୍ଦାଣ ବି ନିଷିଦ୍ଧ
ବାଲିଯାତ୍ରା ପଡ଼ିଆ ଏ ଥର ଏମିତି ଶୁନ୍ ଶାନ୍ ରହିବ ।
  • News18 Odia
  • Last Updated: October 30, 2020, 7:06 PM IST
  • Share this:
  • Byline Facebook
  • Byline Twitter
  • Byline Linkedin
News18 Odia Digital

କଟକ: କୋଭିଡ କଟକଣା ମଧ୍ୟରେ କଟକରେ ଦଶହରା ପାଳିତ ହୋଇଥିବା ବେଳେ ଐତିହାସିକ ବାଲିଯାତ୍ରାକୁ ନେଇ ନିଜ ଆଭିମୁଖ୍ୟ ସ୍ପଷ୍ଟ କରିଛି କଟକ ଜିଲ୍ଲା ପ୍ରଶାସନ । କଟକ ତଥା ରାଜ୍ୟରେ କୋଭିଡ ସ୍ଥିତିକୁ ଦେଖି ଚଳିତ ବର୍ଷ ବାଲିଯାତ୍ରାକୁ ବନ୍ଦ ରଖିବାକୁ ପ୍ରଶାସନ ନିଷ୍ପତ୍ତି ନେଇଛି । କୋଭିଡ ସଂକ୍ରମଣ ଭୟ ଭିତରେ ବାଲିଯାତ୍ରାରେ ଲକ୍ଷାଧିକ ଲୋକଙ୍କ ସମାଗମକୁ ଅନୁମତି ଦିଆଯାଇ ପାରିବ ନାହିଁ ବୋଲି କହିଛନ୍ତି କଟକ ଜିଲ୍ଲାପାଳ ।

ଏହା ବି ପଢ଼ନ୍ତୁ | Jio ଧାଁସୁ ପ୍ଲାନ୍! ୧୫୦ ଟଙ୍କାରୁ ବି କମ୍ ରିଚାର୍ଜରେ ୨୪ GB ଡାଟା, ମାଗଣା କଲିଂ ଅନେକ ସୁବିଧା ପାଆନ୍ତୁ

ଓଡ଼ିଶାର ନୌବାଣିଜ୍ୟ ପରମ୍ପରାକୁ ମନେ ପକାଇବାକୁ ଯାଇ ପ୍ରତି ବର୍ଷ କାର୍ତ୍ତିକ ପୂର୍ଣ୍ଣିମା ଦିନ କଟକର ଐତିହାସିକ ଗଡ଼ଗଡ଼ିଆ ଘାଟରେ ବୋଇତ ବନ୍ଦାଣକୁ ମଧ୍ୟ ପ୍ରଶାସନର ଅନୁମତି ଦେବ ନାହିଁ । ବୋଇତ ବନ୍ଦାଣ ସମୟରେ ହଜାର ହାଜର ଲୋକ ସେଠାରେ ଏକତ୍ରିତ ହେଉଥିବାରୁ କରୋନା ସଂକ୍ରମଣ ବ୍ୟାପିବା ଆଶଙ୍କା କରି ଚଳିତ ବର୍ଷ ସାମୁହିକ ବୋଇତ ବନ୍ଦାଣ କାର୍ଯ୍ୟକ୍ରମକୁ ବନ୍ଦ ରଖାଯାଇଛି । ଲୋକେ ବ୍ୟକ୍ତିଗତ ସ୍ତରରେ ବୋଇତ ବନ୍ଦାଣ କାର୍ଯ୍ୟ କରିପାରିବେ ବୋଲି କହିଛନ୍ତି କଟକ ଜିଲ୍ଲପାଳ ଭବାନୀ ଶଙ୍କର ଚୟନୀ । ଜିଲ୍ଲା ପ୍ରଶାସନର ଏହି ନିଷ୍ପତିକୁ ସ୍ବାଗତ କରିଛି ବାଲିଯାତ୍ରା ବ୍ୟବସାୟୀ ସଙ୍ଘ ।

ଝୁଲା ପୋଲ ଏବେ ଏମିତି ଖାଁ ଖାଁ ଦିଶୁଛି ।


ଏହା ବି ପଢ଼ନ୍ତୁ | ହାତରେ ଯଦି ଏମିତି ଚିହ୍ନ ଅଛି ତାହେଲେ ସାଧାରଣତଃ ପ୍ରେମିକ ବା ପ୍ରେମିକା ଠାରୁ ଧୋକା ମିଳେ

‘‘ଏବେ କୋଭିଡର ସ୍ଥିତି ଯେମିତି ଅଛି ତାକୁ ଦେଖି ଏ ବର୍ଷ ବାଲିଯାତ୍ରା ଆୟୋଜନ କରିବା ସମ୍ଭବ ନୁହେଁ । ବାଲିଯାତ୍ରାରେ ଲକ୍ଷାଧିକ ଲୋକ ଏକାଠି ହୁଅନ୍ତି । ଏହି ଭଳି ପରିସ୍ଥିତିର କୌଣସି ପରିସ୍ଥିତିରେ ଜନଗହଳିକୁ ଅନୁମତି ଦିଆଯାଇ ପାରିବ ନାହିଁ । ବୋଇତ ବନ୍ଦାଣ ସହିତ ଧବଳେଶ୍ବରରେ ହେବାକୁ ଥିବା ବଡ଼ ଓଷା ବ୍ରତ ଦିନ ମଧ୍ୟ ଲୋକ ଗହଳିକୁ ଅନୁମତି ଦିଆଯିବ ନାହିଁ,’’ କହିଛନ୍ତି କଟକ ଜିଲ୍ଳାପାଳ ଭବାନୀ ଶଙ୍କର ଚୟନୀ ।

