ବାଲେଶ୍ୱର ସହରରେ କୋଭିଡ୍ ସଂକ୍ରମିତ ଲୋକଙ୍କୁ ମାଗଣା ଖାଦ୍ୟ ଯୋଗାଉଛନ୍ତି କିଛି ଯୁବକ

‘ବନ୍ଦେ ମା’ତରମ୍’ ନାମକ ଏକ ଯୁବ ସଙ୍ଗଠନର ସଦସ୍ୟମାନେ ଏହି ସମାଜ ସେବା କାର୍ଯ୍ୟରେ ଖର୍ଚ୍ଚ ହେଉଥିବା ଟଙ୍କା ନିଜ ପକେଟରୁ ପୈଠ କରୁଛନ୍ତି । ଗତ ବର୍ଷ ସେମାନେ ଫେରୁଥିବା ପ୍ରବାସୀମାନଙ୍କୁ ଖାଦ୍ୟ ଯୋଗାଇଥିଲେ ।

ବାଲେଶ୍ୱର ସହରରେ କୋଭିଡ୍ ସଂକ୍ରମିତ ଲୋକଙ୍କୁ ମାଗଣା ଖାଦ୍ୟ ଯୋଗାଉଛନ୍ତି କିଛି ଯୁବକ
‘ବନ୍ଦେ ମା’ତରମ୍’ ଯୁବ ସଙ୍ଗଠନର ଦୁଇ ଜଣ ସଦସ୍ୟ ଖାଦ୍ୟ ନେଇ ବାହାରୁଛନ୍ତି ।
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ବାଲେଶ୍ୱର: ଦିନକୁ ଦିନ କରୋନା ପଜିଟିଭ୍‌ ଲୋକଙ୍କ ସଂଖ୍ୟା ବଢୁଥିବା ବେଳେ ବାଲେଶ୍ୱରରେ ଏକା ରହୁଥିବା ଲୋକ ଓ ଆଇସଲେସନରେ ରହୁଥିବା ପୂରା ପରିବାରଙ୍କ ଆଗରେ ଥିବା ଖାଦ୍ୟ ସାମଗ୍ରୀ ସମସ୍ୟା କେତେକାଂଶରେ ଦୂର ହୋଇଛି । ଗୋଟିଏ କଲ୍‌ କଲେ ସେମାନଙ୍କୁ ମାଗଣାରେ ଖାଦ୍ୟ ପହଞ୍ଚାଇ ଦେଉଛନ୍ତି କିଛି ସ୍ୱେଚ୍ଛାସେବୀ ।

‘ବନ୍ଦେ ମା’ତରମ୍‌’ ନାମକ ଏକ ଯୁବ ସଙ୍ଗଠନ ଆଇସଲେସନରେ ଥିବା ପରିବାର ଓ ଏକା ରହୁଥିବା ସଂକ୍ରମିତ ଲୋକଙ୍କ ନିକଟରେ ପହଞ୍ଚାଇ ଦେଉଛି ମାଗଣା ଖାଦ୍ୟ । ଫଳରେ ଅନେକ ପରିବାରଙ୍କୁ ଆଉ ଖାଦ୍ୟ ସମସ୍ୟା ଯୋଗୁଁ ହଇରାଣ ହେବାକୁ ପଡୁନାହିଁ । ଏହି ସେବା ପାଇଁ ସଙ୍ଗଠନ ପକ୍ଷରୁ ଏକ ଫୋନ୍‌ ନମ୍ବର ଜାରି କରାଯାଇଛି । ଲୋକେ ସେହି ନମ୍ବରରେ ଗୋଟିଏ କଲ୍‌ କଲେ ସେମାନଙ୍କ ପାଖରେ ଖାଦ୍ୟ ପହଞ୍ଚି ଯାଉଛି ।

ଏହା ବି ପଢ଼ନ୍ତୁ | ସୋସିଆଲ୍ ମିଡ଼ିଆରେ Oxygen ବେଡ୍ ବିଷୟରେ ଲେଖିଲେ କାର୍ଯ୍ୟାନୁଷ୍ଠାନ ହୋଇପାରିବ ନାହିଁ, କହିଲେ ସୁପ୍ରିମ୍କୋର୍ଟ୍

ବାଲେଶ୍ୱରରେ ଏକା ଭଡ଼ା ନେଇ ରହୁଥିବା ମନୋଜ ସାହୁ ନାମକ ଯୁବକ ସପ୍ତାହେ ତଳେ ସାମାନ୍ୟ ଅସୁସ୍ଥ ଅନୁଭବ କରିବା ପରେ କୋଭିଡ ଟେଷ୍ଟ କରାଇ ଜାଣିବାକୁ ପାଇଥିଲେ ଯେ ସେ କରୋନା ପଜିଟିଭ୍‌ ହୋଇଛନ୍ତି । ତାଙ୍କୁ ଡାକ୍ତର ଆବଶ୍ୟକ ଔଷଧ ଦେଇ ଘରେ ଆଇସଲେସନରେ ରହିବାକୁ କହିଲେ । ହେଲେ ଆଇସଲେସନ ସମୟରେ ଖାଦ୍ୟ ପାଇବା ତାଙ୍କ ପାଇଁ ଏକ ବଡ଼ ସମସ୍ୟା ହୋଇଥିଲା ।

