ଏହି ସୁନ୍ଦର ଓ ଜଟିଳ ଆସନ କେମିତି କରିବେ? ଅଭିନେତ୍ରୀ ମଲାଇକା ଅରୋଡ଼ା ଉପାୟ କହିଛନ୍ତି

News18 Odia Digital

ମୁମ୍ବାଇ: ବଲିଉଡ୍‌ ଅଭିନେତ୍ରୀ ମଲାଇକା ଅରୋଡ଼ା (Malaika Arora) ଯୋଗ କରିବାକୁ ଭଲପାଆନ୍ତି । ବାସ୍ତବରେ ନିୟମିତ ଯୋଗାଭ୍ୟାସ (yoga) ହିଁ ତାଙ୍କ ସୁସ୍ଥ ଓ ସୁନ୍ଦର ଶରୀର ପଛର କାରଣ ବୋଲି ତାଙ୍କୁ ଜାଣିଥିବା ଲୋକେ କହନ୍ତି । ସେ ବିଭିନ୍ନ ଯୋଗ ଆସନ କରିଦେଖାନ୍ତି ଓ ନିଜ ପ୍ରଶଂସକଙ୍କୁ ଖୁସ୍‌ କରନ୍ତି । ନିକଟରେ ଛୈୟା ଛୈୟା ଷ୍ଟାର୍‌ ମଲାଇକା ହଳାସନ କେମିତି କରାଯାଏ ତାହା କରି ଦେଖାଇଥିଲେ । ଏବେ ସେ ଇନଷ୍ଟାଗ୍ରାମରେ ବହୁତ ଅଧିକ ଶାରୀରିକ ନମନୀୟତା ଲୋଡ଼ୁଥିବା କଷ୍ଟ ଆସନ କରୁଥିବା ବେଳର ଛବି ପୋଷ୍ଟ କରିଛନ୍ତି ।

ସେହି ଛବିରେ ମଲାଇକା ପରିବୃତ୍ତ ଉତ୍କଟାସନ (Parivrtta Utkatasana) କରୁଥିବା ଦେଖାଯାଇଛି । ଏହା ଏକ ଘୂର୍ଣ୍ଣାୟମାନ ଚୌକି ମୁଦ୍ରା (revolved chair pose) । ଏହା ଏକ ଗୁରୁତ୍ୱପୂର୍ଣ୍ଣ ଯୋଗାସନ । ଏହି ଆସନ କଲେ ପିଠିର ମଧ୍ୟ ଓ ନିମ୍ନ ଭାଗ ସବଳ ହୁଏ ଓ ମେରୁଦଣ୍ଡର ନମନୀୟତା ବଢ଼େ । ତା’ଛଡ଼ା ପାଚନତନ୍ତ୍ର ବି ଏହି ଆସନ ଦ୍ୱାରା ସମୃଦ୍ଧ ହୋଇଥାଏ ଓ ସାମଗ୍ରିକ ସ୍ୱାସ୍ଥ୍ୟରେ ଉନ୍ନତି ଆସେ ।

ଏହା ବି ପଢ଼ନ୍ତୁ | କେମିତି ପାଇବେ କୋରିଆନ୍ ଗ୍ଲାସ୍ ସ୍କିନ୍? ଏହି Videoରୁ ତ୍ୱଚା ଚମକଦାର୍ କରିବାର ଉପାୟ ଜାଣନ୍ତୁ



ଇନଷ୍ଟାଗ୍ରାମରେ ଏହି ଯୋଗ ପୋଜ୍ ବିଷୟରେ ସେ ଲେଖିଛନ୍ତି ଯେ ପରିବୃତ୍ତ ଉତ୍କଟାସନ ଏକ ଅସାଧାରଣ ଓ କଷ୍ଟ ଆସନ, ତେଣୁ ଏହାକୁ କରିବା ବେଳେ ସାବଧାନ ରହିବା ଉଚିତ । ‘‘ଆପଣଙ୍କ ଶରୀର ଆପଣଙ୍କୁ ଯେତିକି ଅନୁମତି ଦେଉଛି ସେତିକି କରନ୍ତୁ,’’ ଏହି ଛବି ସହିତ ସେ ଲେଖିଛନ୍ତି ।

