ହୋମ୍ » ଓଡ଼ିଶା ନ୍ୟୁଜ୍ » କରୋନା ଭାଇରସ»Covid19: ସେପ୍ଟେମ୍ବରରେ ଆସିପାରେ ପିଲାଙ୍କ ପାଇଁ କରୋନା ଭ୍ୟାକ୍ସିନ: ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ

Covid19: ସେପ୍ଟେମ୍ବରରେ ଆସିପାରେ ପିଲାଙ୍କ ପାଇଁ କରୋନା ଭ୍ୟାକ୍ସିନ: ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ

ଜିଡସ୍ କ୍ୟାଡିଲା ଶିଶୁମାନଙ୍କ ପାଇଁ ଟିକା ପରୀକ୍ଷା ଶେଷ କରିଛନ୍ତି। ଭାରତ ବାୟୋଟେକର କୋଭାକ୍ସିନ ପରୀକ୍ଷା ମଧ୍ୟ ଅଗଷ୍ଟ କିମ୍ବା ସେପ୍ଟେମ୍ବର ସୁଦ୍ଧା ଶେଷ ହେବ।

Covid19: ସେପ୍ଟେମ୍ବରରେ ଆସିପାରେ ପିଲାଙ୍କ ପାଇଁ କରୋନା ଭ୍ୟାକ୍ସିନ: ଏମ୍ସ ନିର୍ଦ୍ଦେଶକ ରଣଦୀପ ଗୁଲେରିଆ
ସେପ୍ଟେମ୍ବରେ ପିଲାମାନଙ୍କୁ କରୋନା ଟିକା ଦିଆଯାଇପାରେ (ପ୍ରତୀକାତ୍ମକ ଛବି)
  • Share this:
  • Byline Facebook
  • Byline Twitter
  • Byline Linkedin
News18 Odia Digital

ନୂଆ ଦିଲ୍ଲୀ: କରୋନାର ତୃତୀୟ ଲହରକୁ ଆଖି ଆଗରେ ରଖି AIIMS ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି ଯେ ସେପ୍ଟେମ୍ବର ସୁଦ୍ଧା ପିଲାମାନଙ୍କ ପାଇଁ କରୋନା ଟିକା ଆରମ୍ଭ କରାଯାଇପାରିବ।  ବର୍ତ୍ତମାନ ପର୍ଯ୍ୟନ୍ତ ଭାରତରେ ୪୨ କୋଟିରୁ ଅଧିକ ଲୋକଙ୍କୁ କାରୋନା ଟିକା ଦିଆଯାଇଛି।  ଚଳିତ ବର୍ଷ ଶେଷ ସୁଦ୍ଧା ୧୮ ବର୍ଷରୁ ଅଧିକ ଲୋକଙ୍କୁ ଟିକାକରଣ ପାଇଁ ସରକାର ଏକ ଲକ୍ଷ୍ୟ ଧାର୍ଯ୍ୟ କରିଛନ୍ତି।

କରୋନା ଭାଇରସର ଦ୍ୱିତୀୟ ଲହରର ପ୍ରଭାବ ଏପର୍ଯ୍ୟନ୍ତ ଶେଷ ହୋଇନାହିଁ କିନ୍ତୁ ତୃତୀୟ ଲହର ବାବଦରେ ଚେତାବନୀ ଦିଆଯାଇଛି।  ଏହିପରି ଏକ ରିପୋର୍ଟ ମଧ୍ୟ ସାମ୍ନାକୁ ଆସିଛି, ଯାହା ଅନୁଯାୟୀ କରୋନାର ତୃତୀୟ ଲହର ପିଲାମାନଙ୍କ ପାଇଁ ବିପଜ୍ଜନକ ପ୍ରମାଣିତ ହୋଇପାରେ।  ଡକ୍ଟର ରଣଦୀପ ଗୁଲେରିଆ କହିଛନ୍ତି ଯେ ଶିଶୁମାନଙ୍କର କରୋନା ଟିକା ସଂକ୍ରମଣ କମାଇବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ହେବ।

ଡକ୍ଟର ଗୁଲେରିଆ କହିଛନ୍ତି ଯେ ଜିଡସ୍ କ୍ୟାଡିଲା ଶିଶୁ ଟିକା ପରୀକ୍ଷା ଶେଷ କରିଛନ୍ତି ଏବଂ ସେମାନେ ଜରୁରୀକାଳୀନ ବ୍ୟବହାର ପାଇଁ ଅନୁମୋଦନକୁ ଅପେକ୍ଷା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଯେ ଭାରତ ବାୟୋଟେକ୍ ଦ୍ୱାରା ପିଲାମାନଙ୍କ ପାଇଁ ପ୍ରସ୍ତୁତ କୋଭାକ୍ସିନ୍ ପରୀକ୍ଷା ମଧ୍ୟ ଅଗଷ୍ଟ କିମ୍ବା ସେପ୍ଟେମ୍ବର ସୁଦ୍ଧା ଶେଷ ହେବ। କରୋନାର ତୃତୀୟ ଲହରକୁକୁ ଦୃଷ୍ଟିରେ ରଖି ପରୀକ୍ଷା ପରେ ଖୁବ ଶୀଘ୍ର ଟିକା ଦିଆଯିବ।

ପିଫାଇଜର ଦ୍ୱାରା ପ୍ରସ୍ତୁତ ପିଲାମାନଙ୍କ ଟିକା ଆମେରିକାର ସ୍ୱାସ୍ଥ୍ୟ ଏଜେନ୍ସି ଖାଦ୍ୟ ଏବଂ ଡ୍ରଗ୍ ରେଗୁଲେଟର ଦ୍ୱାରା ଅନୁମୋଦିତ ହୋଇଛି।  ଏଭଳି ପରିସ୍ଥିତିରେ ସେପ୍ଟେମ୍ବର ସୁଦ୍ଧା ପିଲାମାନଙ୍କର ଟିକାକରଣ ଆରମ୍ଭ ହୋଇପାରିବ ବୋଲି ଆଶା କରାଯାଉଛି।  କରୋନା ସଂକ୍ରମଣର ଶୃଙ୍ଖଳା ଭାଙ୍ଗିବା ପାଇଁ ଟିକା ଗୁରୁତ୍ୱପୂର୍ଣ୍ଣ ବିବେଚନା କରାଯାଏ।
Published by: Soumya Das
First published: July 24, 2021, 4:19 PM IST