ବାଲିଯାତ୍ରାକୁ ପ୍ରତି ବର୍ଷ ପାଖାପାଖି ଅଢେଇ ହଜାର ବ୍ୟବସାୟୀ ଆସନ୍ତି । ଆଠ ଦିନର ଏହି ଯାତ୍ରାରେ ଅତି କମରେ ୫୦ କୋଟି ଟଙ୍କାର ବ୍ୟବସାୟ ହୁଏ । ‘‘କର୍ପୋରେଟ ହାଉସ କଥା ଛାଡ଼ନ୍ତୁ ଅନେକ ଛୋଟ ବ୍ୟବସାୟୀମାନେ ମଧ୍ୟ ବାଲିଯାତ୍ରାର ବ୍ୟବସାୟ ଉପରେ ନିର୍ଭର କରି ଚଳିଥାନ୍ତି । କିନ୍ତୁ ଆମେ ବଞ୍ଚିଲେ ସିନା ବ୍ୟବସାୟ କରିବୁ! ସେଥି ପାଇଁ ବାଲିଯାତ୍ରା ବନ୍ଦ ପାଇଁ ପ୍ରଶାସନର ନିଷ୍ପତ୍ତିକୁ ଆମେ ସ୍ବାଗତ କରୁଛି । କରୋନା ପରିସ୍ଥିତି ସୁଧୁରିଲେ ଆର ବର୍ଷ ବାଲିଯାତ୍ରା ହେବ । ସେଥିରେ କିଛି ଅସୁବିଧା ନାହିଁ,’’ କହିଛନ୍ତି ବାଲିଯାତ୍ରା ବ୍ୟବସାୟୀ ସଙ୍ଘର ସଭାପତି ଦେବୀ ପ୍ରସାଦ ଦାସ ।

ବାଲିଯାତ୍ରା ବ୍ୟବସାୟୀ ସଙ୍ଗର ସଭାପତି ଦେବୀ ପ୍ରସାଦ ଦାସ ଓ (ଡାହାଣ) ଧବଳେଶ୍ବରଙ୍କ ସେବାୟତ ଅଜୟ ପତ୍ରୀ


ଏହା ବି ପଢ଼ନ୍ତୁ LPG ସିଲିଣ୍ଡର ଉପରେ ୧ ନଭେମ୍ବରରୁ ଲାଗୁ ହେବାକୁ ଯାଉଛି ଏହି ନୂଆ ନିୟମ; ଜାଣନ୍ତୁ କିଏ ପାଇବେ ଛାଡ଼

କାର୍ତ୍ତିକ ମାସ ଆରମ୍ଭ ହେଉଥିଲେ ମଧ୍ୟ ପ୍ରତି ବର୍ଷ ଭଳି ଧବଳେଶ୍ବରରେ ପରିଲକ୍ଷିତ ହେଉଥିବା ଭକ୍ତଙ୍କ ଭିଡ଼ ଏ ବର୍ଷ ନାହିଁ । ମନ୍ଦିରକୁ ସର୍ବସାଧାରଣ ପ୍ରବେଶ ଉପରେ କଟକଣା ଜାରି କରାଯାଇଥିବା ବେଳେ ଝୁଲା ପୋଲର ପ୍ରବେଶ ପଥରେ ତାଲା ପକାଯାଇଛି । କାର୍ତ୍ତିକ ପୂର୍ଣ୍ଣିମା ଦିନ ଅନୁଷ୍ଠିତ ବଡ଼ ଓଷା ଅବସରରେ ବାବା ଧବଳେଶ୍ବରଙ୍କୁ ଦର୍ଶନ କରିବା ସହିତ ଗଜ ଭୋଗ ପାଇବା ପାଇଁ ସେଠାରେ ପ୍ରବଳ ଭକ୍ତ ସମାଗମ ହୋଇଥାଏ । କିନ୍ତୁ ମନ୍ଦିର ଭକ୍ତଙ୍କ ପାଇଁ ଖୋଲିବ ନାହିଁ ବୋଲି ପ୍ରଶାସନ ସ୍ପଷ୍ଟ କରିବା ପରେ ଏହାକୁ ନେଇ ପ୍ରତିକ୍ରିୟା ପ୍ରକାଶ କରିଛନ୍ତି ଧବଳେଶ୍ବର ମନ୍ଦିରର ସେବକମାନେ ।



‘‘ପାଖାପାଖି ଆଠ ମାସ ହେବ ମନ୍ଦିର ସହିତ ଆମ ରୋଜଗାର ବି ବନ୍ଦ ଅଛି । ଭାବିଥିଲୁ ବଡ଼ ଓଷାରେ ଭକ୍ତ ଆସିଲେ ଦୁଇ ପଇସା ପାଇବୁ । ହେଲେ ଏବେ ସେ ଆଶା ବି ମଉଳିଗଲା । ସରକାର ତ ବାର୍‌ ଖୋଲିଲେ ଓ ସପିଙ୍ଗ୍‌ ମଲ୍‌ ଖୋଲିଲେ; ନିର୍ବାଚନ ପ୍ରଚାର ବି ହେଉଛି । ସାମାଜିକ ଦୂରତା ରକ୍ଷା କରି ମନ୍ଦିର ଖୋଲିଲେ ଅସୁବିଧା କ’ଣ? ଆମେ ୨୩୦ ଜଣ ସେବାୟତ ବଞ୍ଚିବୁ କେମିତି?’’ ପଚାରିଛନ୍ତି ଧବଳେଶ୍ବରଙ୍କ ସେବାୟତ ଅଜୟ ପତ୍ରୀ ।
Published by: Anand Shankar Thankur Das
First published: October 30, 2020, 7:06 PM IST
corona virus btn
corona virus btn
Loading