ବ୍ରିଟେନର ରାଜକୁମାର ଓ ପ୍ରଧାନ ମନ୍ତ୍ରୀ କରୋନା ପଜିଟିଭ ହେଲେ; ମୋଦି ଆରୋଗ୍ୟ କାମନା କଲେ
ମୋଦି ଟ୍ୱିଟରରେ ଜନସନଙ୍କୁ ଲେଖିଛନ୍ତି: ‘‘ଆପଣ ଜଣେ ଲଢ଼ୁଆ ବ୍ୟକ୍ତି, ଆଉ ଆପଣ ଜଲଦି ଏହି ଚ୍ୟାଲେଞ୍ଜ୍ ଜିତିବେ ।’’ ବ୍ରିଟେନରେ ଅତି କମରେ ୧୧,୮୧୬ ଲୋକ କରୋନା ଭାଇରସ୍ ପଜିଟିଭ୍ ହୋଇଛନ୍ତି ଓ ପ୍ରାୟ ୫୭୮ ଜଣଙ୍କର ମୃତ୍ୟୁ ହୋଇଛି ।
ବ୍ରିଟେନର ପ୍ରଧାନ ମନ୍ତ୍ରୀ ବୋରିସ୍ ଜନସନ୍ ଓ (ଡାହାଣ) ପ୍ରିନ୍ସ ଚାର୍ଲ୍ସ
- News18 Odia
- Last Updated: March 27, 2020, 11:07 PM IST
- Share this:
ବ୍ରିଟେନର ପ୍ରିନ୍ସ ଚାର୍ଲ୍ସଙ୍କ ପରେ ଏବେ ପ୍ରଧାନ ମନ୍ତ୍ରୀ ବୋରିସ୍ ଜନସନ୍ ମଧ୍ୟ କରୋନା ଭାଇରସ୍ ପଜିଟିଭ୍ ପରୀକ୍ଷିତ ହୋଇଛନ୍ତି ଓ ଲଣ୍ଡନରେ ତାଙ୍କ ୧୦ ଡାଉନିଙ୍ଗ୍ ଷ୍ଟ୍ରିଟ ବାସ ଭବନରେ ନିଜକୁ ପୃଥକ ରଖିଛନ୍ତି ।
ଟ୍ୱିଟରରେ ଏକ ଭିଡିଓ ପୋଷ୍ଟ କରି ଜନସନ ନିଶ୍ଚିତ କରିଛନ୍ତି ଯେ ତାଙ୍କ ଦେହର ତାପମାତ୍ରା ବଢ଼ିବା ଓ କ୍ରମାଗତ କାଶ ହେବା ପରେ ସେ ନିଜକୁ ପରୀକ୍ଷା କରାଇଥିଲେ ଓ COVID-19 ପାଇଁ ପଜିଟିଭ୍ ବୋଲି ଜଣା ପଡ଼ିଥିଲେ । ସେ କହିଛନ୍ତି ଯେ ସେ ନିଜକୁ ଅଲଗା କରି ରଖି ଘରୁ କାମ କରୁଛନ୍ତି ।
ଟ୍ୱିଟରରେ ସେ ଲେଖିଛନ୍ତି: “ଗତ ୨୪ ଘଣ୍ଟା ମଧ୍ୟରେ ମୋ’ ଭିତରେ ସାମାନ୍ୟ ଲକ୍ଷଣ ଦେଖାଦେଇଛି ଓ ମୁଁ କରୋନା ଭାଇରସ୍ ପାଇଁ ପଜିଟିଭ୍ ବୋଲି ପରୀକ୍ଷିତ ହୋଇଛି । ମୁଁ ନିଜକୁ ସଙ୍ଗରୋଧ କରି ରଖିଛି, ହେଲେ କିନ୍ତୁ ମୁଁ କରୋନା ଭାଇରସ ବିରୋଧରେ ସରକାରଙ୍କ ପଦକ୍ଷେପଗୁଡ଼ିକୁ ଭିଡିଓ କନଫରେନ୍ସ ମାଧ୍ୟମରେ ଆଗେଇ ନେବା ଜାରି ରଖିବି । ଆମେ ଏକତ୍ର ହୋଇ ‘ଷ୍ଟେ ହୋମ୍ ସେଭ୍ ଲାଇଭସ୍’ ହ୍ୟାସଟ୍ୟାଗ୍ ବ୍ୟବହାର କରି ଏହାକୁ ପରାସ୍ତ କରିବୁ ।’’
Over the last 24 hours I have developed mild symptoms and tested positive for coronavirus.