ଏହା ବି ପଢ଼ନ୍ତୁ | Reliance Foundation ଜାମ୍ନଗରରେ ,୦୦୦ ବେଡ୍ COVID ହସପିଟାଲ୍ ଖୋଲିବ; ମାଗଣା ଚିକିତ୍ସା

‘ବନ୍ଦେ ମା’ତରମ୍’ ଯୁବ ସଙ୍ଗଠନର ପୋଷ୍ଟରରେ ତାଙ୍କ ଫୋନ୍ ନମ୍ବର ରହିଛି ।


‘‘ମୁଁ ସୋସିଆଲ୍‌ ମିଡି଼ଆରୁ ‘ବନ୍ଦେ ମା’ତରମ’ ବିଷୟରେ ଜାଣିବା ପରେ ସେମାନଙ୍କୁ କଲ୍‌ କଲି । ଏବେ ପ୍ରତ୍ୟେକ ଦିନ ମୋ’ ପାଖରେ ଏହି ସଙ୍ଗଠନର ଯୁବକମାନେ ଖାଦ୍ୟ ପହଞ୍ଚାଇ ଦେଉଛନ୍ତି । ମୋତେ ଚିନ୍ତାଶୂନ୍ୟ ରହିବାରେ ଓ ସୁସ୍ଥ ହେବାରେ ଏହା ବହୁତ ସାହାଯ୍ୟ କରୁଛି । ସେମାନଙ୍କ ଋଣ ମୁଁ କେମିତି ସୁଝିବି ଭାବୁଛି,’’ କହିଛନ୍ତି ମନୋଜ ସାହୁ ।

ଏହା ବି ପଢ଼ନ୍ତୁ ଦେଖନ୍ତୁ ଫଟୋ | Bengal Results: ‘ଦିଦି ଦିଦି…’ ଦୋହରାଇ ଟ୍ୱିଟରରେ ଲୋକେ BJPକୁ ଖୁବ୍ ପରିହାସ କରୁଛନ୍ତି

‘ବନ୍ଦେ ମା’ତରମ୍‌’ ସଙ୍ଗଠନର ଯୁବକମାନେ ଗତ ବର୍ଷ ପ୍ରବାସୀମାନଙ୍କୁ ମାଗଣା ଖାଦ୍ୟ ପ୍ରଦାନ କରୁଥିଲେ । ଏ ବର୍ଷ ସେମାନେ କରୋନା ରୋଗୀଙ୍କ ପାଇଁ ଖାଦ୍ୟ ସେବା ଯୋଗାଇ ଦେଉଛନ୍ତି । ପ୍ରଥମ ପର୍ଯ୍ୟାୟରେ ସେମାନେ ପାଖାପାଖି ୩୦ ଜଣ ଲୋକଙ୍କୁ ପ୍ରତ୍ୟେକ ଦିନ ଖାଦ୍ୟ ଦେଉଛନ୍ତି । ଆଇସଲେସନ ସମୟ ଶେଷ ହେବା ପର୍ଯ୍ୟନ୍ତ ପ୍ରତି ଦିନ ଦୁଇ ଓଳି ଖାଦ୍ୟ ଯୋଗାଉଛନ୍ତି ସେମାନେ ।

ଏହା ବି ପଢ଼ନ୍ତୁ | Bengal Polls: ରାହୁଳ ଗାନ୍ଧି ଯେଉଁ ଯେଉଁ ଆସନ ପାଇଁ ପ୍ରଚାର କରିଥିଲେ ସେଠି କଂଗ୍ରେସ ଜମାନତ ହରାଇଛି

‘‘ଗତ ବର୍ଷ ପ୍ରବାସୀମାନେ ଘରକୁ ଫେରୁଥିବା ବେଳେ ସେମାନଙ୍କ ଆଗରେ ରାସ୍ତାରେ ଖାଦ୍ୟ ପାଇବା ଏକ ବଡ଼ ସମସ୍ୟା ଥିଲା । ଆମେ ସେତେବେଳେ ସେମାନଙ୍କ ପାଇଁ ମାଗଣା ଖାଦ୍ୟ ଯୋଗାଣ ବ୍ୟବସ୍ଥା କରୁଥିଲୁ । ଚଳିତ ବର୍ଷ ଅଧିକାଂଶ କୋଭିଡ ଆକ୍ରାନ୍ତ ଘରେ ଆଇସଲେସନରେ ରହୁଥିବାରୁ ସେମାନଙ୍କ ଖାଦ୍ୟ ସମସ୍ୟା ଦୂର କରିବା ପାଇଁ ଆମେ ବ୍ୟବସ୍ଥା କରିଛୁ,’’ କହିଛନ୍ତି ‘ବନ୍ଦେ ମା’ତରମ’ର ସଦସ୍ୟ ସମ୍ବିତ ବିଶ୍ୱାଳ ।



ଏହି ସମାଜ ସେବା କାର୍ଯ୍ୟ ପାଇଁ ଖର୍ଚ୍ଚ ହେଉଥିବା ଟଙ୍କା ସଙ୍ଗଠନର ସଦସ୍ୟମାନେ ନିଜ ପକେଟରୁ ପୈଠ କରୁଛନ୍ତି । କୋଭିଡ ମହାମାରୀର ସଙ୍କଟରେ ଏହି ଯୁବକମାନଙ୍କ ପ୍ରୟାସ ସବୁ ମହଲରୁ ପ୍ରଶଂସା ପାଉଛି ।
Published by: Anand ST Das
First published: May 4, 2021, 11:55 PM IST