ଏହା ବି ପଢ଼ନ୍ତୁ | ଝିଅକୁ ଅନଲାଇନ୍ କ୍ଲାସ୍ ପାଇଁ ବାପା ନିଜ ଫୋନ୍ ଦେଇଥିଲେ; ସେଥିରୁ ଅନ୍ୟ ଜଣେ ମହିଳାଙ୍କ ସହ ତାଙ୍କ ସମ୍ପର୍କ ଧରାପଡ଼ିଗଲା

ଏହି ଯୋଗାସନଟି (ପରିବୃତ୍ତ ଉତ୍କଟାସନ) କେମିତି କରିବେ ତାହା ମଲାଇକା ଷ୍ଟେପ୍‌ ବାଇ ଷ୍ଟେପ୍‌ ବୁଝାଇ ଲେଖିଛନ୍ତି ।



* ସିଧା ଠିଆ ହୁଅନ୍ତୁ । ଆଣ୍ଠୁ ବଙ୍କା କରନ୍ତୁ ଓ ହାତ ବାନ୍ଧି ନମସ୍କାର ମୁଦ୍ରାରେ ରହି ନିଜକୁ ଏକ ଚେୟାର ମୁଦ୍ରାକୁ ଆଣନ୍ତୁ ।

* ନିଶ୍ୱାସ ନିଅନ୍ତୁ, ମେରୁଦଣ୍ଡକୁ ଲମ୍ବା କରନ୍ତୁ ଓ ଡାହାଣ ଆଡ଼କୁ ବଙ୍କା କରନ୍ତୁ । ଏହି ସମୟରେ ନିଜ ବାମ କହୁଣିକୁ ଡାହାଣ ଆଣ୍ଠୁ ବାହାରେ ରଖନ୍ତୁ ।

* ନିଜ ପିଠିକୁ ବଙ୍କା (ଉପରକୁ ଉଠାଇ) ରଖନ୍ତୁ ନାହିଁ । ପିଠିକୁ ସିଧା ରଖିବା ପାଇଁ ପାପୁଲି ଦୁଇଟିକୁ ଏକାଠି ରଖନ୍ତୁ ।

* ଦୁଇ ଆଣ୍ଠୁକୁ ଏକାଠି ରଖନ୍ତୁ । ନିଜ ନିତମ୍ବକୁ ଆଉ ଗୋଟେ ଇଞ୍ଚ ତଳକୁ ଖସାନ୍ତୁ ।

* ପୁଣି ଆରମ୍ଭ ସ୍ଥିତିକୁ ଫେରିବା ପାଇଁ ନିଶ୍ୱାସ ଛାଡ଼ନ୍ତୁ ଓ ନିଜ ପିଠିକୁ ଖୋଲିଦିଅନ୍ତୁ । ତା’ପରେ ପୁଣି ଆର ପାଖରେ ଠିକ୍‌ ସେମିତି କରନ୍ତୁ ।

View this post on Instagram

Hello everybody! I hope you guys are having a great weekend and doing all the things you love! Are you all ready for Tomorrow? It is international yoga day! Today’s asana is a Revolved Chair Pose or Parivrtta Utkatasana! As you post your pictures, do not forget to tag me, @sarvayogastudios @thedivayoga and #14Days14Asanas Would love to see the most creative way you can shoot this! 1. Begin standing straight, bend your knees to come into a chair pose with your hands folded in a namaste 2. Inhale, lengthen your spine and bend towards your right side, resting your left elbow on the outside of your right knee. 3. Don’t hunch your back and keep your palms together to keep your back long. 4. Keep your knees together. Lower your hips an extra inch. 5. To come out of the pose, exhale untwist your back and repeat on the other side. This pose can be tricky so please be careful and only do as much as your body allows you to! Thank you for the lovely shot @bythegram. This one is my favourite! #internationalyogaday #sarvayoga #divayoga #mylifemyyoga #fitindiamovement #malaikasmoveoftheweek

A post shared by Malaika Arora (@malaikaaroraofficial) on Jun 19, 2020 at 9:40pm PDT

ଆପଣ ନିଜେ ଏହି ଯୋଗାସନ କରି ଦେଖି ପାରିବେ ଓ ଏହାକୁ ନିୟମିତ ଅଭ୍ୟାସ କରିପାରିବେ । ହେଲେ ତା’ ପୂର୍ବରୁ ଯଥେଷ୍ଟ ପ୍ରସ୍ତୁତି କଲେ ଓ ଜଣେ ବିଶେଷଜ୍ଞଙ୍କ ସହାୟତା ନେଲେ ଭଲ ।