I am now self-isolating, but I will continue to lead the government’s response via video-conference as we fight this virus.
Together we will beat this. #StayHomeSaveLives pic.twitter.com/9Te6aFP0Ri
— Boris Johnson #StayHomeSaveLives (@BorisJohnson) March 27, 2020
ଡାଉନିଙ୍ଗ୍ ଷ୍ଟ୍ରିଟର ମୁଖପାତ୍ର ପିଟିଆଇକୁ କହିଛନ୍ତି ଯେ ଗୁରୁବାର ସାମାନ୍ୟ ଲକ୍ଷଣ ଦେଖାଯିବା ପରେ ପ୍ରଧାନ ମନ୍ତ୍ରୀ ଇଂଲଣ୍ଡର ମୁଖ୍ୟ ଚିକିତ୍ସା ଅଧିକାରୀ ପ୍ରଫେସର କ୍ରିସ୍ ୱିଟିଙ୍କ ବ୍ୟକ୍ତିଗତ ପରାମର୍ଶରେ କରୋନା ଭାଇରସ୍ ପାଇଁ ପରୀକ୍ଷିତ ହୋଇଥିଲେ । ବ୍ରିଟେନର ଜାତୀୟ ସ୍ୱାସ୍ଥ୍ୟ ସେବା (NHS) କର୍ମଚାରୀଙ୍କ ଦ୍ୱାରା ୧୦ ଡାଉନିଂ ଷ୍ଟ୍ରିଟରେ ଏହି ପରୀକ୍ଷା କରାଯାଇଥିଲା ଓ ପରୀକ୍ଷଣର ଫଳ ପଜିଟିଭ୍ ଆସିଥିଲା ।
ବ୍ରିଟେନରେ ଅତି କମରେ ୧୧,୮୧୬ ଲୋକ କରୋନା ଭାଇରସ୍ ପଜିଟିଭ୍ ହୋଇଛନ୍ତି ଓ ପ୍ରାୟ ୫୭୮ ଜଣଙ୍କର ମୃତ୍ୟୁ ହୋଇଛି ।
ଭାରତର ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ଜନସନ ଶୀଘ୍ର ଆରୋଗ୍ୟ ହୁଅନ୍ତୁ ବୋଲି କାମନା କରିଛନ୍ତି ।
‘‘ଆପଣ ଜଣେ ଲଢ଼ୁଆ ବ୍ୟକ୍ତି, ଆଉ ଆପଣ ଜଲଦି ଏହି ଚ୍ୟାଲେଞ୍ଜ୍ ଜିତିବେ,’’ ଟ୍ୱିଟରରେ ଜନସନଙ୍କୁ ଲେଖିଛନ୍ତି ମୋଦି । ସେ ଆହୁରି ଲେଖିଛନ୍ତି: ‘‘ଆପଣଙ୍କ ଉତ୍ତମ ସ୍ୱାସ୍ଥ୍ୟ ପାଇଁ ମୋ’ର ପ୍ରାର୍ଥନା ଓ ଏକ ସ୍ୱାସ୍ଥ୍ୟବାନ ବ୍ରିଟେନ୍ ପାଇଁ ମୋ’ର ଶୁଭେଚ୍ଛା’’ ।
Dear PM @BorisJohnson,
You’re a fighter and you will overcome this challenge as well.
Prayers for your good health and best wishes in ensuring a healthy UK. https://t.co/u8VSRqsZeC
— Narendra Modi (@narendramodi) March 27, 2020
